|
ام زوجي تتحكم في تربية طفلي
http://forum.hwaml.com/imgcache2/hwa...572111_355.gif
بأكتب لكم مشكلتي..انا متزوجه وعندي ولد الله يحفظه عمره4سنوات المشكله يابنات الا وهي ام زوجــــي .. ام زوجي كانت متزوجه وجابت ولدين اللي هو زوجي واخوه وبعدها قال لها الدكتور ان عندها مشاكل في الرحم وماتقدر تجيب عيال. .المهم بعدها صارت تحب الاطفال وكانت تحب عيال اخوها بالمره تجيب لهم هدايا و العاب وحلويات..كذا الوضع okلما زوجت ولدها اللي هو زوجي صارت تغار مني <انا مو مشكلتي الغيره لااني عارفه ان اغلب امهات الازواج كذا مشكلتي ولدي اللي عمره4سنوات اللي هو حفيدها تحبه لدرجة انها تتحكم بتربيته مدلعته لدرجة انه صار مايتقبل المجتمع اللي حوله وتاخر في النطق ويبكي بكاء اذا مانفذتي اللي يبيه بنات تخيلوا امس جتنا ام زوجي ومعها كيس شوكلاته كل ماقالها ولدي اببغى فتحتله وعطته اكل يمكن حوالي 6حبات شوكلاته وكل شوي تعطيه عصير ماتبي ترد له طلب ابدا امس مااكل ولاشي الا عصير وشوكلاته وتخيلوا يوم انه صغير عمره 3شهور كانت تطلب من زوجي انها تشوفه ويجي زوجي ياخذه مني ويوديه لها ويجلس بالساعات عندها مع انه صغير محتاج لي اكثر الى وقتك هذا وهي كل شوي تتصل على البيت و وتقول جيبوه عندي ومشتاقة له واذا كان مريض تسأل عنه يعني بااختصار مهتمه فيه بزيااااااده...يمكن تقولون هالشي حلو وياليت عندي خاله كذا بس والله مو زين ولدي صار مدلع ماينرفض له طلب وصار يكرهني ويحب جدته لانها تلبي له طلباته ويروح عندها بالساعات واذا جا ء ابوه بياخذه من عندها جلس يبكي يقول ماابي ارجع للبيت انا في هاللحظه مااحس اني امه تعبت معاها ولدي صار يكرهني بسببها في الزواجات وعند الناس مايمشي الا معاها الناس يحسبون انها امه حتى في مره من المرات قالت:خلو ولدكم عندي انا بأربيه عندي<<انا هنا انقهرت وتكلمت مع زوجي وتكلمت معها هي بس مافي فايده انا الحين حامل وخايفه يصير نفس الشي بطفلي الثاني وش رايكم يااخواتي؟ماابي ولدي يكرهني وش اسوي معاه ومع ام زوجي؟هل اكلم زوجي؟مدري وش اسوي تعببببببت ابي الحل منكن اخواتي ؟ ؟ ؟ |
رد: ام زوجي تتحكم في تربية طفلي
والله تحبة ولاتكرهه شكل انتي غيرانه منها بسبب اهتمامها بولدك وبعدين رايي هي ربت زوجك اذا عاجبك زوجك لاتخافين على ولدك تربيتها وحده والله يخليها لكم
|
رد: ام زوجي تتحكم في تربية طفلي
بس ولو المفروض ما تسوي كذا تشوفه تحبه ع العين والراس اما تدلعه زياده عن الزوم
لا غلط حتى بالتربيه لازم الدلع مايزيد عن حده وبعدين شنو ياكل شوكولاته وعصير بس لازم تاكلينه اكل ينفعه وينفع اسنانه حاولي تكسبين ولدك ناحيتك مثلا روحي معاه الملاهي لعبيه حببيه بشي عشان دايم يجيك ونفس الشي يحب جدته بس مو لدرجه انه يكرهك كل طفل يحب الاالعاب كل شهر اشتري له لعبه حلوه يعني يوم بالشهر وديه الملاهي و ثاني شهر اشتري له العاب |
رد: ام زوجي تتحكم في تربية طفلي
اقتباس:
انا مااعترض على كلامك بس فيه حدود للتربيه بكره اذا كبر بيصير يعتمد على الغير في كل شي ويصير مدلع ولايسمع الكلام بعدين حطي نفسك في مكاني انا اللي بتعب قبل لاتحكمين اني غيرانه انا ابي مصلحته |
رد: ام زوجي تتحكم في تربية طفلي
اقتباس:
مشكوره حبيبتي على ردك انا مااقصر معه بس بحدود أما هي لا كل شي تعطيه ماتقول لا لو انه يضره اهم شي ماترده |
رد: ام زوجي تتحكم في تربية طفلي
الله يعينك بجد كذا العيال لام نقسى عليهم بعض الاوقات ونعاقبهم ولا ينفع معهم تلاقينهم عنيدين كيف كذا اكيد زوجك شايف معامله امة واسلوبها وقوليله وش رايك انت ؟
انا والله مرة ولدي يوم كان عمرة شهور كان بطنة يالمة قالت لولدها اللي هو زوجي عن عشبة بالعطار قام هو طار وجابة وخلاني اعطية اياه الولد بغى يموت جاه اسهال مو طبيعي ومن بعدها ماسمع كلامها ولانصايحها واضن حتى هو تعقد من هالسالفة واذا كان زوجك مو عاجبة الوضع هذا ماراح يخلي اللي بتجيبية زي اخوة متعلق بجدتة الدلال الزايد يخرب -اخوي الحين عمره 21 يعتبر رجال ياويل اللي يرفض لة طلب واناني بشكل كبير لانة امي دلعتة وهو صغير ويبي كل شي له لحاله تربيتة اثرت علية لما كبر الله يعينك |
رد: ام زوجي تتحكم في تربية طفلي
الله يعينك ياعمري
وهي من لهفته ع العيال تسوي كذا لاتلومينه بس لاجاء الثاني صدققيني ماراح تسوي سوات الاول لان الاول طفته تصير غير الله يهديه يارب وتلقينه تحسبك مستانسه انه تاخذ ولدك تريحك ماتدري يحول |
رد: ام زوجي تتحكم في تربية طفلي
لمعـــــــــــــــــــة ألمــــــــــــــــــــــــــاسه-ساره عبـــــــــدالعــــــــــــزيز
جزاكن الله خيرا على ردودكن |
رد: ام زوجي تتحكم في تربية طفلي
حبيبتي صدقيني هي من حبها لك و لزوجك و للطفلك تعامله كذا .. و على طول الأجداد يدلعون أحفادهم كثير
بس يا قلبي انا من رأيي لا تكلمي حماتك و تجرحيها ... حرام هي معتبرته مثل ابنها و هذا حقها نصيحتي لك يا عسل انك تلهين ابنك شي تاني وهو الصحاب يعني مثلا جديله صديق من أولاد الجيران و لا في الحضانة او الروضة ... و خليه يلعب عطول مع صحابه ... بكرة لحاله يزهق صحبة الكبار و يحب يفضل عند الأولاد اللي من عمره ... و كدا يمل من الروحة عند جدته و انتم تتحججون انه مو راضي يروح و بكذا لا تجرحينها و هي ما تتحسس منكم و تكوني ضمنتي ان طفلك ما يتربى مدلل و تربيه مثل ما تبين ^_^ ... و بجميع الأحوال بكرة تمل منه لحالها لو صار يخربلها بالبيت ^_* |
رد: ام زوجي تتحكم في تربية طفلي
انا لومكانك اكلمها بمنتهي الصراحه واقولها مبحبش حد يدخل في تربية ولادي بس انتي للأسف غلطانه جدااااااااااااااااااااا
ازاي ساكته 4 سنين اتكلمي ياماما دول ولادك لو مكنتيش تربيهم زي مانتي عايزه مين هيربيهم دي حماتك دي تخنققققققققق |
رد: ام زوجي تتحكم في تربية طفلي
على قووولة رنااااا كيف انتي ساكته ارببببع سنوااااااات
توك جاايه تتكلميييين والله الغلط عليييك اكثر من غلط عمتتك يعني انتي ترررربييين من جهه ووتجي هي تخرررب من جهه خليييييك قووووويه وشخصيييتك قوويييه شكلك انتي من النووع الي يسسسكت وبس يحرق في قلببببه خلاص قووولي انا ابغااا اربي ولدي بطرريقه ممكن ؟؟ وهي ماهمهاااا لان عاارفه ان التعببب كله عليييييك |
رد: ام زوجي تتحكم في تربية طفلي
ياقلبي عليك
بصراحه وضعك حساس ام زوجك وولدك ياغلاي حاولي انتي تفهميها انو االدلع الزايد مو كويس والاطفال لازم تقسين عليهم شوي وانتي فهمي عمتك انو الطفل الثاني بيكون معاك وهذا هي تهتم فيه حاولي تقولي لها انا اخاف ع الصغير من اخوهـ علشان ماتحس انك خايفه يصير فيه نفس اخوه تاخذه منك وزوجك لو قلتي له شي بيقولك هذي امي ومستحيل تربيه غلط حاولي تتصبري ياقلبي وربك يفرجها عليك |
رد: ام زوجي تتحكم في تربية طفلي
اسعدني جدا مروركم
وللاخوات الللي قالوا غلطانه ساكته 4سنين صدقوني ماسكتت عن هالموضوع والله يابنات كانت بتوصل للانفصال بسبب هالشي بس ام زوجي عنيييده تبغى تعيش زمنها وزمن غيرها والا تمشي اللي براسها تعبت والله |
رد: ام زوجي تتحكم في تربية طفلي
ياااااقلبي عليكي والله شئ يحير
ام زوجك وولدك ، الله يعينك يارب ويهديها لك ويحنن قلب ولدك ياارب |
رد: ام زوجي تتحكم في تربية طفلي
شكرا اختي( شعوله ميشو) اسعدني مرورك
|
رد: ام زوجي تتحكم في تربية طفلي
صراحه مادري وش اقول لان الولد تعلق بجدتها وكبر تعود ع الدلع
حاولي تلقين له اطفال بعمره يتلهى معهم او عيال خواتك اذا فيه |
رد: ام زوجي تتحكم في تربية طفلي
السلام عليكم
حبيبتي بلسياسه كل شي يصير تدريجيا بس لا تحطين الموضوع براسك و تقولين بسايسها هلفتره و أشوف شنو يصير يعني لو جابت شي لولدك أشكريها و قول لها ماتقصرين و قولي حق ولدك شفت جده أيش جابت لك روح بوسها على راسها أنا معترضه على شغلتين الدلع الزايد مو اوكي لازم يكون ماشي على قوانين و نظام معين هلمرحله مرحلة تأسيس للدراسه لازم تشوفيك حل انتي و زوجك قولي له مو معترضه على شي لكن الدلع الزايد بينقلب علينا انا و انت و كل شوي تفتح له حلاوه مو كويس هيك قوليلها بخصوص الحلاوه مشكوره و ماتقصرين خليه ياكل مره و مرتين لكن اذا حسيتي انها بتعطيه المره الثالثه قولي لها خالتي خليها لبعدين عشان اسنانه مو وراء بعض الصراحه اذا عندي خاله هيك بخلي الولد عندها و ارتاح ههههههههههههه لا تلومينها أنا أهلي ودهم عيال أخوي يقعدون عندهم على طول بلذات الصغار مرره يجيبون الفرحه للبيت بعدين أحسن خليها هي تلتهي بولدك و المولود الجديد خليه معاك أهتمي فيه و لا تفكرين بهذا الموضوع و أنتي شكلك غيرانه بس مو حاسه أو خايفه لما يكبر يحبها و يهتم فيها أكثر منك و يتعلق فيها ترى خووف طبيعي لان في حريم يغارون من هذي العلاقه بس من غير مايحسون أو يعرفون أنها غيره يعني زوجة أخوي تغار من بنتها على زوجها لان زوجها مهتم بلبنت بشكل فظيع و تغار من أمي لان بنتها متعلقه فيها بشكل مو طبيعي و بنتها الثانيه متعلقه بأختي و أغلب عيالها متعلقين في بيت أهلي لان شايفين الاهتمام و الحب كيف و لان هي بلدوام من الصباح الى الظهر ترجع تنام الى العصر يعني ولو قعدت معاهم ياطق يا تسليك الاطفال ماينفع معاهم الطق و التسليك يعني شغل المزاج ماينفع معاهم أنا شخصيا مربيه ولد زوجي أنا ماأمدح نفسي لكني أحسن من أمه بلاهتمام و النظافه و الترتيب أغار لو راح عندها و أقعد أبكي و أرجع أقول بلنهايه هي أمه و أقعد أفكر لو كبر بيحبني بيحترمني و و أقعد أصيح بس حاليا منعت نفسي أني أفكر بهذي الطريقه اللي علي بسويه و الباقي على الله كل شي بيكون مكتوب و مقدر خلي التربيه على ام زوجك و دوري لك شي تلتهين فيه أدرسي أو أشتغلي دام في حد عندك يهتم بلأطفال و الله يعينك و يسعدك و يسهل عليك |
رد: ام زوجي تتحكم في تربية طفلي
شكرا على ردكن يادلوعة عبودي -مشاعل الدوسري
اشكر كل من ردت من صميم قلبي |
رد: ام زوجي تتحكم في تربية طفلي
انا احس لو خالتي تسوي كذا مع عيالي عادي ,
لكن اذا في شي مب عاجبك مثلا وكل شوي تعطيه تشوكلت قولي خالتي لاعاد تعطينه خليه ياكل وشيلي الكيسه , ماراح تقولك شيء لانه شي عادي ,, اذا مثلا كل شوي تدق وتاخذ ولدك , قولي لرجلك قلها نايم ولا قولي نايم مابي اقومه ولا اذا جاء بكره , ولا تعبان , ولا اي شيء , مو كل شوي ترسلينه يعني , وصح مافيها شي لانها تحبه وتلقينها تخاف عليه اكثر منك لكن انا اقول اذا مب عاجبك تكلمي , والدلع بهالعمر عادي والدع مايصير بشوكلاته ومدري وشو يعني عادي ولدها وتسوي اللي تبي مافيها شيء احس ماسوت شي بس يمكن انتي تتضايقين بسرعه وتتحسسين , |
رد: ام زوجي تتحكم في تربية طفلي
المفروض انه لما يجي البيبي الجديد راح تخف عنه شويه ويصير اهتمامها موزع على الاتنين مو زي لما يكون واحد وبعدين المفروض ما تخلي الاخطاء اللي صارت في الاول تتكرر مع التاني خلي شخصيتك اقوى من كده بس بالادب وبدون ما تغلطي فيها ,,
يعني الله يعينك لازم توجهي وتراعي الاتنين ولدك وجدته هههههه, وصدقيني الموضوع مو مره صعب بس يبغى له شوية ذكاء وتعرفي كيف ترضي جميع الاطراف ,, يعني مثلا في موضوع الحلاوه والعصير ,,قوليلها لاتكتري له لانه صار يشتكي من اسنانه والعصير بلاش منه لانه لما ينام ما يصحى يروح الحمام ويبلل نفسه وشاركيها في المشاكل اللي بتواجهيها معاه علشان تحس بغلطها شويه... |
رد: ام زوجي تتحكم في تربية طفلي
حبيبتي حاولي تكلمي ام زوجك وقوليلها انو الولد صاير ما يسمع الكلام ومرة مدلع وانو ما ينفع كدا وحاولي تتناقشي معاها وبعدين لا تشيلي هم السنه الجايه دخليه روضه وحاولي تشغلي وقته ولو دخل روضه وقته راح ينشغل وما يفضى يروحلها ووقته يتنظم وحا يصير له اصحاب والله يعينك
|
رد: ام زوجي تتحكم في تربية طفلي
المولود الجديد اكيد بيكون اهتمامها فيه اقل
الله يعينك من جد شي يقهر انا هذي معاناتي مع ابوي يدلع بشكل مبالغ فيه وطبعا الطفل مايعرف وين مصلحته اللي ينفذ رغباته اكيد. هو يحبه من تفكيره البريئ انا فاقده ولدي كله باسباب الدلع الزايد بس مافي اليد حيله انتي على الاقل في بيتك تقدرين تسيطرين شوي على ولدك انا ولدي باعني وشرى جده ولا كاني امه اطلع من البيت ولا حتى يلتفت احسه يبيني اطلع بسرعه اه الله يتمم حملنا ويعوضنا خير |
رد: ام زوجي تتحكم في تربية طفلي
تقول لكم البنت ولدها صاير مايبي امه يبي جدته وتقولون لها عادي ولاتخافين علي ولا تقول خلوه انا اربيه هي تحمل وتتعب وام زوجها تاخذهم بساهل اقول الطيبه الزايده ماهي بزينه من جد انا ماالووومك اذا شفتي زوجك مروق كلمه بالمووضوع مايصير كذا وديه لها تشوفه بس بحدود الله يوفقك
|
رد: ام زوجي تتحكم في تربية طفلي
الله يعييييييييييينك
والله مشكله انا عمربنتي سنه هالحين وأخاف من هالشي مابي أحد يتدخل بتربية عيالي الله يعينك بس لازم تكلمي زوجك بهدووووووووء وابحثي في النت عن عواقب الدلال ووريها زوجك لأن الدلع يولد صفات سيئة جدددددا وتخوف فخلي زوجك يشوفها عشان يقتنع ويتفاهم هو مع امه وانتي تطلعي منها |
| الساعة الآن 07:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .