|
بسم الله
حسيت ان هالمنتدى فيه تعاون وحبيت افضفض وتكفون بنات ابي مشورتكم متزوجه من خمس سنوات عندي بنت وولدو حامل مشكلتي من ام زوجي يعلم الله اني بريت فيها بر مايعلم فيه الا رب العالمين كنت ساكنه معهم بنفس البيت بغرفه وحده صغيره 4×4ودورة مياه وانتو بكرامه المهم مو كل وقتي فيها خميس وجمعه والايجازات بس بحكم طبيعت عمل زوجي والله يابنات اني من اجي انا الي اسوي الوجبات لها ولعيالها وانها ماتدخل المطبخ الا نادرا والحين الحمدلله سكنت ببيت لحالي بس قريب منهم لازم سياره والله من سكنت وهي يوميا عندي بعيالها يا غدا ياعشاء طيب ومتحمله عشان زوجي الي محتار وش يسوي وبعد فتره صرت اروح لهابقهوتي وحلاي والله يابنات انها تعيب بقهوتي رغم كل من جاني يمدح قهوتي ومامدح نفسي بالمطبخ من طبخ وسنع بصراحه اني ان اشتغلت اشتغل من قلب لابد من الذم والله عمرها ماقالت ماقصرتي الله يعطيك العافيه وتمدح بنات عند زوجي فلانه فيها وفيها عمرها مامدحتني بشي رغم الحمدلله اني جامعيه ومتواضعه لها على ان مرت ولدها العود ساحبه عليها هي وزجها العلاقه رسميه والله يابنات ان عمرها ماسوت جميله لعمتي شفتو على هذا كلها تمدحها قدام زوجي المشكله زوجي عارف نجاسةمرت اخوه وعيالها دايم يمدحوني قدام امهم والله تسكت ماتقول ولا شي قبل فتره زارتني مرت اخوي وبنتها عمرها سنتين ماهي حلوه مره لما اروح اجيب قهوه وشاي تقول بنتك شينه طالعه لعماتها على ان والله ان اعلي فيهم جمال ومافيهم الشين يعني بالمختصر من وراي تتكلم والحين في جنب يتها شقه وزانه على زوجي يستاجرها صغيره الشقه مره ومافيها صاله ولا سطح ولا حوش تقول خليكم قريب تخدموني غداء وعشاء يابنات لما اشتكي لزوجي يقول تحملي هذي امي وش اسوي بس والله ماقدر تتدخل بكل شي الي عندها حل الله يحرم وجيهكم على النار وانا وزوجي نحب بعض واخاف امه الي تفرق بيننا hwaml17 على فكره انا خجوله مااقدر ارد عليها ولا احط عيني بعينها ولما اروح السوق كل شوي وينكم وينكم لدرجة اني اتوتر والله مااخذ راحتي مره حياتي تصعب علي قلت لزوجي انا بعيده ومشاكل امك لاحقتني كيف لو قربنا منهم والحين في واحد من عيالها بيعرس بعد اسبوعين وفي ديره ثانيه يعني سفر 6ساعات تقولي لاتخسرين زوجك اطلبي من صاحباتك فستان للعرس تخيلو واسالها اقول بنطول هناك قالت لا يوم الزواج بنروح والفجري بنرجع ديرتنا ولما سالت زوجي قال خذي احتياط ملابس عيالك ترى بنجلس ثلاث ايام شفتو خبثها واسمع من بنتها تقول امي بتشتري قماش لها بالف ريال يعني ماتبيني اكشخ اذلا العجيز بالف انا ياشباب ليه معوره راسي ببربرتها |
رد: ام زوجي جننتن
هلافيك ياختي
عندنا وعندك خير ،،المشكله انها أم الزوج ،،وأي كلمه فيها بيقلب علينا،، ماعليك منها طنشيها وكل إلي تسوينه لها ،،علشان خاطر زوجك وعيالك ،، الله ماينسى عباده ،،والجميل عند الله ،،بكره عيالك بيبرون فيك من أفعالك الطيبه،،وخاتمتها بتعرف قيمتك ،،اليوم ولا بكره،، أهم شيء أصبري والله مايضيع تعبك يالطيبه ،، ههههههه كلهم كذا ماتبي تخسر ولدها ،،تشوف الغالي عليك حسره ،، أم زوجي تلاحقنا في كل مكان وتلبس الذهب والملابس وتزين بيتها ،، ولاشفتنا مسوين شي زعلت وقومت الدنيا ،،تقول خساير ،، طنشيها شكلها تغار منك ،، |
رد: ام زوجي جننتن
عيون جوريه تدرين امي ماتدري بالي يصير والله لو اعلمها ان تقولي تطلقي لان اهلي ماديتهم جدا كويسه الحمدلله واهل زوجي ضعيفه شوي وصاحبتي يقولو لوي انتي مثاليه بزياده وطيبه وريها الوجه الثاني بس هذي طبيعتي مااقدر اتغير
|
رد: ام زوجي جننتن
مشكلتي ودي اطنش بس اقول ماقصرت معها المفروض تعاملني بالحسنى مو خدامه عندها وعند عيالها
|
رد: ام زوجي جننتن
عندنا وعندك خير
بس الحل الوحيد التطنيش والبسي واكشخي ودلعي اعيالك ولاتهمك العجوز اهم شي احشميها واحترميها بس لاتحرمين نفسك على احساب غيرك وهم متهنين انا زيك بس مطنشه لاني بعيده عنهم اشووي ومريحه ادماغي والله يكتب لك الخير ويسخرهم لك يارب |
رد: ام زوجي جننتن
ياعمري
ادعي بآخر الليل ان ربي يحنن قلبها عليك وماعليك زوجك عنده عيون ويشوف كيف تعاملها معك والعكس ربي يجزاك خير عالبر اللي بريتيها فيه واصبري عليها شتسوين بعد بس خلك بشقتك لاتروحين لهم كلمابعدتي عنهم كل مابتصير احسن ان شاءالله |
رد: ام زوجي جننتن
مجنونته وريم الغلا الله يارب يحنن ازواجنا علينا ترى زوجي عارف امه ودايميحلف انه غير يعوضني ماشفت شي يمكن بعد الصبر فرج
وعوض |
رد: ام زوجي جننتن
عزيزتي خليك طيبه معاها وبالعكس كل ماحاولت تكدر عليك أو تضايقك ردي عليها بالدعاء لها والضحك والمزاح وكأنه مو هامك أي شي من اللي جالسه تسويه ولاتبخلي على نفسك او عيالك بشي ومو كل ماشريتي شي لازم تعرف عنه وعلمي عيالك دائما مايقولون أي شي عن حياتكم لأي أحد مهما كان قريب لا روحاتكم ولاجياتكم وبعدين مو ضروري إذا دقت عليكم وانت بالسوق تقولون لها وينكم فيه أطلعوا وسوو اللي تبون بدون أي توضيح ماله داعي تقرير عن كل تحركاتكم حتى زوجك لايقول لها وبالنسبه للمناسبه أشتري وماله داعي تعرف حنا نعرف أنه أي أم ماتحب ولدها يصرف ريال واحد كل شي تشوفه تبذير
وخالتك هذي شكلها فاضيه لكم طول الوقت ماعندها رجل تنشغل به وين عمك ؟ خليك منها وسوي مثل ماقلنا لك والله يوفقك ويسعدك يارب |
رد: ام زوجي جننتن
والله اني اقوم افكر وانام افكر موترتني والحين بنتها جايه من ديره ثانيه وش تنصحوني بالتعامل معها
|
رد: ام زوجي جننتن
اسمعي عن تجربه اهل زوجك لو تعطينهم عيونك ما يقدرونك وان صرتي رسميه يدورونك ويركضون لرضاك ليه هي ماعندها شغاله وبناتها وين انتي بري فيها وقللي زيارات وسوالف يعني كلمه ورد غطاها وعيشي حياتك انتي وزوجك ما حد بيدري عنك لو تنكدتي وخربتي على نفسك زين ولله يفرجها خذي لها هدايا وخلي اطفالك يسلمون عليها وبس اطلعي لاتشيلين قهاوي وتعبين نفسك
|
رد: ام زوجي جننتن
با لعكس انا اتمنى تكون ام زوجي يمي بس هي مكان وانا مكان مناتي تكون يمي بس الله كريم
ماجربت ام الزوج للحين هع |
رد: ام زوجي جننتن
قلب احمد نادر تلقين عمه طيبه ماادري ليه
تحمدي ربك انا مااقول الا الله يسامحها والي تسال ماعندها شغاله كان عندها وتهاوشت معها وطردتها والي تسال ماعندها الا بنت وحده وبعيده عنها هي طايحه براسي طايحه الله يصبرني |
رد: ام زوجي جننتن
لاتعليق
لاتكون ام زوجى ونا موعاااارفه هههههههههه الى عندى نفس الى عندك بس حقى ع سيلنت من تحت لتحت الله يصبرنى ويصبرك |
رد: ام زوجي جننتن
الله يكون بعونك انت ابقي على اخلاقك العاليه ,,,,,,,
والله بيتوكل فيها ,,,,,,,,,,,,,,, |
رد: ام زوجي جننتن
انا رأيي انك تلبسي أحلا فستان وتكشخي صح كروشة بس أكشخي محد رح يدلعك إلا نفسك حتى زوجك إذا ما دلعت نفسك ما راح يدلعك ...!!
ثان شيء نصيحتي لك الي تنشرا بفلوس قولي لها شيء و سوي شيييييييييء ثان يعني خربطي الميموري عندها ههههههه خليها تقول مو سهلة هالمرهفة حس. وأخواته خليك رسمية أفضل معاهم لاتقطعيهم وكمان لايكونوا أصدقائك المقربين خلك لك حياتك الخاصة . |
رد: ام زوجي جننتن
اذا كان زوجك طيب وما يبخل عليك ولا على عيالة اكشخي وتجملي وجملي عيالك وزيني
بيتك وخلي سنعة وذربة وما عليكي من العجوز طنشيها تراها بتنقهر يوم تشوف السنع والادب وما البيت قولي لزوجك انا ابغى بيت وسيع علشان عيالي وعلشان الضيوف الي يجوني وفهريها يلاواني المنزلية الجميلة والبس الشياكة ولا تنسين تجيبيب شغالة علشان تساعدك في شغل البيت اذا جاك ضيوف بس اهم شي انك تحترميها وتقدريها واذا سالتك عن شي طنشيها كنك ماسمعتيها وطلعي كثير وسوي زيارات وعزمي ولا يهمل ====== |
رد: ام زوجي جننتن
طنشيها لو اني منك احقرها عجوز النار
|
رد: ام زوجي جننتن
الله يكون بعونك اختي انا مثلك بس موام زوجي لا انا جدة زوجي هي اللي حاشره نفسها
وتخيلي حتى باالفراش تتدخل فينا انا وزوجي زوجي يطنش ويقول لي طنشيها بس والله تقول لي كلام مثل السم وتعصب وتتايمر علي وانا اضايق نفسي واصيح وزوجي يعصب ويقول لي طنشيها تدري حتى الموت قلت يارب تموت لا مو شماته بس لوتشوفيها والله ودك تموتيها بس مااقول الا الله يصبرني اوا وانتي يارب تقبلي مروري |
رد: ام زوجي جننتن
ياحبيبتي انا كنت مثلك
جلست 10 سنوات اخدمهم ولا بين فيهم وماتتخيلين قد ايش كانت سيئة معاية وانا اقول بكرة تتعدل بكرة تتعدل تدخل في كل اموري تمدح البنات قدام زوجي تتهمني في شرفي وسويت معاها كل الطرق والوسائل والهدايا ولا جاب فايده احيانا ابكي من القهر واشتكي لزوجي يقول اصبري طبعا تعبت من الطيبة والي تعبني اكثر اني ما الاقي جزاء او حتى شكر او حتى تكف عني لسانها لدرجة صارت تتكلم فيني قدام الناس واي مشكلة عندهم تقول انا سببها المهم ياعزيزتي كتبت في احد المنتديات ردت على وحده ناسية اسمها الله يذكرها بالخير المهم قالتلي الرجل وش علية ماعلية الا يقول اصبري وانتي نفسيتك تتعب وحتى لو تاثر معاك شوي وينسى لكن انتي تظل في قلبك طنشيها ولاتروحين لها كثير واذا هي جالسة خليك ساكته اغلب وقتك واذا انتي عندهم خليك رسمية رسمية رسمية واذا على البر فهو واجب ولدها يبر فيها مو انتي واذا عيالها او بنتها يحبوها ويبغو رضاها يجيبولها شغاله واذا راحت شغاله فيه غيرها المهم ياحبيبتي مسكت رجولي من الروحة عندهم الا للشديد القوي زوجي دائما يروح لها واذا قالي اقول مشغوله روح انت واذا حسيته بيزعل اقوله حتى انا اروح عند اهلي ماتروح معايا وثانيا انت عارف بالحساسية الي بيننا خليك بعيد حبك يزيد واذا جات عندي اكرمها اقدم لها من كل شي عندي بس بدون تكلف بس لساني ماسكاه بس تسالني ارد عليها بسسسسس او ياولد اقعد يابنت اجلسي هههههههه لكن ادخل معاها في سوالف مستحيل والحمد لله ما اقولك انها تعدلت بس اقل شي صرت ما انقهر الي تقوله تقوله مايهمني لاني ما اروحلها الا نادرا وكمان ما انقهر مثل اول لاني اخدمها وهي تجازيني بالاسأة واذا على الطيبة فانتي بتتعبين بتتعبين خليك طيبة وبعيده واعذريني طولت عليك بس حبيت ارد عليك لانك نفس حالتي ولاتقولين زوجك بيزعل مع الوقت بيتعود اهم شي لا تمنعية هو وعيالك من زيارتهم |
رد: ام زوجي جننتن
اقتباس:
|
رد: ام زوجي جننتن
احتسبي الاجر ومادام زوجك مريحك وعارف امه خلاااااااااااص اصبري واحتسبي
والله يكوون بالعون |
رد: ام زوجي جننتن
الله يعينك ويحنن قلبها عليك
|
رد: ام زوجي جننتن
الله يساعدك على هالعجيززز
ويجزاك خير على عمايلك يارب |
رد: ام زوجي جننتن
انا مع كلام خواتي اهم شي بها الدنيا الاخلاق
احترميهم بس لاتخلينهم يستغلون طيبتط انا نفس حالتك والي يقهرني انها تقعد يوم كامل تربي عيال بنتها وبنتها بالسوق واذا جيت بطلع قالت ياحبك للاسواق لا وتقول قدام زوجي بنزوج اخوك وبنحطه ببيت لحاله لان زوجته حليلها تستحي وبنت ناس لانها يوم الملكه هي واهلها مطنشين خالتي وهي تبي ترضيهم باي طريقه وتقول هالكلام تبي تنرفزني عشان اغلط عليها وتصير مشكله احتسبي والله يعوضنا جميع |
رد: ام زوجي جننتن
مووضع قديم.. يغلللللللق
|
| الساعة الآن 04:02 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .