منتديات حوامل النسائية
صفحة 1 من 2 1 2
عرض 40 مشاركات من هذا الموضوع لكل صفحة

منتديات حوامل النسائية (https://naqatube.com/index.php)
-   إستفسارات مرحلة الولادة (https://naqatube.com/forumdisplay.php?f=96)
-   -   قصة ولادتي اللي كانت بين الألم والأمل .. (https://naqatube.com/showthread.php?t=69529)

فروووحـــــه 08-13-2011 03:29 AM
قصة ولادتي اللي كانت بين الألم والأمل ..
 
الحمد لله حمدا كثيرا طيبا مباركا فيه .. والله يا بنات لو ظليت احمده ليل نهار ما أوفيه حقه سبحانه .. بقولكم قصة ولادتي ببنتي الله يحفظها حـــــــلا .. اللي تعبتني مرررررررررررررررررة في ولادتي ..
في يوم الجمعة 28-8 الساعة 10 الليل كنت بروح عند أهلي لي فترة
ما شفتهم وانا ألبس العباية إلا أحس شي طق طبعا انفجعت .. ايش اللي صار ؟؟؟؟ نزلت على الموية .. خفت مرة وكلمت زوجي .. زوجي مرة خواف قال لي بسرعة عالمستشفى .. أنا مارضيت قلتله اصبر شوية لما يجيني الطلق .. والله مسكييييييييينة .. كنت افكر انه بيجيني طلق زي باقي الحوامل .. استنيت ساعتين ومافي الم بالمرة ..
بعدين رحت المستشفى ونوموني وعملولي تخطيط .. تقولي الدكتورة في طلق .. اقولها ماني حاسة بشي .. تقولي اصبري بكرة يجيك الطلق .. واستنيت الطلق وعملولي تخطيط مرة ثانية .. طلع مافي طلق مررررررررة .. اختفى !! قالتلي الدكتورة قومي امشي في ممر المستشفى ومشيت مشيت لما انهلكت .. جات تقيس الرحم 2 سانتي بس ..اهئ اهئ .. وربي اتحطمت .. رحت غرفتي اللي بالمستشفى ,, لقيت زوجي ناااااااااااايم حبيبي والله مرة تعب معايا .. جلست ومن التعب نمت عالكنبة .. قمت واكلت عسل لعل وعسى يساعد على فتح الرحم .. وخرجت من الغرفة امشي في الممر ورجعوني تاني لغرفة التخطيط .. برضوا مااااااااافي طلق .. والرحم حالف ماينفتح 2 سانتي بس .. واسمع اصوات اللي بيولدوا واقول يارب متى دوري وأولد متى ؟؟؟ وكل ماتولد وحدة اتوتر زيادة .. كنت اقول في نفسي ليه هما اللي بيولدوا مو أنا ؟؟؟ استغفر الله .. وعدا اليوم الأول (السبت) وأنا بين تخطيط ومشي ,, لكن بدون أي تقدم .. اليوم الثاني الصبح دخلوني غرفة التخطيط مافي طلق والرحم 2 سانتي .. جات الدكتورة وعملتلي سونار وقالتلي موية الجنين مرة ناقصة .. يالا اطلعي فوق بنعملك ابرة طلق .. قلت في نفسي الحمد لله اهم شي أولد .. طلعت فوق ولبسوني لبس المستشفى .. وحطت الأبرة في المحلول .. إلا شوية تجي الدكتورة تقول للسستر شيلي الأبرة وخليها تقوم تمشي في الممر.. وعملتلي تحريض بيدها ونزلت الدم وانفتح 3 سانتي .. وقمت امشي لما تعبت ورحت غرفتي واخذت المصحف وقرأت البقرة بنية تسهيل الولادة .. وارتحت مرة الحمدلله .. وعدا اليوم الثاني (الأحد ) طبعا مافي طلق والرحم اتقدم شوية 3سانتي .. قالتلي الدكتورة روحي غرفتك ارتاحي وبكرة الساعة 4 الفجر تروحي لغرفة التخطيط ويعملولك تحميلة طلق .. قمت الصباح ورحت للغرفة وكنت متوترة عالآخر .. جات الدكتورة تقولي انتي ماغرتي من اللي ولدوا ..ياشيخة انا غرت .. وحطت لي التحميلة .. طبعا هنا بدأ الألم يزيد شوية شوية .. وزااااد الألم وتجي الدكتورة تكشف لسه 3 سانتي .. انا هنا بكيييييييييت .. هذا الألم كله و3 سانتي .. صار زوجي وامي الله يسعدهم يهدوا فيا ويصبروني .. وانا اتـألم شوية ويجيبولي كمامة فيها مخدر صرت اشفط منها لما حسيت اني مدوخة ريحتني الحمدلله .. بصراحة السسترات عالدكاترة عسسسسسسل ماقصروا معايا .. حسسوني اني انا لوحدي اللي بولد عندهم .. المهم جات الساعة 12 الظهر أول يوم في رمضان( الأثنين ) وبعد ماكشفوا اكثر من 10 مرات طلع الرحم مفتوح 8 سانتي ووقف مارضي يكمل ال10 سانتي .. هنا قالت الدكتورة بنعطيها ابرة طلق حتى يساعد الرحم يفتح .. ودخلوني غرفة الولادة والرحم ما انفتح اكثر من 8 سانتي .. الدكتورة اتجننت !! تقول بالأول ماكان في طلق وانفتح الرحم والحين في طلق والرحم مو راضي ينفتح !!! وانا ابكي وماسكة بيد زوجي ما أبغاه يسيبني ودخلته الدكتورة وقالتله اوقف عند راسها .. مع انه المستشفى والدكتورة اللي ولدتني مستحيل تدخل أحد .. بس شافت حالتي ونفسيتي الله يسعدها قامت دخلت زوجي .. المهم .. كانت تقولي دفي حاولي تساعدينا وانا مافيا طلق مايصير ادف .. وابكي وزوجي عند راسي يقرأ البقرة .. صرت ادف بدون طلق وارجف بقوة قاموا اثنين سسترات سعوديات الله يسعدهم مسكوا ايديني .. في هذي اللحظة زوجي ماقدر يشوفني بهذي الحالة خرج بره يبكي ويدعيلي .. وامي تدعيلي .. قالت الدكتورة للسستر وانا سامعتهم اذا ماولدناها قبل الساعة 3 الظهر بنحولها عمليات .. وانا اقول في نفسي يارب طبيعي .. قامت السستر وضغطت ضغطة قوية على بطني والحمدلله خرج البيبي .. وشرفت حـــــلا ربي يسعدها لي ولأبوها وخرجوا السسترات يبشروا زوجي وامي .. والله طاروا من الفرح مو مصدقين اني ولدت قاموا يعطوا السسترات من ميتين ميتين من الفرحة .. بس ماانتهت المعاناة هنا .. اللي صار انقطع عنق الرحم قطع كبير ونزفت دم كثيييييير وطلعتلي بواسير .. خافت الدكتورة وحولتني على طول على غرفة الملاحظة وحطولي حديد وفيتامينات ومحاليل كثيرة .. والله تخيلوا يخلص محلول بسرعة يجوا يحطوا الثاني وجلست يوم كامل على هذا الحال . ويوم الثلاثاء خرجت لغرفتي الحمدلله .. وكنت تعبانة .. صح ان هذي ثالث ولادة لي بس كانت جدا متعبة .. بس الحمدلله اني ولدت طبيعي مو قيصري .. وانا الحين في بيتي مافيا إلا العااااااااااااااافية .. وحلا الغاليه في احضاني .. الله يرزقني برها ويجعلها واخوانها من الصالحين ..
حبيباتي الحوامل بالذات البكريات .. لاتخافوا من الولادة والله انها تساهيل من رب العالمين ,, انا ولدت قبل كذا وكانت ميسرة الحمدلله .. بس ولادتي بحلا كانت متعبة ,, يمكن عشان من زماااااااااااان نفسي ببنت .. فاتغلت علي .. وماجات بسهولة ..هههههههههه ..
هذي قصتي بالتفصيييييييييييل الممل ان شاء الله ماتملوا من قرائتها ..

جلنار2 08-13-2011 03:49 AM
رد: قصة ولادتي اللي كانت بين الألم والأمل ..
 
ماشاء الله ,,

ع البركة ..

هديل الليل 08-13-2011 03:52 AM
رد: قصة ولادتي اللي كانت بين الألم والأمل ..
 
الحمد لله ع سلااااااااااامتك وربي
يحفظلك بنتك حلااا ومبرووووك
جلست ابكي عشانك

سلطانة محمد 08-13-2011 04:04 AM
رد: قصة ولادتي اللي كانت بين الألم والأمل ..
 
الحمدلله على سلامتك وربي يحفظلك البنوته وعقبالي وعقبال الكروشات

سارونة الكويت 08-13-2011 05:31 AM
رد: قصة ولادتي اللي كانت بين الألم والأمل ..
 
الف الف الف مبروووووك والحمدالله ع سلامتج وسلامة حلاا

الله يعييييين

*SuGeR* 08-13-2011 05:41 AM
رد: قصة ولادتي اللي كانت بين الألم والأمل ..
 
الحمد لله ع سلامتج ..وتتربى في عزكم ودلالكم الدلوعه

Amoorh_770 08-13-2011 05:58 AM
رد: قصة ولادتي اللي كانت بين الألم والأمل ..
 
الف الحمد لله على سلامتك ومبروك عليكم حلا وربي يحميها ويحفظها

ويارب تسهل عليا وعلى كل حامل

سكـــر ناعـــم 08-13-2011 06:38 AM
رد: قصة ولادتي اللي كانت بين الألم والأمل ..
 
ألف ألف ألف مبرووووووووووووك فروووووووووحه والحمد لله على سلاااامتك انتي وحلااا ربي يحفظهااا لكــ....

احساس أم 08-13-2011 01:23 PM
رد: قصة ولادتي اللي كانت بين الألم والأمل ..
 
الف الحمدلله عالسلامة

ومبروك على البنوته الحلوه الله يخليها ويبجيها

تتربى بعزكم ان شاءالله

روحي الامومه 08-13-2011 01:44 PM
رد: قصة ولادتي اللي كانت بين الألم والأمل ..
 
الف الف الف مبروووووووك...وربي حزنت عليك وفي نفس الوقت خفت...أنا مو بكر عندي ولد وعمره سنتين و8شهور ،،،بس مررررررره خايفه من تجربة الولاده"""
الله يرزقك برها ويفرحك فيها وبخوانها،،،

شعاع الأمل 08-13-2011 04:33 PM
رد: قصة ولادتي اللي كانت بين الألم والأمل ..
 
ياحياااتي والله وجعتي قلبي
الف مبروووووك ماجاك والله يرزقك بر الدلوعه ربي يصلحها
والحمدلله ع سلامتك حبيبتي

ابنائي حياتي 08-13-2011 04:37 PM
رد: قصة ولادتي اللي كانت بين الألم والأمل ..
 
الحمد لله على السلامة تتربى بعزكم يارب
خوفتيني لان مثلك تالت ولادة ان شاء الله وحكتلي دكتورتي بنت ونفسي من زمان الله يبعتلي بنت
يارب يسهل لالي وللجميع يارب
وخاصة اني من هلاء بعاني من البواسير

جنون بيبي 08-13-2011 05:28 PM
رد: قصة ولادتي اللي كانت بين الألم والأمل ..
 
الحمدلله ع سلامتك قلبو

وتتربى بعزكم العسوله

rooraa 08-13-2011 09:27 PM
رد: قصة ولادتي اللي كانت بين الألم والأمل ..
 
الف مليون مبروك فرووحه تتربى بعزك حلا ودلالك
هيا كدا كل ولاده غير سبحان الله اهم شي سلامتك وسلامتها
الله يسامحك خليتيني ابكي وانا اقرا قصتك وبناتي يطلو فيا مفجوعين هههههههههههههههههه

ليتني 08-13-2011 09:34 PM
رد: قصة ولادتي اللي كانت بين الألم والأمل ..
 
http://t0.gstatic.com/images?q=tbn:A...Jnnc0NqtabmKx2


اهم شي سلامتك اختي وسلامه الكتكووتة الحلوة
تتربى بعزكم يارب
الله يجعلها من الصالحين البارين يارب العالمين

رويده 08-13-2011 11:11 PM
رد: قصة ولادتي اللي كانت بين الألم والأمل ..
 
حمدلله ع سلامتك يا ام حلا

jorri sham 08-13-2011 11:21 PM
رد: قصة ولادتي اللي كانت بين الألم والأمل ..
 
ماشالله لحمدلله على سلامتك وسلامة حلا بنتك
لحمدلله أمتي بسلامة
بس خوفتيني شووي انا بكرية هههههههههههه
الله يقوومنا جميعا بسلامة يارب

ام رتيل 08-14-2011 12:26 AM
رد: قصة ولادتي اللي كانت بين الألم والأمل ..
 
الفـــــــــــــــ مبروووووووووووك قلبي وتتربى في عزك حلا الله يحفظها لكم

يآ غلآتي 08-14-2011 02:37 AM
رد: قصة ولادتي اللي كانت بين الألم والأمل ..
 
الحمدلله على سلامتك ياقلبي ..

ومبروووك عليك حلاااا ..

حلوووية تتغلى هههههههههه ، مابعد التعب الا راحة .. الحمدلله

الله يحفظهم لك ياررررررررررب

عشق الطفولة 08-14-2011 04:12 AM
رد: قصة ولادتي اللي كانت بين الألم والأمل ..
 
الحمد لله على سلامتك
و الف الف مبروووووووك البنوته

× яoФo7 × 08-14-2011 04:34 AM
رد: قصة ولادتي اللي كانت بين الألم والأمل ..
 
الحمــدلله على سسلآمتك حبيبتي

والف الف مبروك ع القممر حلآ جججعل ربي يسعدها ويخليها

فروووحـــــه 08-14-2011 08:05 AM
رد: قصة ولادتي اللي كانت بين الألم والأمل ..
 
الله يسعدكم حبيباتي
جلنار .. الله يبارك فيك يافلبي ..

هديل الليل .. الله يسعدك وتسلملي عيونك ياقلبو ..

سلطانة محمد .. الله يسلمك .. ويكتبلك ساعة السلامة والجميع يارب ..

سارونة ياعمري .. الله يسلم قلبك .. وتولدي وتقومي بالسلامة عاجلا غير آجل يااااااااااارب .. واسومة كمان وكل حوامل رمضان ..

سكر .. أمورة .. احساس أم .. الله يسلمكم ياقلبو .. اسعدني مروركم ..

سكر ناعم .. الله يبارك فيك .. ويحفظلك دوووووووووودي ..

روحي الأمومة .. الله يبارك فيك .. الله يرزقك الساعة المباركة ,, وتقومي بالسلامة ان شاء الله ,,

فروووحـــــه 08-14-2011 08:24 AM
رد: قصة ولادتي اللي كانت بين الألم والأمل ..
 
شعاع الأمل .. الله يسلمك ياقلبي ,, والحمد لله على سلامتك
ومبرووووووووووووك عليك عبد الرحمن .. الله يحفظلك ياه هو وأخوه ..

ابنائي حياتي .. الله يسلمك ياقلبي .. ولاتخافي عشان الخوف بيوترك زيادة .. خليها على ربك .. وتولدي وتقومي بالسلامة يااااااااااارب ..

جنون بيبي .. الله يسلمك يالغالية .. اسعدني مرورك ..

رورا .. الله يبارك فيك ياقلبي .. وتسلملي العيون اللي بكت عشاني .. الله يحفظلك بناتك وتشوفيهم أحلى عرايس ..

ليتني .. رويده .. الله يسلمكم .. اسعدني مروركم ..

الياسمين الدمشقي .. الله يسلمك ياقلبو . . الله ييسرلك ولادتك وتكون سهلة ياااااااااارب ..

حبيبتي بسومة .. الله يسلمك يالغااااااااااااااااااااااااالية .. وعقبال ما نزف حلا لوسااااااااااام ..

ياغلاتي .. الله يسعدك ويسلمك .. ويحفظلك اللي عندك ياااااااااارب ..

عشق الطفولة .. روز .. الله يسلمكم .. اسعدني مروركم ..

ابنائي حياتي 08-14-2011 01:48 PM
رد: قصة ولادتي اللي كانت بين الألم والأمل ..
 
اقتباس:

ابنائي حياتي .. الله يسلمك ياقلبي .. ولاتخافي عشان الخوف بيوترك زيادة .. خليها على ربك .. وتولدي وتقومي بالسلامة يااااااااااارب ..
ان شاء الله ساعة سهلة لجميع الحوامل
يسلمو حبيبتي

ملكة الغربة 08-14-2011 02:48 PM
رد: قصة ولادتي اللي كانت بين الألم والأمل ..
 
الحمد لله عسلامتك فروووحة

الحمد لله عدت عخير وما احتجتي عملية

الله يخليلك زوجك وامك يا رب

واولادك الحلوين

nno 08-14-2011 03:23 PM
رد: قصة ولادتي اللي كانت بين الألم والأمل ..
 
الف الف مبروك على جيتها سالمه انتى وهيا الحمدلله على سلامتك وربي يحفظلك البنوته وعقبالي وعقبال الكروشات

بنت الجامعي 08-14-2011 03:32 PM
رد: قصة ولادتي اللي كانت بين الألم والأمل ..
 
الحمد لله ع سلااااااااااامتك

تعبنا نشرب الغربة 08-14-2011 04:12 PM
رد: قصة ولادتي اللي كانت بين الألم والأمل ..
 
ألف ألف ألف مبروووك والحمدلله على سلامتك ياروحي والله تعبتي بس احتسبي اجرك عند الله

لمعة الماسة 08-14-2011 07:06 PM
رد: قصة ولادتي اللي كانت بين الألم والأمل ..
 
الحمد لله على السلامة والف مبروك

فروووحـــــه 08-16-2011 07:19 PM
رد: قصة ولادتي اللي كانت بين الألم والأمل ..
 
اقتباس:
المشاركة الأصلية كتبت بواسطة ملكة الغربة (المشاركة 1351880)
الحمد لله عسلامتك فروووحة

الحمد لله عدت عخير وما احتجتي عملية

الله يخليلك زوجك وامك يا رب

واولادك الحلوين
الله يسعدك ياقلبي والله دعيتلك من قلبي انتي ورونق وقت الطلق
الله ييسرلك ولادتك وتقومي بالسلامة انتي والبيبي ياااااااااارب

فروووحـــــه 08-16-2011 07:22 PM
رد: قصة ولادتي اللي كانت بين الألم والأمل ..
 
اقتباس:
المشاركة الأصلية كتبت بواسطة تعبنا نشرب الغربة (المشاركة 1351948)
ألف ألف ألف مبروووك والحمدلله على سلامتك ياروحي والله تعبتي بس احتسبي اجرك عند الله
الله يبارك فيك ياقلبو
وعقبال ماتولدي وتبشرينا بولادتك وان شاء الله تكون سهلة وميسرة ياااااااااااارب ..
صادقة ياقلبي الأجر على قدر المشقة ..

فروووحـــــه 08-16-2011 07:24 PM
رد: قصة ولادتي اللي كانت بين الألم والأمل ..
 
nno .. بنت الجامعي .. لمعة ألماسة ..
الله يبارك فيكم حبيباتي .. اسعدني مروركم ..

سـكر زمـاني 08-16-2011 08:13 PM
رد: قصة ولادتي اللي كانت بين الألم والأمل ..
 
الحمدلله على سلامتــك وسلامة حلو.... يؤ يؤ والله انك مثــل ولادتي ؟؟؟حتى بنتي اسمها حـــلا وفي شهر ثمانيه ونزلت المويه معاي وجاتني بواسير واعطوني طلق صناعي وزوجي خــواف علطول وداني للمستشفى وجـلست يومين بس الفرق ان الدكتوره رفضت امشــي في المستشفى لان معي مــويه وخافت تخلص عن الجنين والسسترات ظغــطو على بطني حتى تطلع حــلو .....اســفه طولت عليك بس جيتي على الجــرح ...ويارب هذي المره تكـون سهله وتصبرني والجميع
بس انا ولادتي قبل 5 سنوات يـــوه احسـب اني انا الي كــاتبه قصتي خخخ

ღ ٱم ديــــــٱلآ ღ 08-16-2011 08:16 PM
رد: قصة ولادتي اللي كانت بين الألم والأمل ..
 
الحمد لله على سلآمتك ... ومبرووووك عالبنوتة ربي يحفضها من كل شر

شجر الدر 08-17-2011 06:50 AM
رد: قصة ولادتي اللي كانت بين الألم والأمل ..
 
حمدالله على سلامتك وسلامة بنوتتك ... والف مبررررررروووووووووك

عانيت بسكات 08-17-2011 10:30 PM
رد: قصة ولادتي اللي كانت بين الألم والأمل ..
 
الحمدلله على سلامتك
والله يحفظلك بنتك

ام رتيل 08-17-2011 10:46 PM
رد: قصة ولادتي اللي كانت بين الألم والأمل ..
 
ام دودي خلاص ادخلي التجمع والله لك وحشه
على فكره انا قلت لك البراء لحلا ما اتفقنا وسام لحلا صح هوه اصغر منها بساعات ههههههههههههههههههههههههه
الله يحفظ اولادي واولادك اميييين يااارب ويبعد عنهم كل شر ياااارب

فجر المحبة 08-19-2011 09:18 AM
رد: قصة ولادتي اللي كانت بين الألم والأمل ..
 
الف الف الف مبرووووووووك...
الله يصلحها ويخليه لكم وتتربى بعزكم...
والحمدالله على سلامتك,,,وسلامة حلووون..

الحزينة 13 08-19-2011 02:55 PM
رد: قصة ولادتي اللي كانت بين الألم والأمل ..
 
قصتك كتييييييييييييييييييييييييييييييير حلو و عجبتني تتربى بعزك حبيبتي

فروووحـــــه 08-26-2011 06:14 AM
رد: قصة ولادتي اللي كانت بين الألم والأمل ..
 
حبيبتي سكر زمانك سبحان الله نفس الأحداث .. كمان نفس الأسم .. هذي من محاسن الصدف .. الله يخليلك حلا ,, وتكون هذي الولادة سهلة وميسرة ياااااااااااااااااااااااااااارب ..


الساعة الآن 03:52 AM.
صفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .