|
حدي مقهوووورة
مساء الخير حبيباتي
كيفكم بنات أنا بصراحة متضااااايقة ومو عارفة وشلون أتصرف أنا الحين لي شهر والدة وجالسة عند أهلي والجمعة الجاية أطلع من الأربعين وكنا متفقين أنا وزوجي أني بعد ماأطلع من الأربعين بأسبوع راح نسافر وهذا الكلام من زمان وإلى الآن على إتفاقنا لكن بصراحة كلمني البارح وصدمني قال لي أنه كان يكلم أخته والسوالف جرت بعضها وقال لها عن السفر وعرض عليها تسافر معنا؟؟؟؟؟؟؟؟؟؟؟؟؟؟؟ وهي وافقت ؟؟؟؟؟؟؟؟؟؟؟؟؟؟؟ بس قالت له يأجل كمان أسبوع عشان ماتقدر تجي من مدينتها اللي هي فيها إلا بعد 3 أسابيع وللمعلومية هي متزوووووجة وعندها عيال وعيالها كبار أنا يوم قال لي تلعثمت وأنصدمت وماعاد أدري وش أقول فسكتت ؟؟؟؟؟؟ وحس أني تضايقت وسألني إذا هالشيء ضايقني وقلت لا وسكت مدري صدق وإلا لا المهم يابنات أنا ماأدري كيف أتصرف بصراحة أنا ماأبغاها تسافر معنا مو كرها لها لا والله لكن حابة آخذ راحتي وغير كذا من شهر العسل ماسافرت لي أكثر من سنة ونص وهو عارف قد أيش متحمسة أنا لهالسفرة ويروح يتصرف كذا بدون مايسألني ومن البارح جالسة أفكر كيف أصارحة جيت أرسل له رسالة وترددت ماودي أجرحه أو يفكر أني مآأبي أخته لأنه بصراحة حبووب معي وحنووون بناااات أحس من جد ورطة أنا ماراح أسافر معها لو وش يصير حتى لو أكنسل السفرة بس كيف أوصل له بدون مايزعل تكفووون وش رايكم في تصرررفه مو يقهررررررر وقولو لي كيف أتصرف لأني حدي محتااااارة hwaml15 |
رد: حدي مقهوووورة
ما اقول الا الله يكون في عونك ,,.
وربي حاسه فيك حبيبتي ,,. |
رد: حدي مقهوووورة
حبيبتى صارحية ولا قولى مالى نفس اسافر ولا قولي ابى سفرة حلوة لحالنا نجدد فيها باسلوب حلو واخد راحتنا
|
رد: حدي مقهوووورة
بصراااااااااااااااحه حااجه مررره تقهر بس نقوول يمكن هو قاالها عفوويا واخته
ماصدقت ع الله دامك ماتبغين تسافرين معها الغي السفره بس بعد ماتطلعين من الاربعين بكم يووم قوولي مابغي اساافر مايطااوعني قلبي اترك ولدي ومن هالحكي وبعدين لما تهدئ الامووور وتنسي اخته السالفه رووحو وساافروو والقرار رااجع لك الله يكوون بعوونك,,, |
رد: حدي مقهوووورة
الله يعينك يالغلا بس عادي قوليله انا ودي اسافر انا وانت بروحنا ماابي معنا احد واختك على عيني وعلى راسي وربي مو كارهتها بس ماابي احد يروح معنا ابي انا وانت بروحنا وانت قدر وقليله من هالكلام الحلو وسافرو قبل اخته تجي واذا جت قولو نسيناك وبس ودورولكم كم عذر وعادي روحي استانسي المفروض هي ماتقول ابي لروح معكم وانت تبرون تروحون بعد الاربعين يعني شهر عسل من جديد ولو هي مكانك مااخذتك معها
|
رد: حدي مقهوووورة
الله يعينك بصرراحه اخته غلطانه ليش تروح معاكم المفروض هي مراه وتفهم انه هالشي يضايق حتى لوكنتم سمنه علا عسل مع بعض
انتي شوفي اللي يناسبك مشكلتك انه قااااااااااااال لاخته يلا ان شاءالله الله يلهيها عنك باي شي |
رد: حدي مقهوووورة
مو مشكله يااختي
دام زوجك حبيب على قولتك وطيب فإذا صارحتيه بااسلوب ووقت مناسب اكيد ماراح يفهمك غلط قوليه له نفسي نكون لحالنا نتمشى سوى ومو قصدي اني اكره اختك بس ابي اخذ راحتي معاك والكلام اللي كتبتيه لنا قوليه له هو واكيد ماراح يقصر والله يوفقك |
رد: حدي مقهوووورة
الله يعطيكم العافية حبيباتي ماقصرتوا
والله يجزاكم كل خير ويسعدكم وين ماكنتوا الحين راح أكلمه ويااااارب خيييير |
رد: حدي مقهوووورة
صارحيه وقولي له ابي انا وانت وبس
قولي له : ابي البس واكشخ لك ومحد معانا قولي : ابي اخذ راحتي وانا مشتاقه لك 40 يوم وانا افكر بالسفر قولي : ابي اتدلع واتغنج لك .. مايصير يعني الوحده تدلع مع زوجها موفقه اختي .. |
رد: حدي مقهوووورة
صج والله شي يقهر بس بعد باقول هو ماله ذنب
اكيد قالها من باب الادب لاخته وهي ماصدقت يعني لو قلتي له بعد مابيقول شي لانه اكيد هو في خاطره بعد تسافرون بروحكم خصوصا انتي مخلصه الاربعين يعني عرووس لو مكانج باقوله الي في خاطري والله يوفقج وتلقون حل |
رد: حدي مقهوووورة
حاااااسه فيييييج .. انا تخيلي هههه شهر العسل ف سفرتنا تخيلي منو رز ويهه عندنا فالسفره ؟
امه واخواته ثنتين بالذمه شهر عسل وامه وخواته عندنا ف كل خطوه نخطيها ما كنا نقدر نقعد مع بعض ولا حتى نسولف بس كنت ساكته وليومج مافتحتله هالموضوع ههههه ..' انتي قوليله بأجل السفره لين يكبر البيبي شوي وبعدين سافروا .." |
رد: حدي مقهوووورة
تخيلو يابنات
كلمته وقلت له بكل هدوء وود حبي أنا ودي نسافر انا وأنت لحالنا تعرف نبي ناخذ راحتنا وخصوصا اني توني طالعة من الاربعين ولنا سنة ماسافرنا وأختك متى مارحنا مره ثانيه ناخذها معنا لكن هالسفرة خلها لي انا وياك بس قام رد علي انا مااقدر ارجع في كلمتي خلاص قلت لها والحرمة تحمست صعب اني اجي اقول لها ماراح ناخذك اكيد بتقول ماتبيني >> يعني انا خلاص هالمره بناخذها ومتى ماالله اراد نروح انا وانتي قلت طيب مع السلامة وسكرت قام ارسلي لاتحاولين تظغطين علي خلاص الموضوع منتهي وتصبحين على خير رديت عليه خلاص سافر انتي وياها وماتشوفون شر ولا عاد رد علي بالله وش رااااااااااااايكم قسسسم بالله قهرررررررررررررررررررررررر |
رد: حدي مقهوووورة
فعلا لو كنتي قلتيله من وقتها أو أقولك بعد فتره قولي أخوي يبي يجي معانا وش رايك وشوفي وش يقول؟؟؟؟؟؟؟؟؟؟؟ خخخخخخخخخخ
لاتقولين شي بس إذا صار جاي صيري وحده ثانيه عمره ماشافها بالزين والغنج والحركات وصدقيني وقتها هو بنفسه بينسى أخته وتسافرون قبل لاتجي وانت عارفه الرجال ويمكن كمان هو قال كذا يشوف وش تقولين ؟ بس سوي زي ماقلتلك وشوفي وذيك الملقوفه تجلس مع زوجها وش دخلها تجي معاكم وش هالميانه إسمحيلي بهالكلام بس زوجك غلط لمن قالها وهي غلطانه بموفقتها أتمنى يجيها اللي يشغلها ولك سفره سعيده |
رد: حدي مقهوووورة
يا بنت الناس خلاص روحي معاه وتعوذي من ابليس
|
رد: حدي مقهوووورة
اذا اهوملزم وحسيتي انه زعلان روحي معاه ولاتكبري السالفه
والله يهدي بالك ~ |
رد: حدي مقهوووورة
يالليل تدرين وش تخيلت انه لاحجزتو شقه وهي معكم تحسين مالها داعي!
بس دامه رفض خوذي ولدك معك تونسي به لانه راح يبلش باخته ومشاويرها وعشان تعذرين فيه وترجعون بدري والله يعينك الحموله يبيلهم صبر ويمكن هالفتره حست على نفسها وبطلت او زوجها عيا عليها ان شاء الله تجي منها وتونسين |
رد: حدي مقهوووورة
الله يعينك حبيبتي والله حاسه بالقهر اللي انتي فيه
|
رد: حدي مقهوووورة
يوووووووو الله يعينك وش ذي النشبه ياساااتر
طيب اذا بتاخذين البيبي حلووو خليها تمسكه عنك في الفندق هههههههه انتي اذا تقدرين تتفاهمين معها هي مثلا تجيبينها بمزحة مشاء الله اجل رايحة معنا بالسفره .. يختي انا متردده يمكن ناجلها اسبوع مقدر اخلي ولدي الحين << والله يعينك عليها لاتعطينها وجة تلصق فيك هههه |
رد: حدي مقهوووورة
اولا حمد لله علي سلامتك ياقمر
شوفي حبيبتي انتي مش بتقولي انها مش هتقدر تيجي من مدينتها الا بعد 3 اسابيع اقترحي عليه انكم تسافروا انتوا قبلها باسبوع او اثنين مثلا وهي تحصلكم مش بتقولي عندها عيال كبار وبكده تقضي انتي وزوجك لحالكم اسبوعين حلوين وشوي هيقولك ايه ولو ماكنش معلش ياغالية سافري معاه المرة دي وان شاء الله يعوضهالك قريب ربنا يسعدكم |
رد: حدي مقهوووورة
السفرة كنسلت
ع العموم الله يسعدكم حبيباتي ويرزقكم باللي تتمنونه ياااارب من جد ماقصرتووواا فدييييييتكم |
رد: حدي مقهوووورة
قاعدة اقرا وانا مقهووووووووورة رد رد ما ارتحت الا لما قريت انها تكنسلت معليش سفرة مع اخته بالناقص منها ولا تلومي زوجك المفروض هيا اللي تكون عندها شوية ذوق وتقولو روح مع زوجتك وانبسطو خليها مرة تانية ,,بس يلا حبيبتي ربي يعوضك باحسن منها ولاتزعلي نفسك .
|
رد: حدي مقهوووورة
هذا هو الكلام يا جنا
لكن صعب تحصلي أحد يفهم هالايام وانا كنسلتها عشان ثاني مره يسألني قبل لاياخذ أي قرار يسعدك ربي حبيبتي وماقصرتي فديتك |
رد: حدي مقهوووورة
حبيبتي اذا اول مولود لك
ترى اشياء كثيره تغيب عن بال الرجال وما يعطوها اهميه عادي انتي تكلمي معه قولي ان المعروف عندنا اللي تسافر بعد النفاس لازم تسافر وحدها كنها عروس حتى لو كان عندها اولاد لازم تتركهم عند احد عشان يفهمها .. حاجات كثيره انا قلتها لزوجي بس قبل الولاده .. اشياء واجبه اشياء على حسب تصرفات الرجل وفعلا تقبلها بصدر رحب يقول وربي ما كنت اعرف ولا راح يجي في بالي هذي الاشياء اول مولود وجاء بدري لخبط اوراقنا اقوله اختي اختي طلعت من النفاس وحجزلها زوجها فندق وسوى حفله وحركات اختي الثانيه ع طول حجز لها وساغر 14 يوم وتركو ولدهم عندنا فلانه جاب لها الهديه الفلانيه .. علانه سوى لها كذا وكذا .. خليه شوي يتلحلح ويدور افكار لك بعد اانفاس يدري ان الرجال يسوون حركات مو بس الحريم |
رد: حدي مقهوووورة
الله يعينك ياروحي
والله حاسه فيك امشي على مشورة البنات والله كلامهم صح |
| الساعة الآن 10:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .