|
تجهيزات الولاده
الموضوع منقول للامانه
عشان مابيكم تزعلون مني وتحسبوني كاتبة الموضوع لان كاتبنه بالغت حبتين مع ان اكثر كلامها عين الصواب وكل اللي ابغاه منكم وجهة نظركم في هذا الموضوع تقبلوا شكري واعتذاري حيال بعض الكلمات بنات حبيباتي اعذروني بصراحه أنا عندي كلام يقرقع بقلبي من زمان والحين جاء الوقت اللي بفضفض فيه يوم شفت صووووووووووووووووور تجهيزاات غرف الولادة!!!!!!!! الحريم والولاده وما ادراك مالولاده وخبة النفاااااس؟؟؟؟ ياربي وين عقول الحريم تكفون دلوني والأردى منها زوجها هالكمخه اللي يكد طول عمره وبعدين يحرق هالفلوس في بالوناااااااااااات!!!!!!!!! اي باااالونات الحمد لله على العقل تروح 700 ريال او800 ريال على بالونات يصفونها على الباب ****تصدقون أول ماشفتها حسبتها حفلة بزر نجحت عمليته قلت اكيد اهله يبون يفرحونه بهالبالونات بس قعدت افكر وش جابه لقسم النساء والولادة بعدييييييييييين اكتشفت بحكم ذكائي انه توه طالع على الدنيا اهااا!!!! طيب من أولها ينفخون له هالخرابيط؟؟؟؟ والا عاد كأنه يدري والا يشوف كان نقول ^^^^^لاحول ولا قوة الا بالله بصراحه مو تحسون مثلي انها حركة بزارين بالونات وكرانيش وزخارف مال لامها داعي اصلا اذا شفتها حسيت ان اللي بداخل الغرفه حرمه موناقصة عقل ودين الا حرمة مسطحة عقلها ودينها بأقرب سيارة بلديه ورايحه البلديه مفرغه الزبايل بأقصى الربع الخالي وتحلل مخها ودينها هناك!!!! طيب بقولكم شي اذا قلت لوحده وشوله هالخرابيط والاسراف قالت حمولتي كذا طيب أنا اقوووول ليش انت ما تبدين بالتغير وتصيرين قدوة لهم ولك أجر من اقتدى بك يعني تسنين سنه حسنه يعني الاحظ كل سنه ينهبلون الناس اكثر وبنفس الوقت يكثر الجوع والفقر والقحط والجدب في دول اخرى !!!!ماتخاف الوحده ان الله يبلاها بهالشي ياناااااااااااااس ذبحتنا المظاهر والله ذبحتنا تلقون الوحده زوجها يجمع الريال على الريال ويتعصرونها تعرص وتجي قدام الناس على بالي شوفوني تراي كشخه وتراي مو ناقصني شي ياااااااااااااا عالم اتقوا الله وين البساطه وين الحياة الجميله وين سعة الصدر وين ايام اول يجون للنفاس معهم الشاهي والقهوة والكرااااث؟؟؟؟؟والجلسه بابسط الراحه وعدم التكلف وينها ليش الناس تبدلوا بيوم وليله؟؟؟ليش أنا بقولكم شي: هل الوحده اذا جابت طبلونها بالكلافه والدندشه والاسراف المقيت اذا زاروها الناس وشافوا هالكلافه بيعطونها خير؟؟؟؟ هل؟؟؟؟ سؤال صريح ارجوا الاجابه انا اعطيكم اياها منهم بيطلع ويقول مسيكينه متكلفه وحاطه وحاطه وزوجها الضحيه والا راتبها مجمعته عشان هالولاده وتروح مسخره وضحك ومنهم يطلع ويقول بصراحه ستايل غرفتها مو حلو وناقصها اشياء احس انها قرويه شوي ماتنفع لولد عمي ومنهم من يطلع يبي يقول ياحظها لاعبه بزوجها لعب ممشيته على ابو كيفها الله يخلف علينا وعلى رجالنا ماسووا ربع اللي مسوي زوجها لها وتروح الوالده بخبر كان من العيون والبلاوي ومن شيخ لشيخ ومن مستشفى لمستشفى الناس ماتعطي خير عشان تاخذ من اولها ترك الاسراف ثم ترك الاسراف ثم ترك الاسراف ملاحظه انا ما اقول تصككي ولا احد يشوف نعمة الله عليك لكن!!!! بحدود المعقول مثلا حطي مفرش فخم تستفيدين منه بعدين ولك وللزمن حطي سلتين شكولاته فخمات اذا ما اكلوها الناس تاكلينها انت وعيالك خخخخ بس وباقي الفلوس تصدقي بها لناس يدورون كسرة خبزه يتعشون عليها واحمدي الله على نعمه التى لاتعد ولا تحصى انا اعرف وحده شخصيا كانت طوووول الحمل وهي تولم لهنفااااس وفكرها مشغول راحت فصلت لها جلابيه ومفرش لها وسرير للبيبي وستاره وكوشه لسريرها والصياني مفارشها كلها طقم مع لبسها والغرفه كلها انواااااااع الفسقه المهم اثناااء الولاده تعسرت بغت تموت لكن!!!!!! مات الطفل وهي قعدت بالمستشفى شهر من عمليه لعمليه هاه قولولي استفادت؟؟؟؟؟ لاتعليق من الان حملة ضد الاسرااااااااااااااااااااف وخصوصا للنفاس اولا لازم الوحده تحمد الله وتشكره على نعمة ان الله هون عليها ورزقها مولود يكثر به نسل أمة محمد صلى الله عليه وسلم وبعدين تتذكر اخوانها اللي يتقطعون من الم الجوع والفقر وانين الاطفال والام بجانبه ما تستطيع فعل شي لولدها يارب غفرانك يارب رحماكhttp://forum.hwaml.com/imgcache2/hwa...918373_718.gif اتمنى ماتزعلوا يابنات وسامحوني |
رد: تجهيزات الولاده
ام ريتاج رحم الله والديك .. بالصراحه كآن ودي اطرح مثل هالموضوع من قبل بس انتي حطيتيه بدالي وريحتيني هههههه .. بالصراحه انا اشوف ناس واجد مبالغه سواء في تعديل غرفه المستشفى او الغرفه اللي بقعدو فيها كم يوم .. والله اشوف بعيوني واحسب ويطلعوا التكاليف 8000 وفوق بعد .. وربي حرام ماحد بحس بالنعمه اللي فاقدها .. وهذي كلها مجرد مظاهر بالنسبه لي .. اني صحيح حامل وبكر بس ابدا ماجى على بالي كل هالاسراف وهالحركات اللي بكره ماحد بنفعني فيها .. هي كشخه صحيح بس فيه شي بالمعقول .. لان بكره ماحد بضرر غيرهم على حساب الناس بسسسسسس .. وياريت كل وحده تفكر تسوي كل هالخرابيط تفكر انها تنتفع فيهم هي وزوجها والبيبي اللي جاينهم ويسافروا بها احسن ليهم من كل هالمصاااااريف .. ومانقول غير الله كريييييم |
رد: تجهيزات الولاده
انا الصراحة اهلي ما يسوون من هالامور و مرتاحة هع هع... ولا جا يووم على بالي اسوي كذا ..و لمن كنت اشوف هالاشياء فالنت كنت بس استغرب و افكر بس صور مب صج!!
يعني المستشفى الوحدة ما تقعد فيه غير يوم يومين ... و احنا عندنا ما يزورون الوالد الى فبيت اهلها او بيتها يعني المكان اللي بتقعد فيه بعد الولاده .. فالمستشفى اهلها بس يزورونها !! <<<< يخي مااا يمدي!! و على فكرة احنا الناس يجيبون لنا بطاقات و هدايا مب احنا اللي نعطيهم هع هع.. يعني الوالد بس عليها الضيافة و ترتيب و تزيين الغرفة اللي فبيت اهلها ... ولا تنشغل بشي ثاني غير روحها .. والله مرتاحين الحين عرفت قيمة هالنعمة ! |
رد: تجهيزات الولاده
انا بصراحة ما اايد هاذى الحركات مثل الى يتجهزون للبيبى انتى بتضمنين الطفل يموت او يعيش او تتكلفين فى التجهيزات وغيرها من مفارش ذيك الاسعار الغالية والتقديمات والبس واللة ماتسوى 40وماتدرين وش يصير لس اقل شى بيجيس عين من الناس يحسدون الواحد فية ع كشختة بدل هاذا كلة اشترى لى لبس بعد النفاس واكشخ عند زوجى واتصدق اشوى بفلوس تحمد للة ع النعمة الى رزقنى فيها
|
رد: تجهيزات الولاده
لا تعليييييييييييييييييييييييييييق
|
رد: تجهيزات الولاده
بارك الله فيك
التوسط زين في كل شىء |
رد: تجهيزات الولاده
بصراحة الموضوع روعة وبجنن وعن جد معاكي حق الزوج بيشتغل ليل ونهار مشان يجمع ريال فوق ريال والزوجة بتصرفون في ثواني وعلى اشياء مالها داعي
انا بشوف هون ب السعودية فزلكة زايدة في النفاس وعلى شغلات مالها طعمة بسوريا الولادة الطبيعية بس بتقعد ساعتين بالمستشفي بعد الولادة وبيطالعوها اما يلى ولادة القيصرية بتقعد يوم وليلة بس وامها بتقعد عندها يومين او اسبوع وبس لانفاس ولاتجهيزات ولا خرابيط |
رد: تجهيزات الولاده
والله صاااااااااااادقه كلها مظاهر كابه ما دخلت مخي لكن ناس عن ناس يختلفووووو
|
رد: تجهيزات الولاده
أم ريتاج ح معاك حق
انا سبق طرحت موضوع كيف نجهز بأقل ميزانيه اتطلعي عليه وكنت اتمنى تفاعل من الحوامل أكثر عشان نستفيد ونفيد http://forum.hwaml.com/t63052.html يعني مومعقول ارمي 2000 أو 3000 في مفرش بس من غير باقي التجهيزات انا قادره الحمدلله ولو طلبت من زوجي مابيقول لا بس برضوه الواحد يصير عنده عقل شكرا حبيبتي على طرح الموضوع |
رد: تجهيزات الولاده
الف شكر لكم التفاعل حبايبي اهم شئ مااحد يحط على خاطره مني وخير الامور اوسطها
|
رد: تجهيزات الولاده
ربي يعطيك الف عافية عالمووضوووع الروعه مثلك
وصادقة بكل كلمة قالتها ربي يجزاها خير |
رد: تجهيزات الولاده
مجنونته حياك والله وجودك ارروع
|
رد: تجهيزات الولاده
يعطيك العافيه
|
رد: تجهيزات الولاده
معليش اختي حتى لو كلامك صح ومعاكي حق بس انتي كنك ما احترمتي الناس
وهادا مو اسلوب الي يبغا يصلح شي باسلوب حلو مو بالكلام الفاضي وقللت احترام الغير وتقليل من قيمتهم الي يبغا يصلح يا باسلوب كويس وما يجرح يا يسكت |
رد: تجهيزات الولاده
حياكن جميعاا
|
رد: تجهيزات الولاده
مشككككووووره ع الموضوع
انا بصراحه ما احب اني اصير مره مره ولا اصير ولاشي ولاشي يعني بالنص احب اكون ازين واكشخ بس بحدود |
رد: تجهيزات الولاده
* بيض الله وجهكـ طرح متميز بتميزكـ *
الله يجزاكـ كل خيـــــر ويجزأ من كتبت الموضوع ، العقل مايزعل من هالحكي لأنه صدق مانقول عيشي بقحط ولاتعبرين عن فرحتك باي شكل من الأشكال ولكن خير الأمور أوسطها يعني لاإسراااف والله محاسبين محاسبين ، الله يبدل الحال لأحسنه |
رد: تجهيزات الولاده
نورتواا ياحلوات
|
رد: تجهيزات الولاده
انا بصراحه ماايد هالشيء
بدال مااحط فلوسي وفلوس زوجي في اشياء مالها داعي اخليهم ع جنب وابعدين اشتري شيء للبيبي يستقيد منه بعدين والحمدلله مافكرت اني افصل لي مفرش نفس البيبي ومدري ايش وتوزيعات وترتيب وتزين الغرفة اولا مفرش النفاس مابتستفيدين منه لانه يمكن يتوصخ بالدم او غيره يعني حتى لو انغسل ماينظف كويس وثانيا هالتوزيعات مالها اي داعي ربي عطانا عقل عشان نفكر فيه يعني الزوج يكرف ويتعب ويشقى ويجمع ريال على ريال وبالاخير يطيرهم على زينة الباب ومدري شنو وربي كل شيء بالعقل الحمدلله على النعم اللي احنا فيها اللهم لاتؤاخذنا بما فعل السفهاء منا يسلمووو خيتو على الموضوع |
رد: تجهيزات الولاده
موضوع حلو ورائع .. لكــن خير الأمور الوسط
انا يمكن بس اتكلف بالغرفة ابي اخذ شي ارتاح فيه مو شي لو اجتمع اثنين خلص الهواء في الغرفة هذا كل الي في بالي والباقي كله اشياء بسيطهـ والله يسهل ويجي الكتكوت بصحة وعافية |
رد: تجهيزات الولاده
كلامك عين العقل
الله يسعدك |
رد: تجهيزات الولاده
بالعكس انا مو ضد انا الواحد يفرح وكل شخص له طريقته وعلى حسب ظروفه .....
|
| الساعة الآن 01:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .