|
عطوني رآيكم كيف أقنع زوجي...!
مساء الخير حبيباتي كيفكم إن شاء الله منيحات بنات بدووون مقدمات أنا زواج صديقتي بشهر 8 يعني مابقى عليه شيء,, وطبعا أنا مقررة من زمان أروح له بإذن الله وطبعا قلت لزوجي قبل كم يوم عن الموضوع وقال أنسي ...!!! مافي روحه >> كأني طفله عنده طبعا سألته ليه وليش مافي سبب مقنع يرد علي أنا ماأبي وخلاص ..!! والله أنقهرت هذي صاحبتي من 7 سنوات عشرة عمر وغير كذا إذا تزوجت بتروح للغربية يعني متى بشوفها بالله...؟؟ وقلت له هالكلام لكن ماش نتيجة .. والمشكلة هو مو من النوع اللي يمانع زيارة صديقاتي وإلا مقابلات عادي عنده الوضع وكذا مره يوديني لها لكن ماأدري وش جاه كذا أنقلب قلت طيب بروح مع سواق أهلي قال ماراح يحصل لك طيب رفع ظغطي ألف وأنا ماجادلته يعني بكثرة في الموضوع ولا قلبتها معركة يعني أتحاور معاه بهدوء لكن مصصصصر على كلامه وأمس كلمته بنفس الموضوع قال قفلي عليه والله يابنات قهرررررررررر يعني هو مايرضى أمنعه عن أصحابه ليش يسوي كذا؟؟؟ وغير كذا هذي صديقة عمري والله بتزعل لو ماحضرت زواجها وأنا أبي أقنعه بسسسرعة عشان يمدي أشتري لزواجها الله يعافيكم يابنات قولو لي كيف أقنعه مع أني أحسه بس كذا يبي يعاندي لأنه يعرف وش كثر أحبها تكفووون عطوني حلولكم والله أحترق دمي منه |
رد: عطوني رآيكم كيف أقنع زوجي...!
بما انه فرح صاحبتك بعده مطول لا تفتحي الموضوع هلئ
قبل الفرح بكم يوم ويكون مزاحه رايئ وهادي احكي معه واطلبي منه بكل احترام وادب .ترجيه شوي مو مشكله وان شا الله ربنا يسخره الك والله يسعدكم يارب * |
رد: عطوني رآيكم كيف أقنع زوجي...!
حبيبتي الزواج قررب بعد 3 أسابيع ولازم أجلس أدور لي فستان
وأنا قلت له من بدري عشان يكون عنده خبر ويفرغ نفسه يوديني للسوق والزواج وأمس لما كلمته كان يقولي قفلي الموضوع وهو جاد ومعصب عمووما الله يعطيك العافية ياقلبي ماقصرتي الله يسدك يارب |
رد: عطوني رآيكم كيف أقنع زوجي...!
قولي له ليه ماتبيني اروح هاذي صديقتي لو اسلم عليها بس نص ساعه واطلع
قولي له زي كذا يعني تكلمي معاه وانتي فيك مليون عبره قولي له موشرط اجلس بالزواج لما ينتهي ع الاقل بس اسلم عليها لانها بتسافر بيتها بديره ثانيه ماراح اقدر اشوفها مره ثانيه واعرفك انت طيب وقلبك حنون واكيد ماراح تخليني ازعل.. |
رد: عطوني رآيكم كيف أقنع زوجي...!
يمكن كان متضايق يوم كلمتيه
حاولي تكلميه يوم يروووق مزاجه وبهداااوة يقهر من جد مافي إلا تنتظرين روقااانه دلعيه ولاتفتحي الموضوع الحين واذا شفتيه رايق افتحي الموضوع واذا رفض بحنيه وهدوء إسأليه عن سبب رفضه وقولي له يصارحك يالغلا بأسباب رفضه على الأقل قولي له أنا بس ودي أسلم عليها قبل ماتسافر وووووو تعالي هي أرسلت لك بطاقة زواجها وعزمتك رسمي ذكرتيني بزوجي مستحيل يوديني زواج مين من كان بدون بطاقة الزواج بإسمه من باب التقدير والإحترام يقول ويوم يشوف البطاقة والله يرضى يوديني مع إنه بعض الزواجات فيها منكرات ووو بس يوديني يقول لازم تقدرين الناس اللي قدروك والله يسخر ويحنن قلبه يااااااارب وتقولين زوجك يرضى ويوديك تتقابلون مع بعض يعني يمكن بيشوف غلاوته عندك ورضاك عليه ههههههههه عليهم حركات هالرجاااال بيني وبينك روحي للسوق مع أهلك وخذي اللي تبينه وخليه عند أهلك ولاتكلفين عليه بالطلبات يمكن خايف من طلبااااتك ههههههههههههههههه آسفة بس يكون ببالك لو عندك المقدرة بنفسك مثل ماقلتلك ووقت العرس إلبسي وتكشخي ولاتقولين إنك اشتريتيه ولا شئ مثلا قولي لبس أختي استلفته وبس تنحل المشكلة الله يسخر قلب زوجك يااارب |
رد: عطوني رآيكم كيف أقنع زوجي...!
اقتباس:
ياقلبي ياشمايل والله كنت أكلمه بكل هدوء وأتحنن له هذي صديقتي عشرة عمر وأنت عارفها ومن هالحكي وأصلا من غير ماأقوله ماراح أطول هو ماراح يخليني أكثر من ساعتين عارفته إن شاء الله بحاول معاه وبمثل أني أبكي هذا إذا مابكيت صدق والله مره قلبي مقهوور ماأتخيل أني ماحضر زواجها وهي واقفه معي بزواجي كأنها وحدة من خواتي حتى الناس يحسبونها من العيلة والله يعطيك العافية ياعمري ماقصرتي الله يسعدك وين ماكنتي |
رد: عطوني رآيكم كيف أقنع زوجي...!
اقتباس:
أصلا ياقلبي أنا متى أشوفه عشان أكلمه هو مروق وإلا زعلان ماأشوفه باليوم إلا ساعتين والخميس والجمعة والسبت يكون مسافر بالله متى أكلمه...؟؟ وأنا أكلمه والله بأحلى أسلوب وياحياتي وياعمري وبعد أذنك ويوم رفض قلت طيب قل لي ليه وخلاص ببطل أروح لكن ماعطاني سبب يقول خلاص أنا قلت كذا يعني كذا ومن ناحية العزيمة لا بدون بدون بطاقة وهو ماتفرق معاه لأنه يرضى أزورهم وأشوفهم بالملاهي يعني أيزي عنده مادري وش غيره فجأة والفلوس آخر همه لأنه ماشاء الله مادياته كويسة مررره ويعطيني بدون حساب وكل ماسافر ماظنيت عشان الطلبات أحسه كذا بس بيسوي فيها فرض راي عشان الموضوع هامني وزواج بنت عمته رايحة له وأنا مالي ناقة ولا جمل حتى عمته زفته معي وهو شايفها بس رحت عشان خاطره مارديته رحت وتعاملني كأنها تقول وش جايبك ياعمري أدري ادوشتك بكثرة كلامي لكن والله منحررررة يارب أنه يوافق أنا مراح أخليه وراه وراه لين مايوافق ربي يسعدك ياقمر ماقصرتي |
رد: عطوني رآيكم كيف أقنع زوجي...!
رجال مافي راسهم الا العناد
الله يسخره لك ويوافق ياشيخه انا حاسه انه راح يوافق بس هو يبي يلعب باعصابك عشان شافك متعلقه بهالزواج زي اللي عندي يقهرني وفي النهايه وفي اخر دقيقه يقولي تجهزي ويلا شي يقهر وربي عاد طمنينآ لو رحتي هههههه |
رد: عطوني رآيكم كيف أقنع زوجي...!
دامة مايمانع زياراتك لهم ماظنيت بيحرمك ليله زواجها ...
انتي اسكتي ولاعاد تفتحين معه الموضوع و روحي مع امك والا اختك واشتري كل شي وقبل الزواج بكم يووم افتحي معه الموضوع وفهمية انك ماتبين منة شي ومو محتاجه السوق يمكن رفضه سبب مادي او ماودة تشغلينة اسواق وزحمة وان شاء الله يارب تحضرين الزواج |
رد: عطوني رآيكم كيف أقنع زوجي...!
ياقلبي عليك وربي انقهرررررررت من ااسلوبه
اشلون انتي ؟؟؟ والمشكله ان مابقى وقت عالزواج والتجهيزات يبيلها اعرف وحده نفس مشكلتك ماقدرت تروح الزواج فراحت معها المشغل من اول مادخلت الين ماطلعت وباركتلها وعطتها هديتها ومشت .. واذا عنك الله يعيييييييينك بس ماينخاف عليك ان كيدهن عظيم... فديتك ربي يسخرلك زوجك وتحضريين زواجها وتستانيييين .. |
رد: عطوني رآيكم كيف أقنع زوجي...!
اممممممممم طريقه سويها له ،،وإن شاء الله يوافق ،،
سوي له طبخه وجبة غدا عليه الكلاااام ،، والمغرب سوي له الحلا الي يحبه موت مع قهووه ـــ في الليل وتالي الليل عليك فيه خليييييييي ليلك كله رومنسيات اشكال والوان ،،، اليوم الثاني لا صحا وهووو مروق ،،شوفي الوقت المناسب وفاتحيه بغنج ودلع وكم بوسه ،، جربيهاااا معه ،،،لاتقولي عيون جوريه رايقه وماعندها شي ،،،هاذي الطريقه لها مفعول سحري ،، وقولي اذا ماوافق ،،قولي انت الخسراان كنت بسوي لك مفاجئه خاصه لك هاذيك الليله وبرفضك بتروح عليك،،،المفاجئه ،، عاد اذا مادياته كويسه وافق ،،قولي خلاص بنحجز فندق الليله وحده بعد ماطلع من زواج صديقتي نروح للفندق ،،،عاد اذا الليله الي قبل ماتفاتحينه بزواج صديقتك عاجبته بوافق وهو مسكر عيونه ،، جربي ومنتي خسرانه ،، |
رد: عطوني رآيكم كيف أقنع زوجي...!
انا عندي لك حل حبيبتي كل الحلى ...
مشكلتك شكلها عنااااااااااااد بس مو اكتر اخاف اقولك كلميه يعند اكتر ... اوقات تصير عادي ,,بس ايش رايك لو قلتي لصاحبتك اني ما اقدر اجي الفرح عندي ظرف وتروحي لها في المشغل اللي بتتحضر فيه وتقضي معاها الوقت هناك.... على فكرة صارت معاي بفرحي اعز صاحباتي جاتني هناك وجلست معاي ساعتين او اكتر والله مرة فرحت فيها قعدنا وتكلمنا اصلا وقت الفرح لا حتشوفيها ولا تشوفك,,,,بس عاد يبغالك تجيبيها له باسلوب تضمني انه ما راح يرفض.... يا رب تعجبك فكرتي. |
رد: عطوني رآيكم كيف أقنع زوجي...!
ممم برايي كلمي رفيقتك انه تعزمك على عرسها باسم حماتك وخذي معك حماتك لانه يمكن ما بيحب تروحي لوحدك والله يسخر زوجك لك ويحنن قلبه عليكي وموفقه
|
رد: عطوني رآيكم كيف أقنع زوجي...!
حبيبتي اذا كان زوجك مصر انك ما تروحين هو اهم لامانع من المحاوله من غير هواش لكن اذا اصر موضروري روحتك وصديقتك ممكن تعتذرين يوم الزواج بانك تعبتي فجاه لا سمح الله بطنك او اي عذر ولا تتسرعين وتخسرين مبلغ في تجهيزات الزواج وهو قالك لا
الله يحنن قلبه عليك ويسخره لك يااااااااااا رب |
رد: عطوني رآيكم كيف أقنع زوجي...!
شوفي حبيبتي شكله متضايق او في شي بشغله عشان كذا هو رافض
اسمعيني قولي له عيب ومايصلح وايش بيقولوا عني لانها قايمه فيني قومه بزواجي وكل شي بزواجي قامت فيييييه وساعدتني عيب اني مااروح وشوف حبيبي اذا رافض اطول واجلس وقت طويييييييل عادي لو اروح بعباتي اسلم عليها واطلع اهم شي اني قمت بالواجب وماراح اطول وبخلي السواق ينتظرني نص ساعه او ساعه واطلع وخوذي خواتك اوو اي احد معك ويارب يوافق |
رد: عطوني رآيكم كيف أقنع زوجي...!
ياحياتي مملوحة
هو من ناحية أنه يعاند أكيد بس إذا كنت مزعلته وإلا ماسمعت كلامه يعاندي لكان هالمرة ماسويت له شيء وله فترة وهو مشغول من يوم طلعت من الاربعين ماشفته ولاجلست معه اكثر من ساعة كلها طراطيش كلام ع العموووم إن شاء الله يغير رايه يااارب ربي يسعدك ياقلبي ويعطيك العافية |
رد: عطوني رآيكم كيف أقنع زوجي...!
صحيح كلامك ياقلبي ساروونة عشان كذا أنا أستغربت
ومن ناحية السوق أغلب روحاتي تكون مع سواق أهلي والمادة الحمدلله كويسة يعني ماهو همه هالموضوع ماأقول الله يهديه يااارب ربي يوفقك ياقمر ويسعد أيامك يارب |
رد: عطوني رآيكم كيف أقنع زوجي...!
ياقلبي ياأرياف والله أحرق دمي لأني ماتوقعته يرد علي كذا كنت ضامنه الروحة
لكن أقول له من باب الأستأذان وعشان يوديني السوق والزواج وشكلي إذا رفض مررره يوديني مالي إلا هالحل أني أروح لها بالمشغل هذا إذا ماعصلج بعد الله يستر يعطيك العافية ياقلبي والله يوفقك إن شاء الله |
رد: عطوني رآيكم كيف أقنع زوجي...!
ياحبي لك ياعيون جورية
طريقتك حلووووة وتجيب القرار ههههه بس آخاف يعرف أنها لمغزى بعدين يقول تخف بي على كذا يبي لي أبدا أسوي له هالحركات من بدري عشان مايفطن خخخخ وإن شاء الله ماراح أخلي شيء من اللي قلتوه إلا ومجربته يعطيك العافية ياعمري ربي يسعدك |
رد: عطوني رآيكم كيف أقنع زوجي...!
فديتك حبيبتي جنا
والله إذا عند خلاص وركب راسه بحاول معاه يوديني لها بالمشغل مافي إلا كذا ماأقدر أني ماأشوفها يوم زواجها والله لأموت من القهر الله يسعد أيامك حبيبتي |
رد: عطوني رآيكم كيف أقنع زوجي...!
حبيبتي فلسطينية حماتي متوفية
وهو لو مايبي أروح لحالي قالي خذي أمك وإلا خواتك لكن هو رافض من غير سبب الله يسعدك حبيبتي |
رد: عطوني رآيكم كيف أقنع زوجي...!
أم عمر هو أكيد أني بكلمه ماراح أتركه كذا
لكن والله ماأقدر ماأروح ولا أشوفها قهررر بصراحة مابي أتخيل حتى عموما الله يخليك حبيبتي وينولك مرادك |
رد: عطوني رآيكم كيف أقنع زوجي...!
فديتك حبيبتي إحساس
قلت له هالكلام هي واقفة معي بزواجي و و و بس مارد وقال سكري ع الموضوع مرره إن شاء الله بحاول معاه بشتى الطرق وبإذن الله رايحة رايحة ماشوفه مكنسل زواجات أصحابه وإلا جت علي أنا الله يسعدك ياعمري وينووولك اللي ببالك إن شاء الله |
رد: عطوني رآيكم كيف أقنع زوجي...!
جربي كل الحلول المكتوبه من الى
اذا وصلت لمرحله انه مازال رافض وانتي الشي ذا بخاطرك حيل فصدقيني لااردايا بينكسر خاطرك وبتنزل دموعك وهنا بتبكين بقهر وكلميه بهاللحظه وانتي تبكين ,,, وقولي ايش المانع ؟؟ الحرمه وقفت معي كيف ماتبيني اوقف معها وانا ايش قصرت معاك فيه ,, ليش تعامليني كذا ليش الشي بخاطري وتمنعني منه ومن هالكلام و ان شاءلله فيه نتيجه ,, قد جربتها ومشت بعد معاناه |
رد: عطوني رآيكم كيف أقنع زوجي...!
شوفي اختي ..
شكله زوجك ما يحب كثرة الهرج في المواضيع .. ووده لا قال شي يتنفذ حتى لو ظاهريا بس .. ومو بس هو .. ترا كل الرجال كذا .. يحبون يحسون بشخصيتهم .. وهذا موب عيب .. بس العيب انه ينقلب هوس ... << بلا فلسفة ,, اخلصي .. المهم .. انا عارفة انك مقهورة ولا ألومك .. مرة صارت لي .. مارضى لي زوجي أحضر عرس وانقهر .. بس الحمد لله .. من ترك شيئا لله عوضه الله خيرا منه .. بس اسمعيني جاتني فكرة .. بس ما أدري تضبط معك ولا لا .. وان شالله تضبط .. وأهم شي فيها انك تحسسينه انك بااااايعة الدنيا والعالم كله عشانه .. " لزوم التميلح " هع .. الخطة : - اما انك ترسلين له رسالة .. - أو انك تكلمينه تلفون .. المهم انه ما يكون جنبك يعني موب فيس تو فيس .. لأنه لو كان بعيد يحن قلبه أكثر .. المهم .. تقولين له .. انك كلمتي صديقتك وقلتي لها انك موب حاضرة عرسها .. (طبعا موب حقيقة) .. وقامت تصيح وتقول انها تبي تشوفك في عرسها .. بس إياني وإياك تقولين انك قلتي لها انه هو السبب في عدم حضورك .. لأنك لو قلتي له قولي على العرس السلااااااام , وإذا سألك وش قلتي لها عن سبب عدم الحضور .. ألفي لك أي سبب مقنع .. ولا تطولين في سرد هالشي .. ولا تبينين انك متحسفة عالعرس أو مقهورة .. خلي نفسك عادي .. بس خلي نبرتك "أو أسلوبك في الرسالة" يكسر الخاطر .. الزبدة والأهم .. بعد كذا تقولين ان رضاك أهم عندي من عروس الدنيا كلها .. ان شالله فحياتي ما حضرت عرس أهم شي رضاك ....... وكثثثثثثثري من هالكلام .. وبس .. وسكري الموضوع ولاااااا عاد تفتحينه الا يوم الزواج .. طبعا انتي مجهزة لنفسك كل شي .. للاحتياط طبعا في حال فاجأك ورضى ..لا نفس اليوم قولي له ان صديقتك كلمتك وقالت انها محتاجة لك .. بس طبعا ابدأي بموشحات الحب وانك ما يهمك الا رضاه ومن هالحكي .. وياااااارب يرضى .. أتمنى أكون أفدتك .. |
رد: عطوني رآيكم كيف أقنع زوجي...!
ايوه ياكلي الحلى ،،سويها له كم مرره مثل ماقلتي علشان مايفطن ويقول سوت كل هاذا علشان اوافق ،،، والله يعينك تسوين له بعد بعد الزواج وإن شاء الله تحضرينه ،،
،،وتكلمي على لسان ولدك كانه هو الي يقوله ويطلبه بإسلوب كله ضحك ودلع ،،هههههههههه تصرفي ،، |
رد: عطوني رآيكم كيف أقنع زوجي...!
طيب ليش ما تقنعي صديقتك
رضى زوجك والا رضى صديقتك واذا هو يسمح تزوريها زوريها بالبيت يعني مو شرط ليلة الزواج لانها بتسافر شوفي أنا زوجي من البدايه حسيته ما يرتاح اذا قمت اروح زواجات وكذا يومها قمت اعتذر من صديقاتي لان زوجي مب راضي وهي لو انها فاهمه الرجال بتعذرك صدقيني صديقتك بتروح وبتسافر وانتي بتتهاوشي مع زوجك عشان هاالسبب نصيحتي لاتفتتحي الموضوع إطلاقا معاه ولا تسوي اي شي يزعله اذا حس من نفسه حلو والا خلاص انسي الموضوع مثل ما قال بالتوفيق حبيبتي |
رد: عطوني رآيكم كيف أقنع زوجي...!
ياحبي لكم والله ربي يخليكم ياأحلى أخوات
ويسعدكم وين ماكنتوا وينولكم مرادكم ياااارب فدييييييييييييييييييييييتكم أنا بجرب كل الحيل واللي قلتوا لي عليه إلين مايلين إن شاء الله ويوديني وإن ماوداني بتصير حرب عالمية ثالثة والله يعني أحس وراي شغل آآوف |
رد: عطوني رآيكم كيف أقنع زوجي...!
ياكلي الحلى يأختي ،،إذا ماوفق تروحين ،،لاتقلبيها زعل عليه ،،مثل ماقالت مساحة روحيه ،،صديقتك بتروح مع زوجها ،،فله وناسه ،،وانتي متهاوشه مع زوجك ،،
خذيها بروح رياضيه ،،، عاد علمينا ،،وش بيصير ،، |
رد: عطوني رآيكم كيف أقنع زوجي...!
ياقلبي ياعيون أنا مو راعية مشاكل ولا أحب الزعل من أساسه
وبنفس الوقت ماني راعية طلبات ماعمري يعني طلبته شيء وجلست ألح عليه إذا وافق وافق وإذا لا كان بها بس هالموضوع غير والمفروض هو يقدرني أنا ماقلت بروح أنام عندها وإلا بسافر معها ...!! قلت بحضر الزواج أن طولت حدي ساعة ليش يمنعني من غير سبب وأصلا أنا من يوم رجعت بيتي من النفاس وأنا ماأشوفه إلا قبل ماينام بساعة تقريبا وإذا صحى يفطر بسسسس المفروض يعبرني ويضرب لجيتي حساب وسكت وماقلت له شيء ولا ناقشته وأسلوبي معاه من أحسن مايكون ومسوية نفسي مقدرة ومنطمة وكل هذا ولا شافه ويوم طلبته هالطلب اللي مايسوى رفض ..!! عشششان كذا أنا مقهورة منه والله ماعلي منه إذا رفض بروح غصب عن اللي خلفوه >> عصبت وخروا عنها خخخخ وأكيد ياقلبي أي مستجدات تصير بعلمكم |
رد: عطوني رآيكم كيف أقنع زوجي...!
جيت قلت اشوف ايش صار معاها ,,,لقيتك تقولي بروح غصب عن اللي خلفوه ,هههههههههه دامك مقررة متعبه نفسك ومتعبتنا معاكي ليييييييييش؟؟؟؟
خخخخخخ امزح تعبك راحة ياالحلى.,.,.,. |
رد: عطوني رآيكم كيف أقنع زوجي...!
ههههههههههههه
ياحبي لك ياجنا فديت قلبك أنا أبي طرق أقنعه فيها عشان ماينقلب الموضوع هووووشة وأنتم حبيباتي ماقصرتوا عطيتوني أساليب كنت غافلة عنها وجاري تطبيقها إلين أوصل للي أبيه وأكيد حبلغكم أيش يصير معي إن رحت أو مارحت |
رد: عطوني رآيكم كيف أقنع زوجي...!
(((تدق بيت كل الحلى وتفك الباب القمر
(تاخد عبايتها وتحطها ع الشماعة وتبدا المعركه (((((( فديتك ياكل الحلى كل ذا يصير وانا مدري وينه قليل الحيا وينه اللي مزعل خوييتي((((مشمرة عن سواعدها هههههههه تبي تهاوش رجال اليوم مايبي لهم دلع وتفاهم لالالالالالالالا يبيلهم تدبير وينه وسعوااااا بس دلوني عليه اليوم الدم واصل للركب((((((عربجية صارت ليه وش عنده مايخليها تروح العرس هـــا علموني البنت ماقصرت بحقه ولابشي الا هو راكبن راسه يبي يمشي اللي فيه (((تاثرت بلهجتهم صارت من اهل نجد تحكي مثلهم ماعلينا ان شاء الله احكي هندي يوافق يعني يوااااافق غصبن عليه ولا برضاه ولا غصبن علية مرتن ثانية افا يالعلم يكدر خاطر كل الحلــى مهي مقبولة ابد ذي فيها قبايل البنت واقفتن معها بعرسها وماشيتن معها طول حياتها يجي الحين يرفض انها تحضر لها فرحه عمرهاااااااا لييييييييش وش اللي مانعه ؛ياذكر الله قليل النخوه اللي مايستحي((كلمه جدها وينه وينه دليني عليييييه اليووم غاسلتن شراعه خل البنت تروح تقضي مابقى عالعرس شي والعمرررر طوويييل والبنت ماراح تعرس مرة ثانية هي ليلة وحده وبس معد هي رايحه بعدها اي عرس((لايصدق عاد انا بروح اعشي رجلي وراجعة بس اصبرواا علي والله لخليه يقول روحي وفكني من شرك بعد مابقي الاهي يزعل كل الحلى برب ((ارحمينا يا برب هههههههه |
رد: عطوني رآيكم كيف أقنع زوجي...!
قبل الزواج بيومين ابكي بكاء وقولي كلمتني وودعنا بعض
ماعاد فيني بصراحه بفقدها ومن ها الكلام وبيمديك تقضين وتروحين الزواج |
رد: عطوني رآيكم كيف أقنع زوجي...!
اقتباس:
ههههههههههههههههههههه فديتك والله ياقلبي والله لو يشوف ردك ليوديني للزواج على نقالة ههههههههه بجد أنتي حاسة بالقهر اللي فيني والله رافع ظغطي مليووون ليته والله يشوف كلامك هي مرة وحدة مو كل يوم بحضر زواجها وكم ساعة وهو خالص والله لو هي وحدة من قريباته كان ناشب في حلقي أحضري لاتفشليني >> على باله ويليام خلاص أسم أني زوجك كل قراراتك في يدي والله حاجة تغم أنا الحين جالسة أجرب كلام عيون جورية وبشوف وش النتيجة وإن شاء الله ينفع معه ياحبي لك والله أنك فزعة يالبى قلبك بسس |
رد: عطوني رآيكم كيف أقنع زوجي...!
اقتباس:
هي شكلها في النهاية بتنقلب دموووع وصياح أنا بروح يوم الخميس للسوق مع سواق أهلي وراح أشتري للزواج وبخليها ببيت أهلي لعل أن شاء الله أنه يوافق يعطيك العافية ياقمر ماقصرتي |
رد: عطوني رآيكم كيف أقنع زوجي...!
اقتباس:
والله عن نفسي مانب مشتهيه اروح ومراح اشوفها زين في الزواج الاهم رضى الزوج ومنب مستانسه وهو كان ماودهhwaml03 كم بقى ع الزواجhwaml03 |
رد: عطوني رآيكم كيف أقنع زوجي...!
,’
لاتنسين تقولي لنا ايش بيصير وان شاءلله تروحين احس لو اني مكانك ومارحت بنهار صاحبتي ورفيقة عمري ومااحضر زواجها >> فيس يبكي |
رد: عطوني رآيكم كيف أقنع زوجي...!
أبشششششششششركم بنات
خلاص بروح الزواج ولله الحمد والمنه طبعا بتقولون كيف وافق وكيف اقنعتيه وافق لأن طلع عنده سفرة إضطرارية خارج المملكة ووقت زواج صاحبتي ماراح يكون موجود فوافق وعطاني الأذن أشكر كل وحدة مرت على موضوعي وردت عليه وعطتني من وقتها الله يسعدكم ياأحلى خوات ويرزقكم من حيث لاتحتسبون مـــاقصرتوا |
رد: عطوني رآيكم كيف أقنع زوجي...!
كككككللللللللللووووووووووووووووووووووووووييييييييي ييييششششششششششششششش
اخيييييييييييرا والله فررررررررررررحت من كل قلبي حسيت انو انـــا اللي بروح الزواج مو انتي هههههههههههههههه وااااااااااااااااااااي وناااااااااااااسة اكيد يلا الحمد لله انوا جات على سفرة ولا خلاكي تستخدمي اسلوب العنف معاه ههههههههه الف مبرووووووووووووووووك لصديقتك وان شاء الله تروحي وتنبسطي هناك وماترجعي الا الفجر هههههه بس قولي لنا بعدين واحكي ايش سويتي وايش لبستي وكيف الزواج و و و و و و خخخخ تعرفي سوالف حريم وماتخلص |
| الساعة الآن 02:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .