|
قضية اسم المولود
السلام عليكم
يسعد مساكم/صباحكم اليوم عندي موضوع إن شاء الله يعجبكم واتمنى ما تكون الفكره مكرره.. طبعا الكل منا يعرف ان اسم المولود قضيـــــة تشغل بال الأم وطبعا كل أم تتمنى أحلى الاسماء لأولادها .. ولا يخفى علينا دور الأب إما إنه يشطح لك باسم ماله سنع وينشب لك فيه وإلا يكون حبووووووب (هذا إن وجد) ويقول سمي ع كيفك وأنا من هذا المنطلق ابغى كل وحده تقول لنا وش الاسم اللي كان عاجبها والاسم اللي كان عاجب زوجها؟؟ وهل اللي يقتنع بالنهايه انتي وإلا هو؟؟ يلا تكفون تفاعلوا معي ياعسولات أحبكــــــــــــــــــــــــم |
رد: قضية اسم المولود
الحمد لله رب العالمين انا وزوجي متفاهمين من الخطوبه على اسماء اولادنا واذكر هو فتح معاي الموضوع وسالني وش تتمني اسماء ولدك وبنتك وقلت له ان مابي اخرج على نطاق الاسماء الغريبه واتمنى هالاسماء بالعكس تقبل وبكل عقلانيه .. والحمد لله زوجي ماهو معقد ولا هو من النوع الا تعالي لازم الولد باسم ابوي والبنت باسم امي او باسم ابوي انا او امي .. او يجيب لي اسماء شياب ههههههههههه |
رد: قضية اسم المولود
مممممممم واللهي شووفي انا لسسى ماحملت
بس طقاق انا وزووجي هو يبي عاامر وانا ابي مشعل او فهد او نااايف .. اللين اقتنع بابو نايف .. وان شاااااء الله مايغير راايه ... |
رد: قضية اسم المولود
لبى قلوبكم ع هالمرور العسول..
عاد أنا نسيت اقولكم انا مجنني يقول اذا ربي رزقنا ببنوته بنسميها نوره ع اسم امه..قلت له والله خالتي ع عيني وع راسي بس الاسم خلاص قديييم ومصر ع رايه وانا نفسي بالبتول |
رد: قضية اسم المولود
عند لازم ياخذون اسم البنت والولد على امه وابوه ولله حرام احمل واتعب
وابي افرح باسم البيبي وهم يختارونه |
رد: قضية اسم المولود
فديت عمرك يااكسسواريز والله ان معك حق أنا ما عندي مشكله لو كان مثلا بيطلع مثل ابوه والا امه لو في الأطباع كان اسمي وأنا مغمضه..
|
رد: قضية اسم المولود
موضوعك حلووو شعوله العسوله
و زوجي من بداية زواجنا عطاني حرية أختيار الأسماء بس أن شاء الله ما يغير رأيه أذا صار الموضوع جد |
رد: قضية اسم المولود
طبعا اول ولد سماه وسام وكان نفسي بمشاري
والولد التاني على اسم ابووه حسام وكان نفسي بعد بمشاري او مشعل والبنات كان يبغى ديالا وديانا بس عارضته وسميناهم تولين ورولين والحييين حامل قال يبغى خالد وانا ومعارضه ابغى مشاري وفيصل <~ قلت قصصه حياتي يعطيكي العافيه |
رد: قضية اسم المولود
صح قضيه معقدة بس ياقلبي احس نورا احلى من البتول
لان الاول احس فيه دلع عادي لاتزعلي منو برضو الاسم حللللو مشالله |
رد: قضية اسم المولود
ياحبيلكم كلكم ([color="rgb(139, 0, 0)"]فرحة الدنيا-كاتمة الأحزان-احلى كرميلا)
يالبى عمرك ياكاتمة الأحزان ذكرتيني بلقب صاحبتي الله يذكرها بالخير وتصدقين عاد خفت لما قلتي ديالا وديانا وين أحس الاسم إذا ماصار عربي ماله داعي حلاتنا إذا صرنا متمسكين بلغتنا مو نصير اعوذ بالله تابعين لذا الغرب والمشكله مادروا عنا..طولت السالفه>> ياحبي لي منقهره وانتي يااحلى كرميلا والله حتى البتول له دلع"تولي- توته" والله انها اهون عندي من "نوني-نونو-النوري" [/color] |
رد: قضية اسم المولود
الله يلين امخاخ رجالنا ويهديهم لنا كلنا نعاني بس ايش نسوي نهون على بعض
|
رد: قضية اسم المولود
يالبى عمرك والله..بس ضحكتني امخاخ ههههههههه
|
رد: قضية اسم المولود
وعليكم السلام اول شي المهم انه الطفل يكون بصحه وعافيه وش ماكان اسمه عادي
هههههه امزح اكيد موعادي حيل والله انا تعقدت حيل من هل الموضوع اول ماحملت قالي بسمي نجمة على امي وانا كنت حيل نفسي اسمي أيه كنت اموت في ذا الاسم ولمى ولدته اول يومين اقتنع وخلاص سميتها أيه عقب 3 يوم جا وقالي انسي خلاص غير اسم نجمة مافي وربي حتى بكي بكيت ومافاد معه واخر شي اقتنعت وقالي لمى تحملي مرى ثانيه سمي براحتك والحين انا حامل بشهر الثامن ودي اسمي رنيم وهو معند غير أيه ههههههه اول لمى بغيت هل الاسم رفض والحين حلى بعينه عليكم حيل ههههه يا الله تقومي بسلامه يارب ويلين راس زوجك |
رد: قضية اسم المولود
والله كلامك صحيح اهم شي الصحة والعافية وعني صراحة زوجي معطيني راحتي في الاسامي كان ودي بغيدا بس صارت الجوري ماادري شلون بس ماعلية حلو اما ولدي فانا عاشقة اسم عبدالملك قبل لاجيب بنتي والحمد الله سميته
|
رد: قضية اسم المولود
اففففف اكره شي لي يصر الزوج على اسم قديم
وخصوصا لازم على اسم الاب بس انا رافضه ان يسميه على اسم ابوه وان شاء الله يقتنع ونسمي لي ولد محمد بس متفقين باسم البنت ساره بس للحين ماعرفت جنس المولود لي عرفنه ان شاء الله مانعارض على اسم الولد |
رد: قضية اسم المولود
والله يا حبيبتي انا متفقه معاه ان الاولاد عليه والبنات علي وجبت بنوته وقلت بسميها آيه بس ابوي وعمي اقترحوا علي اسم علياء وحبيته موت حسيته اسم برنسيسه وراقي وسميتها علياء ربي يحفظها ويهديها
|
رد: قضية اسم المولود
انا الاسم اللي كنت أتمناه عمر بس زوجي ماوافق وسماه مشاري واللحين انا حامل واذا كان ولد بسميه عمر لان خاطري وايد بهالاسم بس يااااارب مايغير رأيه
|
رد: قضية اسم المولود
مرحبا انا زوجي قبل لااتزوجه وهو ابو مراد وحبيت الاسم بس لما حملت وقالولي ولد صار نفسي باسم رافي قالي هاذا بنسمي مراد واللي بعده انشالله رافي بس ماحسيت انه متعصب للاسم يعني لو اصريت ممكن يغير ........
|
رد: قضية اسم المولود
فديت عمركم (جرح القوافي-الجوري عبدالله-حور العين-نغم-ام النوني-ام مراد) عسى الله لا يحرمنا من ردودكم العسوله..
|
| الساعة الآن 08:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .