|
انا حامل ولكن ..!
السلام عليكم ورحمة الله وبركاته شخباركم عساكم طيبين بنات انا مشكلتي مشكلة صار متزوجة 6 شهور وحملت بعد اول دورة من بعد الزواج واجهضت والجنين عمره شهرين والسبب قالوا لي كروموسومات وماعرف كيف المهم السبب مش واضح وسويت عملية تنظيف لاني نزفت وصادني هبوط والله بس اكتب هالكلام واتذكر اللي صار انقهر واتضايق واقول الله يعوضني باخير منه ان شاء الله ومن بعد العمليه نزلت علي الدورة تاريخ 30/6م ومن بعد هالدورة مانزلت علي ليومكم ولما فحصت بالبيت بتاريخ دورتي اللي هو 30/7م اكتشفت اني حامل بس لحد الحين مارحت افحص ولا سويت شي واللي مخرعني زياده اني ماحس بالوحام من عرفت اني حامل عاادي نفسي ع الاكل مفتوحه واصوم بس اللهم اني اتعب بسرعه وظهري يعورني وساعات احس بالام في بطني وبيني وبينكم وااااايد اوسوس اخاف افقد هالجنين بعد سؤالي الحين بعد ماطرحت قصتي هل اللي امر فيه عادي اني ماحس بالوحم ولا بلوعه ولا شي ولالالالا شي وللعلم اخذ الفوليك اسيد من وانا بنت ومداومة عليه ليومي هذا لان ادري انه مفيد ويوم اقارن بين وحامي في الحمل السابق ماكنت اطيق الاكل ولا اطيق احد بس الحين لا عاادي بس اللهم نومي معتفس وانا عارفه هالشي لان وااايد احاتي واوسوس وعصبيه ومزاجي دوم متعكر ومب طايقة الكلام مع زوجي :( وهو مب قادر يتحمل هالشي فيني يمكن لان لحد الحين ماحس اني حامل لان بالنسبه له انسانه طبيعيه ومافي شي تغير علي دلوني بنات شسوي انا بنت صغيره وبعيده عن اهلي ومالي غيركم بليز ربي يرزقك كل من تمنى في جوفها طفل ويسهل على كل حامل ويحفظ لكم عيالكم يارب اختكم فاطمه من دبي |
رد: انا حامل ولكن ..!
مرحبا فطوم اول شيء يارب ياكريم بهاليوم الفضيل والكريم وانا صايمة ان ربي يستجيب لي يارب انك حامل وان شاء الله حملك مايتعبك
اول شيء نجي للوحام الوحام ياقلبي يختلف من بنت لبنت انا توحمت ع زوجي تخيلي مو طايقته ولا طايقه بعض الروائح تخيلي حتى مخدتي الي انام عليها مو طايقه ريحتها المهم وان شاء الله اني افدتك لاتخافين انتي اكشفي سؤي تحاليل وان شاء الله خير تحيتي لك .. |
رد: انا حامل ولكن ..!
تسلمين لي يادلع وربي يرزقج على قد نيتج وان شاء الله قريب بروح افحص وان شاء الله افرح وافرحكم بخبر حلو يارب
|
رد: انا حامل ولكن ..!
من جد مثل ماقالت الاخت الوحام يختلف من وحده لوحده ومن حمل لحمل سبحان الله الله يرزقك بالذريه الصالحه ويثبت حملك يارب
|
رد: انا حامل ولكن ..!
مشكورة حياتي والله يسمع منكم يارب
ولج الجنه يارب |
رد: انا حامل ولكن ..!
حبيبتي الوحام يختلف من حمل وحمل اخر
بعدين انتي ذكرتي اعراض هيه اعراض حمل وماتزعلي وتزعلي زوجك حراام لانو بيكون خايف اكتر منك وبعدين وين رب العالمين القادر على كل شيء اتوكلي على الله وروحي افحصي وان شاء الله حملك سليم وثابت يارب |
رد: انا حامل ولكن ..!
مشكورين كلكم على دعمكم لي وان شاء الله انا بكرة راح اروح افحص بس سؤال هل راح اسمع النبض بحكم اني في الاسبوع السادس وللعلم راح ادخل في السابع تاريخ 18/8م
وشكرا" |
رد: انا حامل ولكن ..!
الله يثبته لك يارب ادعي دايم
ولا تخلي الشيطان لعقلك طريق ويوسوس لك |
رد: انا حامل ولكن ..!
ياقلبي ربي يرزقك بالذرية الصالحة
وحللي ياقلبي وريحي بالك وفرحي زوجك واهتمي بنفسك وبالنسبة للحمل ترى يفرق من حمل للثاني |
رد: انا حامل ولكن ..!
انا في الاسبوع العاشر ولله الحمد قبل شهر ونص كنت زيك تماما الم بالظهر وخايفة لاني ما احس بوحم نهائيا ونفسي مفتوحة على الاكل وانا اجهضت مرتين متواليتين فكنت خايفة مرة واقول في نفسي ما عندي وحام يمكن هذا الحمل مثل اللي قبله والان لي اسبوعين يا اختي والوحام شديد وانا في الحمام بعد الفطور وبعد السحور غثيان واستفراغ بعد الأكل مباشرة
يمكن بعد شهر يظهر الوحام معاك |
رد: انا حامل ولكن ..!
اول شي لحمدلله والف مبروووك لحمل لجديد والله يتمملك على خير
تانيا عادي ممكن ما تحسي بوحام لانو الوحام بيختلف من حمل لحمل .. انا بحملي ما حسيت بوحام ابدا بس نووووم ونفسيتي عدمممممم صارت بلعكس فرحي وانتبي على نفسك ... موووفقة يارب والله يقوومك ويقومنا بسلامة يارب |
رد: انا حامل ولكن ..!
ان شاء الله تكوني حامل
وعادي يختلف الوحم من حمله و الثانيه توكلي على الله وحللي |
رد: انا حامل ولكن ..!
انا ياقلبي حامل بالشهر الاول ونفس اعراضك تجيني الام وشهيتني مفتوحه ع الاكل
بس ماجاني وحام مره الا بس زوجي مو طايقتو لاتخافي ان شاء الله حملك صحيح |
رد: انا حامل ولكن ..!
الله يتمم عليج حملج يااارب واي حبيبتي بالسونار بالاسبوع السادس تقدرين تسمعين صوت النبض الله يبلغج فييه يارب
|
رد: انا حامل ولكن ..!
عااااااادي ياقلبي دايم البكريات يكون وحامهم اقوى من اللي يحملون لثاني مره وثالث مره انا حملي الاول تعبت تعبت من الوحم ماطلع من الحمام وانتي بكرامه وحملي الثاني الوحم لايذكر ولله الحمد وانتي ثاني حامل وان شاء الله ماتحسين بشي يارب وهدي اعصابك وريحي نفسيتك كل هذا موهم للبيبي
بس انتي اتوكلي ع الله وسوي الفحص والله يثبت حملك يارب ويتمم لك ع خير ان شاء الله |
رد: انا حامل ولكن ..!
ياأختي يافاطمه انا نفس الشي صار معي اجهضت ومن بعد لاجهاض بثلاث شهور حملت مرة تانيه وللحمدلله وانا هلق بلخامس ولحمدلله الله عوضني فا لاتخافي وكلي امورك الى الله وروحي صوري وطمني عجنين
|
رد: انا حامل ولكن ..!
الله يريح قلبك ويتمم حملك على خير يارب
|
رد: انا حامل ولكن ..!
الله يتمم لك ع خيررر ويسهل عليكك ...
|
رد: انا حامل ولكن ..!
يالغلا عادي أنا خواتي في كل حمل وحم جديد
ربنا يثبت حملك وحملنا و يتممه على الف خير وعافية |
رد: انا حامل ولكن ..!
مشكورين صراحة كلامكم رفع من معنوياتي كثير
وابشركم زرت دكتورتي وجزاها الله خير ماقصرت معاي طمنتني وعطتني اسبرين وفوليك اسيد وتحميله للتثبيت ماحبيتها ف البدايه بس بعدين شفت استخدامها عادي وسمعت النبض والحين انا ف الاسبوع الثامن الله يبلغني بشوفته سليم معافا ويسهل علينا الحمل يارب ونفرح بشوفة ذريتنا :) |
رد: انا حامل ولكن ..!
الوحام يجي في نصف الشهر الثاني والبعض مايجيهم بس مدام لك تاريخ اجهاض ريحي وروحي المستشفى يعطونك مثبتات ربي يثبت حملك يارب
|
رد: انا حامل ولكن ..!
وهذا اللي صار اختي الغاليه ..
والحين انا دخلت الاسبوع التاسع في الشهر الثالث وعندي موعد مع الدكتورة في 4 من سبتمبر والله يثبته لي يارب ويسهل الحمل علي وييرزقني ذرية صالحه سليمة يارب |
رد: انا حامل ولكن ..!
انا ابدا ما حسيت بترجيع حتى اني خفت و وسوست
االلهم بس في الشهر الثاني نهايته حسيت اني اذا وقفت واجد يدور راسي و مااجوف شي و من نص الثاني ما كنت احب اكل دايما تلوع جبدي يكون ودي اكل بس ما اقدر اكله في شي يمنعني و اذا اكلته يكون بدون رغبة خصوصا اكل المطاعم اما اكل البيت لا عادي بس حبيت افيدج يعني و لا تخلين الوسواس يلعب فيج تراه للحين لاعب بلعبته يخلص من شي و يروح لشي ثاني و الله يتمم لج و لنا جميع دعواتج |
رد: انا حامل ولكن ..!
صدقتي والله وانا الحين صارت عندي نفس الحاله ودي اكل بس ماقدر واغصب نفسي وماحس بلذة الشي اللي اكله وفيني برود مب طبيعي
الله يسهلها ان شاء لله |
رد: انا حامل ولكن ..!
يااختي الله يثبت حملك
والوحم اللي هو الاستفراغ غالبا يكون في الاسبوع الثامن وفوق وفي بنات يحسون بغثتيان من غير استفراغ النبض ممكن يبين من الاسبوع الخامس وفوق وجنس الجنين يبين من الاسبوع 16 وفوق ويكون اكثر وضوح في الاسبوع 20 واشعه 4d تبين جنس الجنين بشكل وااااااااضح بس لاتسوينها قبل الاسبوع الـ 17 |
| الساعة الآن 05:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .