|
طلاقي سبب جارتي
صباح الخير
انا الصراحه بزف لكم خبر ماكنت متوقعه اقولها اصلا في حياتي المهم انا ناويه اطلق من زوجي لانه خاني مع جارتي المطلقه بالرسايل والمكالمات وانا كشفته ليش كذاوانامقهوره منه وناوي يتزوجها الي قاهرني عندها ولد عمره 16سنه الكبير والصغير 11سنه وعندها اربع عيال بالي ذكرتهم ترجيته يتركها وحبيت على يدينه عشان يتركها قال خلاص عطاها كلمه والي قاهرني تونا ناقلين الى بيت جديد وكل شي جديد انا مقهوره منه يمكن عمرها 34 وعندها عيال وانا الصغيره عمري 23سنه شورو علي وللمعلوميه الي بيصير طليقي يحب يقارني باي احد والي يقهر ولد عمي والي يقهر عشرة ثمانية سنين تروح في لحظة خيانه والي يقهر اهله عارضوه والناس لاموه الا اصدقائه وباقي متمسك فيها حبيت تنصحوني وش اسوي وللمعلوميه انا سليمه وهو سليم وصار بينا كم حمله لكن الله سبحانه مايثبت وهو مو خذاها عشان الخلفه لانه حبها ابيكم تنصحوني وكأنك خضتي التجربه وبعيد الشر عنكم لان مايحس فيني الا الي ذاقها والسلام ختام |
رد: طلاقي سبب جارتي
اسال الله ان يسخره لج
خلي يذوق فراقكج علشان يرجع لج مااقصد انج تروحين عنه لا بالعكس اقعدي في شقتج وخلي المشاكل تجيله من اعيالهاا يمكن ربي يهديه ويرجع لج بروحج اذا هو مصمم خليه وانتي حاولي مره ومرتين وثالثه وقوليله صل صلاة الاستخاره ارقيه وشغلي في البيت سورة البقره 3 مرات كل يوم وحاولي تشربينه ماي مقري عليه الايات الرقيه الشرعيه اخاف انه مسحور ياعمري انتي توكلي على الله والطلاق مو حل اشكثر صارت هالسوالف وبالاخير رجع لزوجته .... |
رد: طلاقي سبب جارتي
بصراحه ماأدري وش أقول من شدة الصدمه لمن شفت مواضيعك تذكرتك وماتوقع بيوم تكتبين اللي كتبتي والله لايحطنا بهالمواقف أبداً
أفضل حل تستخيري لأن الله وحده هو اللي بيدلك على الطريق الصحيح بكل أمورك ولو جينا وتكلمنا من ناحية الفرص فالعمر قدامك طويل لو فكرتي تتطلقي وتعيشي تجربة زواج ثانيه بما إنك بهالعمر والحمدلله ماعندك عيال... ولو من ناحيه ثانيه بنقول لاتعطينها فرصه تاخذ اللي لك حتى لو أغتر فيها في البدايه فصدقيني مع مرور الوقت حتى لو بعيد راح يبدا الشك بينهم بما أنه كلمته فراح يفكر أنها كلمت غيرها وبتتزعزع الثقه بينهم ماأدري إذا أشجعك على الطلاق او لا لأني فعلاً محتاره ومصدومه في خيانة الرجال وسهولتها عندهم عزيزتي لو تشوفي أنه فيه ولو حاجه وحده تستاهل أنك تنغصي حياتها معاه علشان هالصفه فيه فلا تتركيها تاخذ الفرصه وتحرمك منه وإذا تشوفي أنه مايستاهل أي تضحيه بعمرك وبشبابك وبكل ماعندك فأتركيه بدون أدنى حسافه أوندم عليه وأدعي أن ربي يعوضك باللي أفضل منه فمثل ماقلت لك العمر بإذن الله قدامك طويل وعمرها بإذن واحد أحد قصيييييير لاتضيعيه على شي مايستاهل وصدقيني زي ماكان يقارن بينك وبين أي أحد وأنتي بزهرة شبابك أجل هي وش راح يسوي معاها وهي بهالعمر أنا ماأقصد العمر نفسه بس أقصد الصفه هذه عند زوجك وأستخدامه لها معاك أوقات وأنا أسترجع كلامك أستغرب شلون كنتي صابره على مقارناته وأساليبه وليش ماوضعتي لها حد أعذريني بس زي ماقلت الإستخاره أفضل حل وبإذن الله ربي يكتب لك اللي فيه الخير وأستشيري أي أحد من أخوانك وأطلبي رأيه كرجل رزين وعاقل وعارف شخصية زوجك وأسأليه إذا يشوف أن زوجك يستحق أنك تضحي وتعيشي معاه أو مايستحق خاصة بعد كل تصرفاته وتعامله معك مو بس قصة الخيانه مو كأخ وعلى فكره يمكن تفيدك هالقصه بس وحده من قريباتي حصل لها نفس اللي صار لك مع إختلاف بسيط أنها مو جارتها بس كان يجيبها للبيت ورفض يتخلى عن الخويه علشان الزوجه وطلق قريبتي اللي هي بنت عمه بس الله سبحانه وتعالى عوضها بزوج يشوف الدنيا بعيونها الله لايغير عليهم الله يوفقك ويرعاك |
رد: طلاقي سبب جارتي
هلافيك ياختي ،،
إنتظري لاتطلبي الطلاق ،،خليك عند اهلك الين يرجعك وهو نادم على فعلته ،،أو أجلسي في بيتك ،، حتى لو تزوجها كلها نزوه وبعدها بيطفش مدامه يقارن ،،شي في النفس ،،وعيالها كبار مو صغار ماراح يخلونه يرتاح هو وأمهم ،، أو خليه يكتب لك البيت الي ساكنينه أو شقه منه ،،شغلي مخك،،لاتروحين وتتركينه لها على طبق من ذهب ،،، والله يعينك ويصبرك ويقويك عليه ،، |
رد: طلاقي سبب جارتي
انا احس بقهر منه ليش تركني بهاسهوله
ليه نسي عشرة ثمانيه سنين بلحظة نزوه هو الحين يطلب ويترجاني ارجع لبيتي وكما تعرفون هو ولد عمي قبل يكون زوجي واخوه بيتزج اختي في شهر 10 وهو شكله حاسبه لان زوجته الثانيه عندها عيال كبار وماراح تستقبل اهله لان شققنا الي في العماره صغيره فيقول وهو عارفني ماراح اترك عمي بدون ضيافه وهو يعرفني كريمه وبنت اصل وهي مو مجبوره تستقبلهم لانها مدرسه وتصرف على نفسها وعيالها والايجار وانا ما الومها اذا مااستقبلتهم انا افكر بطلاق الصراحه واسال الله العظيم ان يعوضني بالي احسن منه واذا ما تزوجت عادي والافظل اكون خادمه لوالدي لاخر عمري بس ادعولي اتجاوز المصيبه بصبر وقوة ايمان وشكرن على وقوفكن جنبي الله لايحرمني منكم |
رد: طلاقي سبب جارتي
يااااعمري الله يعينك ويصبرك
لاتستعجلي خليها على ربك وياااارب يكتبلك اللي فيه الخير يااارب يندم ويندم ويندم وهيا حسبي الله عليها الله يردلها اللي سوته فيكي باغلى ماعندها عليكي بالدعااااء والاستغفاااار وربي معاااااكي |
رد: طلاقي سبب جارتي
الله يهون عليك حبيبتي
|
رد: طلاقي سبب جارتي
الله يصبرك ويقويك ... بس نصيحتي لك لاتطلقين منه ...ترى جارتك راح تنبسط اكثر واكثر
خليك جالسه على قلبها لاتخليها تتهنى فيه... وانتي خليك ببيتك وصدقيني هي فترة راح ينبسط معاها وبعدها راح يحس بالفرق.. وهي مثل ماقلتي مدرسه يعني تروح وتجي وعايشه حياتها... وانتي جالسه ببيتك ومتفرغه لزوجك... خليك ببيتك ولا تهدمي زواجك وعشرة عمر 8 سنوات بسبب وحده ماتستاهل .. انتي توك صغيره ومو حلو انك تكوني مطلقه وحزنت عشانك والله لانك مثل عمري 23 سنه.. ومثل ماقلتي هي لحظة نزوه وراح تزول ان شاء الله.. واختك راح تتزوج اخوه وراح تقوى العلاقه بينكم صدقيني ... لاتطلقي يااختي وتتركين زوجك لوحده ماتستاهل وربي يوفقك ويسهل دربك غلاتي .. |
رد: طلاقي سبب جارتي
البنات ما قصروا اضيف رايي لهم
لا تستسلمين بسهوله تهون عليك 8 سنين من عمرك !! اذ هو ما طلق انتي لا تطلبين الطلاق ولا تنسين انك الصغيره يعني بيجيك وهو ندمان بس لا تفتحينلها مجال تاخذ زوجك بكل سهوله مهما كان هذا اخذ من عمرك 8 سنين وابد مو حلوه كلمت مطلقه حتى لو تزوجتي بعدين باخذين على حرامه ولا كبير في العمر وحتى لو جلستي عند والدينك بيجي يوم ويروحون عند ربهم فكري عدل ولا تستسلمين ربي يوفقك وشدي حيلك خليك قويه ازمه وتعدي ويمكن مسويه ل زوجك سحر لا تستبعدين في امان الله |
رد: طلاقي سبب جارتي
انتي قلتي حطي نفسك مكاني انا لو مكاااانك
كااان خربت الدنياااااا فوق راسهم الاثنين و عذبت زوجي وذوقته الويييييييييييييل قبل لا اسيبه واتركه مثل ما رماني وارميه مو اقدمه على طبق من ذهب لامثال هالحرمه الخبيثه الله لا يبارك لها كل اللي تسرق زوج غيرها اعذريني انا عصبيه شوي اتنرفزت من القصه لا تتطلقي بس عذبي زوجك خليه يتمنى رجوعك استغلي نقاااط ضعفه لا تقعدي تترجيه بضعف خليه يرجعلك وارجعي انتي فكري واختاري اللي يناسبك اسال الله انو يعوضك باللي خير منه |
رد: طلاقي سبب جارتي
ياااعمري عليك الله يصبرك حبيبتي انا راي من راي البنات لاتطلبي الطلاق ولاتتهوري طيب حبيبتي انتي ليه مااااتكلمن جااارتك خوفيها قوليلها بدعي عليك ودعوة المضلوم مستجاابه والله يصبرك ويكون بعونك
|
رد: طلاقي سبب جارتي
حبيبتي هي نزوه وبعدين الي
بدايته حرام نهايته حرام صدقيني ماراح يكمل معها يسيبك انتى ويروح لوحده شارفت ع الاربعين خليكي عاقله وقعدي في بيتك لاتخليها تاخد الجو حسبي الله عليها |
رد: طلاقي سبب جارتي
" ترجيته يتركها وحبيت على يدينه عشان يتركها قال خلاص عطاها كلمه "
دى اول ملحوظة انك استعملتى معاه الضعف والرجل لما يحس ان المرأة ضعيفة للاسف الشديد بيستغل ضعفها لازم تكونى قوية فى معاملتك معاه وتوصليله انه مش فارق معاكى يتزوج ولا لاء ثانى ملحوظة انك شايفة عيوب هذه المرأة كويس فهل مفيش فى المرأة دى اى مميزات المفروض تدرسى مميزات المرأة دى قبل عيوبها علشان تعرفى ايه اللى فيها شد زوجك من بيته وحياته ، مش عيب انك تغيرى من نفسك علشان تحافظى على بيتك ، لكن ده طبعا من غير ما تسألى زوجك عنها اذا حاول زوجك ان يرجعك البيت ارجعى علشان تبقى قريبة منهم دى معركة يا اختى ولازم تبقى قريبة من العدو لكن اذا بدأ خطوة رسمية نحو الزواج انا لو مكانك فعلا هصمم على الطلاق ، انا عارفة ان لو انا مكانك مش كنت هتصرف بعقل فعلشان كده حاولى تاخدى بنصائح من حولك ومش تتهورى علشان مش ترجعى تندمى وربنا ان شاء الله يؤلف بين قلوبكم ويبعد عنكم الشيطان |
رد: طلاقي سبب جارتي
شوفي ياعمري طلاق لاتطلبي ولا تفكري فيه لانك في وقت غضب بس انتي ادرى بزوجك اذا كان كويس معاكي ويستحق تعيشى معاه فااصبري اما اذا كان شراني واقشر وعصبي ودائم في مشاكل معاه خليكي على بر قبل مايصير بينكم اطفال وبعدين الرجل الي يحافظ على مشاعر زوجته مايقارن بينها وبين فلانه وعلانه الااذا كان عيونه فارغه هذا رائى ثم احنا كثير نشوف عيوبهم ونسكت عشان مانجرح شعورهم وبعدين في نقطه مهمه انتي قلتي انها ماراح تستقبل اهله ليش حبيبتي مو زوجته هيا كمان لازم تستقبلهم غصب عن خشمها ولا ليش يتزوجها ماشاء الله انتي عليكي الكرف والشغل وهيا الدلع والمسداح لاحبيبتي حطي شروطك لاقعدتي لاتقولي ولد عمي وعمي يبي يرجعك بس عشان تستقبلي وتخدمي شغلي عقلك يكفي انه جرحك وانتي بكيفك بس لاتضعفي
|
رد: طلاقي سبب جارتي
الله يصبرك ويكون في عونك بس قولتك تتطلقين وتعيشن مع اهلك هذا غلط فكري فيها
لان لو تطلقتي ورحتي عند اهلك حتى لو ندم بعدين ما يقدر يرجعك هو ندم راح يندم لانها اول شي هي مدرسة تنام بدري وتصحى بدري وبيطفش وثاني شي اولادها رايحين وجايين يعني ما يقدر ياخذ راحته معهم اما انتي صغيرة وتدلعينه وما باقي ربي ما ارد انك تحملين يعني عندك الهدوء وراحة وتنامين وقت نومه وتصحين وقت صحوته يعني انتي اللي تتهتمين فيه اكثر الله يسخره لك يارب |
رد: طلاقي سبب جارتي
الله يعينك ويصبرك ،،ووفكري في الحمل وسبب الأسقاط شنو منه ،،
بعدها ،،إستخيري وسوي الي يريحك ،، |
رد: طلاقي سبب جارتي
الله يصبرك ويساااااعدك على الاختيار الصحيح الي ما تندمين عليه
ولو اني مكانك والله لاطلق وما اقعد معه لانه ما يستااهلني واحمدي ربك ما جالك عيال والا كان تعذبتي وما تقدرين تخلينهم المهم حبيبتي نصيحتي لك شوفي وش الأكثر سيئاته ولا حسناته وتذكري كيف كان معك اذا هو زين وكويس وابن حلال ويخاف الله فيك لا تتركينه وان هو أناني وما يفكر إلا بنفسه لا تنزل منك دمعه وحده عليه اذا هو ما قدر السنين الي بينكم حتى انتي لا تقدرينها عادي ياما بيوت انخربت وبعدين صاااارت احسن بيوت ربي يعينك يا قلبي والله يقدر لك الي فيه الخير وادعي الله واستخيري |
رد: طلاقي سبب جارتي
حسبي الله علية ونعم الوكيل الله يصبرك
|
رد: طلاقي سبب جارتي
وريه النجووم في عز الظهر خليه يتمنى رضاكي وبعدين فكري اما انك ترجعين له اوانك تطلقين
خليه يهوس باسمك قدامها لا تتنازلين بسهوله انتي قلتي عشره ثمان سنين يعني تعرفي نقاط ضعفه استخدميها بطريقه احترافيه خليه بندم علا اليوم الي فكر انه يتزوج فيه وزي ما قالوا الاخوات انتبهي تقدميه لها بطبق من ذهب قلبي معك بليز طمنينا عنك بين فتره والثانيه خالص ودي |
رد: طلاقي سبب جارتي
اختي بنصحك وان شاء الله تفيدك نصيحتي لاني انا والاخوات تعددت ارانا
فاالله يعينك خذي منها الي يصلح حالك المهم انااقول لا تطلبين الطلاق وبرضة لا تجلسين عندة في البيت عشان يشتاق لك وبعدين اذا كلمك قولي انا احبك وماراح اطلب الطلاق الا اذا لزمت على هذي الانسانة وتزوجتها في هذا الوقت راح نفتررق وانتة الله يهنيك معها وانا ان شاء الله يعوضني الي يستاهلني وبعدين اختي شكل زوجك مايبيها لانه يحبها شكلة مايبيها الا عشان الخلفة لانها جابت عيال فضامن انة ماراح يكون عندها مشاكل في الحمل نصيحتي اذا كان هذا السبب وهو مصر يتزوج عشان الخلفة قوليلة انا ادور لك عروس او اهلك بس مي هذاي الانسانة وبكذة تقهرينها وتكسبين زوجك وتزوجينة انسانة تخاف الله مي هذي ماتستحي تكلمة وعندها عيال بكبرك ماعليش اختي اعطيتك حل يمكن ينرفزك بس هذا في حال اذا كان يبي اولاد بس ابد مانصحك بالطلاق لانة يمكن اول سنة تقدرين تتحملين بعدة لانة جرحك بس بعدين راح تشتاقين لة الله يصلح بينكم ويرزقكم بالذرية عاجلا غير اجل ياليت ماتنسين وتخبرينا اش صار معك |
رد: طلاقي سبب جارتي
ابتسمي الحين ولاتخافين وربك رب العالمين،،
مابني على باطل فهو باطل،، يكفي انه بدأ علاقته معها بعلاقة محرمة ادعي الله بالليل والنهار ياخذلك حقك منها ومنه وان ربي يرده لك رداً جميلا،، وبعدين المثل يقول(تروح السكره وتجي الفكره) طاير الحين معها بسبب اغواء الشيطان يحليها بعينه لكن لما يرجع لعقلة بيرميها لانها خاااااااااااااااينه وماراح يأمنها على بيته بعدين هذا الواقع ،، وان شاء الله ربي يوفقك وينصرك |
رد: طلاقي سبب جارتي
ايه ياخوااااااااااااااااااااااااتي
قلت له اريد طلاقي وهو يقول لي لو يحطون السيف على رقبتي ما راح اطلقك وانا احبك وانا اقول له كيف تحبني وراح تاخذ غير قال الله حلل اربع وقلت له واكيد الله حلل الطلاق قال لا انا عرفت مقصده انه اذا زهق منها وطفش من الكبيره يجي عند الصغيره هو انا يعني يبي يعيش زي الملك فهمتو علي عمري ماراح اسامحه المشكله كنت احبه حب الجنون ما كنت اصدق فيه اي كلام وهذا هو مطوع طيب لو هو داشر وش سوى اه اه اه تعبت والله تعبت نفسي ارد له الصاع صاعين لكن ماادري كيف...؟؟؟؟؟؟ |
رد: طلاقي سبب جارتي
على العموم انا خبرته اني حامل
وقلت في نفسي بيتراجع قال لي عطيتها كلمه قهرني ورحت عند بيتي وخذت ملابسي واغراضي وقال لي اعطيتها كلمه ماراح اتراجع انا كنت عنده سنين وهي اقل من شهر باعني ومن كثر الصدمه طلعت من البيت وطحت من الدرج وانا ساكنه في دور الخامس طبعا البيبي مات في بطني ورااااح فرحت عمري الحمدلله وحسبي الله عليها وقلت في نفسي راح يندم ويحس على دمه الا متمسك فيها اكثر لاحول ولا قوة الا بلله |
رد: طلاقي سبب جارتي
انا يلي يبيعني بلرخيص ابيع بلارخص انا يلي يخوني مايلمس شعره بعد يوم مني انا يلي يخوني ما اظل عنده ولادقيقة لان يا اختي يلي خانك بكرى يخون زوجته ثانية ويخون ولاده كمان لو عندك ولاد منه ليكي يا اختي ادعي لربك ماعندك ولاد وشفتي رب العالمين ماعطاكي الولاد مشان ماتنحطي بهل موقف وانتي عندك عيال والله يا اختي اشكري ربك ماعندك عيال من هل انسان اللي مايستحي على وجهه يلي خان العشرة بلحظة كرمال وحده ماتسوى قشرة بصل وحده بنت شارع لو ماكانت بنت شارع ماتعمل علاقة مع واحد متزوج وعندها ولاد كانت ربت ولادها وقعدت في بيتها وحده مو متربية ولاتنسي انتي الاصل وانتي الجود وانتي الكريمة والعفيفة خليه يروح يتزوجها وانتي لاتستني عنده ولادقيقة خلهي يدوق المر خليه يندم ويطيح على وجهه ويصحا من صدمة وياكل اصابعه ندم كل يوم لانه باع بنت اصول متلك بوحده ماتسوى وحده بنت شوارع
اسفة على ردي بس انفعلت وهل ناس متل زوجك مايجون الا بـ العين الحمرا |
رد: طلاقي سبب جارتي
اسأل الله العظيم رب العرش العظيم ان يفرج همك وينصرك على من ظلمك
عاجلا غير آجل اللهم آمين عزيزتي اصبري وتوكلي على الله وفوضي امرك لله ولاتطلعين من بيتك مادام ماضربك اوشتمك والله يعينك يااختي واذا ماقدرتي تتحملي فلا يكلف الله نفسا الاوسعها الله يرد لك زوجك ويألف بينك وبينه انه على ذالك لقدير |
رد: طلاقي سبب جارتي
مشكورين ياحبيباتي
على مواساتي في مصيبتي الحمدلله على قضاءه وقدرته |
رد: طلاقي سبب جارتي
كان الله في عونك وعليك بالدعاء والصلاة اخر الليل والاستغفار والصدقة وثقي انه سيرجع لك وان الله سوف يرزقك بالذرية الصالحة وان يسخر لك زوجك امين يارب العالمين
|
رد: طلاقي سبب جارتي
الله يصبرك يا قلبي ويرجع لك زوجك ندمان
وطمنيني عليك |
رد: طلاقي سبب جارتي
يغلق ... لان مشكلتها انحلت
|
| الساعة الآن 01:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .