|
جهزت لبنتي غرفة بس للأسف مو عارفه ارتبها
السلام عليكم ورحمة الله وبركاته
خواتي أنا محتاره وابغى نصايحكم لو كنتو مكاني شقتي صغيره ثلاث غرفه ضيقه 1 غرفة نوم 2 مجلس ضيوف 3 غرفة النونو المشكلة اني بغرفة النونو وهي أصغر غرفه عندي حطيت بها سرير ودولاب وصوفا حلوين مرة لغرفة البيبي وفرشها مناسب وشيك المشكلة انه لأن بيتي صغيييير حاطه بهالغرفه المكنسه+المنشرة+الكاويه+شنط السفر+مفرش السرير الإضافي+ سلات الملابس الوسخه لا تقولوي احط بالمطبخ أو الحمام لأنه مررررة مافي مجال تصدقو حتى الخلاط الكهربائي لما اجي أخلط اضطر اخذ الخلاط الغرفه عشان الفيش بعيد شوي عن الدولاب والدولاب مافيله مكان يالا شورو علي واش اسوي ماودي تكون غرفة بنتي غرفة عفش بنفس الوقت وين أودي أغراضي >> هذي مشكلة الشقق الإيجار |
رد: جهزت لبنتي غرفة بس للأسف مو عارفه ارتبها
انا نفس مشكلتك تقريبا
عندي ثلاث غرف نفسك بس انتي استعجلتي لما شريتي الدولاب انا فصلت دولاب يكون نظام مخزن عشان احط فيه كل الحوسه يكون طويل مترين و44سم وعرضه مترين 40 وعمقه 70 سم عشان يكفي وابوابه تكون سحب وكلفني 1600 انا سويت كذا حبيت افيدك الله يكون بالعون وانتي اذا كان عندك مكان ثاني للدولاب الي شريتيه حطيه فيه وفصلي او بيعي دولابك وجيبي بداله او حاولي تستبدلينه بلجديد يعني المحل ياخذه ويفصل لك وينقص من السعر والحل الاخير حطي حوستك فوق دولابك هههههههههه ودي الاقي لك حل بالعافيه |
رد: جهزت لبنتي غرفة بس للأسف مو عارفه ارتبها
هلا عنوني
طيب شوفي بـ إيكيا فيه حركات للتخزين ووشلون ترتبين مثل هالأغراض فيها وبنفس الوقت اشكالها رووعه ومنظمه والله يسعدك ويهنيك ببنوتك ويهنيها بغرفتها يارب |
رد: جهزت لبنتي غرفة بس للأسف مو عارفه ارتبها
ههههههههه ربي يسعدك أم عبير
والله يرزقنا بيوت كبيرة وحلوة المشكلة ان دولاب غرفة نومي فيه بطرفه حيوف زينه حتى الشنط ما اقدر احطها فوقه ههههه بس والله فكرت دولابك حلوة تصدقي ان امي قالت لي نفس الشيء بس زوجي مارضي حب يشتري دولاب خاص للنونو ابو ضرفتين وانا عارفه ان حتى ملابس النونو ماحيكفيه بس واش نسوي والله حيرة مقهورة نفسي تترتب الغرفه طيب انتي وين حاطه الكاويه والمنشرة؟ |
رد: جهزت لبنتي غرفة بس للأسف مو عارفه ارتبها
الله يسعدك منال ويوفقك على هالدعوة الحلوة
المشكلة ماعندنا في المدينة ايكيا وصعب علي أنزل جدة بكروشتي هذي يقولو بيفتح عندنا بس متى الله أعلم |
رد: جهزت لبنتي غرفة بس للأسف مو عارفه ارتبها
اذا عندك خيه
مكآن صغير لو زآويه آستغليهآ وفصلي لك دولاب بلون جميل وحطي بها العفش والاغراض |
رد: جهزت لبنتي غرفة بس للأسف مو عارفه ارتبها
مشكورة خيتو ام الياس
ترى انا مستغله الأركان بس الغرف صغيره غرفة النونو تقريبا 2 مترين 3 أمتار او أزود شويه ومو متساويه كمان |
رد: جهزت لبنتي غرفة بس للأسف مو عارفه ارتبها
خليهاا بغرفتكم واذا تبين اقسمي غرفه الجلوس وحطيهاا غرفه للبيبي
|
رد: جهزت لبنتي غرفة بس للأسف مو عارفه ارتبها
الحل هووووو دواليب التخزييين ,,
http://forum.hwaml.com/imgcache2/hwa...28429_707.jpeg خصصي زااويه كااامله لهذاااا الدولاااااب حلو الشكل وسهل التركيب |
رد: جهزت لبنتي غرفة بس للأسف مو عارفه ارتبها
والله انا بنيت بنفس الغرفه مخزن بزاويه مره لم عفش كثير من الخشب وسويته لو الجدار عشان ما يبين والله الشقق الصغيره ورطه وتنام فيها بنتي وولدي والشغاله الله يوسع علينا يارب
|
رد: جهزت لبنتي غرفة بس للأسف مو عارفه ارتبها
امممممممممم شوفي حبيبتي المساله جدآ سهله يبي له بس ترتيب
انا نفس حكايتك طولة الممكوئ والمنشر وراء الباب مسفطتهم ووقت الحاجه افكهم استخدمهم واول مااخلص ارجعم وراء الباب ... معلاق الملابس اذ كان بالغرفه طلعيه حطيه بغرفة نومك او اشتري المعلايق اللي تتعلق بالباب الشنط السفر شيليها وديها تحت سريرك ..< اذ كان مافي مجال ترفعينها فوق الدولآب .. وامممممممم بس يعني انتي حاولي ترتبين قد ماتقدرين .. ^^ |
رد: جهزت لبنتي غرفة بس للأسف مو عارفه ارتبها
الكوايه بالدولاب فيه مكان والمنشر ورى الباب
وامين الله يرزقني البيت الي ببالي يارب انا وانتي بالتوفيق ومن جد افكار الاخوات حلوه |
رد: جهزت لبنتي غرفة بس للأسف مو عارفه ارتبها
شموسه
قمة البراءة ام يزن لولي ام عبير مشكورين ياقلبو والله اقتراحاتكم مرة حلوة وافادتني وان شاءالله باخذها بعين الاعتبار والله يوسع عليكم وعلى المسلمين يارب وربي يسعدكم جميع |
رد: جهزت لبنتي غرفة بس للأسف مو عارفه ارتبها
لازم ياعسل تفصلي دولاب وتحطيه اما بغرفه بنتك او غرفتك ويكون كبير وواسع عشان تحطي الاغراض والمطبخ فيه ليه طاولات تنطبق تقدري تاخذي منها ولمن تحتاجيها تفكيها وتستخدميها
|
رد: جهزت لبنتي غرفة بس للأسف مو عارفه ارتبها
مشكورة اخت ميو
المطبخ والله مافيه طاولة وحايسه بدونها ان شاء الله مستقبلا افكر اخذ طاولة والله يعين |
رد: جهزت لبنتي غرفة بس للأسف مو عارفه ارتبها
كأنك تتكلمي ع بيتي .. من الحين وانا أفكر كيف أسوي غرفة صغنوني فيها فرش ومكتبة في الركن .. استفدت من فكرة السرير و الدولاب تفصيل بس الله يهدي زوجي ويرضى يفصل لي
|
رد: جهزت لبنتي غرفة بس للأسف مو عارفه ارتبها
أم عبد الرحمن
الله يسهل لنا ويفرج علينا ويرزقنا البيوت الشرحه الكبيرة المباركة والبنات ماشاء الله عليهم ماقصرو نصحونا بنصائح جميلة الله يسعدهم |
رد: جهزت لبنتي غرفة بس للأسف مو عارفه ارتبها
اقترح شنط السفر تحت سريرك او فوق دولابك. المنشر حطيها بالحمام الثاني الله يعزك. الكاوي حطيها ورا باب اسنديها واذا ماتجي خليها بغرفة بنتك عادي المكنسه خليها ورا باب المطبخ او ورا باب غرفة بنتك واذا عندك تهوايه حطيها فيها وغطيها. اتمنى اكون افدتك
|
رد: جهزت لبنتي غرفة بس للأسف مو عارفه ارتبها
الله يوسع عليك يالغلا وتنقلي بيت كبير ويرزقك البيت الملك اللي يريح خاطرك وخاطر زوجك
واحنا معاك يارب انا بيتي كبير صراحه 5 غرف وحجمها طيب وبرضه احوس لما اخزن وارتب على قول ماما حواسه من يومك |
رد: جهزت لبنتي غرفة بس للأسف مو عارفه ارتبها
ازا تقدري تشتري كنب جديد
اشتري كنب لصالتك يكون خزين يعني تحت الجلسه يكون عندك مخزن انا كدا مسوية في بيتي لانو غرفتين بس والمجلس اكبر من صالتي سويتو خزين طبعا انا في جده واروح للاتراك في الكنب لانهم شاطرين خصوصا في الخزين لو انتي في جده ادلك عالي سوالي غرفتي لانها متينه ماشاءؤ الله تبارك الله وكويسة وشغلو نظيف مرا وسرت اخلي الاغراض الزايده فيها طاولة الكوي مخليتها ورا باب مطبخي وكلما ابغاها افتحها في الصاله وارجعها المنشر استغنيت عنو لمن جهزت بيتي وانا عروسة طلبت نشافه ملابس لانو اعرف شقق ايجار صغيره وموبيدي اتحكم واطلب غرف كتير او وسيعه والحمدلله خلصت منه بس تقدري تسوي نفس الحركة المنشر تفكيه بس وقت استخدامو غير كدا تخبيه في مكان لو تحت سريرك المفرش الزايد الي عندك او اي ملابس زياده اشتري اكياس الضغط انا اشتريت مجموعه بسعر ارخص من التاجرات عالنت والمحلات العاديه واحط مفارش سريري فيها واسحب الهوا وخليتها فوق دولاب غرفتي لانها تسير مرة مضغوطة ماهي متينه ودبا يعني ماتبان او خليها تحت سريرك لو تقدري ممكن كمان لو سريرك ينفع تخلي تحتو زي الدرجين من الاطراف وجوتها حطي الحاجات الزايده في ايكيا في علاقة لطاولة الكوي بس انا ماجبتها وبس اوقف الطاولة ورا الباب كدا بس لو انتي تقدري جيبيها حلوة وتضمني تتعلق بالجدار وماتاخد مكان ايش عندك تاني ورطانه فيلو ^^ ؟ المطبخ لو تقدري تسوي دواليب زياده اعملي دولاب فوق الي عندك بنفس اللون يعني كملي صف تالت وخلي الدواليب هادي مخزن اخويا كدا مسوي في بيتو تلات غرف وضيقه مرة بدون صاله فعمل كدا بمطبخه والحمدلله مارة مرتاحين والله يسهلك |
رد: جهزت لبنتي غرفة بس للأسف مو عارفه ارتبها
شموسه
قمة البراءة ام يزن لولي ام عبير مشكورين ياقلبو والله اقتراحاتكم مرة حلوة وافادتني وان شاءالله باخذها بعين الاعتبار والله يوسع عليكم وعلى المسلمين يارب وربي يسعدكم جميع جزاج الله الف خير على الدعوه الحلوه............. |
| الساعة الآن 06:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .