|
كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
السلام عليكم ورحمة الله وبركاته مساء الخير يا حلوات يابنات انا تو متزوجه من خمس شهور تقريبا والى الان احس نفسي ملخبطه يعني كل الاسبوع احس اني اشتغل ولا يوم ارتاح يعني من غسيل الى كوي الى تنظيف عاد تعرفون اجواء الرياض والغبره فـ اتمنى القى طريقه اكون فيها مرتبه وقتي والقى وقت اهتم فيه بنفسي كل وحده لها طريقة في تنظيم وترتيب وتعطير منزلها http://www.hawaaworld.com/sites/defa...gif?1246874930 كل وحده تسدح ترتيبها الاسبوووعي ليستفييد الكل يلا صبايا نشوف تفاعلكم للموضوع ,,. |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
مافي احد ينظم بيته هنا ههه
اول شي طبيعي اللخبطه الي انتي فيها ثاني شي انا لانو عندي دوام احب اخلي اغلب الشغل زي تنظيف الثلاجة والفرن والحمامات والكوي فالويك اند لكن خلي تنظيف المجالس قبل الويك اند اذا عندك ضيوف والغسيل طبعا قبل الكوي بيومين او يوم حسب طريقتك والشغل اليومي طبخ وتنظيف المطبخ وكنيس وترتيب الغرف اذا احتاج الموضوع بالنسبة للتعطير حطي في كل غرفه فواحه والصبح مثلا وضروري بعد الطبخ ولعيها فالبيت ومره فالاسبوع بخري بيتك انا احبه كل يوم بعد الطبخ بس مش متوفر عندي كثير اكتفي بالفواحه عشان التوفير |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
مشكوره غلاتي
|
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
بصراحه انا مالي جدول معين .. احاول اخلص كل شي بنفس اليوم يعني احط الغسيل
بالغساله .. بعدين اكنس وامسح .. بعدين اشر الغسيل واذا نشف اكويه .. واحاول بهذاك اليوم ماعندي طبخ عشان ما ارهق نفسي .. الله يكون بعون الجميع |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
أنا بقول لك جدولي اللي مريحني ولي عليه تقريبا سنة
لأني كنت مثلك بداية زواجي مره ملخبطة كل يوم أشتغل وأرهق نفسي المهم جدولي كالتالي: الحمامات طبعا أغسلها كل يوم الصباح بدري ,, وغرفة النوم أرتبها يوميا إذا صحيت.. السبت :يكون غسيل الملابس كلها وتنظيف المطبخ. الأحد : أكوي الملابس كلها طبعا لأنها تكون كثيرة فأخلي لها يوم كامل الأثنين: أكنس الأرضيات والغرف كلها بعدين أمسحهم وأمسح الأثاث اللي فيهم. ويكون عندي الثلاثاء والأربعاء مع الويك إند فاضية ماأسوي شيء إلا إذا إضطريت يعني .. أما الثلاجة ودواليب المطبخ كل شهر أعزلهم وأنظفهم وأرتبهم من جديد وبعد نفس الشيء الشبابيك كل شهر أنظفها وأمسحها والبيت أبخره كل يومين وكذا دايما بيتي نظيف وريحته حلوة وهذا جدولي مريحني مره وأتمنى إذا عجبك تجربيه وأكيد راح ترتاحين |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
يسلمو حبيباتي
كل الحلا مره اعجبني يعطيك العافيه |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
كنت مسوية لي جدول و معلقته عالثلاجه
هههههههههههههههههه بس ما طبقته ضيوفي كثير و الشغل يومي فاستعين بشغالة الوالده اللي يحفظها من كل شر بس فيه شغل يومي مثل غسيل الحمامات و المغاسل و مسح المرايا و التحف و الماسات و كنس غرفة جلوسك انتي و زوجك بالاضافه الى شغل المطبخ اللي ما ينقطع << هذا الشغل يومي اذا كانوا ضيوفك قليل و ما في الا انت وزوجك خلي كنيس البيت و مسح السيراميك كل يومين فيه شغل اسبوعي مثل تنفيض البيت و الكنبات و الاثاث بصفه عامه عشان الغبار لا يتراكم و يصير صعب تنظيفها بالاضافه الى غسيل الملابس خليه يوم واحد بالاسبوع عشان ترتاحي الا للضروره و الكوي نفس الشيء يوم واحد بالاسبوع اما الشغل الشهري فيكون تنظيف الشبابيك و مسحها تنظيف دواليب المطبخ و الثلاجه و مسح الجدران و الله يكون بعوننا الاشغال ما تنقطع ابدا |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
يا بعد روحي والله عشوقه
تسلمين يا الغاليه |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
:)
ماعندي جدول معين لكن غسيل الحمامات وفركها كل اسبوع اختر بيوم السبت او الاحد تقريبا بمنظف جف احط جف واروح اسوي لي شغله وارجع افركه واغسله واتحمم مره وحده يوم امسح الارضيات وانفض الغبار اختار يوم بالاسبوع واوقات مع الغبار يومين غرفة النوم كل يوم ترتيبها وتعطير السرير بمعطر مفارش وارش من عطري تطلع ريحة الغرفه تجنن الملابس تقريباً اغسل يومين ورا بعض ويوم لا يومين ورا بعض ويوم لا لأني مااحبهم يتراكمون بالغساله يطلعون ريحه وخصوصا زوجي مايرجع من العمل الا حده عرقان والمغرب او الفجر بيطلع يجري فملابس الجري برضوا تكون معرقه يعني اغسل السبت والاحد والاثنين لا واغسل الثلاثا والاربعا والخميس لا وهكذا وترتيب الملابس كل يوم بصفط وبحطهم بدولاب بالنسبه للكوي اكوي الشيء اللي بلبسه قبل ماالبسه بنفس اليوم او قبل بيوم اغسل ملابسي انا وزوجي بيوم ويوم ثاني ملابس بنتي وهكذا المطبخ غسيل المواعين هذا هم كل مااستخدمت مواعين اغسلهم الفرن امسح متى مااحتاج الأمر امسحه والثلاجه يمكن بالشهر مره امسحها ومن داخل دايم ارتبها اذا بحط الاغراض فيها بالترتيب فتبقى مرتبه على طول والدواليب كذلك دايم مرتبين ونصيحتي لك رتبي بيتك اول بأول مايتراكم الشغل اذا تحبين ارتب لك جدول من عيوني |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
يابعد قلبي والله ..
انا اللي موهقني دوام زوجي والسهر .. يعني يداوم 8 او 9 وارجع انام لين الظهر .. وبعدها اقوم ولا اعرف وش اسوي وش اخلي .. ويجي المغرب ينام شوي وبعدها نطلع او نسهر بالبيت لحد الساعه 3 وعلى هالحال ............................................. |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
وانا من جد احس اني محتاسه
رغم ان لي سنتين متزوجه بس احس فيه اشياء يحتاج اسويها وماتجي ببالي وووووو كل يوم اقول بأنظم وقتي مدري الله يعين ع الشغل |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
ووووه يمك دروبي انتي مثلي احس النوم ملخبط اموري بس مااقدر ماانام بس الحين سويت جدول المهم فيه اني اصحى بدري قبل بنتي ارتب البيت كلو وامسحة واعطره واحضر حاجات الغده وبعدها اصحي بنتي ونفطر انا وياها واغسل مواعين الفطور واخلي الغده على النار وبعدها يكون البيت كلو نظيف ومرتب وباقي اليوم لي من الظهر لحد الليل بس لان انا عندي طفلة فلازم اظل افتر وراها وارتب عشان ما يتخربط البيت ويظل نظيف
واما على الكوي والغسيل فانا كل يوم اغسلي كم قطعة عشان ما يتراكم عليه الغسيل يعني تقريبا كل يوم اغسل الملابس والكوي قبل لا يكون عندي طلعة بيوم اجلس اكوي |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
انا سويت لي جدوول ومن بعده ارتحت كثيييييير احس الشغل خف مرااااا
السبت غرفتي كامله بالشباك وبتنظيف المكيف واطلع الي بالدولاب وامسحه واعطره وارجعهاا الاحد قسم الرجال كاااامل بشباكه وبجدرانه ومسح الباب والمكيف الاثنين الصاله ومجلس الحريم كاممممله نفس ماسبق الثلاثاء غرفت عيالي تنظيف شامل لها وغسيل ملابسهم وكويهاا الاربعاء مابيكون عندي شغل كثير بس كنس ومسح السيراميك والمطبخ الخميس المطبخ والثلاجات والافران والدواليب والجدران كامل الجمعه غسل الملابس وكويهاا بعد الويك اند الشغل اليومي .. مسح وكنس وتلميع السيراميك وغسيل دورات المياه اعزكم الله الشغل الشهري .. غسيل الستاير وغسيل المفارش واقدراغير في جدولي ع حسب ظروفي والله تجلسين باقي اليوم فاضيه ماعندك شغل وتحسين بيتك نظيف ع طوول بالنسبه لتعطير البيت ع حسب يومك |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
انا ماعندي جدول معين حسب البيت وحاجته ...لاني عروس والشقه نضيفه جديده .. ولسى حامل باول بيبي ..يعني مايتوسخ البيت بسسسرعه ...
اهم شي بصفه عامه ارتب بيتي وسريري ماحب القربعه ..ارتب مفرش سريري اعلق الملابس المرميه كل صباح او اول ماا قوم ..ارتبه واعطر غرفتي ..والبيت كمان ارتبه .. الحماماات مرة في الاسبوع... مع المغاسل..وكمان اصلا بعد كل استخدام اعطر الحمام او اكب مطهر في الحوض ..لاني مجهزه حاطه داك عند كل حمام بس اطلع اكب شوي في الحوض واسحب المرحاض ..او اكب على الارضيه شوي وارشها بمويه ... الملابس يوم انا ويوم زوجي مرات يقول يبغى البس نفسه فاغسله واجهزه له او لبس الدوام الي لازم اغسله كل يومين او يوم واكويه واجهزه ..يعني ..اما ملابسي عادي ..باي وقت ..اشوف حالي فاضيه ارميها بالغساله .وكمان غسالتي توماتيك فمريحتني ماشيل هم الغسيل .. الكوي اجهز الشي الي يحتاج كوي على جنب ..وحسب فضوتي نفس اليوم او بعده او عند حاجته ..بس اكثر شي اجهزة من بكره ...واعلقه بالدولاب ... عبايتي لازم كل اسبوع اغسلها مرة ... الفرن مغطيته بقصدير اغيره بالشهر مره او الشهرين مره حسب اتساخه ... الثلاجه ذا شي انكب امسحه وارتب .. المطبخ والله تقريبا يومي اغسل المواعين وامسح الديكور والطاوله بس قبلهم اكت الي فوق بمنشفه ناشفه واكنس الارضيه بعدين ابداء اغسل او امسح الديكور والارضيه ... والارضيه ممكن مرتين او مرة بالاسبوع ..بس من بعد ماحطيت قطعه ارضيه وطايه حقت السيراميك عند الفرن مكان ما اوقف وعند المغسله ..ارتحت من الزيت الي يعبس ويوسخ تحت ومن المويا الي تتطشر تحت المغسله ولما امشي بالشبشب بعبس المكان ويوتسخ مرررررررة فريحتني واطايات السيراميك ... وعلى طول المناشف الي استخدمها ارميها بالغساله ..والوطايات ااذا ا توسخت اغسلها .. وتكنيس البيت مرتيين بالشهر او ثلاث مرات تكنيسسس كااااامل لكل الغرف ..وامسح السيراميك بعده ... بس قبلها بالريشه انفض الغبار ... اما البخور والتعطير كل يومين ...والتعطير العادي بالعطور كل شويه او بعد كل طبخه ...يعني زي كذا ... وغير الفواحات اشغلها كل يومين يعني .. وبس ياقلبي يعني ماعندي جدول ..كله حسب حاجة البيت وفظاوتي ههههههه...مرات يتراكم الشغل صح ..بس لحد الان اوضاعي ماشيه ..بس امكن مع الوقت راح اكون او ابرمج حالي على جدول معين ... |
رد: كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي
الله يكون بعونكــــــ اذا ببدايه زوجك ومتلخبطه كيف بعدين اذا جاك بيبي ؟!!!!!!!
وبعدين انتي طبيعي تحسي نفسك ملخبطه ((لنك تخلي الشغل دفعه وحده)).......!! المهم ياروحي ....... سوي لك جدول زي العضوانت الي قبل حسب احتياجاتك لززززززززززززم جدول من ناحيه ((غسل الملابس وكويهم ))((مسح اسراميك والادراج والفرن وثلاجه ))((ودورات المياه وغسلات اليدين )) والله يعينك ,,,,,,,,,,,, فيه حديث لرسول صلى الله عليه وسلم "ألا أدلكما على ما هو خير لكما من خادم؟ إذا أوتيما إلى فراشكما، أو أخذتما مضاجعكما، فكبِّرَا أربعًا وثلاثين، وسبِّحَا ثلاثًا وثلاثين، واحمدا ثلاثًا وثلاثين، فهذا خير لكما من خادم" [البخاري].................. تحياتي لك |
| الساعة الآن 08:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .