|
بنات جدة وينبع رشحولي افضل عيادة ؟؟؟
السلام عليكم ورحمة الله وبركاته عضوات حوامل الله يسعدكم رشحولي افضل مستوصف او عيادة او مستشفى في ينبع او جدة لمتابعة الحمل فقط غير المركز الطبي الدولي لاني اتابع عندهم اصلا لكن بعض احيان ماالحق احجز موعد وافضل مستوصف عشان الزحمةhwaml15 ؟؟؟ |
رد: بنات جدة وينبع رشحولي افضل عيادة ؟؟؟
حبيبتي ام عبد الله
انا في جدة زي ما انتي عارفه وبتابع في مستوصف الاقصى عند الدكتوره وفاء مره طيوبه وكويسه بس دحين مسافره ولما رحت لقيت دكتوره ثانيه اسمها اماني صراحه برضوا ممتازه وحنونه وطيبه كتييييير ويوم الخميس عندي موعد عندها والله يكتب اللي فيه الخييييير |
رد: بنات جدة وينبع رشحولي افضل عيادة ؟؟؟
شوفي ياقلبي عندك في ينبع مستوصف ينبع الاهلي دكتوره مجد مررره رووووووووعه ولازم تحجزي قبلها بيوم وعن طريق التلفون وهذا رقم المستوصف 043228024
|
رد: بنات جدة وينبع رشحولي افضل عيادة ؟؟؟
تسلملي ياسوسو بس معليش حاتعبك معايا ...
انا دورت في النت على العنوان والرقم لكن قوليلي اذا صح ولا لا؟؟؟او ايش قدامه عشان مااضيع الله يسعدك تقاطع شارع حراء مع شارع المكرونة 02 6541229 02 6552296 نسمة تسلملي لكن لو فيه في الهيئة افضل لاني ساكنة فيها ... |
رد: بنات جدة وينبع رشحولي افضل عيادة ؟؟؟
ياحلوه في ينبع الصناعيه انا اسمع عن المستشفى الوطني 000
الدكتوره مايسه0000 والله يكتب لكي الخير |
رد: بنات جدة وينبع رشحولي افضل عيادة ؟؟؟
والله انا في العناوين مو كتير
بس لما زوجي يجي دحين راح اسأله واكتب لك حبيبتي انتظريني ^^ |
رد: بنات جدة وينبع رشحولي افضل عيادة ؟؟؟
شوفي حبيبتي هاي العنوان
مستوصف الاقصى شارع المكرونة في اتجاه الشمال بعد تقاطع المكرونة مع حراء في الخدمات والله يتمم لك على خير |
رد: بنات جدة وينبع رشحولي افضل عيادة ؟؟؟
احلى عيادة عيادة الامير منصور واحلى مستشفى خالد ادريس
كلهم بجده |
رد: بنات جدة وينبع رشحولي افضل عيادة ؟؟؟
أنا أتابع عند هالة مستشفى عرفان ... وتكون في الهيئة يوم السبت في مجمع عيادات عرفات ... وصراحة مجد زينة بس عندها زحمة مرررررررة تجلسين بالساعات ... مرة برمضان جلست من الساعة 12 حتى 3 الفجر وبرضوا ما جاء دوري ...
|
رد: بنات جدة وينبع رشحولي افضل عيادة ؟؟؟
اختي عندك مستوصف الامل في ينبع بس بتأكد من الحي لاني شبه جديده في ينبع ما اعرف الاحياء
دكتوره سحر مره طيبه وممتازه راجعة عندها بداية حملي |
رد: بنات جدة وينبع رشحولي افضل عيادة ؟؟؟
شذا مشكورة اختي
سوسو شكرا ياعسل ماانحرم منك يارب القرشية تسلمي ..لكن اول مرة اسمع عن العيادة ..ياريت عنوانها او اسم الدكتورة ؟؟؟ شازل ..هالة رحت عنها مرة جدا ماارتحت لها ولا للمستشفى وكمان مجد رحت عندها مرة جلست 3 ساعات ولا دخلت وغسلت يدي من المستوصف والدكتورة مره وحده ... سارونة معليش المسوصف في الهيئة ؟؟؟؟ |
رد: بنات جدة وينبع رشحولي افضل عيادة ؟؟؟
أم عبد الله ..
أنا حبيت اكتب لك ردي بعد ولادتي عشان اقولك المفيد ... أنا كنت اراجع بالامل عند سحر بس هذا الكلام على شهر 12 واتوقع انها مو موجوده لاني جيت بموعد بعده وكان فيه وحده غيرها طبعا في الهيئه فرع له وفي البلد بعد ... ثم راجعت بمستشفى الهيئه وكنت اروح للوحده الصحيه تبع الهيئه وبعد الشهر السابع صررت اراجع بالمستشفى الرئيسي ... عند الدكتوره بدريه عبد الباسط .. وولدت عندهم بدايه شهر رمضان وبصراحه مستشفى نظييييف ومرتب وتولدين وانتي مستانسه والكل يخدمك وولدتني ممرضه .. والاحلى قسم الولاده مايدخله رجال ... ويفتحون ملف للبيبي اول ماتولديه ويعطوكي مواعيديه وتطعيماته ... يعني لو تولدي فيه افضل ... وربي يسهل لك .. |
رد: بنات جدة وينبع رشحولي افضل عيادة ؟؟؟
الحمدلله على سلامتك ياسكر ويتربى بعزكم ان شاءالله وتسلمي على الرد ياغالية
|
| الساعة الآن 06:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .