|
الكشخه في التمايم ؟
بسم الله الرحمن الرحيــــــــم
موضوع حساس والبعض ينقد ويتشره عليه وانا حابه اخذ رايكم وهو (شياكة الحرمه النفاس في التمايم) والحين بعضكم بيقول وشهي التمايم معناها (العقيقه) hwaml42 عندنا تجلس الحرمه النفاس بوسط المجلس والبيبي جنبها في سريره وتكون لابسه عبايه ولافه شيله وتحط كحل جوه لعين بس بس ماتحط ظل وألوان .. hwaml43 أنتم وش رايكم ؟ مع او ضد كشخة النفاس hwaml5 |
رد: الكشخه في التمايم ؟
بصراحة أنا أول مره أعرف هالشيء أنهم يسوونه بالتمايم !!!!
لأن تمايم ولدي ماسوينها تصدقنا فيها كلها لكن أنا مع الكشخة في النفاس بغض النظر عن الدافع وليش ماتتكشخ ليه هي في عزاء عشان تلبس عباية وتلف راسها بشال..!!!! أحس هذي عادات متخلفة بالعكس المفروض إذا كانت بتستقبل أحد وهي بصحتها تتكشخ وتتزين ليش لا..؟!! وهذا رأيي ويعطيك العافية على هالموضوع |
رد: الكشخه في التمايم ؟
يكوون عندنا نسويها ب استراحه وانواع الوناسه والكشخه
كنه عندنا عيد ليه نحزن ونجي ب العبايات عزاء هو شاكره موضوعك المتميز |
رد: الكشخه في التمايم ؟
ررررررررررررررررفع
|
رد: الكشخه في التمايم ؟
أول مرة أسمع في هالشي ..نحن ما عندنا هالعادات ..
بس شكله عادات حلووووه تنسى الحرمة نفسية الولادة و التعب شوي .. |
رد: الكشخه في التمايم ؟
انا عادي استقبل الناس البس روب نفاس حلو واستشور شعري
واحط كحل مع قلوس للشفايف شوية خدود وبس ام عند اهل زوجي عيب عندهم يقولو عشان ماتنحسد الحرمه انا عادي اوسويه مشكوره على الموضوع |
رد: الكشخه في التمايم ؟
مشكورين على الردود
وفعلا هذا الشي عادي بس عند الناس الأوله يخافون من الحسد عشان كذا ماتتكشخ الحرمه الوالده كثيرر بس الله الحافظ وكمان ماتبالغ في الكشخه كنها عروس |
رد: الكشخه في التمايم ؟
لكن أنا مع الكشخة في النفاس بغض النظر عن الدافع
وليش ماتتكشخ ليه هي في عزاء عشان تلبس عباية وتلف راسها بشال..!!!! أحس هذي عادات متخلفة بالعكس المفروض إذا كانت بتستقبل أحد وهي بصحتها تتكشخ وتتزين ليش لا..؟!! وهذا رأيي ويعطيك العافية على هالموضوع مع رايه انا كل تمايمي اكشخ والبس واروح صالون بعد |
رد: الكشخه في التمايم ؟
احنا نسوي التمايم بعد ماتطلع الحرمه من نفاس يكون احلى ونسويها كنها عرس بس بدوووون معاريس ههههه
اكشخي عادي بس خلي كشختك نعومه مو اوووفر ترى عيون الناس ماترحم |
رد: الكشخه في التمايم ؟
انا رأيي اذا كانت العقيقة بعد اسبوع من الولادة اشوف انها تريح بسريرها وتلبس جلابية حلوة وتضبط شعرها ومكياجها يكون مرة خفيف والوان فاتحة .. اما اذا كان بعد النفاس لا تخلي على قلبها شي من لبس ومكياج بالذات اذا صار باستراحة والمعازيم كثير ..
|
رد: الكشخه في التمايم ؟
احنا عندنا الوحده تكون كانها عروس بتمايم طفلها
وتكون باستراحه وكل الاهل والاقارب يجون وانواع الفله والوناسه |
رد: الكشخه في التمايم ؟
كلام البنات صح ..
انا زوجي سوى العقيقه بعد ماخلصت الأربعين .. كنت قيصريه .. وسواها في بيت اهله ..لان انا مارضيت اسويها في استراحه..رغم انه هو كان يبغى يفلها .. بس بصراحه اتكشخت انواع الكشخات .. ورحت صالون وميك اب وسشوار بس .. هذه فرحة الوالده .. لكن نصيحتي .. كل وحده تعرف ناسها ومعازيمها ومعارفها .. سوي كل شي حسب عاداتكم عشان لا احد ياكل وجهك .. |
رد: الكشخه في التمايم ؟
احنا نسويها بعد ماتطلع الحرمه من النفاااااس
مشان تكوووون مستعده نفسيا لاستقبال المعازيم والكشخه اي بكشخ بس كشخه نعوومه يارب يحقق هاليووووم ويجي ع خييير يارب |
رد: الكشخه في التمايم ؟
صباحو كروشات
انا من رايي الافضل روب حلو ومرتبه شكلها يكفي استشوار ارحمي راسك سبحان الله عروق الجسم تفتح وقت الولاده اتوقع هواء الاستشوار يضر بعدين مو قصدي عين بس معروفه النفاس محط انضار اهل الارض فهمتوني الجن بسم لله علينا وعاعيالنا اختي ولله وهي صاحيه كانت هاذاك اليوم متوتره ومعصبه وهي منسدحه وقت النوم مو نايمه صاحيه حست في شي وراها بنتها تحرش فيها من وارى تقول ماهتميت شوي لاحضت بنتها قدامها الاضاءه كانت خافته جدا التفتت تقول واشوف هاذاك الشي الي طويل ويزحف تقول عاطول راحت عند اختي الثانيه في غرفتها وصارت تبكي وجاها خوف يعني الواحد يحصن نفسه حتى النوم ماتنامون لاحلكم لازم احد معكم ولله قلته من باب الاخوه والنصيحه لوجه الله ببكري ماكان عندي خلفيه جاني خوف وجاثوم وكئابه وخوف وولادتي الثانيه حصنت نفسي بلاذكار واشغل سورة البقره وارتحت نفسيين حبيت بس افيدكم تحياتي |
| الساعة الآن 08:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .