تجهيز شنطة المستشفى..بالصور..
 

السلام عليكم ورحمة الله وبركاته

كيف احوالكم ياحوامل..؟؟

طبعا ولادتي قربت خلاصhwaml9

وجهزت شنطة المستشفى وهذي الاغراض واذا في شي ناقص قولولي..

طبعا انا راح اولد في مستشفى الولادة والاطفال بالاحساء يعني حكومي..

وهذي الاغراض اللي حطيتها بالشنطة..

اول شي هذي صورة للشنطة اللي حطيت فيها الاغراض..

http://forum.hwaml.com/imgcache2/hwa...250066_707.jpg

حطيت بدلتين للبيبي
http://forum.hwaml.com/imgcache2/hwa...250066_529.jpg

حطيت بربتوزين..
http://forum.hwaml.com/imgcache2/hwa...250066_790.jpg

وحطيت مهاد وبطانية خفيفة وفوطة..
http://forum.hwaml.com/imgcache2/hwa...250067_153.jpg

وحطيت ورق مبلل جونسون+قبعة+خيط حق المهاد+وقفازات لليدين والرجلين+ رضاعة+وطبعا باقي الحفاظات للحين مابعد اشتريهم..
http://forum.hwaml.com/imgcache2/hwa...250200_160.jpg

طبعا هذي كلها اغراض البيبي..

وحطيت لي انا لبسة +وفوط صحية+ملابس داخلية



بسسسسسhwaml7


هل هذولا الاغراض عدل والا في شي ناقص..

علموني لاني بكرية مادري شنو احط واخلي..


تحيآآتي

رد: تجهيز شنطة المستشفى..بالصور..
 

هلا خيتو
ان شاء الله تولدين بالسلامه وتقر عينك بشوفة جنينك
بالمناسبه انا حساوية وبكرية بس من تجارب خواتي حبيت افيدك
بخصوص مشتشفى الولاده
هم يلبسون البيبي ملابسهم وبعدين يجيبونه عندك واذا انتي تبي تغيريله او براحتك
وانا اقول الخيط حق المهاد ماله داعي لان ماراح يتمهد بدري
والمناديل المبلله اهم يعطونك
وانتي جلستك بتكون يوم اذا كانت ولادتك طبيعي ويومين اذا كانت جراحه
وربي يسهل ولادتك ان شاء الله ويارب تقومي بالسلامه
وربي يسهل على كل حامل
اتمنى اني افدتك خيتو

رد: تجهيز شنطة المستشفى..بالصور..
 

ررررررررررربي يقومك بسلامه

وأن شاء الله ماناقصك شي

رد: تجهيز شنطة المستشفى..بالصور..
 

مشكورة يالغلا على افادتي..
اي انا قلت ان خيط المهاد بحطه احتياط..

المناديل المبللة مايحتاج أخذ معاي يعني..؟؟

طيب ابغى اعرف اهم شنو يعطوني حق البيبي.؟؟

رد: تجهيز شنطة المستشفى..بالصور..
 

هم يعطونك الشامبو وكانه بودرة جسم البيبي وبعض الاحيان يعطونك زيت نونو للبيبي << طبعا كلهم جونسون
ويعطونك حفايض للبيبي وفوط صحية لك انتي بس انصحك تاخذين معك لان اللي عطو خواتي ماناسبوهم عطوهم >> أللوييز

امممممممممم المناديل اخذي معك احتياط

وربي يقومك بالسلامه ان شاء الله
واذا تبين اي شيء انا في الخدمه

رد: تجهيز شنطة المستشفى..بالصور..
 

الله يقومك بالسلامه ان شاءالله انتي والنونو

انا حطيت في شنطني نفس اللي حطيتيه تقريبا ماعدا الرضاعه والمناديل المبلوله هما اللي يعتنوا فيه ويغيرون له وحتى الحفايظ ما يحتاج

الله يسهل عليك وعلي يااااااارب

رد: تجهيز شنطة المستشفى..بالصور..
 

يعني اشيل الرضاعة والمناديل المبللة؟؟

رد: تجهيز شنطة المستشفى..بالصور..
 

لاا ما تشيلي ولا شي عادي لو زادت الغراض تزود ولا تنقص
زودي بعد
1 مناديل ديتول
منشفه لك تكون صغيره >> افضل
انا حطيت في الشنطه حقتي
1 برتتوز
1 بطانيه
1مهاد
1 قبعه
1 مداسيس
1 رضاعة
1 حليب
1 مناديل جونسن
حفايض لبيبي ولي
اممم بعد بشوف وش ناقصني
لله يقومنا بسلااااامه يا رب

رد: تجهيز شنطة المستشفى..بالصور..
 

رد: تجهيز شنطة المستشفى..بالصور..
 

الله يقومكم بالسلامه

رد: تجهيز شنطة المستشفى..بالصور..
 

ماشالله الشنطة عاجبتني
والاخوات قبلي ماقصرو
بس خلي ببالك ان الرضاعة والحليب والحفاظات يجيبونها المستشفى

رد: تجهيز شنطة المستشفى..بالصور..
 

الملابس الداخلية اللي تستخدم مرة واحدة عند مذركير وسنتربوينت - سنتيان الرضاعةمع مناديل الصدر عشان الحليب لايبقع ملابسك -فرشاة مشط للشعر - فرشاة الاسنان ومعجون -بخاخ العرق -وكريم مرطب لليد ومرطب للشفايف او فازلين -شراب- شبشب واخر للحمام - شال او طرحة للرأس -كتاب لو حابه تقرائي فيه وقت الطفش
وجبة خفيفة بسكويت مثلا - في ناس تجهز ميك اب 0(كريم اساس ومرطب شفايف وماسكرا وكحل ) واستشوار انا عن نفسي ماأفضل المهم

شاحن للجوال _كيس فاضي للملابس المستخدمة -منشفة او بيت للمخدة عشان انا مااضمن نظافة الشراشف حقت المستشفى -
واهم شيء اوراق المستشفى والاوراق الضرورية(كرت العائلة - بطاقة التأمين - مبلغ بسيط او بطاقة الصراف ...

في مستشفيات الطبيعي يومين او 3



ونقلت لك من موقع الفراشة للعضوة صدفه
نجي لشنطةالمستشفى :

هذي الشنطة اللي بحط فيها الاغراض

http://forum.hwaml.com/imgcache2/hwa...458501_763.jpg

نبدا في اغراضي .

http://forum.hwaml.com/imgcache2/hwa...458503_563.jpg

بجامه حرير بيج

http://forum.hwaml.com/imgcache2/hwa...458502_458.jpg

روب للنفاس اذا جاني ضيوف

http://forum.hwaml.com/imgcache2/hwa...458502_571.jpg

شال لتغطيه الراس

http://forum.hwaml.com/imgcache2/hwa...458501_931.jpg

شبشب للتمخطر بالغرفه http://forum.hwaml.com/imgcache2/hwa...458499_304.gif

http://forum.hwaml.com/imgcache2/hwa...458499_987.jpg

فوطه للاستحمام

[IMG]http://forum.hwaml.com/imgcache2/hwa...458501_689.jpg[/IMG]

كلوتات الدوره وسنتيان الرضاعه وبنطلون للتدفأه

http://forum.hwaml.com/imgcache2/hwa...458503_873.jpg

ادوات لي بخاخ العرق وكريم لليدين ومعجون وفرشاه وصابون

http://forum.hwaml.com/imgcache2/hwa...458500_267.jpg

ادوات للسمكره عشان لايرتاعون الضيوف لاجووو خبرون الولاده كيف يصير شكلها لاطلعت من غرفه الولاده http://forum.hwaml.com/imgcache2/hwa...458500_973.gif





اتمنى بجد اني افدتك ولو قليل

رد: تجهيز شنطة المستشفى..بالصور..
 

نسيت

http://forum.hwaml.com/imgcache2/hwa...458953_518.jpg


لشفط حليب الام بالايام الاولى

رد: تجهيز شنطة المستشفى..بالصور..
 

الله يقومج بالسلامة اختى الغالية

رد: تجهيز شنطة المستشفى..بالصور..
 

حبيبتي الله قومك ويقومنا معاك با السلامه ناقصك عبايه عشان اذا توسخت عبايتك تكونين جاهزه

رد: تجهيز شنطة المستشفى..بالصور..
 

زيدي لبسه لنونو وكل لبسه تحطينها يكون معاها مهادها ( الكافوله)ممكن يرجع او تنعدم ملابسه واتاكدي من وحده ولاده جديد اذا يدونك اغراض لك او لنونو ولا لا لانه عندنا ماعاد يدون اللي تولد شي تجيب اغراضها معاها

رد: تجهيز شنطة المستشفى..بالصور..
 

اغراض البيبي تمام
بس انتي خذي نعال للحمام الله يكرمك و منشفة
وتنظيفات ومشط شعر وكريم شعر ومرطب ومشد وخذي كحل وروج وفير اندلفلي عشان الزوار وزوجك

انا عني اخذت هذا كلة وما احتجت المستشفى عسكري ووفرلي كل شي واستخدمت ملابسي للخروج وامي جابت عباية للخروج

رد: تجهيز شنطة المستشفى..بالصور..
 

الله يقومنا كلنا بالسلامة

رد: تجهيز شنطة المستشفى..بالصور..
 

رد: تجهيز شنطة المستشفى..بالصور..
 

ياناسسسووو ملابس النونوو تدنن الله يقوووومك بالسسلامه

رد: تجهيز شنطة المستشفى..بالصور..
 

حبيبتي الله يقومك و يقومنا كلنا بالسلامة

بس حبيت اقولك افضل خدي معاكي شوية حفايض للبيبي و مناديل تمسيح

يعني ما تضمني كل المستشفيات تعطيكي الحفايض و الشامبو و مجموعة جونسون و كده