منتديات حوامل النسائية

منتديات حوامل النسائية (https://naqatube.com/index.php)
-   المـنـتـدى الـعـام (https://naqatube.com/forumdisplay.php?f=3)
-   -   دائما تكتبون عن البنات00اليوم بكتب عن الشباب (https://naqatube.com/showthread.php?t=62282)

العاااالي مستواها 06-17-2011 04:54 PM

دائما تكتبون عن البنات00اليوم بكتب عن الشباب
 
السلام عليكم ورحمة الله وبركاته


انا ام لااربعة شباب وكل يوم اشوفكم تكتبون عن البنات ومواقفهن0

اليوم بكتب لكم عن الشباب ومواقفهم ربي يصلحهم0



أنواااع الشبااب ... ما أبغي حد يزعل
نوعية من الشباب تشوفهم في البيت غير وعند الناس غير
أبسط مثال
يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه
والاا يافلان نبي خبز واللي يعافيك جب لنا يقول ماعلي منكم عمركم مااكلتوا سو ريجيم وعند اخوياه يطبخ لهم لاا ويغسل المواعين بعد
2_ الملابس:
دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل شماغه
3_ العجازين
وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي
4_ اذا تبون تعرفون الشاب فوضوي والا المرتب
هذي بسيطه شوفوا سيارته
تجيك السيارة وصخه كلها غبار من يوم شراها ماغسلها لاا ويقول هذي غبار الوكالة أمحق وكاله الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب
5_ راعي الحق والواجب
مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه
6_ الدلع
بنت تدلع معقوله تنبلع بس ولد يتدلع ووووووووووه قهر
تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص واللي مسويلي تسريحة بطل التيتانيك مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم
7_ الشباب النصابيين
هذولا عد واغلط ياكثرهم يجيك الواحد يقول
يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
ما شفتوا جوالي هذا جايبه من دبي والله ....وهو شاريه من الحراج
ماتدرون اختاروني لاعب باالمنتخب بس اعتذرت لهم لأني مصاب والدكتور يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
لا ويزيد النصب اذا كان الطرف الآخر بنت
8_ المعصب
وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف
9_ الدلخ
هذا كل من هب ودب يضحك عليه
الاا في شي دايم يصير
يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه )
والله بلشه مايدرون انهم بها الأسلوب يخوفون الناس منهم
10_ المغرور
ماأدري بعضهم شايف نفسه على ايش شين وقوة عين
وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه
11_ الضعيف
الضعيف ....... الضعيف والاا اقول مافيه ولا واحد منهم ضعيف كلهم ...
12_ راعي التفحيط
هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي
13_ راعي الطرب
وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز
14_ راعي الأرقام
هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه
15_ أبو راس يابس
) هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )
16_ الحساس
وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين
واااااااااخر نوع
من برا هله هله ومن جوه يعلم الله
هولاء هم اللى يأجر لك فياقرا ولا شبح ولا فكتوريا من سيارات الجخ
وان وقفته قال انا فلان بن فلان آل .. وهو تلقاه فقير مسكين مايدري وين الله حاطه ولا إذا وقف عند الاشاره وانت جمبه رافع كتفه وتافخ نفسه وإذا كان اللى واقف جنبه جممس فيه بنيات محترمات ارقبته شوي وتنكسر وهو يناظر فيهم ويطلع هلمعروض ( الرقم بس يكون بخط كبير ) وحالته حاله ولا تلقاءه مأخذ سيارة خاويه بطق العصي علشان المظهر وهو ماعنده
ماعند جدتي
طبعا مو كل الشباب فيه شباب يقف الواحد لهم احترام وتقدير0









ان شاءالله يعجبكم الموضوع اكثرالمعلومات من عيالي عن أصدقائهم وزملائهم في المدارس ربي يهدي عيال المسلمين 0

سوسهs 06-17-2011 05:19 PM

رد: دائما تكتبون عن البنات00اليوم بكتب عن الشباب
 
اميين الله يهديهم يارب
يسلمو العالي والله يعطيكي الف عافيه يارب




تقبلي مروري سوسه

احلى كرميلا 06-17-2011 05:22 PM

رد: دائما تكتبون عن البنات00اليوم بكتب عن الشباب
 
هههههههه الحمدالله على كل حال من جد دا طباعهم وعادي عندهم يحسبوها وناسه وخصوصا حقت الدولاب من جد غريبه

الله يهدينا ويهديهم ويصلح بالنا وبالهم

مشكورة ياحلوة

دافئة المشاعر 06-17-2011 05:49 PM

رد: دائما تكتبون عن البنات00اليوم بكتب عن الشباب
 
بجد هلجيل صاير يطلع بنفس
روحي المجمع تشوفينهم اشكال والوان من هنوعيه

يعطيك الف عافية حبيبتي

كاتمة الاحزان 06-17-2011 06:17 PM

رد: دائما تكتبون عن البنات00اليوم بكتب عن الشباب
 
هههههههههههههههه
الله يهدي شبابنا
يعطيكي العافيه غلاتي

JORI 06-17-2011 07:03 PM

رد: دائما تكتبون عن البنات00اليوم بكتب عن الشباب
 
ههههه... الله يهديهم

فديت حبيبي A 06-17-2011 07:25 PM

رد: دائما تكتبون عن البنات00اليوم بكتب عن الشباب
 
الله يعطيك العافيه يالعالي مستواها

والله موضوع روعة وانا اقراء اطلع ف زوجي كنك تتكلمين عنه هههههههه
خاصه حقت الملااااابس يووووووه مليان اشكال وانواع ومايلبس الا اثواب والخميس يلبس جينز وقميص ((يعني شوفي ترا مغير اللوك اليوم

وكمان المستشفى هذا عاد اخوي اخواتي للحين نتعقدين منه كل مادقوا عليه نبيك تجي لمكان فلاني يقول موب فاضي مشغول ولا يعطيهم بالوجه مابوديكم

\\يسلموا على هذا الموضوع ويـــــــــــــــــــارب يحفظلك عيالك من كل شر
ويهدي جميع شباب المسلمين

السامره 06-17-2011 09:12 PM

رد: دائما تكتبون عن البنات00اليوم بكتب عن الشباب
 
ايوه الله جات على الجرح
الله يهديهم لنا بس وينجحهم

**سماسم** 06-17-2011 09:34 PM

رد: دائما تكتبون عن البنات00اليوم بكتب عن الشباب
 
الله يهدهم الشباب عليهم طلعات ترفع الضغط ..
مشكوره العالي
,,

العاااالي مستواها 06-17-2011 11:51 PM

رد: دائما تكتبون عن البنات00اليوم بكتب عن الشباب
 
تسلمون حبيباتي على الطله الحلوه ربي مايحرمني منكم

يمكـ دروبي 06-18-2011 12:00 AM

رد: دائما تكتبون عن البنات00اليوم بكتب عن الشباب
 
كلامك صحيح 100 بـ 100
يسلمو حبيبتي
الحلو دايم ما يجيب الا الحلو

فوق مستواااك 06-18-2011 12:06 AM

رد: دائما تكتبون عن البنات00اليوم بكتب عن الشباب
 
يسلموووووووووووووو .... والله يهديهم

كل الحلى 06-18-2011 12:15 AM

رد: دائما تكتبون عن البنات00اليوم بكتب عن الشباب
 
والله إنك جبتيهم صح

هههههه

يعطيك العافية حبيبتي والله يخلي لك أولادك وبناتك

مجنونة بحبها 06-18-2011 02:17 PM

رد: دائما تكتبون عن البنات00اليوم بكتب عن الشباب
 
الله يعطيكي العافيه

عن جد شباب هذا اليوم

ابتهال الكناني 06-18-2011 03:35 PM

رد: دائما تكتبون عن البنات00اليوم بكتب عن الشباب
 
هههههههههههههه
صادقه يرفعون الضغط


يعطيك العافيه

jorri sham 06-18-2011 05:25 PM

رد: دائما تكتبون عن البنات00اليوم بكتب عن الشباب
 
والله بصراحة يا عالي مستواهاا
اللي حكيتي كلوو صح
وانا بصراحة بدون زعل هيك بلاقي بشباب السعودية
الله يهدي شباب المسلمين اجمعين يارب

أمونه* 06-19-2011 09:08 PM

رد: دائما تكتبون عن البنات00اليوم بكتب عن الشباب
 
إييه والله انهم كلهم كذه ويلي يرفع الضغط بزياده الأم والأب يلي يشجعون عيالهم يلي كذه
يلي تقولك ماعليه رجال خليه كيفه ... او هذا رجال مايعيبه شي
او معليش انتم الحريم يبغالكم كذه
هذا الكلام يزيد من الشباب يلي من هنوع ..ماادري وش رأيك
هي وراثه ولا تربيه ..يعني انا لو ربيت ولدي على عكس هذه الأشياء يلي ذكرتيها لأني خايفه صراحه يصير ولدي بهذا الشكل وبهذه الأخلاق
ينفع بعد التوكل على الله طبعاّ ولا الوراثه تغلب التربيه ....
الله يهديهم ويصلحهم ....آمين

مشكوره يالغاليه على الموضوع الطيب ....

أنـــ غير ـــا 06-20-2011 12:39 AM

رد: دائما تكتبون عن البنات00اليوم بكتب عن الشباب
 
http://forum.hwaml.com/imgcache2/hwa...519584_387.gif

الراقيه 06-20-2011 04:16 AM

رد: دائما تكتبون عن البنات00اليوم بكتب عن الشباب
 
الله يهديهم يً رب
عوافي يالغاليه =)

العاااالي مستواها 06-20-2011 06:56 AM

رد: دائما تكتبون عن البنات00اليوم بكتب عن الشباب
 
اقتباس:

المشاركة الأصلية كتبت بواسطة ام الأسمر (المشاركة 1191858)
إييه والله انهم كلهم كذه ويلي يرفع الضغط بزياده الأم والأب يلي يشجعون عيالهم يلي كذه
يلي تقولك ماعليه رجال خليه كيفه ... او هذا رجال مايعيبه شي
او معليش انتم الحريم يبغالكم كذه
هذا الكلام يزيد من الشباب يلي من هنوع ..ماادري وش رأيك
هي وراثه ولا تربيه ..يعني انا لو ربيت ولدي على عكس هذه الأشياء يلي ذكرتيها لأني خايفه صراحه يصير ولدي بهذا الشكل وبهذه الأخلاق
ينفع بعد التوكل على الله طبعاّ ولا الوراثه تغلب التربيه ....
الله يهديهم ويصلحهم ....آمين

مشكوره يالغاليه على الموضوع الطيب ....



الوراثه اتوقع مالها دخل هم الاهل والتربيه انا عندي عيال ربي يصلحهم ماهم مثل العيال موعشانهم عيالي امدحهم لا والله
واعين وكابره عقولهم قبل وقتهم الكبير عمره 19سنه بس تقولين عمره 25سنه عاقل ويحب يخدم الكبير قبل الصغير يحب خواته مررره وحنون على الكل اول مايعطل من المدرسه يشتغل مع ابوه في الشركه ويحب يخدم البيت في كل شي0
الثاني عمره 17سنه مررره عقله تجاري يحب يشتغل في كل شي في الجوالات والسيارات يروح مع ابوه للمعارض حقة السيارات يعرف في العقارات والمقاولات مررره يموت مع الشغل0
الثالث عمره 14سنه موووته البلاي ستيشن يلعب ليل نهار خاصتا في الاجازه مايطفيه مررره مايحب يخرج كثير من البيت وهادي مرره مايحب الازعاج ولاكثر الكلام0

الرابع عمره 12سنه هذا طالع غير في اخوانه يحب اللعب والبروالرحلات البريه حتى مسوي له في المزرعه مكان يسوي له شاهي وجلسه تقولين من المسلسلات البدويه وعنده كل شي يتعلق في البر والخيام والدلال وشنطة الطلعات بس تعالي اجلسي معه شوي تحسين انك في البرصدق مو في الحوش او المزرعه مخلي كل شي حوله يدل على البر ويحب الشعر والقصايد يشعر على راسي 24ساعه وطلع لي قرون ربي يهديهم 0
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,

الف الف الف شكر لكل من شارك في موضوعي

عسولة جدة 06-20-2011 08:26 AM

رد: دائما تكتبون عن البنات00اليوم بكتب عن الشباب
 
ههههههههههههههههههههههههه
الله يهديهم يارب
تسلمي على الموضوع الحلو

~~لحن الحياة~~ 06-20-2011 09:16 AM

رد: دائما تكتبون عن البنات00اليوم بكتب عن الشباب
 
الله يغعطيك الف عافية يا عمري

العاااالي مستواها 02-10-2012 03:39 AM

رد: دائما تكتبون عن البنات00اليوم بكتب عن الشباب
 
ربي يسعدكم يالغاليات

العاااالي مستواها 04-30-2012 01:56 AM

رد: دائما تكتبون عن البنات00اليوم بكتب عن الشباب
 
ـــــــــــــــــــــــــــــــــ

ليلى الحلوه 04-30-2012 10:04 AM

رد: دائما تكتبون عن البنات00اليوم بكتب عن الشباب
 





http://forum.hwaml.com/imgcache2/hwa...769453_306.png
أكره الشبااااب...
ما عدا ريلي..

قلب عايض 04-30-2012 11:23 AM

رد: دائما تكتبون عن البنات00اليوم بكتب عن الشباب
 
عندي وعندك خيررر هههههههههههههههههههههههه
كأنك توصفين عيالي خخخخخخخخخخخخخخخ
والا ابو الشباب ابو ديما لا ولله الحمد انسان منظم ومرتب ومايحب يطاع من غير ماتكون ملابسه نظيفه ومكويه ومعطره ويحب يغير يعني بالوان الثوب والشماغ وتفصيله من غير الاطياب والعطورات تقولين رايح لعرس << انا احب اللي كذا

وقبل يطلع كل يوم لازم ابخره بافخر انواع العود مو حي الله << ماشاء الله تبارك الله الله يبارك لي فيه

ودهن العود في مخباه توله صغيرة فررررررررررق عن اللي قلتيه فووووق خخخخخخخخخخخخخ

اجاتا 04-30-2012 11:35 AM

رد: دائما تكتبون عن البنات00اليوم بكتب عن الشباب
 
هههههههههههههه

الله يهديهم

بس يالغلا هاي العبارة حراااام (مايدري وين الله حاطه)

لحن الغربه 04-30-2012 12:30 PM

رد: دائما تكتبون عن البنات00اليوم بكتب عن الشباب
 
ههههههههههههههههههه والله انك صادقه
يعطيكي العافبه ياعسل

أنـــ غير ـــا 05-01-2012 05:21 AM

رد: دائما تكتبون عن البنات00اليوم بكتب عن الشباب
 
هههههههههههههههههههههههههههههه
جد شي يضحك ويبكي الله يهديهم

>>>مصرقعه<<< 05-01-2012 05:55 AM

رد: دائما تكتبون عن البنات00اليوم بكتب عن الشباب
 
هههههههههه <<موضوع متعوبــــــــــــ عليـــــــــــــــــه <<الله يهديهـــــــــــــــــم بــــــــس



سلمت اناملك ياحلــــــــــــــــوه


الساعة الآن 01:57 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .