|
مشكلتي اتعبت نفسيتي انصحوني الله يجزاكم الجنه..؟
بسم الله الرحمن الرحيم السلام عليكم ورحمة الله وبركاته أخواتي مشكلتي اولا ماعندي احد اشكيله موضوعي مااقدر اقول لامي لان امي مسكينه تشيل هم وفيها ضغط فيها اللي كافيها انا بكرها ومتزوجه من سنه واربع شهور ولاحملت سويت فحوصات لللغدد طلعت سليمه وسويت سونار للرحم والبويضات قالي الدكتور جدااا ممتازه وسليمه قبل شهرين سويت تحليل هرمون الحليب طلع مرتفع شوي واخذت علاج لمدة شهر بعدها حللت قال الدكتور خلاص وقفيه صارت نسبة الهرمون طبيعيه ومع ذالك ماصار حمل زوجي قبل 5شهور سوى تحليل لسائل المنوي وطلع عنده لزوجه واخذ علاج لمدة 3شهور وحلل بعدها وقال الدكتور الحين تمام والحين ياكل خلطة طب اعشاب بالعسل وللحين ماصار حمل المطلوب انصحوني وش اسوي ووين اروح وهل اصبر وواكل امري لربي ولا باقي شي ماسويته والله يانفسيتي ماتتحمل شي الله يجزاكم كل خير |
رد: مشكلتي اتعبت نفسيتي انصحوني الله يجزاكم الجنه..؟
مدري وش أقولك الله يكتب لك الحمل السليم عاجل يارب اكثري الاستغفار الله يرزقك ويرزق كل محروم
|
رد: مشكلتي اتعبت نفسيتي انصحوني الله يجزاكم الجنه..؟
أختي الله يهدِّي بالك ِ و يرزقكِ و زوجكِ الذرية الصالحة السليمة
أكثري من الدعاء و الإستغفار و الصدقات و أودِعي أمركِ لله وبإذنهِ ستبشرينا بحملكِ في أقرب وقت |
رد: مشكلتي اتعبت نفسيتي انصحوني الله يجزاكم الجنه..؟
اختي طالما انتي سليمة وزوجك الحمد لله سليم اتوكلي على الله واكثري من الاستغفار وقراءة سورة البقرة
والله يرزقك الحمل عاجلا غير اجل ويقر عينك بشوفة طفل يارب |
رد: مشكلتي اتعبت نفسيتي انصحوني الله يجزاكم الجنه..؟
ربنا يرزقك الحمل عاجلا غير اجلا ياااااااااارب انتي جربي خلطات هنا حاطينها البنات للحمل وكثري الاستغفار وربنا معك
|
رد: مشكلتي اتعبت نفسيتي انصحوني الله يجزاكم الجنه..؟
حياتو ربي يرزقك بالحمل السليم
طيب روحي لعلاميه تعطيك اعشاب تقوي المبايض عندك وبعد اشربي ميراميه من اول الدوره إلى تاسع يوم من الدوره |
رد: مشكلتي اتعبت نفسيتي انصحوني الله يجزاكم الجنه..؟
اختي طالما انتي سليمة وزوجك الحمد لله سليم اتوكلي على الله واكثري من الاستغفار وقراءة سورة البقرة
والله يرزقك الحمل عاجلا غير اجل ويقر عينك بشوفة طفل يارب |
رد: مشكلتي اتعبت نفسيتي انصحوني الله يجزاكم الجنه..؟
دامك الحمد لله انتي وزوجك سليمين يالغلا
لاتشيلي هم التفكير يالغلا الله يرزقك الذرية الطيبة من عنده وتبشرينا قريب يااارب |
رد: مشكلتي اتعبت نفسيتي انصحوني الله يجزاكم الجنه..؟
حبيبتي الله يرزقك الحمل عاجلا غير اجلا يارب العالمين
طالما الفحوصات كلها سليمة ماتخافي كل تأخيرة وفيها خيرة،، عن تجربة والله من قلبي بحكيلك داومي على الاستغفار والدعاء وكمان جيبي مي مقروء عليها وصيري يوميا امسحي فيها بطنك وجسمك ان شاءالله مابخلص هالشهر الا وانتي حامل وجاية تبشرينا دعواتك الي بثبات حملي |
رد: مشكلتي اتعبت نفسيتي انصحوني الله يجزاكم الجنه..؟
الله يجزاكم خير يارب ويسعدكم يارب ياكريم اقرى ردودكم وابكي ريحتوني الله يكثر من أمثالكم
|
رد: مشكلتي اتعبت نفسيتي انصحوني الله يجزاكم الجنه..؟
انا نفسك كل فحوصاتنا انا و زوجي سليمه وفي نهايه هالشهر بكمل سنه ومادري شنو اسوي بس قلت بوكل امري لربي
|
رد: مشكلتي اتعبت نفسيتي انصحوني الله يجزاكم الجنه..؟
الله يرزقك الذريه الصالحه ومن تمنى
عليك بالاستغفار وقراءه سورة البقره والوتر لاتنسينه وربي ينولك اللي ببالك وعقبال ماتبشرينا والحمد لله بما انك سليمه شي حلو الحمد لله ربي يرزقك ويريح بالك والجميع |
رد: مشكلتي اتعبت نفسيتي انصحوني الله يجزاكم الجنه..؟
الله يرزقك بالحمل يارب
|
رد: مشكلتي اتعبت نفسيتي انصحوني الله يجزاكم الجنه..؟
شوفي حبيبتي اذا المبايض عندك مافيها تكيس ولا عندك ورم ليفي بالرحم لاقدر الله
روحي من ثاني يوم للدوره سوي اشعه باقرب مستوصف واذا كل شي اوكي قولي لزوجك يشتري من الصيدليه كلوميد قوته 50 وخذي حبتين من ثاني يوم للدوره حبتين لمده خمس ايام ولازم كل يوم في نفس الوقت وفي يوم 12 من الدوره يبدا الجماع ويكون يوم بعد يوم ولا تنسي الي قالوه البنات اكثري الاستغفار والقراءه والدعاء وربي يرزقك وعلى فكره مده العلاج ثلاث شهور ورى بعض ولازم اشعه قبل الكلوميد هذي تجاربي في ثلاثه من حملي كلهم بالكلوميد مره اسوي اشعه ومره ماسوي واذا خايفه روحي افتحي ملف عند دكتوره شاطره وهي تمشي بخطه العلاج الي تشوفها مناسبه انا حبيت اختصر لك المسافه والوقت وصرفيه الفلوس وانتي الله يهديك مالك الا سنه يعني بدري على انك تخافين وتتوهمين بعدم الحمل وعشان هرمون الحليب لايغرك انه نزل وصار كويس ترى يرتفع من جديد وانتي مو دريانه انا كذا اخذ علاج وينزل واحلل بعد فتره مرتفع بعدين صرفلي دكتوري بارلدول نص حبه واستخدمه طووووووووووووول عمري وفتره الحمال عشان مايتجرى يرتفع مره ثانيه وفي حل اخر اذا ماتبن دواء اشربي بردقوش مرتين باليوم من اول دوره لين عشرين يوم وهجدي هرمونك وباقي الهرمونات هههههه عادي لاتخافين طعمه حلو واحلى من النعناع الله يرزقك ويثبت حملي وحمل الخوات ويسهل ولادتهم يااااااااااااااااارب ياكريم |
رد: مشكلتي اتعبت نفسيتي انصحوني الله يجزاكم الجنه..؟
الله يجزاكم عني الف خير بس يااختي شلون آكل كلوميد والمبايض نشيطه وحجم البويضه ممتاز حتى الدكاتره لما فحصوني عبالهم آكل منشطات حتى سألوني انتي تاكلين منشط قلت لا
|
رد: مشكلتي اتعبت نفسيتي انصحوني الله يجزاكم الجنه..؟
الكلوميد ماينشط الا المبايض الي ماشيه كويس وتبويضها ممتاز احيانا تكون حجمها بدون كلوميد 18هذا حجم ممتازلاكن الكلوميد بيوصلها لحجم اكبر 20 اواكبر من كذا ومن ميزتها احيا وليس دائما بتطلع بويضتين والجرعه هذي عاديه وماهي من المنشطات القويه
انا مبايضي كويسه وتمام وتبويضها كل شهر كويس بس الحكمه من هالعمليه ليس لتنشيط المبايض لكي فقط وانما مساعده الزوج الي بيكون الخصوبه عنده ليست ظعيفه وانما متوسطه الحال وانا ستخدم الكلوميد احيانا من دون اشعه لانها على كلام الدكتور امنه اكثر من اي منشط وارخص سعرا وهي ايضا تستخدم لعلاج تكيسات المبايض فما خوف منها وهي من خطط العلاج البدئيه لمشروع حمل اسرع وبعدها يبدئو بالابر ثلاث اشهر اخرى وبعدها فتره راحه للمبايض عشان مايصير في تهيج وبعدها كلوميد وابر منشطه اكثر عشان يعملو تلقيح صناعي او التلقيح المجري وبعدها راحه ومن ثم المنشطات الاكثر والاقوى والتي في هالحال بتطلع اكثر من خمس بويضات والتي لعمل طفل انابيب الله لا يحوجك لها الدوامه وعلا فكره يمكن كل هذي الشغلانه تعمليها وربي مايكتب لك الحمل وبشهر دون علاج وجماع طبيعي وربي يكرمك قدره الله فوق كل شئ لاكن الواحد ياخذ بالاسباب ويعمل الي يقدر عليه والي توصل له الطب بس انتبهي من بعض الدكتورات التي لايهتمون بعمل الي قلته اول باول لانهم احيانا تجي الوحده مسكينه ماهي فاهمه شئ وتبدى مع المريضه اول شئ بابر عشان تختصر المسافه لاكن الي تقولك اول شئ حبوب لمده معينه ونشوف استجابه المبيض للعلاج وبعدها ابره تفجيره عشان تقرب البويضه الى قناه فالوب اكثر مما هي عليه ...............الخ فاعرفي انها تشتغل بظمير لان الابر قويه جدا وممكن يصير مشاكل لاقدر الله ويتعطل المبيض عن العمل هذه بعض النصائح واسفه عالاطاله لكن حبيت افيدك والله يوفقنا ويااااااااااك |
رد: مشكلتي اتعبت نفسيتي انصحوني الله يجزاكم الجنه..؟
بعد عمري تسلمين ع النصايح الله يفتحها فوجهك وين مارحتي اليوم ثانييوم دوره متى آكل كلوميد ؟؟
والصيدليه اقوله ابي كلوميد قوة خمسين ؟؟ |
رد: مشكلتي اتعبت نفسيتي انصحوني الله يجزاكم الجنه..؟
يا اختي وكلي امرك لله اولا واخيرا ,,, الحمد لله طلعتي سليمه وزوجك سليم ,, استغفري الله كثير في اخر ساعه قبل الفجر والله كثثثثثثثثير حملووو من هذي الطريقه وانا مثلك متاخره عن الحمل والله يعطيني ويعطيكي ياقادر ياكريم
|
| الساعة الآن 11:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .