|
اللي ولدت قيصري ببنج نصفي تدخل طالبتكم
السلام عليكم ورحمة الله وبركاته كيفكم جميعا الله يهون على الحوامل ويسر لي ولكم والحمد لله على سلامة الوالدات أنا بكريه والأسبوع الجاي بخلص التاسع وأكيد بيحددون لي العمليه عالأسبوع الجاي وبكرى موعدي مع الدكتوره بمستشفى سعد بالخبر السبب راس البيبي فوق الخوف أنها بنج نصفي يعني تسمعين كل شي وأنا خوافه لدرجه فضيعه ماأدري لما أشوف غرفة العمليات وش بسوي ماتعرفون دعاء يطرد الخوف بنات تكفون مالي غيركم بعد الله أسئل مين أو أشاور مين لاأحد يطنشني أبي أعرف كيف هالعمليه تصير أسمع الأدوات أو أشوف شي أو نهائيا ماأشوف قلبي بيطلع من الخوف حبيت أفضفض هنا ماأقدر أتكلم مع أهلي بهالموضوع ينشغل بالهم علي عندي شوية أسئله / الحين مو غرفة العمليات ثلج وبرد اللي أبي أعرفه مايدخل هالبرد بالأرحام ويتعبها أقدر أحط كماده مثل حركاتي بالدوره الشهريه على أسفل بطني والسؤال الثاني/ سبحان الله الحين البيبي طلع من فوق مو من تحت كيف ينزل الدم الله يعزكم(دم النفاس)من تحت اللي مثل الدوره وتجيكم أخت النفاس اللي بعد ماتخلصين الأربعين وفيه أحد منكم كان وضع الجنين زيي يعني الراس فوق والحمل الثاني يصير الوضع طبيعي وتولد طبيعي؟؟ واللي تبي تذكر أي شي عن القيصري وماسألت عنه أنا كلي آذان صاغيه ... قصدي عيون قارئه تكفون لاتطولون علي بكل نومه أنامها لازم أحلم |
رد: اللي ولدت قيصري ببنج نصفي تدخل طالبتكم
صديقتي ولدت فيها قبل كم يوم
روووووووووووووعه احسن من الكامل يجيب كتمه وبلغم ودوخه واستفراغ ماتحسين بشي وتقول بس يسولفون معاها مااعطوها فرصة تدعي وبينها وبين الدكتور شتاره من تحت صدرها يعني ماتشوف شي ولما طلعوا البيبي الأول < توأم بسرعه نظفوه واعطوها انشغلت فيه لين طلعوا الثاني هي قد ولدت طبيعي وقيصري كامل وقيصري نصفي تقول احسن ولاده هذي حست باطفالها وجلس مفعول الابره معاها لما طلعت من الغرفه وجا زوجها شافها وحست بأطفالها مو هلكانه وتعبانه زي الطبيعي ولا البنج الكامل بالعكس كل شي كان الحمدلله زين انت حاولي بالممرضات لو يرضون تعطينهم كاميرا يصورون البيبي فيديو او ماينظفونه وكذا بعضهم يرضون وبعضهم يرفضون جربي واستمتعي حد البنج يخليك حاسه بالعافيه ومافي الآم عيشي اللحظة وربي معاك ياعسل استودعي الله نفسك وكل ماانعم به عليك وقولي حسبي الله لااله الا هو عليه توكلت وهو رب العرش العظيم 7 مرات يكفيك الله مااهمك واستغفري وادعي كل اللي نفسك فيه لك ولزوجك وللبيبي وللمسلمين والمسلمات وخشي جو ثاني بعيد عنهم وصدقيني ماهم اغبياء عشان يحسسونك وش قاعدين يسوون بالعكس هم يبغونك تنشغلين ويكلمونك وكذا قلبي وربي معاك طمنيني عنك |
رد: اللي ولدت قيصري ببنج نصفي تدخل طالبتكم
ناردين
الله يفتح عليك أبواب رزقه ويفرج لك كل كربه يارب ماتوقعت بصراحه ألاقي رد بهالسرعه شكرا لك ياعمري |
رد: اللي ولدت قيصري ببنج نصفي تدخل طالبتكم
بصراحه ماأتوقع إني أجرأ أشوف الفيديو
تعرفين شق بطن |
رد: اللي ولدت قيصري ببنج نصفي تدخل طالبتكم
الله يقومك بالسلامة مايصر الا كل خير ان شاء الله جربتها بنت عم زوجي هاليومين وهي بخير وسببها قلت الموية
|
رد: اللي ولدت قيصري ببنج نصفي تدخل طالبتكم
بصراحه انا ماعمري جربت الكامل بس جربت النصفي يحطون حاجز عشان ماتشوفين
واول مايطلع البيبي تشوفيه يجيبونه لك اما بروده الغرفه انا حسيت ببروده وصرت ارجف وجابوا لي زي الخرطوم هوا دافي ووجهوه على صدري ووجهي ودفيت ونمت لان البنج النصفي يكون معاه برضو مخدر خفيف يخليك تنامين والدم ينزل عليك عادي زي الدوره واخت النفاس انا جت علي بعد ماخلصت الاربعين باسبوع ادعيلي بتيسير ولادتي لانها بتكون قيصري ..........واشوف ولدي باتم الصحه والعافيه |
رد: اللي ولدت قيصري ببنج نصفي تدخل طالبتكم
أمل بعيد تسلمين ياقلبي
ملاك صعب الأمتلاك تسلمين والله يقومك بالسلامه ويقر عينك بولدك ياعمري بس ليش تقولين من الحين أن ولادتك قيصريه |
رد: اللي ولدت قيصري ببنج نصفي تدخل طالبتكم
يا قلبي عليكي
توكلي على الله و لا تخافي حاولي تسجدي اطول مده تقدري عليها >> لان وضعية السجود تخلي راس الجنين ينزل و ما تدري يمكن قبل الولاده يكون الراس تحت و صدقيني لو كانت الولاده صعبه و قويه ما كنا حملنا مرتين و تلاته بس توكلي على الله و ادعيه ربي يهون عليكي و يقويكي و ييسر لك ياااااارب تقومي بالسلاااامه |
رد: اللي ولدت قيصري ببنج نصفي تدخل طالبتكم
والله ياقلبي عندي ثلاثه الله يخليهم لي الثالث تعسرت ولادتي وصارت عندي مشاكل في الرحم وجبته قيصري وخلاص بسبب المشاكل اللي صارت ولاداتي كلها راح تكون قيصري الله يكتب لنا الاجر
|
رد: اللي ولدت قيصري ببنج نصفي تدخل طالبتكم
حبيبتي الله يسهل عليك
و لا تخافي ابدا توكلي على ربي و الله اختي سوتها و مره مره ارتاحت ولادتها الاولى كانت قيصري بنج كامل و الثانيه قيصري بنج نصفي تقول النصفي تفرق عن الكامل مليون مره مريييييييحه جدا و ما تشوفين شيء بالعمليه بس اذا طلعوا البيبي يورونك يعني مره حلوه انتي ادعي ربي و و كلي امرك له و بإذن الله تقومي بالسلامه و تبشرينا بولادتك و بسلامتك انت و طفلك |
رد: اللي ولدت قيصري ببنج نصفي تدخل طالبتكم
حددنا موعد العمليه بداية الأسبوع الجاي والدكتوره تقولي تبين كامل أو نصفي بكيفك وأنا محتاره اللي جربوا كامل وين يعطونهم البنج بغرفة العمليات إذا بنفس المكان وكل الحالتين بتشوفين الغرفه بتوكل على الله وبختار نصفي وموعدي مع دكتور التخدير يوم السبت وكل وقتي بالمستشفى وأنا تخنقني الصيحه ودموع يمكن لأني كنت لحالي flake ،، تسلمين ياعمري وياااك يارب وأتمنى إني ماأخاف أنا صبوره جدا ماتتخيلون قد إيش قد عانيت من لدغة عقربين من اللون الأبيض بليله وحده صوتي ماطلع كل شي داخل كاتمته بس ماعندي قلب شجاع يشوف غرف العمليات أو حتى إنتظار العمليه قبل كم يوم هذا الشي جدا صعب أشوف أن اللي تروح للمستشفى وهي ماتدري بالضبط كيف بتولد بعدين يقولون لها عمليه ويدخلونها بسرعه كذا أهون ملاك صعب الامتلاك الله يكتب لك الأجر يحفظ لك أولادك وبناتك عشق الطفوله تسلمين حبيبتي طيب أبرة الظهر وش قالت عنها تعور؟ ولا زي إبرة التحليل لأن إبرة التحليل بالنسبه لي ولا شي وأعرف ناس ينهبلون منها وهل يعطوني مهدئ قبل العمليه عشان يروح الخوف ترا من كثر خوفي حتى الملاهي الصعبه ماأركبها وإذا غصبني أحد أركب وأنا أنتفض ولا أقدر أشوف اللي قدامي |
رد: اللي ولدت قيصري ببنج نصفي تدخل طالبتكم
رفع
رفع رفع |
رد: اللي ولدت قيصري ببنج نصفي تدخل طالبتكم
ياعمري حدودو لك قيصري الله يكون بعونك
انا مثلك راس البيبي مرتفع وتقول معك لاول يوم برمضان اذاظل وضعه زي ماهو قيصري على طول وولادتي الاولى قيصري |
رد: اللي ولدت قيصري ببنج نصفي تدخل طالبتكم
شوفي يافلبي انا عطوني بنج كامل بغرفه العمليات
افضل البنج كامل احس افضل بسئلك اسفل بطنك تحسي متحجر ولامترهل لا اسفل بطني مترهل عشان اعرف اذا نزل البيبي يتحجر ولا لا؟؟؟ |
رد: اللي ولدت قيصري ببنج نصفي تدخل طالبتكم
انا بعد مثلكم للحين راس البيبي فوق ياااااااااااااااااااااااااارب يارب ينقلب ويروح تحت ونولد طبيعي كلنا ونقوم بصحه وعافيه انا ماكنت خايفه بس الحين فتحت كم صوره للولادة الطبيبعي وخفت وبعدها شفت القيصري خفت اكثررررررررررررررررررر انا بكريه
الله يسهل علينا كلنا ودي اصيييييييييييييح |
رد: اللي ولدت قيصري ببنج نصفي تدخل طالبتكم
اقتباس:
بطني يتقلب مكان التحجر مره على جنب ومره تحت ومره بالوسط مو مستقر على مكان واحد ليش سويتي قيصري بالأول؟ |
رد: اللي ولدت قيصري ببنج نصفي تدخل طالبتكم
قمر بنت راشد
الله يهون علينا جميعا والله يسهل ولاداتنا |
رد: اللي ولدت قيصري ببنج نصفي تدخل طالبتكم
هلاحياااتي
انا بولادتي السابقهكان وضعي طبيعي والبيبي بالحوض وكل شي طبيعي جاني طلوق ومسكت نفسي ولارحت لللمستشفى الاالرحم مفتوح 5ونص سم مشالله المهم فتح الاعشره سم وهنا تبداء المعانه مرت 3ساعات والبيبي ينزل واذوصل لمكان الخروج طارلفوق ومع الطلق ينزل الين يوصل للمنطقه ويشوفونه ونفس الحكايه يطلع لفوق يعني تعسرت ولادتي بشكل فظيع وانا بين الحياه والموت يعني بعد كل هذا سوى قيصري مع ان المفروض من البدايه سوى من فتح 10سم ومرساعه ولانزل المهم هذي قصتي وحطوليي طلق صناعي بعد الله يأجرنا انا مابي اخوفك بقصتي احس احينىاللي تولد قيصري ارحم لها ترى اتكلم لاني مريت بتجربه صعبه واعرف اكثر الاخوات مايأيدون القيصري |
رد: اللي ولدت قيصري ببنج نصفي تدخل طالبتكم
شعاع الأمل
الله يسهل ولادتك يارب ويفرج علينا جميعا |
رد: اللي ولدت قيصري ببنج نصفي تدخل طالبتكم
يااااا رب تقومين با السلامه وتراها سهلا
انا ولادتي غيصري التخدير كااااامل وربي تعبت تعب ما يعلم فيه الا الله ومن هذاك اليوم وانا فيني كحه ما ادري من ايش ووحده معنا في المشفى وولدت تخير نصفي ما شاء الله عليها عيني عليها بارده صاحيه وعادي ولا كن صارلها شي وتسولف بعد عن اللي صار في غرفه العمليات تقول بس اسمعهم يسولفون عادي ولا كنهم يسوون عمليه سبحان الله |
رد: اللي ولدت قيصري ببنج نصفي تدخل طالبتكم
ههههههههههههههههههههه سودانيهه انا اكتب غيصري مو قيصري غلطه مطبعيه معليش خخخخخخخخخ
|
رد: اللي ولدت قيصري ببنج نصفي تدخل طالبتكم
هلا ياعمري حياك الله وشكرا على المشاركه
|
رد: اللي ولدت قيصري ببنج نصفي تدخل طالبتكم
تدرون وش مشكلتي
خايفه أن ضغطي يطلع وينزل من الخوف وماأدري وش أسوي بنفسي كل البارحه وأنا أقرأ بالمنتديات الناس أشكال وأنواع والأغلب يأيدها بس يقولون يبيلها قلب قوي وأنا ضعيفه مره بحياتي مادخلت غرفة عمليات إلا العمليات الصغرى وأعتبرها خرابيط وأبرة الظهر هذي فيه أحد يقول بعدها يجيك زي التنميل وأحد يقول رعشه وأحد يقول كهرباء ياربي تلطف بقلبي تعبببببت تعرفون مغص الخوف كل شوي يجي ويروح |
رد: اللي ولدت قيصري ببنج نصفي تدخل طالبتكم
وش رايكم أفتح اليوتيوب يمكن أتشجع
|
رد: اللي ولدت قيصري ببنج نصفي تدخل طالبتكم
يرفع ،،،،،،،،،
|
رد: اللي ولدت قيصري ببنج نصفي تدخل طالبتكم
ياربي موضوعي لايبعد
أبي أعرف أكثر وأتطمن أكثر ،،، خلااااااااص قربت عمليتي |
رد: اللي ولدت قيصري ببنج نصفي تدخل طالبتكم
الله يكون بعونك حبيبتي .. ويسهل عليك وتولدييييين بيسر وسلامة ..
اللي سمعته ان البنج النصفي مرة حلو ومايحتاج تخافين منه / خلي في بالك انك راح تشوفين البيبي اول ماينولد .. وانتي مرتاحة ان شاءالله .. بس ابغى اسأل للي عندهم فكرة البنج النصفي هو نفسه ابرة الظهر للولادة الطبيعية ؟؟ ونفس سؤال ام مثالية : الابرة يعطون قبلها بنج موضعي عشان مانحس بألم دخولها ؟ والله يسهل عليك يارررررررررب |
| الساعة الآن 01:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .