|
عاجل الي جربت الطلق الصناعي تدخل الله يفرج ويرزق من تدخل
السلام عليكم ورحمة الله وبركاته
بسم الله الرحمن الرحيم خواتي انا توي جايه من المستشفى قالت دكتورتي الاسبوع الجاي موعدك في الولاده وطلق صناعي خفت كثير ناس يقولون يوجع اكثر من الطبيعي اذا الطبيعي ماتحملته كيف اجل الصناعي عشان كذا خواتي تكفون الي جربته لاتبخل علينا وترد علا اسالتي جزاها الله خير الجزاء اول شي صدق اقوى من الطلق الطبيعي وكم ساعه وولدتي ومن الي خذته ولا فاد فيها ماولدت يعني واهم شي الوقت كم وولدتي ويعطونك مسكن عادي والامايصير وبس ولله تعبانه مانام زين عشان كذا تكفون ابي ردود واضحه حتى لو مولمه وجزاكم الله خير |
رد: عاجل الي جربت الطلق الصناعي تدخل الله يفرج ويرزق من تدخل
عسانا مانجربه يالين ويجعل ولادتنا طبيعه سهله يااااارب العالمين ،،،،
حاولي تكثري شوي مشي ـوتجلسي جلسه القرفصاء اكثري من الدعاء والاستغفار |
رد: عاجل الي جربت الطلق الصناعي تدخل الله يفرج ويرزق من تدخل
يا حبيبتي يالين ما عليك من كلام الناس
هذي كلها تساهيل من رب العالمين واغلب الحرريم اليوم ما يولدون الابالطلق الصناعي وبعضهم ما تدري يحطونه بالمغذي انا مجربته ويعطوني اياه لاني الطلق عندي بارد مره يعني اروح للمستشف وانا مادري انها ولاده ويلقون الرحم فاتح فيعطوني طلق هو يالم بس زي الطبيعي والدكتور شرح لي يقول نفس الطلق الطبيعي لانك ما جربتتي الطلق الطبيعي فتقولين يوجع لو جربتيه حيكون نفس الالم وبالنسبه للمسكن اذا انتي طالبه يعطونك يا كمام يا ابرة ظهر حسب طلبك وبصراحه انا عطوني الطلق الساعه 9 وولدتت الساعه11 والله يهون عليك يا قلبي لاتخافين ولا تفكرين كثير وكلي امرك لله |
رد: عاجل الي جربت الطلق الصناعي تدخل الله يفرج ويرزق من تدخل
يا قلبي وكلي امرك لله ولا يتعلق قلبك بكلام الناس ولا الدكاترة
والله لا يضيع لك تعب وتفرحين بشوفة ضناك بين ايديك سليم معافى انا اخذته الفرق بينه وبين العادي انه اسرع وعشان كذا يحسونه اقوى يعني مرات الطلق بارد والفترات متباعدة بس الصناعي قريب من بعض اكثري الدعاء والسجود واللجوء لله وقراءة القرآن وتوكلي عليه لانه هو اللطيف الخبير الله يقومك بالسلامة وتبشرينا بولادتك السهلة الميسرة يارب |
رد: عاجل الي جربت الطلق الصناعي تدخل الله يفرج ويرزق من تدخل
مادري انا ماجربت بس ماقصدي اخوفك بس وحده توه والده قالو لها طلق ويم حاولت ماقدرت حولوها قيصري يعني عباره كانها ولدت مرتين لو كانو ولدوها من البدايه قيصري كان فكوها من الالم بس انا انصحك سوي ابرة ظهر هي اوجاعها متقاربه ورى بعض يعني مافي فرصه تردين نفسك بس هي نفس اوجاع الطلق الطبيعي مثل ماقالت الاخت وهي تشبه الطلق يوم خروج الراس يكون ورى بعض ويطلع وتولدين اسرع من الطلق الطبيعي هذا على حد وصف قريبتي بس ربي يسهل عليكي وبالنهايه كله وجع بس اذذا تقدرين سوي ابرة ظهر وفكي روحك
|
رد: عاجل الي جربت الطلق الصناعي تدخل الله يفرج ويرزق من تدخل
الله يسهل عليك وتقومي بالسلامه ياااااارب
|
رد: عاجل الي جربت الطلق الصناعي تدخل الله يفرج ويرزق من تدخل
الله يسهل عليك يارب
توكلي على الله وحده اكثري من الاستغفار والصلاه والدعاء والصدقه |
رد: عاجل الي جربت الطلق الصناعي تدخل الله يفرج ويرزق من تدخل
السلام عليكم
مشكورات خواتي الله يحققلكم الي في بالكم ويوفقكم. ولله ارتحت بعد كلامكم. مشكورات حبايبي |
رد: عاجل الي جربت الطلق الصناعي تدخل الله يفرج ويرزق من تدخل
الله يسهلك يارب وتقومي بالسلامه ويفرح نظرتك بالذريه الصالحه
اختي انا جربته نفس الطبيعي عادي مايفرق عنه اخذت تحميلتين وحده الصباح اول مادخلت للتنويم ولاسوت لي شىء بس فتحت الرحم والثانيه الساعة 12 باليل ومن بعدها بداء الطلق والحمدلله بعد الفجر وانا الحمدلله تيسرت ولادتي من فضل الله ..دعواتك لي ان يسرلي ولادتي الجايه ويرزقني مولود طيب متعافي من عبدالله الصالحين |
رد: عاجل الي جربت الطلق الصناعي تدخل الله يفرج ويرزق من تدخل
لين حبيبتي لاتخافين ولاشي انا مااولد الا بطلق صناعي لان طلقي بارد وياربي لك الحمد كلها سهاله من رب العالمين وترا الطلق الصناعي نفس الطبيعي بالضبط بس الفرق ان الصناعي يكون اسرع ،،قولي اميييييين الله يرزقج بالولاده الميسره ولاتخافين ابد ترا مافيه شي يخوف
|
رد: عاجل الي جربت الطلق الصناعي تدخل الله يفرج ويرزق من تدخل
اني ولاتي كانت بطلق صناعي الجميل بلموضوع انك تروحي للمستشفى بدون اوجاع وخرابيط اول ماينطوكي الطلق تجيلك اوجاع طلق المشهوده انه كنت مثلج خوافه اخذت ابرة الظهر ولا كاني اطلك مجرد ايكولولي ادفعي وانه ادفع بدون الم و مع ابتسامه
اخذي الصناعي ولاتخافين الله ايسهلج ويسهلنه انشاله |
رد: عاجل الي جربت الطلق الصناعي تدخل الله يفرج ويرزق من تدخل
ولدت ثلاث مرات بالطلق الصناعي
لاتخافي توكلي على الله |
رد: عاجل الي جربت الطلق الصناعي تدخل الله يفرج ويرزق من تدخل
الله يسهل عليك يارببببببببببببببب
|
رد: عاجل الي جربت الطلق الصناعي تدخل الله يفرج ويرزق من تدخل
انا ولدت بعد بالطلق الصناعي
وهو كله الم وطلق وراء بعض سريع وحطوه لي بالمغذي والحمدلله ادعي لي لولد بالسلامه |
رد: عاجل الي جربت الطلق الصناعي تدخل الله يفرج ويرزق من تدخل
صباحكم مسرات وخيرات
الله يعطيكم العافيه ويهون عليكم ويرزكم الذريه الصالحه ويغفر لكم ولوالديكم هاذا العشم فيكم ماقصرتو خواتي كفيتو ووفيتو |
رد: عاجل الي جربت الطلق الصناعي تدخل الله يفرج ويرزق من تدخل
يا حبيبتي هذا شي طبيعي حتى أنا بولد بالطلق الصناعي وبكريه بعد ماعليكي من أحد
|
رد: عاجل الي جربت الطلق الصناعي تدخل الله يفرج ويرزق من تدخل
حبيبتي أنا ولدت مرتين بطلق صناعي وبصراحة عن نفسي أطول أجلس حوالي يوم وبعدين ينفتح .. يعني اتنوم يوم كامل بس معاناة .. وعن الألم بصراحة ما أدري لأني ماجربت الطلق الطبيعي .. وانتي ان شاء الله ماتحتاجيها ..حبيت اقولك تجربتي ..
|
رد: عاجل الي جربت الطلق الصناعي تدخل الله يفرج ويرزق من تدخل
اختي الحبيبه ....
جربت الطلق الصناعي بولدي عبدالعزيز عام 1429هـ يوم الجمعة كان الشيخ ياسين قد اذن في المسجد المجاور الاذان الاول والرحم فاتح 7سم بدون طلق بعدها حطولي بالابره الي بيدي حاجه لونها اصفر وانا قاعده اطالع لها وراحت رجعت عشر دقايق قالت مافيه طلق قلت لا وكل شوي تروح وتجي وتشوف انابي طلق اولا وانا كنت خايفه مادري وش السالفة بدا معي طلق قوي جدا جدا جدا وكله بظهري لدرجه احسب العمود الفقري عندي انكسر وانا اناديها والشيخ ياسين بدا خطبته قائلا(الحمدلله والصلاة والسلام على رسول الله وعلى آله وصحبه أجمعين ...........والا اسمع صوت الطفل مبروك ولد مدام .....الله احلى طلق واسرع طلق باحلى صوت للشيخ ياسين حفظه الله... |
رد: عاجل الي جربت الطلق الصناعي تدخل الله يفرج ويرزق من تدخل
انا احس الفرق ان الصناعي ورى بعض والطبيعي فتره متباعده لكن والله نفس الالم
|
رد: عاجل الي جربت الطلق الصناعي تدخل الله يفرج ويرزق من تدخل
الله يهون عليك بطلقة هينة لينه
انا جربته بحملي الاول حطوا لي تحميلة الصباح الساعة 9 وقاسوالي الرحم الساعة 4 ونص العصر وكان فاتح 4 سم بس والساعة 9 ونص بالليل وزيادة اتوقع حطوا لي الطلق بالمحلول وماجات 10 وثلث الا وانا والد ولله الحمد بس استغفري وادعي لان الدعوة مستجابة |
رد: عاجل الي جربت الطلق الصناعي تدخل الله يفرج ويرزق من تدخل
السلام عليكم
مشكورات حبايبي وماقصرتو وكلت امري لله التساهيل من الله طلق صناعي ولا طبيعي اذاتسهلت تسهلت بس ريحتوني شوي ولعاد فكرت طبيعي والا صناعي |
رد: عاجل الي جربت الطلق الصناعي تدخل الله يفرج ويرزق من تدخل
مساء الخير ياأختي انا مجربه الطلق الصناعي كتحميله وحقن بالوريد نفس الطلق الطبيعي يمكن انه يتعب لان الرحم مومفتوح بخلاف الطلق الطبيعي يفتح الرحم طبيعيا اما الصناعي يطول شوي هذا عيبه بس الالم لما اسئل الدكاتره نفس الصناعي انصحك اختي تكثري من الاستغفار والدعاء والتوكل على الله
|
| الساعة الآن 11:52 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .