|
قصة بولادتي بكتكوتي عائشة
السلام عليكم ورحمة الله وبركاته .. طبعا الكل عارف اني الحمد لله ولدت بكرم ومنة من عند ربي بس للأسف الشديد ولدت بأول الثامن.. المهم حبيت أحكيلكم قصتي بالتفصيل الممل .. أصلي بحب أرغي أوي ..هههههههههه وعشان كل حامل تنتبه للأخطاء اللي وقعت فيها وتتعلم منها .. بدأت قصة ولادتي في يوم الاحد الموافق24\4 كنت جالسة بأمان الله مع زوجي عند حماي وحدثت مشكلة بين زوجي وأحد الأشخاص وانا كنت بالداخل فلما شفت ان الموضوع اتطور قوي لقيت نفسي عمالة بعيط عياط هستيري وانكمشت على نفسي وحسيت زي ما يكون هولد المهم اليوم عدى على خير وطلعنا بيتنا وانا دماغي عمالة تلف من المشكلة وفضلت باقياليوم أفكر فيها وحتى في الحلم حلمت بيها .. المهم تاني يوم الصبح كنت ماسكة الموبايل وبكلم أختي على السرير وبعد ما قمت لقيت السرير متغرق مكان ما انا كنت قاعدة مية طبعا جالي حالة ذهول ومبقتش عارفة اذا كان عذرا مية الجنين ولا ايه بالضبط ..فقلت لزوجي واتصلنا بدكتورتي وعلى حظي الجميل كانت مسافرة ومعرفناش نوصلها لان الموبايل بتاعها مغلق ويوم الاثنين الصبح صحيت الساعة 3 الفجر على الم شديد جدا في الرحم المهم حاولت استحمل واتوضيت وصليت الفجر بس كنت خلاص بقى وصلت لمرحلة الصراخ من شدة الالم وزوجي طبعا صحي على صوتي ومن شدة الالم كنت اصرخ وسط الصلاة وانا جالسة طبعا المهم الالم استمر معايا حوالي ثلاث ساعات وفهمت من وضعي انه طلق والحمد لله تعالى بعد ما خدت مسكنات ورجعتلي كام مرة كده ودخلت الحمام عذرا يعني اسهال غريب الالم هدي وعرفت انام وباقي اليوم كنت بحس بمية بتنزل بس مش نفس الكمية دي يعني نقط بس مكنتش بقول لزوجي لان كان عنده امتحان مهم يوم الثلاثاء المهم بعد ما خلص امتحانه يوم الثلاثاء حجزنا عند دكتورة جمبي قالوا عنها كويسة .. وفعلا بالليل رحتلها وعملتلي سونار وقالتلي الحمد لله المية بتاعة الجنين تمام وكشفت علي وقالتلي برضه الحمد لله تعالى الرحم مقفول وقالتلي وانتبهوا معايا للكلام ده كويس عشان هنعلق عليه بعد كده قالتلي اشرب مية كثييييييييير عشان نعوض المية اللي بتنزل دي ونبعد عن اكل الخوخ والفراولة وعصير المانجا والحلبة عشان بيجيبوا طلق وارجعلها الثلاثاء القادم اي بعد أسبوع وقالتلي طبعا رااااااااااااااااحة تامة ما اقومش من على السرير الا للحمام فقط .. وادتني مضاد حيوي وحقنتين كورتزون اخد واحدة اول ما أروح والتانية بعد 12 ساعة عشان لو ان جد اي جديد وحدث ولادة مبكرة .. وفعلا روحت البيت وخدت الدواء والحقنة وتاني يوم خدت تاني حقنة وفضلت أشرب في مية بكمية مهولة وعصاير عشان اعوض المية المهم من ساعتها المية مش راضية تقف عذرا ساعات احط فوطة الاقيها غرقانة وساعات نقط واحنا كل يوم نتصل بدكتورتي لعل وعسى تكون رجعت من السفر وزوجي حكي الوضع للسكرتير بحيث اول ما تيجي يقولها وفعلا يوم السبت قالنا ان الدكتورة جت وقالها على الحالة وقالتله نيجيلها بكرة فزوجي قالي اني اكلمها احكيلها فقلتله السكرتير قال انه حكالها وهيه تلاقيها جت من السفر مرهقة جدا فمش هتقدر تروح العيادة النهاردة وفعلا ثاني يوم وكان يوم الاحد الموافق1\5 رحتلها وحكيتلها اللي حصل فقالتلي قومي على السرير نعمل سونار واول ما بدأت السونار وبصت على الشاشة لقيت وشها غير جدا وجاب الوان واتوترت وبتقولي مفيش ولا نقطة مية حوالين البيبي انتي ازاي ساكتة على نزول المية فحكيتلها اللي حصل مع الدكتورة التانية اللي رحتلها وجالها حالة ذهول من اللي سمعته لدرجة انها بتقولي انتي متأكدة انها دكتورة نسا قولتلها أه طبعا قالتلي ان الكلام اللي قالتهولي عن الخوخ والحاجات التانية كله غلط في غلط وتعجبت جدا من موضوع المية اللي تعوض مية الولادة دي المهم بعدها سألتني ان كنت خدت حقن الكورتيزون فبكل ثقة قلتلها أه خدت حقنتين هما تلات امبولات خدتهم على مرتين فقالتلي بس قلتلها أه فاكتشفت اني كان المفروض اخد أربع حقن مش بس اتنين ... انا طبعا نسيت أقولكم انها مجرد ما قالتلي على موضوع المية اللي مش موجودة واناطبعا انهرت وبدأت بالبكاء والدعاء المهم قالتلي ان الوضع ميستحملشي ولازم ولادة حالا وقالتلي ان هناك احتمال ان البيبي يكون حصله حاجة لان الكيس مفتوح بقاله أسبوع فممكن تكون فيه التهابات دخلتله وان احتمال كبير جدا يدخل الحضانة وانها تطمئني ان البيبي حتى الان بخير لكن بعد ذلك ما الذي سيحدث هي متقدرشي تضمنلي ده وان عليا بالدعاء وان احنا مش هنقدر نحاول طبيعي لان المية هيه اللي بتحمي البيبي في الطبيعي وبما انه مفيش ولا نقطة مية فميش قدامنا غير القيصري وقالتلي اني اطلع فيالتو واللحظة على المستشفى واعطتني ورقه اديها للمستشفى وقالتلي اخلي طبيب النسا المناوب يكلمها حتى تشرح له الوضع حتى تصل لنا هي .. المهم انا كنت استقريت اني باذن الله تعالى هاولد في القصر العيني الفرنساوي فطلعنا على هناك كنت انا وزوجي واخته واتصلنا باخته التانية تجيبلنا الشنطة بتاعة المستشفى المهعم حطولي جهاز التخطيط ومن ثم بعد الاسئلة المعتادة دخلت غرفة العمليات وسبحان الله مع اني كنت خايفة جدا الا اني كنت واثقة ان ربنا مش هيسيبني وخدت البنج النصفي ولم أتذكر من الادعية اللي كنت محضراها لولادتي غير الدعاء لعمي وأبي وعمتي بالشفاء العاجل ولعضوتين هنا بتسهيل الولادة ومن ثم لكل الي وصوني بالدهاء لهم بتحقيق ما يتمنوه وباقي العملية كنت بدعي ان بنتي تبقى كويسة وأروح بيها ومتحتجش حضانة.. طبعا في غرفة العمليات انا مذنبة ممرضة جمبي وماسكة ايديها وفجأة سمعت صوت غريب جدا ولقيت الدكتورة بتقولي مبروك يا فلانة جبتي بنوتة فانا الصراحة بلمت هههههههههه اه والله اذبهليت بنوتة ايه هوه انا خلفت يعني خلاص ولا ايه المهم خدوا البنت لدكتور الاطفال والحمد لله الحمد لله الحمد لله باسم الله ماشاء الله تعالى ربنا جبر بخاطري الدكتور قال مش محتاجة حضانة وجابوهالي ابوسها وشالوا الكمامة بتاعة الاكسوجين عشان ابوسها بصلتها كده وانا مستغرباها جدا ومش مستوعبة ان دي بنتي ولا انها كانت في بطني اصلا ههههههههههههه وايه كمان عايزة أقولكم اني بوستها عشان اللي واقفين مستنيين أبوسها لكن انا فعليا كنت مستغرباها جدا لانها مولودة ماشاء الله ضغيرة جدا .. هههههههههههههههه على رأي المثل المصري جبنا في سيرة القط جه ينط .. معلشي أكملكم في وقت تاني لاني الانسة صحيت والعياط اشتغل .. بس بالله عليكم تدعولها لاني امبارح عملنالها تحاليل الدكتورة كانت طلباها وهنروحلها بيها النهاردة وادعولها الصفرا تنزل وتروح من عندها لحسن عالية قوي عليها وادعولها تتخن كده ووزنها يزيد وصحتها تبقى تمام وادعولي انا بقى اخس كده وابقى تمام والجرح يخف عليا ويلم ويبقى تمام |
رد: قصة بولادتي بكتكوتي عائشة
باسم الله ماشاء الله عليا .. دا طلعت أستاذة في الرغي ..ههههههههههههه كل ده وانا لسة مخلصتش الحدوتة ..هههههههههه .. ربنا يعين اللي ناوي يقراها وميدعيش عليا ويدعيلي انا والكتكوتة بتاعتي
|
رد: قصة بولادتي بكتكوتي عائشة
ال الف الف الف الف الف الف الف الف مبروك حبيبتي والله يقونم انتي والبيبي بالسلامه وينولك كل الي في بالك
الف الف الف الف مبروك مرره ثانيه وتتربى بعزك الله يكثر نسل المسلمين السنه وينصر بهم الدين يارب الف مبروك حبيبتي وعقبالي يارب اولد وافرح ببنتي يارب |
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
اقتباس:
ربي يتمملك حملك على خير ويفرحك بشوفة بنوتك بين يديك سلمة معافاة من كل سوء |
رد: قصة بولادتي بكتكوتي عائشة
الفـ الحمدلله على سلآمتكـ، وسلآمة الكتكووته الصغننة ..~
ربنآ يحفظهـآ ويخليهـآ لكـ،ِ وأن شااء الله تتخن وتصير مربربه خخخخ..~ |
رد: قصة بولادتي بكتكوتي عائشة
الف مبروك حبيبتي
والحمدلله ع السلامه وان شالله تشوفينها عروسه |
رد: قصة بولادتي بكتكوتي عائشة
الف مبروووووووووووووووك الله يشفيج ويشفي البنوته
|
رد: قصة بولادتي بكتكوتي عائشة
الف الف مبروك والحمدلله على السلامة
بس غلطة كبيرة اذا شفتي السرير غرقان وعرفتي ان الموية نزلت وتستني في البيت المفروض على طول على المستشفى بس الحمدلله الحمدلله ربنا عداها على خير وجبر بخاطرك ونجى بنتك الله يرزقك برها يارب ويخليها ويحفظها لكي وتقر عينك بيها |
رد: قصة بولادتي بكتكوتي عائشة
مبروك ياحبيبتي
وتتربى بعزك يارب ويلا مش مهم بقى ماهي اول مره بتبقى خبره للمرات اللي بعد كده واديكي عرفتي واتعلمتي ربنا يخليها لك ويحفظها وتبقى عروسه زي القمر يارب |
رد: قصة بولادتي بكتكوتي عائشة
الف الف الف مبروووووووووووووووووووووووووووووووووووك..
عقبالي يارب اولد وافرح بشوفه البيبي:) |
رد: قصة بولادتي بكتكوتي عائشة
يا جماعة دعواتكم مع عائشة لحسن الصفراء عليت معاها قوي واحتمال نضطر نحجزها بالله عليكم ادعولي متتحجزشي وارجع بيها البيت
|
رد: قصة بولادتي بكتكوتي عائشة
الف مبروك ياعمري والحمدالله على سلامتك
|
رد: قصة بولادتي بكتكوتي عائشة
والحمدلله على سلامتك انتي والبيبي
|
رد: قصة بولادتي بكتكوتي عائشة
ربنا يشفيها ياحبيبتي يارب
بس مش تقلقي معظم الاطفال بيتولدوا وبتيجي لهم الصفرا وبياخدوا جلوكوز وبيتخف ان شاء الله ربنا يخليها لك يارب ويشفيها وترجعي بيها البيت وتفرحي بوجودها يارب ابقي طمنيني |
رد: قصة بولادتي بكتكوتي عائشة
سمسمتي القمر ايه الرغي ده كله طبعا مش تبع التجمع المصري هههههههههههه
الف حمد لله علي سلامتك وسلامة عائشة تتربي بعزكم يارب ويشفيها ويعفي عنها وتشفيها عروسة زي القمرواحنا مستنين التكملة بتاعة الحدوتة ياتتوتة لا انا توتة ههههههههههههه |
رد: قصة بولادتي بكتكوتي عائشة
الف مبرووووووووووووووك
|
رد: قصة بولادتي بكتكوتي عائشة
الف الف مبروووووووووووووووك يا سمسم
والحمد لله انك قومتى بالسلامه انتى وتوتا ويارب تكون بصحه وعافيه انا كنت هموت من القلق عليكى بس الحمد لله ربنا سلمك انتى وتوتا وعقبالى ياااااااااااااااارب |
رد: قصة بولادتي بكتكوتي عائشة
الف الحمدلله على سلامتك يارب
والف مبروووووووووووك على الكتكوته الحلوه الله يخليلك اياها وتشوفيها عرووووووووس |
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
اقتباس:
اااااااااااااااااامين مع انه لسة بدري شوية الا انه خير البر عاجله برضه ..ههههههههههه أهه حتى ياخدها يربيها .. ههههههههه |
رد: قصة بولادتي بكتكوتي عائشة
اقتباس:
ااااااامين يا رب ويفرحني بشوفتها سليمة معافاه يا رب |
رد: قصة بولادتي بكتكوتي عائشة
اقتباس:
والله انا كنت خايفة ابقى بدلع ولاخر لحظة كنت فاكرة انه بيتهيألي اصلا وان المية دي مش مية البيبي ولا حاجة بس الحمد لله فعلا ربنا جبر بخاطري قوي |
تكملة القصة
نكمل حدوتة ألف ليلة ولية بتاعة ولادتي ..هههههههههههههه المهم وبعد ما بوستها حطولي الكمامة تاني وانا هموت وانام اصلا وكل شوية اغمض عيني بس خايفة انام وسط التلات رجالة اللي للاسف الشديد كانوا موجودين .. وللمعلومة دكتور البنج انا كنت عايزة اضربه عشان قاعد جمبي والستارة حاطينها قدامي عشان يداروني وما اشوفش حاجة ودا كل شوية يقوم يبص ويقعد والله لولا العملية كان خدله كلمتين حلوين كده ..هههههههههههه المهم فضلت ماسكة في الممرضة والوقت يعدي لين ما قالولي انه الحمد لله تعالى خلاص وهما بينضفوا الدم وال ايه كانوا عايزيين يشيلوا الستارة وانا اشوف الدم طبعا رفضت رفضا باتا ونقلوني على السرير التاني ونبهوا عليا اني ما ارفعش راسي عشان الصداع احلى حاجة اني مع اني نادرا ما بنام على مخدة الا اني كنت عايزاهم يحطولي مخدة تحت راسي وانا بعمل العملية ..هههههههههه المهم طلعت بره وراحوا جابولي زوجي واخت زوجي وعمتي اللي كانوا مستنييني في الغرفة وايه بقى مش راضيين يطلعوني الا اما يخادوا الحلاوة وفعلا بعدها طلعوني وفضلت في الغرفة يوم ونص مش عارفة انام في المستشفى طبعا وجابولي البنت احاول ارضعها تاني يوم العصرية كده لانها كل ده كانت تحت المراقبة وجهاز التنفس الصناعي وابتدت مغامراتي معاها ولا انا عارفة اديها صدري ازاي ولا هيه عارفة تاخده اصلا لغاية ما جابولي ممرضه عرفتني ازاي اديهولها وعلى العشاء كده خلصنا اجراءات الخروج وروحت بحمد الله تعالى .. شفتوا انا رعيت الرغي الاولاني واختصرتلكم أهه عشان تدعولي ما تدعوش عليا ..هههههههههههههههههههه |
رد: قصة بولادتي بكتكوتي عائشة
اقتباس:
ااااااااااااااااااااامين يا رب بس تتخن شوية الاول عشان العريس ميتريقشي عليها بس مش قوي برضه ..ههههههههههههههههههه |
رد: قصة بولادتي بكتكوتي عائشة
اقتباس:
ااااااااااااااااامين ربي يسهلك ولادتك ورضاعتك يا رب وتشوفي البيبي ما بين ايديكي سليم معافى يا رب |
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
اقتباس:
شفتي يا بنتي انا استاذة في الرغي ماشاء الله علياhwaml5hwaml5hwaml5 .. الله يسلمك يا رب ونشوفها ونور عرايس في يوم واحد واديني كملت القصة يا ستي عشان متزعليشhwaml13hwaml13hwaml13 |
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
الف مبروك ياسمسمة وحمد لله على سلامتك وسلامة توتة الصعنونة وربنا يحفظهالك يارب ياحبيبتى
|
رد: قصة بولادتي بكتكوتي عائشة
الحمدلله على سلامتك حبيبتي ومبروك ماجاك وتتربى بعزك يارب
|
رد: قصة بولادتي بكتكوتي عائشة
اقتباس:
ااااااااااممين ربنا يحفظلك رودي يا رب من كل سوء |
رد: قصة بولادتي بكتكوتي عائشة
اقتباس:
|
رد: قصة بولادتي بكتكوتي عائشة
الحمد لله ياحبيبتي ان النسبه طلعت مش عاليه
انا كمان بنوتي كانت عندها في اول الولاده بس الحمد لله اتعالجت وراحت منها وربنا مايقلقنا عليهم ابدا عشان هو وحده عارف احنا تعبنا فيهم قد ايه :) |
رد: قصة بولادتي بكتكوتي عائشة
اقتباس:
فعلا الحمد لله تعالى هوه وحده العالم بالحال الواحد كان هيموت فعلا يوميها من الرعب عليها .. وجزاك الله خيرا اختي على اهتمامك |
رد: قصة بولادتي بكتكوتي عائشة
حمد الله علي سلامتك ياسومية انتي وعائشة
ربنا يخليهالك يارب ويبارك لك فيها اااااااااااااااااااااااامين يارب علي فكرة سليتيني اوي بالحكاية وانا قاعدة لوحدي لدرجة اني قريت معظم مواضيعك ادعيلي بالحمل هذا الشهر |
| الساعة الآن 08:14 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .