|
رسااااله لكل ام
السلام عليكم ورحمة الله وبركاته
اخواتي الغاليات اولا انا اخت جديده لكن في هالمنتدى ومسجله في كذا منتدى باسم اخر ثانيا موضوعي اليوم هو رساله لكن اخواتي ويعلم الله اني منحرجه جدا من هالموضع لانه حساس للغايه انا اناشدكن اخواتي بهالمنتدى والزائرات واهل الخير عامه زوجك او ابوك او اخوك او اختك او كل من تحسون ان فيه حب للخير بالتبرع وجمع مبلغ عملية اطفال انابيب انا سعوديه من الرياض وزوجي موضف الحمدلله بس مايبي يساعدني لو بشي قليل لدرجة اني اقوله انت تقدر توفر من راتبك لمدة ثلاث او اربع اشهر تكاليف العمليه والا تاخذ قرض ب15 الف وعصب علي وينفض ايده بوجهي شوي والا يعطيني كف وانا افاهمه بهدوء لانه عنده عيال ومرتاح والله العظيم ان هالكلام اللي قلته حقيقه واليوم الفجر صار واللي قاهرني ان الناس يرحموني وهو مايرحم جارتي اللي هي زوجته تقول لين جاني حقي من الورث بعطيك خمس ميه وانا عندي حول اربع ميه جامعتهم والله اني ابيع واستفيد خمسه وعشره واجمع علشان هالعمليه ومالي دخل الا ميه ريال كل آخر شهر من زوجي اخواتي امانه اللي تقدر تساعدني او عندها احد اقاربها يقدر يساعدني اسأل الله ان يجعله في موازين حسناتكم كل ام وكل وحده عاشت نفس معاناتي ورزقها الله وكل وحده لم يرزقها الله بعد سواء هنا او خارج هالمنتدى تقدر تساعدني ولو بقليل امانه لاتتردد لان الله في عون العبد مادام العبد في عون اخيه والمسلمون كلاجسد الواحد يشد بعضه بعضا جزاكم الله خير والله العظيم اني ماني لعابه ولا نصابه ومافيه طريقه اوصل لكم معاناتي الا كذاوالمستشفى الحكومي لي سنتين عندهم وماسنعوني اللي هو مستشفى العسكري وفي وحد جايه من الحرس بواسطه وعلى طول دخلوها واي سؤال انا حاضره |
رد: رسااااله لكل ام
لا حول ولا قوه الا بالله
|
رد: رسااااله لكل ام
لا اله الا الله ..... آمنت بالله الواحد الاحد .. الفرد الصمد ,,, الحي القيوم
|
رد: رسااااله لكل ام
معقووله ماشفتو الموضوع اذا متحرجيين من المرد ردوا برساله خاصه
|
رد: رسااااله لكل ام
انتي من وين اختي ؟؟
وكم تكلفة العمليه ؟ |
رد: رسااااله لكل ام
انا من الرياض والعمليه تختلف باختلاف المراكز عندنا بالرياض مثلا في سليمان الحبيب غاليه جدا اما مركز ذريه سمعت انه ب11700بدون الابر والله اعلم بس الابر اقدر اصرفها من مستشفى العسكري بدل مانشتريها ونكون وفرنا حق العمليه والاشعه
|
رد: رسااااله لكل ام
اختي غلا hاتمنى انك شفتي ردي
|
رد: رسااااله لكل ام
لاحول ولا قوه الا بالله ,,,, وين الردود ووين التفاعل اكيد فيه وحده عاشت نفس المعانات لو فيه رجال يشوفون الموضوع كان تفاعلوا ولو بدعوه ارفعوا موضوعي يابنات ولو بدعوه لي بضهر الغيب حتى يشوفه اكبر عدد احنا خوات في الله ولازم يساند بعضنا بعض لو وحده غيري طلبت مساااعده ساعدتها باللي اقدر عليه والباقي على الله
|
رد: رسااااله لكل ام
.....رفع....
|
رد: رسااااله لكل ام
الله يفرج همك ويهدي زوجك ويسخره لما يحبه ويرضاه ,,
|
رد: رسااااله لكل ام
الله يرزقك الذرية الصالحة ياكريم بدون العملية يارب
|
رد: رسااااله لكل ام
آمين يارب العلمين جزاكن الله خير اختي ام عبدالحمن اختي ام عبدالله
|
رد: رسااااله لكل ام
اسئل الله ان يرزقك بالذريه الصالحه
الله بيرزقك ان شاء الله طبيعي بدون اطفال انابيب عليكي بالاستغفاار |
رد: رسااااله لكل ام
يا رب يا رحيم فرج هم اختى واعطيها سؤلاها وارزقها بالحمل السليم يا رب واهدى لها زوجها
|
رد: رسااااله لكل ام
اللهم آمين ,, اللهم آمين ,, اللهم آمين جزاكم الله خير ووفقكن لما تتمنون
|
رد: رسااااله لكل ام
اللهم ياكريم ياأول يا آخر يامجيب يافارج الهم ياكاشف الغم فرج همي ويسر أمري وارحم ضعفي وقلة حيلتي وارزقني من حيث لا أحتسب يارب العلمين
|
رد: رسااااله لكل ام
أختي أنا أراجع بالعسكري واللي متزوجه وجايبه تحويل من طب الأسره لقسم المساعده على الإنجاب على طول يبدون معاها بعدين أنتي تقولين زوجك موموافق أو مفكر في هالشي فشلون تجمعي الفلوس وهو أساساً إحتمال مايروح معك ويسوي الفحوصات ويعطيهم العينه يعني تعبك وطلبك بيروح على الفاضي مستشفى العسكري ماله علاقه بالواسطات إذا تقصدي أنهم إستقبلوا اللي جايه من غير مستشفى وأنتي لا راح يعالجون الكل زي بعض مابيردونك أبداً بس يمكن أوراقك ناقصه أو أما حكاية أنهم مايشوفون حالتك بدون أي سبب مستحيل كان مافيه هالناس كلهم يتعالجون فيه حتى لو جمعتي الفلوس المشكله عند زوجك ماراح يتساعد معك وإذا جات الفلوس بياخذه منك وصدقيني ماراح تقدري تسوي شي إذا كذا شوفي نصيبك مع غيره ينكم الله كاتب ماتجيبي عيال منه وتجيبي من غيره كثير زيك كذا إنفصلوا هما وأزواجهم ولما تزوجوا رجال ثانين ربي رزقهم وبصراحه وبدون زعل طريقة تعامل زوجك مع الموضوع رغم معرفته بمدى أهميته عندك ماتخلي الوحده تسعى لأنها تخلف منه لأنه خلاص مكتفي بعياله الثانين
الله يعينك ويرزقك |
رد: رسااااله لكل ام
ليتني لي حيلة بس الله يعلم بلحال الله يرزقك من فضلة ويغنيك عن سؤال الناس
يااختي وينك عن قول خالقك ((( استغفروا ربكم يمددكم باموال وبنين ))) استغفري اكثر من 3 الاف مرة بليوم وصدقيني بيجيك الفرج |
رد: رسااااله لكل ام
الله يرزقك بالضنى يارب
|
رد: رسااااله لكل ام
جزاكن الله خير اخواتي بالنسبه للاخت سمار انتي فهمتي غلط وابي اوضح لك اولا زوجي مارفض الموضوع زي ماتقولين بس هو رافض اني اسويها على حسابنا والمستشفى العسكري يقدر يسويها لنا بالمجان وانا اتابع عند دكتور محمد العوض وحدة العقم وملفي كامل ومافيه ولا ورقه ناقصه بالعكس كل مراجعه تزيد اوراقي الله يكون في عوني بس المشكله اني لي سنتين وماسنعوني وحولوني لان وزني كل ماله ويزيد مع تقدم العمروالدكتور يقول لازم يكون الوزن اقل من 70 لاني قصيره ومليت من المستشفى الحكومي عشان شروطهم والوزن ماهوبكيفي اني اتحكم فيه وقلت لزوجي نسويها على حسابنا ورفض يقول نسويها بمستشفى العسكري ومن ناحية الواسطات ياختي هذي حرمه جالسه انا وياها تقولي انها من تبوك وهي تبع الحرس الوطني بس جايه بواسطه ومن ناحية انك تقولين لوجمعين الفلوس يمكن ياخذها زوجي ايه فعلا يمكن ياخذها ويمكن لا وعشان كذا انا اقول اللي ودها تساعدني تدفع التكاليف للمستشفى اللي ناويه اسوي عندهم بئذن الله اضمن لها واضمن لي وجزاك الله خير واتمنى اني وضحت لك اكثر
|
رد: رسااااله لكل ام
احب ازيد على كلامي ان ي انا ماودي اطلق لاني مادري وش ربي كاتب وإذا زوجي طلقني من كيفه ماراح ارده بس انا ماراح اطلب طلاقي إذا ربي كتبلي منه ذريه ابشوفها الحين او بعد حين وإذا ربي ماكتب الحمد لله على كل حال بس الانسان ياخذ بالاسباب وانا احرجت نفسي بكتابة هالموضوع من اللي فيني ولهفتي على الاطفال
|
رد: رسااااله لكل ام
لو اقدر يا اختى بالمال كنت ساعدتك لانى حاسه بيكى واعرف واحده فى مثل مشكلتك زوجها معه اطفال من الزوجه الاولى وهى تريد تعمل اطفال الانابيب وهو لايرضى مع انه مقتدر ماليا ؟؟بس انا حبيت ادعى لك ربنا يعطيكى ويرزقك يارب من غير عمليه اواى شىء ان شالله
|
رد: رسااااله لكل ام
يارب اني اسألك ان تعطيني من الذريه ماتمنيت وتكتب لي الرضى وترضيني يارب العلمين يارب ارزقني وارزق اخواتي المتأخرات وعوض صبرنا خيرا يا ارحم الراحمين
|
| الساعة الآن 06:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .