منتديات حوامل النسائية - بعد ماربي سهل علينا رجعنا،،انا وقرة عيوني محمد

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

بعد ماربي سهل علينا رجعنا،،انا وقرة عيوني محمد

السلام عليكم ورحمة الله وبركاته

اخباااركم حبيباتي،،

جيييت اكتب لكم قصة ولادتي لاني ياما تسليت بقراية قصصكم
ولازم نشارك بعض،،

بسم الله نبدا،،

طبعا انا بكريه واخر موعد لي 19/8
يوم الاثنين 15/8 فحصني الدكتور قال الرحم مسسكر وانا شااكه انه سوالي توسعه لانه نزل علي تكرمون دم وقتها ووقف بعد كم ساعه

المهم وقف الدم وانا كنت عند اهلي ورايحه الموعد مع اختي رجعت شقتي بالليل وجا ابو الشباب احم احم خذاله شووط وكنت خااايفه قلت اكيد الحين بينزل دم يوم خلص والا مااافي ولاشي !! قمت تروشت ونمت الساعه 4 الا عشر

صحيت الساعه 12 الا ربع الظهر بعوار يخرررع بطني نفس السكاكين شفت الساعه وقلت اكيد برد واتقلب والا يرجع العوار نفسه بس بظهري واووون ثوااني ويرووح ويرجع فبطني وظهري مع بعض استحملت لي 1 ونص والا اخمط الفراش من زوجي واقوله قووووووم فيني عوار صدق فتح عينه قال ها ولاده يالله اوديج الطبيب خخخخ مستعجل
قلتله اصبر احسبلي ويحسب والا كل خمس دقايق بالضبط سبحان الله
واتخررررع طلعت جبانه اقوله لالا اكيد بررد بقوم اسبح وصدقني بيروح العوار
قمت خذيت دش ومقدر اوقف يجيني العوار اجلس ع البانيو المهم طلعت ابي اتلوشن مقدر زاااد صار نااار بطني وظهري
قلت اقوووول يالله الطبيب،، بالسياره يزيييد وصار كل ثلاث دقايق واتحمل
وصلنا ورحنا الطواري وقالت فحص انسدحت وافحصت وقالت ثلاثه سانتي ولاااده يممممممما كانت الساعه 3 وربع بالضبط انا انعفست واسحب الستاره واقول لزوجي سمعت تقول ولاده خلنا نرجع شقتنا خخخخخ
وخذوني ودوني غرفه فيها سرير وحمام تكرمون عطتني الملابس وقالت بدلي وانا مسبهه مدري شصار فيني لبست والا فضييييحه مفتوح من ورا ههههههه
قلت لزوجي غمض وانسدحت وحطولي التخطيط اسالتني ابي ابرة ظهر قلت لاا مابي بتحمل وبعدين اذا ماقدت اخذها،،
ويجيييني الم ويرووح واتلوى بالسرير ويزيييد وتعطيني الكمام اشفطه وادوخ شوي بس لاجات الطلقه اصييح جات 5 فحصتني قالت 4 ونص والا تقول ياله ببط الماي خليه ينزل وانا اقول لا تو الناس بعدين ينشف البيبي والا تبطه وينزل الماي ذااااافي وواجد وانا اصرررخ يعور الفحص لان الالم تحت قلت ابي ابرة ظهر والا تقول خلاص مايصير الحين واصيييييح وش دخلك عطيني وبس وزوجي يقول لالا تسوي شلل وانا اقوله حراااام عليييك راح امووووت واشفط الكمام واتخدرررررر وتجي الطلقه واصرررررخ ابي مسكن جات الساعه 6 قالت مفتوح 5 ونص وانا اشوف الساعه بوجهي معلقه واقول يااااااربي واصررخ وتعطيني ابره بالعضل مسكن واتخدررر وتجي الطلقه واصرررررخ وجات الساعه 8 مفتوح 8 سانتي واستانس واقول الحمدالله واصرررخ من الالم وكل ماجاتني الطلقه اسحب زوجي من رقبته واصررررررخ والله قطعت زر دشداشته واطقه طراق واقوله كله منك انا اتعذب بمووت واسحبه حيييييل من رقبته واتلوى والله انصدمت من نفسي انا هااديه حيل وموطبعي هيك والسستر لما تجي تفحصني طبعا ارفسها حيل ع خاصرتها امبيييه ومتحملتني وتسويلي مساج ع ظهري وانا نايمه ع جنب بس حيل تعبت من الطلق حااااار
هني حطولي مسكن بالدرب شافوني اتعذب والا انام ساعتين قعدت 10 فحصتني جان تقول 10 سانتي يالله ولاده
والا يجي دكتوري وعقمو الغرفه كلها خضرا ونزل كشاف من فوق هع وارفعو ارجولي واربطوهم خخخخ وتجي الطلقه واصرخ ويقولي الدكتور شددي والسترات وحده يميني ووحده يساري ماسكين ايدي ووحده مثبته الكمام بحلقي ووحده تضغط خفيف ع بطني من فوق كنها تسوي مساج
وتجي الطلقه ويقولي شدي شدي شدي واشد واون حيييييل
واصرخ دكتور بمووووت اسحبه طلعه سو اي شي ماعرفت اطلعه تعبت ويقولي طيب ساعديني خليني بس اشوف الراس واحاول اشد ويقولي يالله شدي شدي شدي اشوف شعره بين وانا اقوله كذاااب تقص علي خخخخخخخ يقولي والله ماعم اكذب عليكي،، واشد المره الرابعه ويشفطونه لاني خنقته فديته واحس بشي بقققق زلق مني مع مااااي وارتااح واصيح وييييينه ليش مابكى ماسمعت صوته خذوه ع طول ورا الستاره دكتور الاطفال شفط منه ومدري شسواله والا يبكي هنا طحت ماااااااحسيت بولا شي لا المشيمه ولا الخياط من التعب

واتصل ع اهلي جاو كلهم بسررعه انا نمت نص ساعه وقعدت واقوله وين اهلي والا يدخلون وامي تبكي ومعصبه ليش ماعلمتوني وخواتي خايفين وينقلوني غرفتي وارتااح وطلعت ثاني يوم قلت مابي المستشفى

وسوووري طولت عليكم بس هذي احداثي الحمدالله ربي سهلها والله انها رغم الالم الي حسيته الا انها سهالات وعدت نفس الحلم*