|
اقدر اولد طبيعي بعد القيصريه
السلاام عليكم كيفكوون ياكروشاات
الله يسهل عليكم يااارب عندي استفسار طبعا اني ولادتي الاولى كانت قصيريه وهذي قبل خمس سنين واحين انا حامل في اخر اسبوع اللي في التاسع الله يسهل علللي بس الي احين ماافيه طلق بس اوقاات يجي اللي مغض مثل الدوره جواليوم نزلت عللي افرازات بنيه شويه (اكرم الله) فييه امكانه يحطوون اللي طلق اصطناعي ؟؟ وقالوا لي انو الي مسويه عمليه من قبل مايخلوها تكمل الي اربعين اسبووع وهذا اللي خايفه منه لاني في الاسبوع 40 ويش اسوي ومشكورين مقدما وسمحوا لي طولت عليكم |
رد: اقدر اولد طبيعي بعد القيصريه
ياقلبي لاتشيلين هم
مو كل وحده ولدت قيصري بالأول ضروري تولد بالثاني برضو قيصري ممكن تولد طبيعي دام ان القيصرية الاول ماكانت بسبب ضيق الحوض او ميلان الرحم او انك حملتي بعد القيصري بفترة قصيرة لانهم بهالحال بيولدونك قيصري لانهم يخافوا يتمزق الرحم بسبب الطلق لان الجرح دوبه ماتعافى نهائياً.. الله يهون عليك و ع جميع الحوامل يا رب.. |
رد: اقدر اولد طبيعي بعد القيصريه
انا والده اول ولاده لي قيصريه بسبب العنق ضيق
وحملت بعد سنه وجبت طبيعي ماشاء الله انا اقولج كثري جماع لان المني يسهل توسع العنق واشربي زيت خروع من الصيدليه اشربيه مع ماي قاروره كامله حطيه في كوب وامشي كثير وربي يسهل عليج طمنينا.............. |
رد: اقدر اولد طبيعي بعد القيصريه
مشكورين حبيباااتي والله ريحتوا قلبي وعسى ربي يسهل اموركم يارب
شموسه خلوش الي اي اسبوع يعني دخلتي في اسبوع الاربعين |
رد: اقدر اولد طبيعي بعد القيصريه
لا موعد الولاده بالضبط
ولدتهاااوالدكتوره وسعت لي وتمشيت ولله الحمدالله بس السسترات ساعدوني لاني ماحسيت بطلوووووووق كثيره بس جتني خفيفه بس عطوني طلق صناعي واخذت الكمام وارتحت انا انصحج انج ماتخافين ولا تشدين نفسج بالولاده رخي نفسج وكوني مستعده للولاده وان شاء الله طبيعي ياعمري .......................... |
رد: اقدر اولد طبيعي بعد القيصريه
الحمد الله ريحتني الله يريحك
والله يسمع منك واولد طبيعي وبشركم |
رد: اقدر اولد طبيعي بعد القيصريه
ان شاء الله يارب
_________________ |
رد: اقدر اولد طبيعي بعد القيصريه
أمشي مشي متواصل موتمشي وتوقفي لا امشي لمدة ساعة بالنهار متواصلة وساعة بالليل
والله يسهل عليك |
رد: اقدر اولد طبيعي بعد القيصريه
يآ قلبي عليكي
لآ تخآفي و لآتشيلي هم مو شرط و ان شآلله تولدي طبيعي بس آهم شي اشربي زيت خروع و تقومي بـ السلآمه يآرب |
رد: اقدر اولد طبيعي بعد القيصريه
مشكورين ياعيووني ما ننحرم منكم
|
رد: اقدر اولد طبيعي بعد القيصريه
موشرط انا صديقتي المره الاولى ولدت قيصريه والثاني والثالث طبيعي اهم شي مو الحوض ضيق
|
رد: اقدر اولد طبيعي بعد القيصريه
اذا الاولى قيصري ف ماراج تاخذين طلق صناعي
لانهم يخافون على الرحم وبماانك لك 40اسبوع غريبه لاالحين مخلينك انا الدكتوره تقول اذاتعديت موعدالولاده 5ايام ولاولدتي بسوي لك قيصري طبعآوضعي مثل وضعك عندي ولد جبته من خمس سنووات وقصيري مثلك |
رد: اقدر اولد طبيعي بعد القيصريه
انتم كذا خوفتوني انا الاول والدته من خمس سنوات قيصري والحين ابي طبيعي وخلصت التاسع
بس ليش ما يخلونها لحد اربعين اسبوع |
رد: اقدر اولد طبيعي بعد القيصريه
اني بااقي عللي 5 اياام وخلص اسبوع 40 محددين اللي الموعد 27 رجب
مرااحب حبيبتي لا تخاافي هم بس يخاافوا علي الرحم والله يسهل عللينا ونقر عينا بشوفت البيبي |
رد: اقدر اولد طبيعي بعد القيصريه
عادي جداً مو شرط اذا الاول قيصري يكون التاني قيصري
والله يقومك بالسلامة |
رد: اقدر اولد طبيعي بعد القيصريه
حبيبتي ربي يسهلكم طبيعي يااارب
هذا من فضل ربي كثرررري من قرأة سورة مريم والله لها أسرار عجيبه مباركه واكلي تمر وكثرررررررررررري من الجرجير ترررى تساعد على ترخية الاعصاب وتسهل فك الرحم وجلسة القرفصاء وربي اللي يساااااااااااعد لحمد لله انا ولدت طبيعي بعد العمليه ولسا دووبني ليا اسبووع ^_^ بس جبيت ارد عليكي ولطمنك ربي يكرمك انتي كمان بالطبيعي وتررررررى انا خرررررجت شهري بكثير ولا رحت المستشفى الدكتوره حددت لي موعد الولاده 30 شهر 6 وفي المنتدى اختي رونق حسبت لي 11 رجب ولدت 16 رحب شووووفي الفرررررررررق بس ربي يساااااااعد بس سووو لي شفط اللي يسمو (الجفت) ولحمد لله على كل حااااااااال مافي شئ يجي بساااااااهل\ واليومك تعبانه ربي يساعدني ويسهلللللكم يااااااااااااااااارب وشكرا |
رد: اقدر اولد طبيعي بعد القيصريه
لاحبيبتي لاتخافين انا جبت الاول قبصري قبل 4سنوات والثاني جبته طبيعي
قبل ثلاث شهور من الحين ترى كلها سهالات من ربي |
رد: اقدر اولد طبيعي بعد القيصريه
ام زيااد من قريت ردك دمعت عيووني من الفرحه الف الحمد الله على سلامتك ويتربى في عزك ياارب
شيهانه على كف صقار///// والله فرحتووني ربي يسعدكم دينا واخره |
| الساعة الآن 06:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .