|
ماالذي يتمنى الطفل ؟........... بعد طلاق والديه؟
السلام عليكم ورحمة الله وبركاته
http://forum.hwaml.com/imgcache2/hwa...493139_628.jpg ثلاث امنيات للطفل ........ بعد طلاق والديه يرتبط الاطفال نفسيا بكلا الوالدين ؛ فعندما ينفصلا ويشعر الاطفال انهم فقدوا نصف ذواتهم ؛ تنتابهم مشاعر الفقدان ؛والرفض ؛ والهجر التي تدمر قدراتهم على التركيز في الدراسة ؛ وعندما يشعر الاطفال انهم فقدوا نصف ذواتهم ؛ تزداد عندهم المشاعر غير الصحيةكالارتباك والتشتت والقلق وهذا يولد بداخلهم الاكتئاب http://www.yesmeenah.com/gallery/dat...20%2812%29.gif لا يمكن القضاء على الاثار الناجمة عن الطلاق ؛ ولكن يمكن التقليل منها ؛ بافضل الطرق التي ليس من السهل على الوالدين ان يسلكاها ولكن ستكون نتائجها وجود بيئة اكثر استقرارا للاطفال ؛ وينتهي الامر بهم الى تحسن العلاقات الاسرية مما ينعكس على الاداء الدراسي http://www.yesmeenah.com/gallery/dat...20%2812%29.gif ( الامنية الاولى ) : ان ينال الطفل الحرية في رؤية كلا الوالدين فلا بد ان يكون قادرا على الاتصال او رؤية اي من الوالدين دون الخوف من مضايقة الطرف الاخر؛ والطفل في حاجة الى ان يظهر حبه لاحد ابويه امام الاخر دون خوف . http://www.yesmeenah.com/gallery/dat...20%2812%29.gif ( الامنية الثانية ) : ان يشعر الطفل بالثبات والامان والاستقرار ؛ لذا يحتاج الوالدان الى وضع قواعد واسس متشابهة من كلا المنزلين ؛ والموافقة على النظام الذي يستقران عليه اوقات النوم واداء الواجبات ... هنا يخلق روح التعاون لدى الاطفال ؛ والاطفال بحاجة الى والدين لطيفين كما يريدا هما ايضا اطفالا ظرفاء . http://www.yesmeenah.com/gallery/dat...20%2812%29.gif ( الامنية الثالثة ) : ان يعرف الطفل ان كلا الوالدين لا يزالان يلعبان دورا في حياتهم فالوالدان لايطلقان ابنائهم ؛ والطفل في حاجة الى الابوة الثنائية يحتاج الطفل من كلا الوالدين ان يشاركه بشكل فعال في جميع اوجه حياته وخاصة في المدرسة ؛ فلا بد يحضركلا الوالدين جلسات مجلس الاباء او مجلس الامهات وحضور الحفلات المدرسية ؛ فهذا يوضح للطفل ان المدرسة من احد الاولويات مما يجعل الطفل يشعر بان التفوق في الدراسة هو الاهم . قد يعتقد الكثير من الاباء الذين وصل بهم الامر الى الانفصال ان هذه الاقتراحات ليست واقعيه ؛ قد يكونوا محقين ؛ ولكننا نبحث عما هو افضل للابناء ؛ وماهو افضل للابناء هو الحزم والانسجام بين الوالدين . http://www.yesmeenah.com/smiles/smil...%20%283%29.gif http://www.yesmeenah.com/gallery/dat...20%2812%29.gif |
رد: ماالذي يتمنى الطفل ؟........... بعد طلاق والديه؟
يعطيكي العافية حبيبتي
يسلمو يدياتك علي الموضوع |
رد: ماالذي يتمنى الطفل ؟........... بعد طلاق والديه؟
العجيب الغريب ان 99% من الطلاق اسبابها تافهه يمكن حلها بسهوله لكن للاسف تجد الشيطان يوسوس في عقولهم حتى يحد ث الطلاق
الاب : يقهر الزوجه بحكم ان في يده العصمه وانه قادر ان يقهر زوجته ويحركها مثل الخاتم الام : لا تملك الا طلقني اقوى سلاح تحمل ، وتطلقه على الرجل في اتفه الاسباب ولا حول ولا قوة الا بالله العظيم |
رد: ماالذي يتمنى الطفل ؟........... بعد طلاق والديه؟
صدقتي كلام رووعه يعطيك العافيه
|
رد: ماالذي يتمنى الطفل ؟........... بعد طلاق والديه؟
يارررب تستر علي بنتى والله مادري اش نفسيتها الله يستر عليها يارررب ويسامح ابوها الي حارمنى منها
|
رد: ماالذي يتمنى الطفل ؟........... بعد طلاق والديه؟
يعطيك الصحه والعافيه
موضوع راىْع |
رد: ماالذي يتمنى الطفل ؟........... بعد طلاق والديه؟
يارب تستر على عيالي
والحمد لله على كل حال جزاك الله خير يالغلا |
رد: ماالذي يتمنى الطفل ؟........... بعد طلاق والديه؟
موضوع مهم جدا للطفل
ياليت الأمهات و زوجات الاب يعررفون قد ايش مهم هذا الموضوع ان يشعر الطفل بالثبات والامان والاستقرار ؛ لذا يحتاج الوالدان الى وضع قواعد واسس متشابهة من كلا المنزلين ؛ والموافقة على النظام الذي يستقران عليه اوقات النوم واداء الواجبات ... هنا يخلق روح التعاون لدى الاطفال ؛ والاطفال بحاجة الى والدين لطيفين كما يريدا هما ايضا اطفالا ظرفاء . انا عندي ولد زوجي عايش معاي مستقر معاي و يروح لامه زياره لو اطلبته بكل اسبوع يومين اقولها الولد متعود على نظام معين بوقت النوم الاكل طريق استحمامه يفرش اسنانه يغسل يده قبل الاكل مايشرب مشروبات غازيه يروح للحمام بطل يلبس حفايظ اذا الارضيه سراميك يلبس شرابه او الشوز تبع البيت.. تقولي انتو معقدين و بتعقدون الولد .. وربي يرجع من عند امه تعبان و يقولي ماما انا مافرشت اسناني \ و ملبست المريله وملابسي صارت وسخه و هيك شغلات الحين اذا ماالتزمت بلامورهذي ماراح نخليه يروح لها \الين يكبر شوي و يصير يتكلم عشان نعرف و نفهم منه كيف حياتهم |
رد: ماالذي يتمنى الطفل ؟........... بعد طلاق والديه؟
لالالا يامشاعل لا انتبهي تحرمينه من امه انتبهي
ترا دعوة منها تصيبك تخليك يانتحرمين من عيالك يامن صحتك يايجيك شي لادعتكي قدرتك ع ضلم البشر تذكري قدره الله عليك ماعليش هي امه وهو كان زوجها فتحسك دخيله انا اختي تزوجت واحد عنده ولد ويروح لامه نظيف يرجع بملابسه وسخه فالكيسه كانت اختي تغسلها وتسكر ع الموضوع لان امه مقهوره تبي طليقها بس ربي مااراد وتزوج الحين ماشالله رجال وامه تزوجت وتدعيلها وتبعثلها سلام مع ولدها كل مازارها او اتصل ع امه ويسميهم كلهم امهاته فخليك من العلوم اللي ماترفع الوحده وسوالف الضراير وحده اخذت بنت ولدها وهي صغيره من امها لان الابو طلق حرمته واخذتها جدتها غصب دعت عليها والله ان وهي ماره من الشارع الا جاتها سياره شالتها الا هي قطع والبنت ماجاها شي هذي سمعتها واللي اعرفها عز المعرفه نفس القصه خذت بنت ولدها ودعت امها وجاهم حادث الابو وامه الام ماتت والابو بطنه راح فيها وعاش بليات ببطنه ورجعت البنت لمها الله عزيز لانتقم بعدين دامها ماتزوجت خلو ولدها عندها شتبون فيه حرام والحضانه للام ترا الا في حال لو متزوجه فيجلس عندك تحمليها انتي حطي نفسك محلها لو لاقدر ربي تطلقتي من زوجك والك ولد وتزوج صدقيني يمكن تسوين سواتها من حرتك وقهرك اهي تعاني والله يعينها انتي قدري ومايضيع عند الله شي ومصيره بيكبر وبترتاحين انتي وياها لان بيتولى اموره |
رد: ماالذي يتمنى الطفل ؟........... بعد طلاق والديه؟
اما ردي للموضوع والله ماتوقع الابوان يطبقونه لان القانون ف صفه
خص لاكان له بنت من طليقته والله ليخليها شغاله لحرمته ولا لاامه ولا زوجها من معارفه وحتا بيقول لاتوديها امها ترا تخربها عليك انا اتكلم من واقع ومن تجارب شفتها اقسم بالله يدمع لها القلب قبل العين عاااااااااااااااااااااااااادي اهو يطلق وضامن حقوقه وهي المسكينه تلم العفش وتبكي وبعضهم يترجاه يتركها ف بيتها وهو تاخذه العزه بالاثم ياربي عفوك رجاجيل قلوبهم حجر |
رد: ماالذي يتمنى الطفل ؟........... بعد طلاق والديه؟
دمعه انكسار
حبيبتي هي تزوجت ماتسال بلولد و مهمله و و و اشياء كثيره .. ماشافته اكثر من شهر و عادي ماتفرق عنده ماتدق تسال و لا شي .. والله اللي مثلها بلنسبه لي ماتعتبر ام |
رد: ماالذي يتمنى الطفل ؟........... بعد طلاق والديه؟
ايوة طيب شعوله بصراحه علاقتك فيها كيف وعلاقتها بزوجك كيف
يعني لو تتصل بتكلمينها عادي وسؤال يامشاعل لو تزوركم تستقبليها هذي اساله ودي تجاوبينها واخر شي لو طالبت تاخذ ولدها تعطونه لها يختي احمدي ربك انا عندي بنت من طليقي قسم بالله له ست اشهر مايدري عنها والمصروف شهر ايه وشهر لا وانا لاموضفه ولاشي بس اصرف عليها من الصدقات والجمعيه يعني شي اهون من شي |
رد: ماالذي يتمنى الطفل ؟........... بعد طلاق والديه؟
ايوة طيب شعوله بصراحه علاقتك فيها كيف وعلاقتها بزوجك كيف عادي و اقل من عادي عشان مصلحة الولد بس بعد فتره قلت لزوجي يفضل انها تراسلني انا و تحكي معاي باي شي يخص الولد فا وافقت الاخت يعني لو تتصل بتكلمينها عادي كلمتها عادي وسؤال يامشاعل لو تزوركم تستقبليها مافيها شي استقبلها بس ماتتجرء تجي هذي اساله ودي تجاوبينها واخر شي لو طالبت تاخذ ولدها تعطونه لها لا مستحيل لانها مو كفؤ تربيه و اهتمام و تعليم بيئتها مو مناسبه للطفل بيئتهم ماتنفع رقص و اغاني طول الوقت و انا مااحب اللي يحطون اغاني للاطفال الصغار و يعلمونهم الرقص و العباطه بلوقت هذا المفروض نحدد قيم و اسس بلتربيه و النظافه و التعليم و شي طبيعي بنحط لهم شي بعمرهم اناشيد افلام كرتون مو اغاني و طقطقه الله يهدي الكل هي كانت خايف من موضوع زوجة الاب شايفه الموضوع من ناحيه سلبيه ..يعني اني بعذب الولد الصراحه ماتنلام من القصص اللي نسمعاها الله يحفظ عيالنا من كل شر يارب.. المهم ارسلت لها في بدايت الامر رساله و طمنتها و حسستها اني بوقف معاها مو ضدها بخصوص الولد من ناحية الزياره فا مره قلت لها حنا بنات بعمر بعض و اعتبريني صديقه اخت اللي يجي فا بنصحك نصيحه كل مااهتميتي بلولد كل مارجعت ثقة طليقك فيك.. و بيسمح لك تشوفينه بزوود و و و و تقبلت كلام و معاي على الخط اوكي فجأه تغيرت و الاغلب انها حنت لطليقا اللي هو زوجي يعني تشتري الاشياء اللي زوجي يحبها و تحطها بملابس الولد حركاااااااااااااات تنرفز و ياااااااما خبيت على فعايلها عشان ماابي زوجي يعصب و يتنرفز بسببها من ناحية الملابس و النظافه و ربي مره اشترينا ملابس جديده و ودينها لها بكيسة الملابس الجديده من السوق الى بيت امه قعد اسبوع واحد و رجع بعض الملابس فيها بقع كرولكس و بعضها بقع اكل و شي مقطع و و و الخ ما ابالغ و مره رجع من عندها فيه تسلخات من الحفاظه بكل صرررررررراحه لما سألتها تستخدمي الكريم حق الحفايظ قلت لا بس اغسله و البسه الحفاظه رجع الولد مجرررح من تحت عوور قلبي ذاك اليوم و الملابس مبقعه و مرجعه الشنطه وسخه مو مره سووته هلحركه داااااااااااااااااااااااايم يمكن مرتين بس جابت الشنطه شبه مرتبه حبيبيتي حنا لما كنا نأخذه من امه مانروح فجأه نعطيها خبر قبلها بيومين يعني كان يمديها تغسل ملابسه و ينشفون و و و و الخ دايم الملابس وسخه براز الله يعزك و يكرمك ناشف على الملابس الداخليه تطريش ناشف بقع كرولكس و بقع اكل و و و و و و مصختها فا مليت لان مومعقوله حركاتها احسها تسوي احسااااااااااااااااد تبي تنررفز زوجي و تسوي مشاكل مو مفكره بمصلحة ولدها .. فا كلمتها و نصحتها برساله لان البيئه اللي هي عايشه فيها لو دراى عنها الشيخ ماراح تكسب الحضانه و بتخسر ولدها اكثر و اكثر لان ابوها و العياذ بالله ربي مبتليه بلشرب و الحشيش و امها تشيش و و و بلاوي كثيره فا تعالي بلطيب احسن لك لمصلحة ولدك وو بس ارسلت لي انتو معقدين و انتي تتفلسفين علي و مسويه فيها ابو العريف و الخ قلت لها ماتنفع معاك النصيحه لك مو لي وله انا ماراح يضرني شي بعد فتره تتميلح لانها بتتزوج خايفه انها تنحرم قلت لها اذن تعرفين طليقك مايحب يظلم حد و حقك في الزياره محفووظ ووو الخ و هي متزوجه ترسل مسجات لزوجي فا انا قلت لها اذا تبين شي يخص ولدك خلي اخوانك او ابوك يتوصلون مع طليقك لان مايجوز لا لك و لا يحل عليك عشان تتناقشين و دايم حكي الرجال افضل الحين هي متزوجه و زوجها طيووب مع الولد ولد زوجي يحب اللي يعامله بشكل كويس و داايم يذكره فا دايم يقول احب عمي بروح لعمي ههههههههه يقصد زوج امه .. يختي احمدي ربك انا عندي بنت من طليقي قسم بالله له ست اشهر مايدري عنها والمصروف شهر ايه وشهر لا وانا لاموضفه ولاشي بس اصرف عليها من الصدقات والجمعيه يعني شي اهون من شي ياقلبي مافي شي اسمه اهون من شي الحق ينطلب الى اخر لحظه لان مهما صار هذا حق .. انا اقول تعطينه البنت افضل لك لان مهما صار البنت مردها الى ابوها و انتي مردك تتزوجين فا عشان كذا من الحين وديها لابوها .. |
رد: ماالذي يتمنى الطفل ؟........... بعد طلاق والديه؟
اختي كل تصرفاتها يمكن التمس لها العذر تدرين ليش لان انتي ضرتها
اهي ع طول بتفكر في طليقها وتفكر فيك يعني بسواليفكم وبنومكم وبطلعاتكم وبوناستكم عااد لو تحبه صدقيني بتوسوس فمافي طريقه تنتقم فيها الا انها ترجع الولد وسخ وانتي اللي تنضفيه ادري غلط هالشي بس غيره حريم ترا الطلاق مو هوين اببببببببببببببببببببببببببببببببببببببببببببببببد وموسهل طليق الوحده يتزوج والله ان مع اني تركته وسوا العجايب الا اني احس في مشاعر تجاهه وقسم تعالي شوفي لما سمعت ماسلم الشقه جنيت هههههههههههههه ادري مصيره يتزوج بس من بتدخل ع عفش مستعمل وجماعته شافو بيتي ويعرفون اثاثي يعني حسيت بقهر مدري ليه سمعت ان لقى عروسه والله جسيت ودي اموت من الحره وبتسكن بيتي ومع اللي كان زوجي صدقيني صعبه صعبه انا زمان اقول خلاص لو الرجال ظلق الحرمه تتركه وش تبي فيه واحسبها تكرهه طلع العكس لكن احنا نحكم العقل والمشاعر تبقا مشاعر غصب عنا لكن تبقى حبيسه القلب هو مايدري عني ولا عمري كلمته ولا بكلمه اعوذ بالله لاهو ولا اهله ويختي بنتي ماعطهياه لو تطلع عينه خليه يروح ويخلف من حبيبته انااعرف بيعطيها امه القشرا مو زوجته لان حبيبته مو فاضيه تربي بزران وامه تبيها شغاله لها |
رد: ماالذي يتمنى الطفل ؟........... بعد طلاق والديه؟
ومشاعل اهي مالها دخل ابوها يحشش ولا امها تدخن هي شذنبها فيهم
لاتزر وازه وزا اخرى لاتمنمنعونها شوفه ولدها ترى كل شي دين وسيرد الدين من رب العباد ادري ماتمنعونها بس نصيحه لان لاكبر صار خمس طعش وطلع بطاقه مابيكون لكم حكم عليه وراح يهجركم ويروح لامه ويهجر ابوة للابد وبيحس زوجك بغلطه ويندم لاخر عمره اعرف حالات وصل هجر الابن الى الممات ادري والله مابتمنعونه بس كتبته للفايده لكل من دخل |
رد: ماالذي يتمنى الطفل ؟........... بعد طلاق والديه؟
دمعة انكسار بنقلب الموضوع لدردشه لي و لك الظاهر هههههههههه
أكيد بتكون لك مشاعر للطرف الثاني اللي هو الطليق لكن على قد ماتقدرين تجنبي التفكير في الموضوع ياقلبي بخصوص امها و ابوها هي بدأت تقلب زيهم لان هي متناقضه بدات تقلب زيهم من ناحيه ثانيه يعني لما كانت متزوجه كانت تلبس عبايه عاديه و على الراس .. الحين بدات الخلاعه على خفيف مره كنا طالعين و معانا الولد .. و شفنها ... حاطه ميك اب و عبايه ملوونه بشكل ملحوظ و عبايه كتف بعد انا البس عبايه كتف زي ماكنت في بيت اهلي مستمره عليه في بيت زوجي ولو بغير شي يعني بلبس عبايه راس وله ماراح اسمع اغاني .. ماراح اغيره بعد الطلاق لا سمح الله لان اللي يتغير عشان نفسه لربه مو للناس .. التناقض انك كنتي بحاله و بعد الطلاق خلعتي زحفتي يعني بلعااميه ...... انا مالي شغل فيها و مستحيل انا ولا زوجي نحرمها من ولدها ولا نحررش الولد عليهم بلعكس لو زوجي عصب عليها اقوله ماتدري وشهي ظروفها الله العالم و يمكن مضغوطه تعبانه مشغوله و هيك شغلات .. بخصوص اهلها لازم لها دخل فيهم .. لازم تخاف على ولدها .. من ابوها و امها .. من المناظر هذي .. صحيح مرده يشوف و يسمع و يعرف لكن ماتجي من الاهل .. مثال:((( انا بلبيت ماتلفظ الفاظ بذئيه لكن اللي دايم على لساني يـــــــــــــــاربي منك.. يا السخيف .. انت مو حلو و قليل الادب هههههههه يعني مااتعدى تقريبا هذي الكلمات لا سواء شي غلط )) فا لما الولد يشوف اي حد يسوي شي غلط يقول له سخيق ادب حلو طبعا مايقدر يقول الجمل كامله لكن يعبر.. و اذا قال كلمه وسخه او سبه تعلمها من حد ثاني بس اعطيه نظره فا يقولي اسف .. خلاص خلاص و بخاطري الضحكه لان شكله حفله وهو يقولها.. اقولك كل هذا لان هي تتصرف بقلبها ماهو بعقلها .. مردها تندم على تصرفاتها جرربتها 3 مررات قالي زوجي اسلوبها لكن قلت بيني و بين نفسي .. يمكن يقولي كذا عشان حاقد عليها .. فا حرام اظلم البنت و افكر انها الغلطانه الله يستر عليها الين هي بينت لي اسلوبها .. من نفسها و اللي تعاقب طليقها بولدها صدقيني غبيه و ماعندها اي ذرة احساس لان بلنهايه ولدها هي بعد.. تدرين وشهو اللي كنت افكر فيه داايم و ابكي .. اني احسن للولد و ينكرني لاكبر و يتهمني انا بأنفصال امه و ابوه .. بس بعد كذا قلت لنفسي خلاص ماراح افكر اللي ربي كاتبه لي بيصير .. الله يكت اللي فيه الخير يارب للجميع سواء لي وله لها اللي ربي كاتبه بيصير ئ=سواء احسنت في تربيتي للولد وله مااحسنت .. |
رد: ماالذي يتمنى الطفل ؟........... بعد طلاق والديه؟
هههههههههههه سالفت شات حلوة
ياختي الله علام الغيوب ربي يسر لي ولك وللمسلمين كل الخير ودربك خضر |
رد: ماالذي يتمنى الطفل ؟........... بعد طلاق والديه؟
الله يستر على وليدي ....
وعلى عيالكم .. وان شاء الله نحاول نخفف أثر الطلاق عليهم ... الله يهدي ابوه ويحنن قلبه عليه ويسخره له .... |
| الساعة الآن 05:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .