|
نفسيتي تعبانة مرره
السلام عليكم ورحمة الله وبركاته
اخواتي ممكن هنا اقدر اقول كل الي بخاطري بعيد عن الواقع الي انا فيه ,, ابي رايكم الصريح مهما كان ,, عمري 30 سنة وحامل بالشهر الخامس ,, موظفة ولله الحمد والمنة ,, تزوجت بزوجي الاول وعمر 17 سنة ذقت معه الويل حاولت التجاوز والصبر لكن للصبر حدود انجبت منه 3 اطفال ولد وبنت وبمجرد دخوله السجن رفعت قضية واخذت الحضانة والطلاق حاولت اخذ مانع خلال فترة الزواج لكن ارادة رب العالمين والحمدالله على ما اعطى بعد 5 سنوات من طلاقي تقدم لي رجل يمني مع العلم باني سعوديه رجل دين صالح على ماقيل لي ترددت كثير بحكم اختلاف الجنسية ولكونه متزوج ولديه 7 اطفال ولكن شاءت ارادة الله بان يتم الزواج ,, اخذت احتياطي في موضوع الحمل منه لاختلاف الجنسيه ولكوني صدمت بزوج غريب الاطوار ارادني للمتعه الجنسية فقط يغيب عني بالاشهر ولا يلتزم باي حق من حقوقي الشرعية ,, ساومني بعد اربعة اشهر على الطلاق اما ان يطلق واما ان ارضى بالتنازل عن كامل حقوقي الشرعية ,, ضعفت وكرهت الانفصال ورضيت بالواقع ,, وللاسف لم يزيده الامر الا نفور وبعد فاصبح يهجرني بالاشهر ,, اراد الله ان احمل منه وانا الان في الشهر الخامس ,, هاجرني من ثلاثة اشهر لاني لم اقوم بدفع اجار البيت بصراحة وبكل وضوح لم اعد انا انا ,, اصبحت انسانة جافه قاسية حتى على نفسي ,, كرهت الحمل والجنين وحاولت انزاله بكل الطرق ولكن ارادة رب العالمين اقوى اقبل علي قبل شهر ونصف وقال لي انه لم يعد يريدني وانه سوف يطلقني لاني لم اتنازل وادفع اجار البيت ,, من جانب اخر بدات من فتره في البحث عن مسكن مستقل مع اهلي والحمدالله وفقنا الى شراء منزل جديد امتلكت فيه شقة متوسطة الحجم ,, انا اقتنعت بان الانفصال هو الحل الاسلم وزوجي يرى باني معانده ومكابره لكوني لم اتنازل ,, ولكن ما الحقووق التي يريدني ان اتنازل عنها ,, واذا لم يعد مجال للصبر ماذا افعل بنفسي ,,؟ هم المولود الذي سيحمل جنسية اجنبية يؤرقني جدا ويحسسني بالذنب كوني قبلت بالزواج ,,؟ ماذا افعل ..؟ |
رد: نفسيتي تعبانة مرره
لاحول ولا قوة الا بالله
اختي اطلقي منه وش راجيه منه هالرجال ودام اخذتي لك شقه عيشي حياتك مع عيالك وماشالله مع وظيفتك يعني ماانتي محتاجه احد واذا على الملود اهم شي يكون معه شهاده ميلاد حتى لو من اب اجنبي بتربيه وبيعيش حاله حال اخوانه والله ييسر امرك ويشرح صدرك |
رد: نفسيتي تعبانة مرره
والله الحل الوحيد لك الطلاق عشان نفسك وعشان تربين اولادك
هذا انسآن داخل على طمع ويحب نفسه واهم شي يرضي شهواته والولد اللي جاي بيجي برزقه له رب ماينساااه بإذن الله الله يهون عليك مصيبتك خيتووو |
رد: نفسيتي تعبانة مرره
ياعمري الله يفرجها عليك وييسر لك امرك
|
رد: نفسيتي تعبانة مرره
الله يعينك ويكون معك
انا كمان رأيي من رأي الاخوات الطلاق هو الحل الوحيد وربنا يعوض خير ان شا الله * |
رد: نفسيتي تعبانة مرره
الله يوفقك ويسرلك امرك
وانا كمان من رائي الاخوات مدري اذا المعلومه صحيحه سمعت انو الابناء اللي من زوج اجنبي يحصل على الجنسيه اتاكدي |
رد: نفسيتي تعبانة مرره
الله يعينك ويصبرك
والله يكون بعونك |
رد: نفسيتي تعبانة مرره
طيب ياختي ــ ماقلتي وش سبب هجره لك ،،كل هاذي المده ،، وكيف تعامله معك بداية الزواجكم ،، هو هاجرك من بعد الزواج على طول ولا بعد بوقت ،،
انتي قلتي انك موضفه ،،وهو متزوج وعنده عيال ،،،يمكن حالته الماديه هي الي خلته يسوي كذا ،،لانك ماتساعدينه ببعض المصاريف ،،، شكله يفكر انك شايفه نفسك ومتعاليه عليه ،،فلهاذا السبب يهجرك ،،ويطلب تنازلك على حقوقك ،، أنتي ياختي قلتي لنا بس روؤس اقلام ،،وإذا هو عايش على طول في السعوديه يقدر ياخذ الجنسيه السعوديه ،،اسالي وشوفي |
رد: نفسيتي تعبانة مرره
اقتباس:
اشكر للجميع المرور,, للاسف هذا هو من بداية زواجنا ,, وانا مو باخله بشي عن البيت ماتصدقي لو اقولك انه يجي بعد غياب اشهر يمر كانه ضيف ويطلع انا اسدد فواتير البيت والاتصالات واغطي مشاوير المستشفيات هو مجرد وناسه وسعه صدر , قبل فترة جاني نزيف مع بداية الحمل ويوم مر وعرف تخيلي طلع وغاب شهر لا اتصال ولا ارسال مابيننا اي مشاكل عشان ينفر اساسا ماحنا عايشين مع بعض ولا اشوفه الا بعد مضي شهور لفترة ماتزود عن ربع ساعه ,, ماهي ضغوط ماديه لاني كنت ولا زلت متكفله بكل التزامات البيت من اجار وفواتير وغيره هو مايحط اي ريال شهريا ,, فلو كانت السبب هي المادة كان تغير .. انا بصراحة ياست من المحاولة والصبر ,, فقدت الامل بعد مضي سنتين ,, وفقدت الامل اكثر من ردة فعله لحملي الي كانت هجر وتهديد اذا مانزلته رح يطلقني |
رد: نفسيتي تعبانة مرره
اقتباس:
لأن بصراحه طريقة زوجك ،،كأنه زوج مسيار ،،ماألتزم بشي مرره ،، ومو على كيفه ،، يطلب ينزل الحمل ،،هاذا رزق من الله ،،واذا حاولتي علشان رضى زوجك ،، ربي ماراح يرضى عليك ،،وبتجلسين تأنبين ضميرك ،،،، شوفي ،،، المسأله في صالحك ،،بس يبي لك شووي صبر ،، أسكني الشقه عند أهلك ،،وخذي عيالك معك ،، وكملي حياتك موب خسرانه شي ،،، وتركيه يعني طنشيه مرره ،،كانه موب في حياتك ،،مع الوقت إذا حس انك مطنشته هو الي بيجري وراك ،،، شووفي تفكير زوجك ،، هو عارف انك ماراح تنزلين الطفل ،،يبيك تتعبين وتملين ،،الين تطلبي الطلاق بنفسك ،،إذا طلبتي الطلاق ،،بيطالبك بالمهر وكل شي ،،ويمكن الطفل ،، أو يبيك ،،ترضين بوضعك هاذا ،،يجيك وقت مايبي من غير مايشيل مسؤوليتك ،، وهاذا قصده لما طلب منك ،، تتنازلين عن حقوقك ،،، فخليك حكيمه ،،وصبوره ،،صدقيني هو يظغطك نفسيآ علشانه عارف انك خايفه من الطلاق ،،ومن التجربتك السابقه ،، |
رد: نفسيتي تعبانة مرره
اقتباس:
زواجنا من البداية تام ومستوفي الشروط لكن هو من نفسه اسقطها ,, انا الان انتقلت لشقتي الي شريتها يعني تركت بيته ,و وبلغته بهالامر وعرض انه يجي يزورني طبعا كضيف مو اكثر يمر يسلم ويطلع رفضت استقبال اي احد لان اموري لم تستقر بعد ,, طبعا كل الحوارات بيننا ماتتعدى رسايل جوال ,, قلت له اذا انت طردتني من بيتك مرار وتكرار وانا الان رضخت لرغبتك وتركت لك البيت ,, في حال حبيت نكمل فانا لا اقبل زواج المسيار ابدا مهما كانت الخسائر ,, طلب مني التنازل ولكني رفضت وبشده الا ان يتم واجباتي الزوجيه بما شرعه الله . عاد لاسلوبه القديم في التهديد بالطلاق وبصراحة لم يحرك فيني اي شي بل زادني اصرار فالحياة به او بدونه ستستمر ,, كنت اتمنى ان حمللي بولد عشان الحضانة ولكن بلغون انها بنت فالحمدالله على ما اعطى ,, لن ارسل له ابدا او احتى ارد على رسائله ,, ان ارد كان زوج او يغني الله كلن من سعته |
رد: نفسيتي تعبانة مرره
قرار سليم اختي ريم الغلا
حتى لو راح والله معاه بتستمر الحياه كعادتها والله يغنيك من فضله ويعينك على الحياه |
رد: نفسيتي تعبانة مرره
الله يكون في عونك ياقلبي
قصتك تحززن وربي عندنا والله مثل جنوبي يقول اللي ماله حظ لايتعب ولايشقى ؟؟ ولكن هذا نصيبك وكثري من الحمد والاستغفار وان شفتي انك مو مرتاحه مررره مالك الا الطلاق انتي عندك وظيفتك اختي الله يزيدك من خيره ونعيمه ياارب تقدرين تدبرين نفسك تجيبين سواق لك ولعيالك يجيب اغراضكم ويوديكم وين مابغيتو بدال العيشه اللي كلها ذل وهوان وهذا يماني استغلالي حسبي الله عليه بس الله ينتقم منه وربي ماشفنا من ازواجنا غير النكد والهم لاحب ولاحنيه ابد لكن اللي ماعندها وظيفه مثل حالة بعض الحريم تصبر على زوجها النكدي لين الله يفرجها واذا قدر الله وانفصلتي لاعاد تفكرين بالزواج الغي هالفكره من راسك لانه معاد فيه احد جاد بهالدنياا ربي عيالك واعبدي ربك واصبري وزوري بيت الله الحرام والله يعوضك بزوج في الجنه ومافي شي صعب على رب العالمين اهم شي راحتك النفسيه وهالرجال غصب عنه يسوق مصروف ولده اللي في بطنك ليش هي الدنيا سايبه ؟؟ انا والله كل ماتذكرت الجنه ونعيمها وان الله بيعوضني على صبري ارتااااااح وافرح واتمنى تزيد همومي عشان ادعي الله واتقرب اليه انه يعوضني في الجنه بكل ماتمنيته بحياااااتي والله يوفقك واعذرني استرسلت بالكلام وسامحيني لو غلطت |
رد: نفسيتي تعبانة مرره
لاحول ولاقوة الإ بالله.~~
الحل الطلاق..وش راجيه منه اصلن.. احسه متزوجك مسيار متى ماايبغي جاء لك يعني لايدفع ولا يصرف عليك..وش تبغيه فيه ونصيحه منى لاتتزوجي كفايه خلاص...~~ حظك وعرفتيه دامك موظفه مو محتاجه لشي وربي يخلي لك ابوك واخوانك تاج فوق راسك |
رد: نفسيتي تعبانة مرره
الله يعينك يالغلا
الحمد لله ان عندك بيت ووظيفه والحل زي ماقالو لك الاخوات وبالضبط زي مانت سويتي اخر شي لا تردي عليه الله لا يرده ولاتخافي ربي معاك والحياة تستمر |
رد: نفسيتي تعبانة مرره
اقتباس:
لا تتنازلين له مهما كان ،،خليه هو الي يتنازل لك ،،ويعطيك بعد مصروف لعياله بعد ،، |
رد: نفسيتي تعبانة مرره
لاحول ولاقوة إلا بالله
له وجه يهدد بالطلاق .. يعني هو يعتبر نفسه زوج مثلاً! يطلق وانتي مستانسه |
رد: نفسيتي تعبانة مرره
مو مشكلة مابيقدر ياخذ البنت الأجنبي في بلدنا ضعيف دخلي فيها أحد كبير يخوفه لو أنه ولد بيتبهذل لكبر وبيتسفر تطلقي بما إنها ساءت العشرة ،،
|
رد: نفسيتي تعبانة مرره
الحمدالله على كل حال
الظاهر من سوء النفسيه الي امر فيها بدت فيني اعراض ولادة مبكره وتوني مكملة اسبوع في السادس نزل ماي الطفل ,, وبصراحة مادري هو تبلد مشاعر او انه رد فعل احس انه لو طاح هالطفل مارح يغير شي فيني صحيح الطفل مرغوب لكن بالظروف الي انا فيها مدري ايش اقول ساعات ابيه واتمنى المسه واضمه وساعات احس انه لو مات مارح ياثر كثير الله يكتب لي الامر الصالح,,, |
رد: نفسيتي تعبانة مرره
لاحول ولاقوة الا بالله
طنشيه ياحبيبتي هذا واحد اناني وماهمه غير نفسه عيشي لنفسك ولعيالك والله معاك اهم شي تنتبهين لنفسك الحين لان هذا البيبي ماله ذنب وحتى لو مااخذ الجنسية اللي امه سعودية يعامل معاملة السعودي والله يعينك على ماابتلاك |
رد: نفسيتي تعبانة مرره
السلام عليكم ورحمة الله تعالى وبركاته
و الله يأختي الله يكون بعونك يارب و يسخر لك اللي فيه الخير إذا الرجل مقيم بالسعودية و الزواج تم بطريقة شرعية الجئ للقضاء و طالبي بحقوقك كاملة و اكيد القضاء في صفك لأن الرجل لا يصرف عليك و حقك هذا الأمر ليس لك بيت زوجية و هذا اقل حقوقك لا يساوي في المبيت بينك و بين الأولى وهذا حق ممكن تقولي طريق القضاء طويل لكنه افضل على الأقل تشرشيح وتأديبه شوية حتى لا يعبث مع بنات الناس و يضمن لك حقوق اللي في بطنك انت طالبي بالنفقة و البيت و المصروف لاتطالبي بالطلاق و شوفي راح تتحسن الأمور وفقك الله و اصلح كل امورك و هدى رجال هذا الزمن |
رد: نفسيتي تعبانة مرره
اقتباس:
هاذا إمتحان من رب العالمين ،،خليك صبوره وأملك بالله قوي ـ لابد من يوم وتفرج ،، من كان مع الله كان الله معه ،، |
رد: نفسيتي تعبانة مرره
الله يسخر لكن جميع ويسر اموركن
وينولكم مراااادكن ,, |
| الساعة الآن 08:07 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .