|
تكفون ادخلوا(كيس حمل بدون جنين)
مرحبا بنات كيفكم بدخل بالموضوع علطول انا متزوجه من ثمانيه شهور تقريبا والحين حامل اخر دوره 22/4يعني الحين حامل تقريبا لي شهرين وكم يوم المهم رحت امس سويت اشعه وخوفتني الدكتوره وقالت فيه كيس حمل بس بدون جنين وانهبلت hwaml93hwaml93 وقالت تجين بعد عشره ايام علشان نتاكد وبعدها رجعت للبيت نزل معاي نقط مو نقط نقطتين او ثلاث دم بني غامق وبس بعدين راح ماشوف شي والحين انا على اعصابي وميته من الخووووووووووووف مقدر اصبر عشره ايام
فيه احد صارله مثل حالتي تكفون طمنوني ونصحوني ايش اسوي |
رد: تكفون ادخلوا
الله يسهلك ويثبت حملك والله ماعندي خلفيه...
بس ماحبيت اخرج من غير رد.... |
رد: تكفون ادخلوا
حبيبتي يااارب ما فيج الا العافية بس انا نزل معي بني مثل الاستحاضة شي بسيييييط يعني مسحة الكلنكس تكرمين بس رحت الطبيب على طول وعطوني حبوب تثبيت انا افضل يا حياتي تروحين عشان ترتاحين الله يتمم حملج يااااارب ويرزقج الذرية الصالحة
|
رد: تكفون ادخلوا
ياحياتي انتي بس زين احد عبرني
اميييين يارب الله يسمع منك ويحقق ماتتمنين لاتنسيني من دعائك |
رد: تكفون ادخلوا
مروووووووووووومه
يعطيك العافيه قلبي والله يطمنك مثل ماطمنتيني ويسعدك يارب حتى لو رحت بيقولون مانقدر نعطيك مثبت واحنا ماتاكدنا انو فيه جنين ممكن كيس فاضي ادعي لي |
رد: تكفون ادخلوا
يا حياتي الله ايسر لج يااااارب وتشوفين البيبي بعينج ويفرح قلبج ليش ما تروحين لدكتورة ثانية يمكن تكون افهم منها لانه اذا شهرين ياحبيبتي المفروض يكون بين الجنين روحي شوفي شسالفة الدم عشان تتطمنين وانشالله تبشريينا ياااارب
|
رد: تكفون ادخلوا
يارب اتكوزني حامل وسليم يارب
|
رد: تكفون ادخلوا
عادي حبيتي مو ع طول يبين الجنين انتظري وان شاء الله خير
لا تخافي كثيررر حالهم مثلك وبعدين يبين وخليها تصورك تصوير داخلي يمكن يبين |
رد: تكفون ادخلوا(كيس حمل بدون جنين)
|
رد: تكفون ادخلوا(كيس حمل بدون جنين)
فيه ناااس كثير مايبان لهم وبعد فتره يشوفون النبض والجنين
توكلي على ربك |
رد: تكفون ادخلوا(كيس حمل بدون جنين)
يعطيكم العافيه جميعا
ادعوا الله يفرج لي فرج من عنده تعبت من التفكير |
رد: تكفون ادخلوا(كيس حمل بدون جنين)
الله يفرج همج يارب
|
رد: تكفون ادخلوا(كيس حمل بدون جنين)
المشاهده 66
انتظركم تطمنوني |
رد: تكفون ادخلوا(كيس حمل بدون جنين)
ياقلبي عادي انا بنت خالتي قالت لها الدكتوره نفس كلمك بس ماصدقتها وراحت عنددكتوره ثانيه وكشفت عليها وقالت فيه جنين والحين عندها بنت مثل القمر ماشاءالله عليها لاعادي اطمني ولاتقلقي بس انت ارتاح ع ظهرك
والله يثبت حملي وحملك قولي امين |
رد: تكفون ادخلوا(كيس حمل بدون جنين)
دام نزل دم يعني اجهاض لان قبل ماتنزفين قال الدكتوره كيس بس
والحين نزل دم يعني خلاص الرحم بيطرد الكيس وبيصير اجهاض |
رد: تكفون ادخلوا(كيس حمل بدون جنين)
الله يعوضني بخير
ادعو الله يفرج همي والله ذبحني التفكير المشكله اللي معاي الله يكرمكم مودم احمر افرازت مخاطيه بنيه غامقه مو متواصله يعني شفتها تقريبا ثلاث مرات هاذا اللي حيرني ولي ثلاث ايام على نفس الحاله مازاد ولا نقص ولا معي لا مغص ولا الم بظهر وبنفس الوقت كل ماتذكر اني بالاسبوع التاسع المفروض يبان الجنين ونبضه اتحطم ادعو لي تكفون زوجي كان مره فرحاااااااااااااااان |
رد: تكفون ادخلوا(كيس حمل بدون جنين)
انا صار معي نفس شي مو نقاط دم دم كثير يجي بين فترة وفترة ولمن راحت
لدكتورة قالت كيس وبعدين راحت دكتورة ثانيه والحمد لله طمنتني انتي روحي دكتورة ثانيه افضل لك ويارب يثبت حملك ويكون سليم دعواتك الله يسهل ولادتي |
رد: تكفون ادخلوا(كيس حمل بدون جنين)
حبيبتي انا مريت نفس مرحلتك ودكتور قالي كيس من غير جنين ورحت مستشفى ثاني وقالو في جنين بس مافي نبض
وقالو ماراح يستعجلون بنزوله لان مانزل مني دم وكان وقتها عمر الجنين 7 اسابيع وضلت اسبوع وبعدين نزل دم <<وقالي الدكتور قبل لنزل دم يعني اجهاض لان مافي نبض وفي الأسبوع 9 صار اجهاض يعني ياعمري مابي افاجئك او اصدمك بس مابيك تتأملين مثل ماتأملت انا واخر شي صار اجهاض خلاص دام قالو مافي جنين اوبالأحرا مافي نبض ونزل دم يعني اجهاض مهما كانت نسبة الدم قليله او لا لعلمك انا 9 ايام ينزل مني دم خفيف مره وبعدين صار اجهاض حتى من خوفي كيون في نبض قالمو الدكاتره يراقبون هرمون الحمل عندي كل بين يومين يسون تحليل والهرمون ينزل يعني خلاص اجهاض وبع 9 ايام وانا انزف دم خفيف والهرمون ينزل قرر يسون عسيل وفعلا قبل بليلة من الغسيل مشيت واجد والحمدلله جاني طلق ونزل الجنين وياعمري بقولك شغله كيس من غير جنين مو معناه انو حملتي بس كيس لا ترى معناه انو في الأصل في جنين لان الكيس مايتكون إلا بجنين بس هالجنين مات قبل لا يتكون بسبب خلل في الكروموسومات وبكذا مايبان الجنين في السونار والحتمال بعد الاجهاض يشوفه الدكتور واحتمال كمان يكون صغيررر مررره ولا يبان بالعين المجرده نصيحتي لك امشي واجد عشان يجيك الطلق وينزل الجنين احسن من يكبر الكيس وبعدين تتعذبين وقت الغسيل لان الكيس ينمو حتى لو كان الجنين ميت ساعات تشوفين بطنك منفوخ واصلا الجنين ميت بس الكيس يكبر ويتوقف من بعد الشهر 3 |
رد: تكفون ادخلوا(كيس حمل بدون جنين)
واذا تبين تتطمنين اكثر واكثر احتمال يكون بعد جنينك ينمو بطء
انصحك سوي تحليل هرمون الحمل وشوفي النسبه وبعد يومين رجعي سوي تحليل هرمو الحمل وشوفي النسبه لو صار الهرمون ينزل يعني مات الجنين واجهاض ولو الهرمون يرتفع يعني الجنين في نمو |
رد: تكفون ادخلوا(كيس حمل بدون جنين)
نفسي احمل الله يجزاك خير
ويرزقك الذريه الصالحه المعافاه عاجلا غير اجلا والله اتدعي للك من كل قلبي وانا ماعرفك |
رد: تكفون ادخلوا(كيس حمل بدون جنين)
تسلمين ياقلبي وطمنينا عنك
|
رد: تكفون ادخلوا(كيس حمل بدون جنين)
حلمي طفل ينادني
الله يرزقك ويعطيك كل ماتتمنين يارب الله يطمنك |
رد: تكفون ادخلوا(كيس حمل بدون جنين)
استغفرك ربي كلام نفسي احمل اييده 100 بالميه
الهرمون هو الفاصل |
| الساعة الآن 08:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .