|
ساعدوني نفسيتي تعبانه بالمره
السلام عليكم
تكفون ياخواتي ساعدوني للاسف ماعندي احد اشيكله بعد ربي سبحانه الا انتم زوجي تعبت منه من تزوجنا صار لنا 3 سنوات وانا وياه في خذها وذقها مشاكل ماتخلص وكلها بسبب الغزل انا تعبانه نفسيتي ومحد راضي اروح اخصائي نفسي ابي اقول كل اللي بخاطري اشياء ماتحملها جبال كل مارحت مراجعه الان بسبب الحمل فتح البلوتوث وحط رقمها اذا شاف البنات اللي بالمستشفى يطبقون حسبي الله عليهم الله لايوفقهم دنيا واخره والله صارت المستشفيات والاسواق عندنا فوضى مو طبيعيه كرهت اطلع اي مكان واذا كنت معزومه لحفله يرفض يقول انا بطفش اذا رحتي اجلسي وخلينا نروح لمول او منتزه نتمشى وانا عارفه قصده قبل يومين تعب ولدي كان بين الحياة والموت وديناه المستشفى حطوه تحت الملاحظه وجلست ابكي خفت عليه سبحان الله جاه ورم في رقبته فجأه وابو الشباب فاتح البلوتوث يرقم وكل شوي رايح جاي بالله وش رايكم واحد ولده تعبان فالمستشفى وفاضي لهسوالف وامس تعبت انا رحت للمستشفى لاني احس بتقلصات ذبحتني بالمره بغيت اموت وقالو لازم تخطيط للجنين ويمكن يطول شوي طلعت بقوله اني بتأخر علشان يودي ولدي للبيت الا اشوفه طالع من قسم الاطفال اللي عنده البنات اهو انصدم يوم شافني ومن بعدها جواله برمز وع الصامت وقبل ماكان كذا وكل شوي رسايل واقوم اخر الليل الا جالس يكتب بالجوال حتى النوم طار مني عيني وذبحني التفكير برايكم وش الحل مع انها مو اول مره كذا مره يصير نفس الشي وتهاوشت انا وياه ورحت لا اهلي وترجاني ارجع وحلف ع القرآن مايرجع للشي هذا ورجع وسكت وتحملت علشان ولدي وقلت ان شاء الله بيعقل من نفسه الا اشوفها يتمادى والبارح بالليل طحت عليه يناظر الجوال ويسوي العاده السريه بغيت اموت شفت كل شي اسود قدامي تمنيت اني مت ولا شفته بها الوضع آآآآآآآه ياربي وش كثر اعاني من هالزوج وش الحل صار ماينطاق بالمرررررررره حتى اذا شفته تذكرت اللي سواه كرهته وربي كرهته ماعاد اطيقه ياربي عز الله اني ماني مقصره بشي معه والكل يشهد وهو بنفسه يقول هالشي بس يقول انا مدمن هالشي ادعيلي بالهدايه وشلون ادعيلك وانت ماعندك عزيمه تترك هالشي يعني كل واحد يغلط ويقول ادعولي ماصارت طفح الكيل كل انسان وله قدره معينه ع التحمل والصبر وانا خلااااااااااااااااص ماني قادره اصبر |
رد: ساعدوني نفسيتي تعبانه بالمره
والله مدري وش اقولك
بس الله يصبرك ويعوضك زوجك الحل معه تذكرينه بالموت وعذاب القبر لو لاسمح الله مات وهو يسوي هالاشياء وش بيكون مصيره انتي طنشي واذا سوا شي يقهرك لاتبينين له ولاتتهاوشين معه قولي لاتخاف مني خاف من الله انا مااخوف لو تموت وانت كذا كيف بتقابل ربك صبري نفسك كم مره وقولي هالكلمتين وان شاء الله ربي بيفرجها لاتتعبين نفسك خليك مع عيالك ودلعيهم عطيهم حياتك وطنشييييييييه خليه يحس انك ماتغارين مو فارقه معك وقولي اللي قلتلك الله يصبرك ويفرجها عليك |
رد: ساعدوني نفسيتي تعبانه بالمره
اسال الله العلي الدير ان يفرج همك وان يرزقك الصبر اللهم امين
اختي الفااضلة رددي وداايما وقولي اللهم اني اسالك الانس بقربك صدقيني رب العباد يكوون معك باذن الله وان ينور طريقك اللهم امين اختي انا ممكن استااذنك اخت القصة الى منتدى اخر وان شاءالله الاخواات يردوون هنااك وكل رد اجييب لك هنا يسعدك ربي لانو كلنا لازم نشووف لك حل لانك اختنا منا وفيينا يسعدك ربي اللهم امين ... |
رد: ساعدوني نفسيتي تعبانه بالمره
بوشي الله يعطيك العافيه يالغلا
احب الله يسعدك دنيا واخره حبيبتي وينور دربك |
رد: ساعدوني نفسيتي تعبانه بالمره
يالغاليه لاتزعلين وتتعبين نفسيتج لأن لها أثر على الجنين وحتى على ولدج ..
إذا شفتي زوجج بالغلط ذكريه بالله وأن الطريق الحرام عمره مايدوم لحد والدنيا دوراه وتركيه أهو وضميره .. والأهم يالغاليه تدعين له بالهدايه ولا تتبعين وراه حتى ماتتعبين وكلي أمرج الله .. وبكذا أنتي ترتاحين نفسياً وسويتي إلي عليج والهادي ربي سبحانه ,, |
رد: ساعدوني نفسيتي تعبانه بالمره
السلام عليكم
اختي نصيحه مني هدي نفسك وبيني له انك مو متحملته والله يشفيه صدقيني ترا الي فيه مرض صعب يتخلص منه ولله اعرف وحده زيك ومريحه نفسها وتنكت عليه وتعلم اناس بعلومه البايخه ماقول سوي مثلها بس صدقيني اكشتي فيه وحبي نفسك بعدين مو شرط انه يشوفك ولاشي او رخيصه عنده بس قلت هاذا مرض حاولي تغيره وبنسبه للعاده السريه يمكن ماسواها الا عقب ماحملتي تعرفين تتغير الوحده علا الحمل وانواع القرف شوفي بطلع من الموضوع شوي غيري في شكلك عقب الاربعين في نيولوك واذا عندك كم طفل سوي عمليه تجميليه كثير ناس يمدحونها تخليك عروس واذا تبين تفصيل ارسلك عالخاص قولي لي ولله ودي اساعدك ادعيلي الله يهون علي اليوم قبل بكره |
رد: ساعدوني نفسيتي تعبانه بالمره
اختي
ام ركوني المقصود من اخر كلامي ابيك تحسيييين بثقه بنفسك الحريم الي سوو العمليه من تجربتهم يقولن نحس انا واثقات من انفسنا |
رد: ساعدوني نفسيتي تعبانه بالمره
اللي يمشون بهالطريق ماينفع معهم لا الكلام ولا الزعل ...
البنات معهم حق انصحية وادعيله بالهدايه وبعد الاربعين حااولي تعوضينة عن كل شي ... اختي لين 2011 <<كفت ووفت اشغلي نفسك عنة والله يهدية ياااارب |
رد: ساعدوني نفسيتي تعبانه بالمره
الى اختي الحبيبة عليك بالصبر والعاء اخر الليل والاستغفار والصدقة والاخلاص لله على انه القادر ان يهدية والله نعم الوكيل وهو معكي على كل حال والله يفرج همك وكربك امين يارب العالمين
|
رد: ساعدوني نفسيتي تعبانه بالمره
سماسم جزاك الله خير ماقصرتي ياعيوني
لين لبى قلبك ياحياتي انتي والله ماقصرتي بس مشكلة العاده السريه هو مدمن افلام من تزوجنا وهذا طبعه يعني ماخليت شي ماتتصورين وش غيرت وعدلت وسفهته بس احس انه يجي يتعمد يقهرني مثلا تجيه رسايل ورا بعض مايفتحها ع طول يجلس يطالع فيني ويتبسم مثل اللي يقول انقهري واحاول اني ما اجلس معه كثير علشان ما اتنرفز لن معي ضغط تعبت اسلوبه اللي يقهر يعني مثلا اغلب الرجال مثله بس يغبون عن حريمهم وكل شي يسووونه من تحت لتحت مايخلون احد يحس انا اللي عندي حتى لو اسوي نفسي ما ادري عن شي يجي يقول وحده دقت وحده تراسلني وحده تغمزلي يوم كنا بالسوق طيب خلاص اذا انت مبسوط بهالسوالف وانا ما ادري عنها لاتعلمني طيب انا اذا رحت لسوق معه مع اني اكون متحجبه ولله الحمد الا احس بمضايقات من بعض الرجال بس وربي ماعمري قلتله ولا فكرت اقوله ذبحني احس انه مغرور وكل شوي انا حلو انا شخصيه انا البنات يتمنوني هو صح وسيم بس مو لهدرجه شي لايطاق سارونه جزاك الله خير حبوبه امل الله يعطيك العافيه يالغاليه ماقصرتي |
رد: ساعدوني نفسيتي تعبانه بالمره
هلا اختي ام ركوني
اجل مالك الا الدعاء له بلهدايه واهم شي صحتك اذاهو يتعمد يقهرك احقريه اهم شي لاتبينين انك منقهره منه حتى لو تبينين انك تستحقريه على هاذي السوالف وخلي اهتمامك فيه عادي لينه مايستاهل ولله يعينك صدقيني الرجال مايتحمل زوجته تكون مايهمها امره بيتضايق ويجي في خاطره ولله يسخره لك ويهديه ويعينك |
رد: ساعدوني نفسيتي تعبانه بالمره
شوفي يابعدقلبي ربك مايضيع احد الزمي الاستغفار وصلاة الليل وادعي وانتي جالسه وانتي قايمه ولا تنسين اخر ساعه من يوم الجمعه وادعي ان ربك يسخر لك زوجك........والله انا مجربه والله يسهل عليك ولادتك
|
رد: ساعدوني نفسيتي تعبانه بالمره
اختي القديرة انا نقلت مووضوعك لاحدى المنتديات
وهدي اوول رد .... .................................................. ............................................ الأخت صاحبة المشكلة أنصحك بعدم تضخيم الأمور وتصعيدها على نفسك وعلى من حولك كما أنصحك بالمحافظة على بيتك وأداء واجباتك الزوجية على أكمل وجه . فالخطأ لايعالج بالخطأ . بالنسبة لماذكرتيه عن زوجك فأنصحك بتحويل تصرفاته وسلوكياته الخاطئة بذكاء منك لصالحك . أي وظفي هذه الأخطاء إلى إيجابيات ، فقد تكوني محتاجة لأشياء قد لايوفرها لك سابقاً ، ولكنك بعد اطلاعك على تصرفاته ومعرفتك بها يحقق رغباتك ، ومع ذلك لاتضغطي عليه وتشدي عليه . ودائماً اجعلي الأخطاء مشاريع للتعديل . ولاتقفي متحسرة وموجعة نفسك فهذا كله لاينفع ولايفيد . وإذا كنت اعتبرت أن هذه إساءة شخصية وخيانة لك ، فتذكري أنه خان ربه ، فكيف بك أنتِ . أسأل الله أن يسعدكم ويحقق لكم الرحمة والمودة . |
رد: ساعدوني نفسيتي تعبانه بالمره
هدي رد اخر من احدى العضوات
.................................................. ....................... عليكمـ السلام والرحمهـ أتمنى تكوني بخير وبصحه وبـ سلامه عزيزتي / قلبكـ ينزفـ وهذا شيء مؤلمـ يبدو لي أن عمرك يتراوح مابين 24 الى 27 غاليتي / أنـا أؤمن أن الله إذا أحبَ عبداً إبتلاهـ ولكن أخيتي / المشكله استفحلت وبدت عليكـِ ملامح الحزن, وجهكـ شاحب هل فكرتي يوماً طرق باب الرب !؟ بالدعاء أَلـحّي بالدعاء فـ الله لايخيب عبدٍ دعاه ولايرده صفر اليدين فـ الله سبحانه قال في كتابه الكريم (أدعوني استجب لكم ) عزيزتي / زوجكـي فعل مافعلهـ من أفعال ! هو ليس بإدمان فقط! بـ إنهـ يبحث عن الإشباع فـ أشبعي رغباتهـ ولو أنهـ يطلب الكثير! أنتي تحبينهـ جداً لأنهـ رغم مايفعله من افعال شنيعهـ تظلين الى جانبه !! فـ الطلاق أبغض الحلال عند الله فـ ياعزيزتي أنتي متفائلهـ جداً يبدو أنكـِ اجتهدتي ولكن ثقي ثقه تامه أن مالكل مجتهدٍ نصيب ! اطرقي باب الرب عزل وجل فـ هو الوحيد اللذي يرأف بحال عباده وهو أرحم الراحمين .أبكي وأشكي له يومياً ماتمرين به من حال سبحانه جل جلاله رحمته وآآسعه. لاتيأسي من رحمة الله~ أذا رأيتي أن حالك أصبحت افضل وبدأتي تتقبلينه أجلسي معه وأحكي وناقشي بهدوء وأخبريه بما عندكـ ولـ تكن بينكم ثقهـ و وعود فـ الله جعل بين كل زوج موده ورحمه إرتاحي ياغاليتي فـ أنتي جميله ونقيهـ لاتهملي ذاتك وأبدأي من يوم غدٍ حال آخر ويوم جديد وصفحه جديده إذا رأيتي منه فعل اساء اليك واغضبكـ لاتنظري اليه واخرجي من المكان الى مكان تجدين نفسك افضل فيه إما موهبه تتحلين بها او عمل تحبينه .. اتجهي الى الرب واعملي كل الواجبات الملزمه بها كل إمرأه اعتني بجمالكـ الداخلي و(الخارجي) فـ لتكن روحكـ مرحه محبه وقلبك واسع وكبير هو بـ ذاته سوف يأتي اليكـ لاتقلقي ولو بعد حين ll~ يـ / نقيهـ همسهـ / في أذنكـ http://forum.hwaml.com/imgcache2/hwa...694886_966.gif _ عندما تكره المرأة رجلا الى درجة الموت,, فاعلمي انها كانت تحبه الى درجة الموت..http://forum.hwaml.com/imgcache2/hwa...694886_594.gif _ للمرأة ثلاث مراحل مع الحب,, في الاولى تحب,,, وفي الثانية تعانيه,, وفي الثالثة تأسف عليه!! _ الرجل ابرع من المرأة في الصداقة ,, ولكنها ابرع منه في الحبـ . فكوني اهلاً لذلكـhttp://forum.hwaml.com/imgcache2/hwa...694886_594.gif _ الإحساس والحب والإخلاص,, كل ذلك سيبقى مكتوباً على المرأة أن( تقوم به) _ خاطبي في الرجل عقلة http://forum.hwaml.com/imgcache2/hwa...694886_594.gif لاتنسي ذلكـ. _ الرجال يمكنهم أن يقاوموا نظرية صائبة و يستسلمون لنظرة فـ كوني تلكـ النظره اللتي تخطف قلبهـ.http://forum.hwaml.com/imgcache2/hwa...694885_711.gif تمنياتي لكـِ بـ حياة سعيده ملؤها المحبه والموده راحة بال تدومـ وزوال الهمومـ قرة عينكـِ بـ سلامة وعافية أبنكـ جوريهـ لكـ ِhttp://forum.hwaml.com/imgcache2/hwa...694885_215.gif |
رد: ساعدوني نفسيتي تعبانه بالمره
ماقصرت اختي احب لغة العيون وفت وكفت
لاكن من كلامك احس ان زوجك ماينعطي وجه يستفز ويعاند ويصلح الاشياء وهو عارف انك عارفه ولا يخاف منك لاكن مالك الا الدعاء وانك طنشينه وتحاولين تجذبينه بثقلتك خليكي مطنشته وثقيله مثلا اكشخي واجلسي واذا جلس يسولف عن بنت او مغاز او سالفه بايخه مثل وجهه طنشيه ولا تناظرين فيه ابدا كلمي جوال ناظري تلفزيون تلفون لاعبي ولدك احرقي دمه وخلي اهتمامك بنفسك يغريه وبولدك يقهره وسوي نفسك مشغوله عنه مرررررره مصيره يحتاجك ويجيكي يسحب هههه انا عندي زوجي اذا تزاعلنا وقهرني تنظفت وكشخت ولبست احلى ماعندي واجي ارز نفسي قدامه اقلب بكتابي واذاكر بكل براءه او امسك الريموت واقلب وهو يطبخ يطبخ مايرتاح لين يراضيني ههههه مايجي الا بالعين الحمراءhwaml13 واهم شي تصلين ركعه اخر الليل تدعين فيها بالهدايه واصبري واحتسبي الاجر عشان عيالك يمكن هو بمرحلة مراهقه او صار ادمان ادعيله وبس |
رد: ساعدوني نفسيتي تعبانه بالمره
جزاكم الله الف خير والله يجعله بموازين حسناتكم
اختي احب عز الله ماقصرتي كفيتي ووفيتي والله يسعدك يالغاليه فعلا" المشكى لله وحده الله يبارك فيكم ويعطيكم العافيه |
رد: ساعدوني نفسيتي تعبانه بالمره
ورى ماتكسرين جواله وتحرقين قلبه عليه
والله لو اني مكانك واشوفه يسوي كذا لاكسر جهازه فوق راسه بعد واللي يصير يصير والا استغفله واخبيه عنه واسحب الشريحه ولا ابين انه معاي هذا اول حل وثاني حل يمكن انه صعب تسوينه وهو انك تسوين نفس اللي يسويه قدامه بس مو صدق تظاهري انك تعرفي واحد علشان تحسسينه بذنبه واذا تجادل معك قوليله هذا انت تسويها ولاهميتك لما انصحك ........ وقولي حتى انا بسوي اللي يحلالي يمكن وعلى الله تتحرك فيه الغيره ويقلع عن اللي يسويه اسال الله انه يهدي زوجك وترى مو بس انتي تعانين كلنا نعاني وخليها على ربك لكن مانسكت عن الغلط مهما كان بس الرجال اللي مثل زوجك مايبغاله الا وحده قويه ماتسكت ؟ والله يعينك.. |
رد: ساعدوني نفسيتي تعبانه بالمره
اميره كانك تشوفيني والله سويت الطريقه الثانيه ويطالع فيني ويضحك لانه ولله الحمد واثق فيني بالمره
الله يعين على هالرجال اخر زمن |
رد: ساعدوني نفسيتي تعبانه بالمره
الله يحمل معاكي اختي
ادعيله بالهداية اثناء صلاتك وبعد الاذان الله يقومك بالسلامة انتي حامل لازم تنتبهي عالجنين الله يفرج همك وهم كل المسلمات آمييين |
رد: ساعدوني نفسيتي تعبانه بالمره
الله يعينك ويفرج همك يااااربي والزمي الاستغفار وقياام الليل في الثلث الأخير من الليل وبأذن الله ربي مابيردج وأتمني من الله أنه يهدي زوجج
|
رد: ساعدوني نفسيتي تعبانه بالمره
مشكوووورين وجزاكم الله الف خير
|
رد: ساعدوني نفسيتي تعبانه بالمره
دعواتى لكى بظهر الغيب ان يفرج الله همك ويفك كربك ويهديلك زوجك ويجمل صورته فى عيونك
|
رد: ساعدوني نفسيتي تعبانه بالمره
الله يفرج همك ياااارب الاخوات ما قصروا والله يعطيهم العافية..
حبيبتي مالك غير رب العالمين استغفري الله ودايمان ادعي لزوجك بالهدايا الله يهدي ياااارب.. بس انتي اتوقع انك مهملة زوجك ومقصرة في حقة اسفة على تعبيري لكن الذي يلجأ للعادة السرية بعد الزواج فبيكون فعلا يبحث عن الاشباع كما ذكرت الاخت.. فانتي اول شي تعملي اتكلي على الله ودامي على الدعاء له بالهدايا.. كمان زيدي من اهتمامك فيه وحاولي تكونين له كل يوم عروس دايما ن في الليل والنهار اهتمي في اللبس كان لبس المنام او في النهار وانتو في البيت البسي اللبس اللي بحبه زوجك اللي بشوفه على البنات واحكي معاه كلام رومانسي واظهريله كم تحبينه وزيدي من اهتمامك فيه وحاولي تكوني دائما ناعمة ولا تصرخين وتجكرين في وجهه ابدا مع انك تحافظي انك تكوني ثقيلة وصاحبة شخصية .. حبيبتي اعملي اللي بقلك عليه واهتمي فيه اكثر..ظلك على هالحال زي شهر وبعد اذا ما اتغيرت حاله طنشيه واعملي العكس ورح تشوفي كيف رح يتغير وتصيري انتي اللي مسيطرة على الموقف والله يهدي زوجك ياااارب.. |
رد: ساعدوني نفسيتي تعبانه بالمره
ياقلبي الله يعوضك خير ما ازيد على كلام البنات بس يآلغآليه
عليك بالاستغفآر والدعآء وسهآم الليل لإ تخطئ والله يكون بعونك ويصبرك ويقوي قلبك ويهديه لك ويكرهه بالحركات ذي و ان شاء الله يهتدي ويسخره ربي لك الله يعينك والله يا ام ركون كلنا تعبنا من هالرجآل من رأى مصيبة غيره تهون عليه مصيبته دعوآتي لك يالغلا....... |
رد: ساعدوني نفسيتي تعبانه بالمره
وضع صعبْ جداً و حاسة فيك بقوةَ
و مابيدي شي افيدك فيه غير الدعاء الله يعطيك على ما تتمنين على هالصبر .. و هالله هالله في عيالك .. لا تخليهم يتأثرون بلي يصير حولهم لا يضيعون بينكم هم بعد ! الله يبرد قلبك عاجلاً غير آجل بصلاح حال زوجك يارب |
رد: ساعدوني نفسيتي تعبانه بالمره
حبيبتي
زوجك من النوع الي يحب احد يغار عليه ويدور الغيره بتا الوائل عشان تهتمين فيه وهو من النوع الي يحب احد يهتم ويغار عليه اسمعي طنشيه قد متقدرين اعرف انه صعببببببببب لاكن لما يشوفك مطنشه موضوع الغزل بخف وشوي شوي مع الايام .....بس اهم شي لاتبالغين في غيرتك وحاولي انك ماتورينه انك تغارين بالعكس اذا جاته رسايل ابتسمي وطنشي...بس اهمممم شي انك ماتقصرين معاه يعني حاولي تهتمين بنفسك ودلعينه وتتقربين منه ....بس ابعدي قدر المستطاع عن الغيره وسوي نفسك انه عاااادي الي يسويه ونه طيش شباب هو بيصغر نفسه...واذا سواها عيني عينك قدامك ابتسمي وقولي طييييش وربي ماراح يغفرلك ياقلبي وعطيه بوسه من بعيد وقومي >>>يعني اقهريييه. اش اقلك يعني بالعربي المفيد لاتهتمين بلي يسويه يعني وش بيسوي غير يغازل خليه يغازل الين يشبع والله ماراح يزوج وحده تغازله لانه يعرف انها منحطه وغازلت قبله مليووون يعني لاتخافين اخر شي راجعلك لما يشوفك مطنشه و مهتمه بحركاته التافه بحس بعد فتره انه تااافه ومايتسفيد من الي يسويه واذا جاته رسايل وانتم نايمين قولي ببرود ودلع يوه فاضيه ذي تراسلك وتراسل عشره في نفس الوقت يعني ماشبعت من الي قبلك ...حبيبي قفل الجوال ابغا انام اذا مارديت عليها لاتهتم برد عيها غيرك ياقلبي وعطيه ظهرك ونامي>>>>>>>اقهريه دايم حسيه بتفاهة الشي الي يسويه وانك مو مهتمه بحركات المراهقين كله ذا بسسسس عشان يح بغيرتك وهتمامك لاغير فلا تهتمين طنش تعش>>>اعرف انه صعب بس فكري بمنطق يعني وبعدين اذا غاااازل ماراح يتسفيد غير التعب والحرااام وقوليله في وجه وانت مبتسمه وقاهرته يعني ياروحي وش تستفيد غير التعب والحرام الله يعينك ياحبيبي هالك نفسك عالفاضي يامهندhwaml7 اهم شي لاتزعلين او تبينين غيرتك قدامه ودعيله وخليك واثقه من نفسك عشان يحسك قويه... |
رد: ساعدوني نفسيتي تعبانه بالمره
هااااااي ام ركوني
اولا ادعيله الله يحفظ زوجك ويسخره دايما لك واكثري من الدعاء للباري قال تعالى(ادعوني استجب لكم) ثانيا كل رجال له نقطة ضعف عند المرأة شوفي وين نقطة ضعفة يعني في ازواج مايتحملون يشوف زوجته تبكي والبعض مايتحمل زعلها....................الخ لكن عشان تحلي الموضوع حل كامل لو عمل هالحركة وانتي معاه ازعلي زعل جدي ولاترضي بسهوووووووووووولة ولا يومين وترضي عشان يفكر الف مرة قبل ما يسوي هالشي والله يوفقك تحياتي |
رد: ساعدوني نفسيتي تعبانه بالمره
ما أقول إلا الله يهديه ويسخره لك ويبعد عنه طريق الحرام
وإن شاء الله الأخوات كفو ووفو |
رد: ساعدوني نفسيتي تعبانه بالمره
بنات وش فيكم صعب تطنشة كذابياخذ راحتة اكثر ويحسب عندها الوضع عادي مو مهتمةام ركوني لاتخلية بحالة خليك عود بعينة لين مايبطل حركات تافهة وقوليله اختار ياانا يالبنات
اعرف كثير مطنشين رجالهم وماتغير اي شي الابالعكس اخذو راحتهم اكثر والله يعين عالدنيا ذي مافي احد مرتاح فيها بس انتي اهم شي لاتقهري نفسك كل شي الا صحتك انتي كذابتهدمي صحتك وكل شي يرجع الا الصحة اذا راحت ماترجع ولاتقهري نفسك على واحد مايستاهل خليك عودبعينة ونفس الوقت بردي على قلبك اذا بتنقهري على شي يستاهل انقهري على اعمال الطاعة |
رد: ساعدوني نفسيتي تعبانه بالمره
الله يصبرك يارب
اختي ابغظ الحلال الطلاق بس بصراااحه زوجك ماينقعد معه روحي بيت اهلك احسن لك ولا ترا بتموتين قهر ترا حتي لو قلتي بنسي ماتقدرين وربي عيالك بنفسك احسن لك وقولى الله يهدية اقعدي عند اهلك وحتي لو ترجاك لاترجعين له ترا خلاص هاذا مرض مثل مايقولون بو طبيع مايتوب عن طبعه اتركية وريحي نفسك والله يارب يرزقك بااحسن منه ولا والله بتجيك الامراض من كثر التفكير والله صدقيني وحدة كذا قعدت معاة ومن كثر التفكير والله ماتت وخلت عيالها واهلها ماستفادت شي يتمت عيالها بسببه والله وهو مارح يهتم ماتت بعدها تجي 2 مايهتمون الرجال يحزن 3شهور ولا يمكن2ويدور له 2 عيشي لعيالك وريحي بالك اطلبي من ربك انه يرزقك الرااحه ويهديه ويخلى لك عيالك وانشاء الله يكبرون ويشيلونك |
| الساعة الآن 06:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .