|
أخذت إبرة تفجيرية .. و خايفة !
مرحبا بنات...
طبعا من العنوان واضحة قصتي... اليوم كان عندي موعد مع الدكتورة .. عشان تشوف التبويض وحجم البويضات .بعد ما خلصت كلوميد. و كل شي تمااام الحمد لله رب العالمين. شافت بويضتين بحجم ممتاز .. و على طول قالت لي خذي ابرة .. صراحة فاجأتني ما توقعت تعطيني إبر .. تقول عشان نضمن نضوج البويضات و عدم تحولها إلى كيس وبعدين ما نستفيد شي. و أخذت الإبرة.. وصراحة خايفة بعد هالتعب.. ما يصير حمل ..؟ هذا غير إني أعاني من لوعة فظيعة بتقتلني.. فهل هي من آثار الإبرة .. وشنو آثارها الجانبية ؟؟ فمين منكم جربت الابر و حملت ؟؟ فيدوووني بلييز . الله يكرمكم.. |
رد: أخذت إبرة تفجيرية .. و خايفة !
حبيبتي لاتخافي وتوكلي على الله من اعراضها مغص في الجوانب الله يرزقك يارب حبيبتي فيه ملف شامل عن الابره التفجريه في المنتدى |
رد: أخذت إبرة تفجيرية .. و خايفة !
حبيبتي هذا من اثر الابرة وان شاء الله خير ياارب ونفرح فيك واكثري من الاستغفاار والصدقه وربي يرزقك ولا يظيع تعبك سدا يااارب,,
|
رد: أخذت إبرة تفجيرية .. و خايفة !
هلا حبيبتي
هالابره تساعد البويضه انها تنفجروتروح لقناه فالوب وهناك تتلقح بالحيوان وفي موضوع شامل فوق مثبت اقرايه وممكن يفيدج ونصيحتي اخذيها |
رد: أخذت إبرة تفجيرية .. و خايفة !
لله يرزقنا ويااااااااااااااك
|
رد: أخذت إبرة تفجيرية .. و خايفة !
انا جربتها مرتين وهالشهر برجع اجربها هالشهر بس هذي اعراض الابره انا لما اخذت كلوميد مع حبوب دايمت تعبت وايد منهم وبعدين الابره التفجير جربتها مرتين وما حملت بس ان شاء الله احمل هاشهر
ربي يرزقك بالذريه الطيبه |
رد: أخذت إبرة تفجيرية .. و خايفة !
الله يكتب لك الحمل هالشهر يارب
|
رد: أخذت إبرة تفجيرية .. و خايفة !
لاتخافين من الابرة توكلي على الله والله يرزقج ..، اللوعه من الابرة أنا مع الابرة صادتني لوعه والم في اسفل الظهر بس ماحملت..،
الله يرزقنا ان شاء الله ..، |
رد: أخذت إبرة تفجيرية .. و خايفة !
الله يرزقك بالحمل السليم بالذرية الطيبة وتبشرينا
ومثل ماقالوا الأخوات من تأثير الغبر هاللوعة حتى لو حسيتي جسمك متغير ومنفخ كله من الإبر غلاتي |
رد: أخذت إبرة تفجيرية .. و خايفة !
مشكورين خواتي..
على تواجدكم و وردودكم الحلوة .. و إن شاء الله بعد هالتعب كله ربي يكرمني .. .. لأني أحس بطني بينفجر من الألم من البارحة ..ألم مب طبيعي !! صج انفجار.. والله كريم . الله يرزقني وياكم إن شاااااء الله |
رد: أخذت إبرة تفجيرية .. و خايفة !
اللة يرزقك بالذرية الصالحة
فعن تجربتي الشخصية دامت 9 شهور مع الابر التفجيرية اخذت الابرالمنشطة 4 شهور متواصلة بالشهر الرابع حملت ولكن لم يتم حملي سقطت وتعبت نفسيتي جدا والك بمستشفى الفلاح عند الدكتورة ساتيا بعدها عملت حجامة لتنشيط المبايض اوقفت الابر بالشهر اللي اخذت الحجامة بعدها بشهر جاني احاط شديد واخذت استغفر واكفل اليتيم واكثر من الدعاء بالذرية وان اللة يكتب لي خير فسمعت عن مركز ذرية للانجاب والحبيب واستخرت ورحت لمركز ذرية واستمر علاجي 3 اشهر بالابر المنشطة بالشهر الرابع حملت باذن من اللة سبحانة وكانت مشكلتي هي ضعف بالمبايض ومع اخذي للابر مانتبة الا دكتور اللي بذرية انة تضعف عندي بطانة الرحم وصرف لي حبوب للمشكلة والحمداللة فاحسني الظن باللة تلقي خير |
رد: أخذت إبرة تفجيرية .. و خايفة !
الله كريم اختي
يرزقنا ويرقك .. ومثل ماقلتي أهم شي الوحدة تخلي أملها بالله احنه نسوي اللي علينا والباقي عليه سبحانه |
رد: أخذت إبرة تفجيرية .. و خايفة !
انا استخدمتها الشهر اللي راح مع كلوميد وتعبتني حيل مغص لوعه الم ظهر والصدر منتفخ واخر شئ نزلت قبل يومين َََ وبديت بالكلوميد من جديد والاسبوع الجاي باخذ الابره ََ الله يرزقنا الذريه الصالحه يارب َََ
|
رد: أخذت إبرة تفجيرية .. و خايفة !
.
ما عليه اختي ألماس ربك كريم إلا ما يعطيك هالشهر.. |
| الساعة الآن 06:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .