|
تكفون ساعدوني الله يخليكم
السلام عليكم ورحمه الله وبركاته...
انا سجلت بالمنتدى علشان أقول مشكلتي قسم بالله كل يوم أبكي عليها .. أنا متزوجه من 8 شهور عمري 20 مشكلتي من تزوجت وأنا ماأعرف أللبس عند زوجي لبسي كله أما بنطلون وبلوزه ساتره وإذا غيرت لبست ثوب النوم العادي أبو 20ريال وبحياتي ماحطيت مكياج ولا أعرف اللي يحطونه على العيون ولا الروج قسم بالله أني أكتب وأبكي (إذا كلامي مو مرتب أعذروني) حتى قميص النوم اللي يلبسونه المتزوجات بحياتي مالبسته قبل لاأتزوج كنت أشوف الي بالمسلسلات أيش يلبسو من حركات وبنطلون وتنورات قصيره ومره رحت أنا وأمي لسوق على طول رحت لقمصان النوم القصيره والبنطلونات قلتلها أبي أشتري تصدقون وش قالت قالتلي ( وخري هناك) لاتفضحينا عند زوجك الثياب هذي ماتصلح وراحت شرتلي قسم بالله تنوره طويله لونها بني وشرتلي بعد تنوره وردي وبلوزه زرقاء عليها صورت جزيره وبحر البلوزه عاري شرت عليها بلوزه داخليه بيضاء طويله وشرتلي شنطه مكياج اللي داخلها متكسر قالها راعي المحل هذي أحسن ماركه قلتلها ماأبيها قالتلي غصب عنك وجزمه شبشب فضيه بدون كعب لفستاني وملابس داخليه كل واحد لون من أبو 5 وريالين وش بعد وقميص نوم أول ليله صار وسيع وخاطته بالأبره بالبيت اليوم الثاني جتنا أختي المتزوجه ورحت معها لسوق بشتري ملابس علشان أمي ماتشوفهن رحت معها وشريت بنطلون جنز وشوي بلايز وبجامه برمودا وقميص نوم يجنن قصير بس لأن أمي ماعطتني فلوس كثيره ورجعت البيت وأنا مستانسه ورحت لبستهن عند أختي تصدقون وش قالت قالتلي ماهن حلوات عليك وأخذتهن أنا يابنات (ماعندي ثقه أبد بنفسي ثقتي معدومه حتى لو ألبس شي حلو علي وأحد يقولي ماهو زين علطول أرميه قسم بالله أني رحت لبيت زوجي ومعي 3 تنانير ساتره بدون بلايز وبنطلون جنز وقميص أول ليله حتى مدري وش ألبس بشهر العسل لدرجه وحنا بشهر العسل رحنا لشقه قلت لزوجي أطلع بغير ملابسي (مدري وش البس) قبل لايطلع قالي تكفين ألبسي شي رومنسي قسم بالله يوم قال البسي شي رومنسي أني مسكت نفسي عن البكي طلع تدرون وش لبست لبست بنطلوني الجنز اللي دايم ألبسه (في أحد يلبس بنطلون لابغى ينام يوم دخل علي وهو يكشر قالي أنتي ماتعرفين تلبسين وكل ماطلعنا قالي روحي ألبسي بنطلونك آه بس وش سويت بحالي قسم بالله ماهو ذنبي أمي ماعلمتني كيف ألبس وأكشخ زي البنات حتى أختي المتزوجه ماعلمتني قبل الزواج شسوي والحين لي 8 شهور تدرون وش الجديد أمي شاريتلي 5 ثياب نوم أم 20ريال تقول توسعي فيهن الحين جالسه ولابسه ثوبي النوم أبو نص كم الحين أنا عند امي وحامل باقي شهرين على ولادتي أبي أرجع لزوجي بلبس حلو وشكل غير أنصحوني تكفون أعتبركم خواتي ( بغير من نفسي |
رد: تكفون ساعدوني الله يخليكم
بكيتيني يااااا أختي دمعن عيوووووني...معقووووله....ليش تخلين الغير يأثر عليج..ليش؟؟؟؟
أختي لااا تفقدين زوووجج بسبب تفاااهاااااااااات أهلج....حرااااااااااااام.....أنتي بلبسج هذاااا بتعودين زووجج مااايعطيج إلا 100 ريااال تقضييين فيهااااا حوااايجج..100 رياللل شووو تسوي اليوووووم..... كوني أنيقه..جذااابه..في كلااامج في لبسج..في عطرج.. أختي فيه محلات رخيصه بس حلوه((سبلاااااش//ماكس//رد تاغ//)) أختي أنتبهي لحياااتج الزوجيه....أنتبهي وكلناااا معاااااااااج قلب وقااااالب...... |
رد: تكفون ساعدوني الله يخليكم
يا الله
حبيبتى طيب ملاحظه انه امك اللى تشترى لك ؟؟؟؟؟ وين زوجك ؟وليش معودة نفسك تلبسي رخيص لو امكانيات زوجك تسمح اشترى والبسي لا تعودينه انه ماتلبسين غير كذا عليه كسوتك مو امك لازم ياقلبي تهتمى بنفسك ولبسك وخل عندك ثقة بنفسك واخذى مصاري من زوجك وروحى لحالك المحلات واشترى اللى بخاطرك وعيشي حياتك ولا يهمك من اختك هذى ماعرف كيف تقولك كذا ولو امكنياتك محدودة خير الامور الوسط فيه اشياء مو غالية ولكن راقية |
رد: تكفون ساعدوني الله يخليكم
شسوي
زوجي توه معطيني1500 مدلعني مره وحنون بس أنا ماأعرف أشري ملابس وإذا شريت وقفت عند المرايه ماأتجراء أطلع فيهن والفلوس اللي يعطيني أعطيهن لأختي المتزوجه لأنها تكسر خاطري وتروح تشري فيهن |
رد: تكفون ساعدوني الله يخليكم
اول شي الله يسهل عليك ياحبيبتي وتقومين بالسلامه اول شي تسوينه بعد الاربعين روحي مشغل وضبطي نفسك قصه وصبغه هذا اول شي وبعديييين انزلي السوق وخذي من المحلات اللي قالت لك الاخت اللي قبلي واشتري ملابس نوم بالوان وموديلات مختلفه وخذي كمان تنانير قصيره وشورتات وبجايم حرير لازم تكوني غييييير بعد نفاااسك وماعليك من احد اللي يعجبك البسيه مو شرط تأخذين رأي احد الله ييسر لك كل اموووورك يااااارب وكلنا معك مثل ماقالت اختنا قمة البرائه
|
رد: تكفون ساعدوني الله يخليكم
حبيبتي امك تفكيرها تفكير زمان
ماتدري ان الناس تغيرو واختك المفروض توقف معك بس خلاص انتي متزوجه انتي مسؤله عن نفسك روحي اشتري بناطيل تنانير لعند الركبه وكل ماارتفعت تكون رومنسيه خخخخخخخ واشتري فساتين قصيره ماعليكي من احد واذا احد تدخل قولي انا مزوجه واعرف وش يحب زوجي خليكي قويه وواثقه واذا احد قال موحلو عليك قولي انا عاجبني وانتي طالعي في المرايه وتعرفي ومن الافضل الي يحطمونك لاتاخذين رايهم لاتخربيني حياتك بيدك الزوج لازم تشيكي لهوتدلعي والله يوفقك |
رد: تكفون ساعدوني الله يخليكم
لاااا تعودين تعطين فلووووسج لأختج بتتعووود....خليهااااا هي تلبس وأنتي لاااااااا
أختي طلعي من حياااة البداااااوه إللي أنتي عاااايشتنهااااااااااااا..... بسألج.....أنتي متينه؟؟؟؟؟؟ |
رد: تكفون ساعدوني الله يخليكم
وزني أول 60
والحين مع الحمل78 زوجي بعد أسبوعين يبي يجي عندنا ويجلس عندي يوم ويروح مقدر اروح معه لأني بولد وشرايكم أصبغ شعر وأقصه مايأثر بالحمل لأن شعري صبغته نازله مره وصاير طويل وزوجي معه صوره يقول قصيه مثل الي بالصوره قصير |
رد: تكفون ساعدوني الله يخليكم
مرررررررررررره ماعلافت ايش اقول انصدمت
حبيبتي انتي ايش موضوعكك يعني الموضوع بسيط ومو محتاج هاذي المعاناه مدام انتي عارفه ان وضعك غلط ولازم تغيري اسلوبك في حياتك ولبسك وتخلي مرحلة مابعد النفاس مرحله اتنقاليه بالنسبه لك عشان زوجك مايلاحظ وعلقي اللي كان فيك على الحمل وان نفسيتك كانت تعبانه ومزاجك مو مزاج شياكه ودا ودحين قبل ماتولدي روحي اشتري ملابس وادا مو عارفه ايش تشتري انا مستعده اساعدك بلي اقدرعليه باقتراح او فكره.. والله ييسر لك امورك ياااااااااارب قلبي معاك |
رد: تكفون ساعدوني الله يخليكم
كلامي نفس كلام البنات الله يعافيهم ماقصرووا
لكن لو تخلين الصبغة وتغيير الشكل بعد الولادة أحسن خليها مررره وحدة صبغي وغيري لوكك من إلى وأشتري ملابس جديدة وخليه يشووووفك وحدة ثانية والله يوفقك ويقومك بالسلامة ياااارب |
رد: تكفون ساعدوني الله يخليكم
برجعلك
واعلمك كوووووووووووول شيء |
رد: تكفون ساعدوني الله يخليكم
أمي ماتخليني أروح السوق الحالي
|
رد: تكفون ساعدوني الله يخليكم
أسومه تكفين
والله يوم كنت بالكليه كنت كل يوم بلبس بس أختي تقول لاتلبسين كذا عند زوجك حتى مره شريت برمودا شافتها علي كشرت قالت مو حلوه باخذها لبنتي وعطيتها |
رد: تكفون ساعدوني الله يخليكم
تعلمي تقووووولين لااااااا لهم,,,,,,,,,,,,,
وابدي من جديد بعد الولاااده |
رد: تكفون ساعدوني الله يخليكم
شوفي حبيبتي اعذريني ع الكلام الي بقوله بس الظاهر اختك تغار منك ولا ليش تحطمك حررام وانتي لا تصيرين طيبه مره لازم تكون لك شخصيتك ورايك انتي متزوجه يعني قولي لا سوي الي انتي نفسك فيها ترا والله بعدين تندمين وزوجك راح يمل منك انتي لسى صغيره حرام اصبغي والبسي سوي الي نفسك فيها ..الله يسهل عليك وتقومين بسلامه
|
رد: تكفون ساعدوني الله يخليكم
وليييش تبكي وتحرقي دمك
انا اقولك خذي ابو الشباب وقوليله بنطلع نتسوق انا وانت ايش امك واختك بيقولولك لا وانت مع زوجك وروحي نعومي ليدي سيكرت اوشيو هذي المحلات بالرياض واشتري الللللللي نفسك فيه ونصيحححححة اياك من الفساتين والبلايز اللي عليها صور جزيرة وميكي ماوس وهالخرابيط ترى هذي حقت اطفال وماهي انيقة للمراة المتزوجة ولاتنتظري لين بعد الولادة عيشي حياتك انيقة مع وبعد الحمل اتركي شعرك بعدين اشتري اطقم استحمام من بودي شوب نكتار روحي فيسس حق الميك اب واشتري ميك اب بسيط كونك ماتعرفي تحطي ميك اب مو مشكلة حطي روج واساس وكحلة واحمر خدود سيبك من الظل الان روحي مع زوجك واشتري وحطي ببيتك لين ترجعي والبسي ببيتك لو اشتريتي شي كم لبس واجلسي وتاني يوم روحي لاهلك المهم لاتفقدي ثقتك بنفسك طالعي بالنت دام عندك ملابس الموضة و وو راح تعرفي خطوة بخطوة كيف تنسقي الشي اللي تحبيه |
رد: تكفون ساعدوني الله يخليكم
البنات ما قصروا
كونك عارفة مشكلتك هذا شي ممتاز واختصر عليك نص الطريق والحلول جاتك باقي عليكي بس اتخاذ خطوة واثقة ومدام عارفة انو اختك كذا ليش لسه تاخذي رأيها ؟؟؟ منتي ملاحظة انها ولامرة عجبها شي ابعدي الافكار السلبية والارآء السلبية من حياتك حتى لو من اقرب الناس لا تخلي آراءهم تأثر عليكي خذي رأي زوجك انتي ح تلبسي عشانه ولا عشانها ؟؟؟ لا تزعلي مني بس انتي حل مشكلتك بيدك لازم انتي تحطي حدود وتتخذي قرارات وتنفذيها الله يسهلك يا رب ويفرج عنك بانو |
رد: تكفون ساعدوني الله يخليكم
السلام عليكم ورحمة الله وبركاته
شوفي اختي كلامي بيكون معك قاسي جدا hwaml4 عشان مصلحتك صراحه انتي مافيك احساس hwaml4 وماتفكرين بمصلحتك وحياتك الزوجيه واختك صراحه انانيه وغيور واهم شي نفسهاhwaml5 والشرهه مو على امك ااشرهه عليها والنصيحه لا تاخذين كلام احد بعدين وشلون تقولين امك ماترضى تروحي لحالك وانتي مو في ذمتهم ليش زوجك مو هو الي يوديك hwaml5 روحي لحالك اشتري الي في خاطرك البنات افادوك اكثر مني بس اضيف خلي كل شي بعد الولاده وقبل لا تغيرين في لوكك غيري في نفسك شخصيتك اسلوبك تفكيرك قوي شخصيتك اعتمدي علا نفسك ولا تاخذين راي احد نهائي حبي نفسك عشان زوجك يحبك المههم بعد الولاده غيري من لوك شعرك قصيه اصبغيه اشتري عطر الجديد من لانكوم حلو واذا ماتعرفين اذا رحتي لسوق قولي طلعلي عطور استيه لودر سالوران ديور وغيره المكياج ابسط شي كريم اساس مناسب لك اروجه الي تناسبك مشمشي وردي بيج ماركه ميبيلين حلوه بلاشر كل روج والي يناسبه كحل داخلي اسود والزيتي من ميبيلين او ماك مسكرة ماكس فكتور طقم من بدي شوب الياسمين وملابس بجايم روحي نعومي او لاسنزا او ماكس والقمصان بعد وتلقين قمصان حلوه في المراكز الكبيره اخذي شورتات برمودات الي تناسبك والبناطيل مفرش جديد بعد الاربعين يكون جديد وحلو شموع واكسسورات وانتي ابحثي في جوجل عن الاهتمام بعد الولاده كل شي حتى المنطقه الحساسه وش بعد وملابس داخليه طقم كشخه ولله تعبانه بس قهرتيني وحبيت افيدك وقولي لزوجك ابي مبلغ عشان اتسوق بعد الاربعين اشتري فستان قصير او طويل يكون راقي وسوي حفله بسيطه له رومنسيه من غير التنانير القصيره وقوليلي انتي من اي منطقه عشان افيدك اي مول تروحين واي مركز ولله يعين ادعيلي بتسهيل ولادتي ويهون علي |
رد: تكفون ساعدوني الله يخليكم
حبيبتي الله يسهلك الولاده ويوفقك ماشاء الله البنات ماقصرو
انا ازيد عليه بماانك ماتعرفي كيف تكشخي ادخلي النت وشوفي الملابس المثيره وملاب الطلعات والمناسبات قبل ولاتنزلي السوق واكتبي في ورقه ايش تبغي عشان تعرفي ايش تاخدي في السوق وماتتلبكي والمكياج روحي مجلات المكياج وخدي منهم اساس وبودره وظلال خفيف وايلينر وماكره وارواج ولمعات جسم انتي اذا رحتي المحل وطلبتي الرجال كل شي حيطلعلك والمكياج اتعلمي طريقة وضع المكياج خطوه بخطوه من النت وشويه شويه رح تتعلمي وانصحك ماتعطي فلوسك لاختك عشان ماتتعود واذا قالتلك موحلو قوليلها انا عاجبني وزوجي يبغى كذا زامه شي رضى زوجك واذا تبغي تنزلي السوق روحي من بيتك مع زوجك او مع صديقتك افضل ولاتخلي اختك تتدخل في حياتك ترى بتخربي بيتك بيديك وعشان زوجك مايطالع وحده تانيه غيرك مو لازم تخبري امك انك رايحه السوق بما انو باقيلك شهرين على ولادتك ارجعي بيتك وانزلي السوق مع زوجك وخليه هو كمان ينقيلك على ذوقه سوا الملابس الداخليه وقمصان النوم وملابس العاديه ويصير وتتشاركو في الازواق وبعدين حطي اغراضك في بيتك وارجعي عند امك ومولازم توري اللي اشتريتي لاختك معليش طولت عليكي بس انقهرت من تصرف اختك وانتي لازم يكون عندك شخصيه لاتخلي غيرك يلبسك موفقه اذا انتي بالمدينه عندي استعداد اساعدك بالي اقدر اسويه حتى اذا نزل السوق سوا واديكي راي ..........موفقه اختي واذا تبغي شي ممكن نتواصل عن طريق الخاص او الايميل |
رد: تكفون ساعدوني الله يخليكم
حبيبتي ده بيتك و ده جوزك يعني من يوم مااصبحت على ذمته مع احترامي لوالدتك ولاختك اللي تصرفها غريب شوية, بس هما ايه دخلهم في قمصان نومك ولا عطورك ولا مكياجك لجوزك في غرفة نومك؟!!!!! انتي طيبة جدا بس دي حياتكم الشخصية ما شاء الله الاخوات كلامهم كفى ووفى روحي مع جوزك ياحبيبتي هو بس اللي من حقه يقولك ايه الحلو وايه الوحش ايه اللي عاجبه وايه اللي مش عاجبه كل ده في الاساس عشانه هوه بس.. ربنا يكملك ولادتك على خير بس إن شاء الله مع المولود الجديد تكون دي ولادة جديدة لحياة مستقلة سعيدة مع جوزك ربنا يسعدكم
|
رد: تكفون ساعدوني الله يخليكم
مشكورين ماقصرتو
تعبتكم معاي اليوم زوجه أخوي ت تبي تروح السوق قالتلي تعالي معي ( لأنها تحن علي أكثر من خواتي) وأستشيرها بكل شي حتى بليله الدخله هي قالتلي شسوي لأن محد علمني إلا هي) قلتلها بشري ملابس حلوه قالتلي خلاص |
رد: تكفون ساعدوني الله يخليكم
اختك تكسر خاطرك على حسابك يعني تبديها ماعليك منهاااااااااا
زوجك يصرف عليك مو عليها جددي ملابسك واشتري لك كل الالوان ومافيها شيء لو رحتي مع زوجك وخليتيه هو الى يختار لك يكون احلى لان تضمني انك تلبسي شيء يعجبه احس المسالة تافهه جدا انك تخسري زوجك عشانهاودامك تدري انك غلطانه خلاص روحي كبي ملابسك كلها وجددي اشتري كل الالوان وكل المديلات وحتى لو كانت طويله خليها تكون عاريه من فوق او من الظهر |
رد: تكفون ساعدوني الله يخليكم
ذكرتيني ببنت خالتي اول ماتزوجت كانت كذا بس الحين شوفيها احسن من يلبس
ياختي ترا لو استمريتي كذا زوجك بيدور غيرك الرجال مو مقصر ومعطيك مصروف اول شي لاتخلين امك تشتري لك روحي انتي وزوجك وخليه يختار لك الشي اللي يحبه عليك طبعا هذا كله بعد ماتولدين انشالله وبالنسبه تقولين ماعرف وش البس ترا كلنا كنا زيك كذا بس كثر ماتشوفين اللي بالتلفزيون والافلام والمجلات بتعرفين حاولي تقلدينهم وشوي شوي بتصيرين تعرفين والا روحي انت وصديقاتك المهم لازم تغيرين وبالنسبه لصبغ الشعر لاتصبغين الحين خليه بعد ماتولدين احلا وقصي القصه اللي يقولها زوجك وسوي حمام ساونا وتنظيف بشره وبدكير ومنكير واذا ماتعرفين تحطين مكياج روحي مشغل يصلح وجهك وتستشورين شعرك هذا كله بعد الولاده انشالله اما على جيت زوجك الحين اشتري لك فستان حمل قصير حلو وصلحي حواجبك واستشوري شعرك وحطي روج وشوي كحل وبلاشر ورتبي شكلك وخلاص |
رد: تكفون ساعدوني الله يخليكم
ما شاء الله البنات ماقصرو سوي اللي قالو عليه
دام زوجة اخوكي بتساعدك روحي معاها او اذا لكي صديقة من بعيد اطلبي مساعدتها وقضي كل اللي نفسك فيه ترى مو شرط الشي يكون غالي علشان يكون حلو روحي سيتي ماكس.. رد تاغ ..سنتر بوينت كلهم اسعارهم حلوة لا تقولي لامك واختك انك رايحة خلي شخصيتك اقوى من كده وصدقيني دامك عارفة وتبغي تغيري نفسك ان شاءالله راح تقدري. |
رد: تكفون ساعدوني الله يخليكم
ماقصرو البنات ...مافيه كلام جديد اضيفه غير كوني واثقه من نفسك ولاتجرين ورا كلام امك وذوقها و اختك مع احترامي لها شكلها ماتبي احد احسن منها وياويلك تعطينها ريال يصرف عليها زوجها الله يعطيه العافيه..ونصيحه اهتمي بعمرك والا فتره تتفاجئين الا زوجك متزوج فوقك وحده ثانيه .. وغير ي لبسك لبس النوم غير قمصان قصيره وارواب .. والبيت فترة الظهر بجايم برمودات وحركات بعد المغرب بناطيل تنانير والكحل بعينك لا تفكيه وخلي شفايفك مورده طول الوقت الله يحفظ الروج والملمع ...............اه بس متى اولد وافتك وارجع البس زي اول واتكشخخخخخخخخخخخ
|
رد: تكفون ساعدوني الله يخليكم
موضوعك بسيط لاتتشيلين هم بس انتي لاتخلين احد يتحكم فيك ولاتخلينهم يروحون معاك روحي معة زوجك ولاتوريهم الملابس اذا شريتيهم ولاتطلبين رايهم ترى بعض الامهات كذا مايعرفون يضنون اذا شاف الزوج هالملابس تطيح زوجتة من عينة تفكير قديم واذا كان على اختك ترى هي انانية تشوف الملابس تقولك ماتصلح وبعدين هي تاخذهم تلاقينها كشخت فيهم على حسابك بعد الولادة اهتمي بنفسك واشتري ملابس جديدة قصيرة ومغرية ولايهمك احد والصبغ خلية بعد الولادة عشان يصير تغيير كامل الله ييسر امورك طمنينا عنك اول باول
|
رد: تكفون ساعدوني الله يخليكم
لاتنتظرين المساعده من غيرج
امج كبيره ويمكن تفكيره مال اول .. اطلبي من زوجج يوديج السوق وخليه اهو الي يختارلج اول مره عقبها بتعرفين الي خاطره يشوفه علييييج .. ومع الوقت بتتعلمين .. كلنا ماعندنا خبره قبل الزواج وفالبدايه كنا نستحي انا والله ماكنت البس قمصان النوم الشفافه ههههههه اونه استحي .. مع انه لبسي مكشوف وقصير و و و بس بعز كان زوجي يقوللي لو يكون اقصر وسيفون بيكون احلى ومع الايام تعلمت ^^ |
رد: تكفون ساعدوني الله يخليكم
يا اختي مو معقوله تخلين احد يختار لج ملابسج انتي انزلي السوق لحالج او مع زوجج واختاروا سوا مره شفت وحده يختار لها زوجها قميص نووووم ويدور معها ويطلع لها الوان ماشاءالله
ياكثر قمصان النووووووووووم المفتحه والمخرمه والبرموادات اختاري الوان زاهيه اصفر احمر وردي اشتري مك اب جديد فيه ماركات حلوه مثل ماكس فاكتور عندج النت ادخلي ع تعليم الميك اب وتعلمي شوفي قمصان النوم فالنت واشتري مثلها النت يعلم الجاهل الله يسعدج ويهون عليج |
رد: تكفون ساعدوني الله يخليكم
طيبتي سبب شقاي
وينك لاتخلينا قولي لنا اعلومك وش سويتي انتي وزوجت اخوك |
رد: تكفون ساعدوني الله يخليكم
هاااااااااااااااااااي
هاه وش اخر التطورات ياطيبتك |
رد: تكفون ساعدوني الله يخليكم
هلا اختي .. بصراحه الله يكون بعونك .. حاولي ما تتاثرين بكلام امك لان جيل امك
غير جيلك .. وحاولي تلبسين وتكشخين عشان تشبعين زوجك ماتخلينه يشوف غيرك روحي لاسنزا عندهم قمصان ناعمه وحلوه .. روحي سيتي بلازا وسيتي ماكس .. لا تروحين السوق مع امك او اختك .. خذي وحده من عمرك تساعدك بنت خالتك او صديقتك .. اشتري على ذوقك واخذي عطورات وفواحات .. لو تبين انا اطلع معك .. الله يكون بعونك |
رد: تكفون ساعدوني الله يخليكم
ودي ألبس اللي تقولون عليه
بس أستحي وماأتجرأ أبي وحده تجرئني |
رد: تكفون ساعدوني الله يخليكم
أختي أنتي بيضااااااا؟؟؟؟؟؟
جسمج حلووووووووووو؟؟؟؟؟؟؟؟؟ سمعي جسمج شين ولاااا مو شين اللبس الأنيق بيحليه.... والله أعرف حريم مكياج الصبح واللبس الصبااااحي خفيف والمكياج خفيف وحلووووو والضهر قميص نوم دانتيل والعصر لبس للعصريه ومكياج غير عن المكيااااااااج الصبااااااحي..... ولبس الليل غير,,,,, أختي هذااااا زووووجج تأنقي بس بخفيف تدرجي شوي شوي وكلمااااااات المدح اللي بتسمعينهاااا من زووووجج هي اللي بتجرأج أكثر الله يسعدج |
رد: تكفون ساعدوني الله يخليكم
لا تبينين لزوجك هذا القصه علشان مايضحك عليك
قول بروح لسوق واشترى واذا ماقدرتي اطلبي عن طريق النت وهم يوصلون لبيتك ودام زوجك يحب هذا اللبس ماراح يرفض |
رد: تكفون ساعدوني الله يخليكم
أنا بيضاء وحلوه
وزوجي كان يبغاني من وأنا صغيره ويمكن علشان السبب هذا متحملني |
رد: تكفون ساعدوني الله يخليكم
مع الوقت بتتعودين ،،،للاتخربي على نفسك ،،بالله متى تبينه يشوفك لا بسه وكاشخه لا ترهل جسمك من كثر الولادات ،، ولا لاشاف البنات اياهم ،،طقتك الحسره ،،
|
رد: تكفون ساعدوني الله يخليكم
لا ياعيوني انتي لازم تتكشخين وتلبسين احلى لبس لزوجك
وماعليك من اختك ولا امك روحي انتي واشتر ي لنفسسك ولا تخليهم يشوفو الي تشتريه وتعدلي لزوجك وكوني ملكه عند زوجك بالعطورات والروائح الحلوه والمكياج تعلمي كيف تسوين مكياج وقصي شعرك زي ماهو يبغى واجلسي عند زوجك لحد يوم الولاده بعدين روحي عند اهلك والله يسخر زوجك ْ~ |
رد: تكفون ساعدوني الله يخليكم
اذا متحملك دحين
بكرا ح يتزوج عليكي اذاؤ استمريتي كذا مع زوجك ماااااااااافي شي اسمه استحي على قول عادل امام اللي يستحي من بنت عمه ما يجبش منها خضار هههههههههههههههههههه انتي اشتري والبسي و اجلسي معاه سويها بس مره وراح يروح الحيا الزايد دا بس بليييز لا تخربي بيتك بيدك لأنو الحل بيدك انتي روحي مع مرت أخوكي ولا تقولي لامك واختك مو لازم يعرفوا وطمنينا عنك :) |
رد: تكفون ساعدوني الله يخليكم
اسمعي حبيبتي الوحدة لو ما لبست وتعدلت لزوجها لمين بتلبس
وبعدين امك ما عليكي منها انتي مو صغيرة انتي حرمة متزوة وانشالله اللع يسر امرك بتصرين ام انا من رايي مو لازم كل ما نزلتي السوق تاخدي امك ولا اختك شوفي ايش اللي يعجبك وخديه والله زوجك بمل منك واذا مو قادرة تنزلين السوق عادي في كتير تاجرات يبعون لانجريال حلوة ورومنسية تنسي زوجك اسمه وعندك اللي بيعوا ملابس حلوة وكشخة واسعارها حلوة او ممكن تنزلي السوق وتختاري اللي على ذوقك ولا تخلي احد يشوفهم اهم شي انتي عاجبينك حبيتي لازم تحسي انك متل كل هالحريم يلبسون ويرتبون نفسهم بعدين بتندمي اذا ما لبستي الحين متى بتلبسي ؟؟؟؟ وبعدين ليش تعطي فلوسك حق اختك ؟ زوجك عاطيها لك عشان تدلعي نفسك تقومي تعطيها هي عشان تلبس وتتذوق حرام عليكي اتوقع هي عندها رجال يصرف عليها وتقولي تكسر خاطرك وانتي ما كسرتي خاطرها لما قالت لك ان الملابس مو حلوة عليك اسفة انو الكلام قاسي بس ابيكي تفهمي اصحي اختي وانتبهي لنفسك وبيتك الله يصلحك ويهديكي ويسخر لك زوجك طمنينا عنك |
رد: تكفون ساعدوني الله يخليكم
حبيبتي امرك ما بحزن لدرجة البكاء!!
اللي مخليكي تبكي هواا عدم ثقتك بنفسك والحل بايدك انتي متزوجة تحت امر زوجك هلقيت مو امك. واللبس اللي حابا رح تلبسي قدام زوجك مو قدام امك وخواتك فليش بتاخدي امك معك والا حتى اختك اذا كانوا من هادا النوع فلا تشتري معهم شي خلي لنفسك استقلايتها وقوي ثقتك بنفسك يعني اذا عجبتك انتي شغلة وشايفاها حلوة عليكي لا توفريها ولا تردي على حدا ونصيحي اذا بدك تستشيري حدا استشيري زوجك واذا بتقدري تاخذي زوجك لما تشتري الملابس خدي بيكون احسن سواء لبس للبيت والخروج والا ملابس النوم انا شخصيا لما بدي اشتر ملابس للنوم وقمصان ما باخد امي ولا حتى اختي بفضل اكون لوحدي او مع صحباتي او زوجي بس.. فانتي الحل في ايدك قوي ثقتك بنفسك والبسي اللي نفسك في وشو ما بدك البسي وقصري اد ما بدك ولا تهتمي لحدا غير زوجك.. واذا ما تعرفي في البس شووفي اللبس اللي بناسبك اللي بتشوفي بينعرض في بترينت المحلات دايمان اللي بيكون معروض بيكون من اجمل ما في المحل.. وما دام زوجك مدللك وعاطيكي فلوس تغطي حاجتك فلا تشتري بس الرخيص ابقي نوعي شتريلك شي حلوو وكويس.. والله يصلحلك امرك يااارب.. |
| الساعة الآن 01:08 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .