|
ضيقتي هدت حيلي ,,,,
حبيت افضفض لكم لاني مالي الا الله ثم انتو علما اني ماخبرت احد اني اراجع مستشفيات اوشيء عشان كذا كل شيء كاتمته في نفسي بس احس اني خلاص ماني قادره اتحمل تعبت كل يوم خلطه كل يوم طريقه واللي يزيدني ان كل اللي تزوجو معايه في نفس السنه حوااامل وبعضهم قد ولدو الله يحفظ لهم يااارب انا مؤمنه باللي مكتوب لي بس دموعي ماني قادره احبسها طول اليوم بكاء الناس يجرحوني بكلامهم وماني قادره اتحمل اكثر كنت ناويه انقطع عنهم بس خفت يصيرلي شيء من الوحده جوالي مايوقف اذا قرب موعد دورتي صارو حافظين حتى موعدها . واللي زاد الطين بله سفر زوجي اللي كنت افضفض له وبيطول سنه عمل وبروح لاهلي يعني بتزيد الضغوطات عليه مو من امي او خواتي بالعكس بس من زوجات اخواني وبناتهم واهل زوجي ... والله يابنات اني تعبت اذا 10 شهور وماتحملت كيف لوبكمل سنين بينهم بموت الله يعينا ع هالدنيا والله يرزقنا ...اش تنصحوني اسوي؟؟؟ اسفه ضايقتكم بس مالي الا الله ثم انتو ... احبـــــــــــــكم .. |
رد: ضيقتي هدت حيلي ,,,,
لاتشكي لي لابكي لك
انا تعبت تعبت تعبت خلاااص وربي ابي راحه البال مو شرط ضنى مو شرط احصل اي امنيه انا فقط ابي ارتاح من التفكير من الهم من شيل هم كلام الناس صار كل وقتي نوووووووووووووووووووم في نووووووووووووووووووووووم << لاكثرت همومك حط راسك ونام ناويه استمر على سوره البقره بس عجزت << اعوذ بالله من الشيطان الرجيم ياربي رحتمك اوصيك واوصي نفسي الجوء لله ثم لله ثم لله هو الي بيفرج همنا وبيسعدنا ويقضنا عنا من الليله حطي ببالك صلاه ركعتين بعد الساعه 12 والاستغفار ثم الدعاء حاولي بسوره البقره |
رد: ضيقتي هدت حيلي ,,,,
تو متزوجه لاتفكرين لسى بدري
بس لاتيأسي من رحمة الله لسى الله مااراد انو تحملين لاتفكرين وااجد لان التفكير بالحمل هو اللي ياخر الحمل اذا حد اسألك قولي لسى الله ماارد اني احمل حرمة اخوي سنتين بعدين حملت وخالي له 18 سنه ماعنده عيال والحمدلله على كل حال ماتدرين الخيره وين الخيره فيمااختاره الله بس انتي ادعي ربك الله يفرجها عليك وشيلي التفكير بالحمل وان شاء الله تبشرينا بالحمل قريب يااارب |
رد: ضيقتي هدت حيلي ,,,,
الله يفــرجها عليك حبيبتي..
والله حـــــــآسة فيك.. بس شــدي روحك وهالله هالله بالدعاء والاستغفار.. وان شالله تبشرينا بحملك قريبا.. |
رد: ضيقتي هدت حيلي ,,,,
حبيبتي والله محد بيحس فيك غيرنا الله كريم مابقول لك لاتفكري لانه حتى انا هلكني التفكير خليها على الله انت لسه بدري انا لي 6 سنين
حاولي تتقربي من الله وتدعي ربك والله انا الدوره ماتجي الا بحبوب ودعيت ربي انها تنزل اذا مافي حمل والله كريم ونزلت يمكن عشان زوجك دايم مسافر متاخر الحمل حاولي تنظمي وقت التبويض ورجعه زوجك والله يكتب اللي فيه الخير ربنا هب لنا من ازواجنا وذرياتنا قره اعين واجعلنا للمتقين اماما.. وتفائلي hwaml02hwaml02hwaml02 |
رد: ضيقتي هدت حيلي ,,,,
حبيبتي مثل الحاله لي 10 شهور متزوجه وكل اللي تزوجوا معاي حوامل والدات بس والله أول شي ضاقت فيني الدنيا وبعدها شلت هالفكره من راسي اتعالج ومحد يدري عني ألا أمي وخواتي اهله كلما سالوا أقول تو الناس محنا مستعجليييييييييين والله ان قلبي يتقطع تقطيع بس ماعلي منهم أحد لاتخلي الهم أكبر شغل لج بالعكس عيشي حياتج لساتج عروس وسفر زوجك فرصه أن الناس تسكر فمها وحيقولوا زوجها مو عندها
وخلي الأستغفار والقرأن دوم بفمج والله يرزقج ويرزقني |
رد: ضيقتي هدت حيلي ,,,,
انا نفسك والله حتى صرت اهل زوجي ما اخالطهم وايد والناس بعد بس الي بالدوام مافيه مفر من اسالتهم اليوميه كآن مكتوب على وجهي حمل كل ما يشوفوني يتذكرون الحمل و يسالوني بس الحمدلله والصبر علينا بالصبر بس
|
رد: ضيقتي هدت حيلي ,,,,
وكلي امرك لله ولاتكونين حساسه هذا كله بقدر الله اصبري واحتسبي لله،،وانتظري الفرج من الله واكثري الدعاء والابتهال لله،،
ولاتنسين ان انتظار الفرج من الله عباده فتقربي من الله بها وتلذذي فيها،،فما اجمل القرب من الله،، وحقاً انه من وجد الله فماذا فقد |
رد: ضيقتي هدت حيلي ,,,,
ما قصروا البنات زي ماقالوا بدرررررررررررري عليك
|
رد: ضيقتي هدت حيلي ,,,,
نفس الحاله انا الي قبلي والي بعدي ربي عطاهم انا لي سنتين واراجع مستشفى والكل يعرف اهلى واهل زوجي حتى يقولوها لي مسكينه اه يالقهر دي ارزاق
|
رد: ضيقتي هدت حيلي ,,,,
لاتشكي لي ابكي لك ..
انا خواتي يغثوني بالحمل ..الاخت المفروض اقرب الناس لي بس وش اقول .. ما لنا الاصبررررررررررررررر والدعاااء وفعل الاسباااب ... وان شاء الله بيرزقنا الله عاجلا غير اااجل .. |
رد: ضيقتي هدت حيلي ,,,,
اهلين حبيبتي اورجه ...
وكلي امرك لله اولا واخيرا ...هذا اول شي ... ثاني شي اللي يسالك قولي لسى ماكتب ربي ..لاتقعدين تبررين وتطلعين اسبااب ... وبعدي شيلي الموضوع من راسك ...انا مااقولك لاتفكرين التزمي ببرنامج ابداي فيه من هالشهر سورة البقره _الرقيه الشرعيه _الدعاء _الاستغفار _الريااضه اذا انتي من بناات التكيس ...وحاولي تسوي حجامة وخلي عنك المواعيد والمستشفياات هالشهر ارتااااحي (نقااهه) والله يرزقنا واياك والجميع من واسع فضله ... منااااااااااااار |
رد: ضيقتي هدت حيلي ,,,,
إن الله مع الصابــــــرين
|
رد: ضيقتي هدت حيلي ,,,,
ياحبيبتي انتي وكلي امرك لله
وربي اللي تحسي فيه مريت فيه انا وبغيت انجن بس انتي اهم شي الدعاء ثم الدعاء ثم الدعاء وربي انا مخليت شي ما اكلته ولا ابره الا اخذتها وتعبت نفسياٍ بس الله عووووووووووضني وماخيب ضني اختي عليكي بصلاه الوتر والدعاء وبتفرج ان شاء الله والاستغفار والصدقه لو بقليل الله يرزقك وكل محرومه بالذريه الصالحه اللهم امين |
رد: ضيقتي هدت حيلي ,,,,
الله يربط على قلبك ويرزقك ويرزق كل متاخره عن الحمل بغير حول ولا قوه مننا ويرزقنا من فضله يااارب عااجل غير اجل ,, وعليكي بالميراميه تراها زيينه
|
رد: ضيقتي هدت حيلي ,,,,
حبيبتي زي ماقالو لك الحلواااااااااات
وبعدين لسا بدري يااااااااقلبي واي واحدة تكلمك قولي لسا بدري علينا نبي نعيش حياتنا اول وننبسط لسااااااااكم عرسااااااااان وفي نفس الوقت اتبعي نصائح البنات يوه بنات كثير عندنا يستعملو موانع من اول زواجهم لحد سنة اوثنتين ويقولو احنا نستخدم موانع باقي يمدي على العيال ورجتهم وعاااااايشاااااات احلى عيشة ومبسوطااااااات واجازات وسفر وعزايم حبيتي اي احد يكلمك او حتى يفكر قولي لسا بدري احنا مانفكر في العيااال الحين وهم رااااااح يسكتو عنك وحبذا لو تقولي الخبر السعيد ذا لواحدة ثرثاااااااااره في العيلة وهي بتمكل المهمة عنك دعواااااااااتي لك |
رد: ضيقتي هدت حيلي ,,,,
توقعت انك كاتبه قصة بنت مانعرفها للاستفاده..
ماتوقعت انك كاتبه عن نفسك.. توقعتك قويه واقوى من كذا ..وبالتجمعات مايبين عليك انك مهمومه لهالحد.... لا لا لا يااورجه الشيء هذا لابيدي ولابيدك ولابيد اهلك ومحد يهمك او يتحكم فيك او يجرحك هذا ربي اللي كاتبه لانو عارف انه مومن صالحك الانجاب الان..وقدر رزقك في وقت ماتدرين عنه متى ..يمكن هالشهر.او هالسنه او اللي بعدها .. كلامك هذا يحسسني انك يأستي خلاص وان ماشكيتي حتى.. وان بقى هالشعور في قلبك راح تخسرين ثقتك بربك واليأس بيفتت عظامك وبيصير همك الاطفال.. ومن استغنى عن الشيء حصل عليه بلا تعب وبلا سبب حبيبي.. هونيها وتهون وكبريها تكبر تكبر تكبر ماعليك من احد وهالناس مايخلصون وان سألك احد قولي لهم انكم ماتبون الا بعد السنه .. وصدقيني ربي مايعمل الا الصالح لك وهو اعلم بالغيب..يمكن الحمل الان مايصلح لك وبعيد الشر عنك وحده بكريه ماتت بالسابع بسبب تسمم الحمل ولاتهنت لا بالبيبي ولا بشبابها ولا بزواجها انتي ماعليك الا الدعاء وربي يشوف الصالح لك الان ويعطيك اياه واللي يضرك حاليا يمنعه عنك لانه يحبك ويحب الصابرين كوني صبوره لان الصبر مو بإظهار الهم بل بالكتمان وقول الحمدلله ربي يرزقك ويهون عليك ويصبر قلبك ياقلبي |
رد: ضيقتي هدت حيلي ,,,,
تسلمون لي يابنات خففتو عني الله يعينا ع هالدنيا
هدوء كلامك بكاني انا احيانا اضعف في لحظه وانا صرت حساسه بشكل مااتحمل شيء |
رد: ضيقتي هدت حيلي ,,,,
لاتضايقي حالك حتى انا لسه 5 شهوووور متزوجه وانا ماارتاح من الاسئله
بس دايم ارد قبل لايسألوا واقول احنا لسه بدري علينا سبحان الله وعسى ان تكرهوا شيئا وهو خيرا لكم |
رد: ضيقتي هدت حيلي ,,,,
الله يرزقنا الذريه الصالحه
|
رد: ضيقتي هدت حيلي ,,,,
ياقلبي عليك يااورجه ..
اسأل الله في هذه الساعه ان يجعلك من كل هما وغما فرجا ومن كل ضيق مخرجا .. وان يرزقك من حيث لا تحتسبين .. وان يفرح قلبك عاجلا غير آجل .. ياقلبي عليك .. الله يفرج همومنا ويكتب لنا الا فيه الخير ياااارب .. اللهم آآآآآآآآآآآمين ياأرحم الراحمين .. اللهم صلي وسلم وبارك على نبينا ورسولنا محمد صلى الله عليه وسلم الى يوم الدين .. |
رد: ضيقتي هدت حيلي ,,,,
كلنا يااورجه عندنا لحظة ضعف
ويمكن نموت بكي وماتدري عن دموعنا الا المخده لكن اذا بكيتي رفعي راسك لفوق وقولي لرب الجلاله انت عالم بحالي وترى دموعي وحزني وان كان يرضيك هذا فخذ ماشئت .... وربي مايخيبك ابكي ان كان البكاء يريحك لكن خليه يقويك مو يضعفك وربي احبك وتهميني كثير وفوضي امرك لله حبيب قلوب الصابرين |
رد: ضيقتي هدت حيلي ,,,,
اورجة حبيبتي لا تزعلي كلنا نحس فيكي يا الغالية سلمي امرك لله
وانت لس عروس اصبري شويا و ارتاحي من التفكير |
رد: ضيقتي هدت حيلي ,,,,
أورجه حبيبتي ولا يهمك كلام الناس وخليك واثقه من رحمه ربي و مثل ما قالو الأخوات حاولي تحطين لك برنامج لسوره البقره و الرقيه و الأستغفار وصلاة الوتر والضحى بتحسين برااحه عجيبه و لا تنسين إنتي لسه في بدايه حياتك أما بالنسبه لدوره حاولي ما تقولين لأحد عن موعدها أو حتى روحه المستشفى لأني جاتني فتره كنت أخبي حتى عن خواتي وقت دورتي عشان الشهر اللي بعده ما حد يسألني جات ولا باقي والحمد لله على كل حال أهم شي لا تيأسين من رحمه ربي لأنها وااااسعه والله يكتبلك كل خير يارب |
رد: ضيقتي هدت حيلي ,,,,
تسلمون لي يابنات وربي خففتو عليه كثير تسلمون على وقفتكم معي وانتو اخواتي الله يخليكم لي ولايحرمنا من بعض ياارب ويرزقنا عاجلا غير اجل ..
|
رد: ضيقتي هدت حيلي ,,,,
حبيبتي وكلي امرك لله تعالى
وربي يرزقك ويرزقنا معاك الحمل السليم المعافى والذرية الصاااااااالحه عاجلا غير آجل... وتذكري كل تأخيره وفيها خيره...واما كلام الناس عندي وعندك خيرالله يعين عليهم ماريحوا احد اذاحملتي بدري قالوا ليه مستعجله واذاتأخرتي اكلوا قلبك بالكلام والتلميحااااااااات ... خلي كل شئ على ربك الله كريـــــــــــــــم |
رد: ضيقتي هدت حيلي ,,,,
لاتشكيلي احكيلك ... والله حاسه فيك وحالنا من بعضه
انتي حالتك نفس حالتي بالضبط... كنك تتكلمين عني..دموع وضيقة صدر يوم تنزل بعدين يهونها الكريم وتهون ويتجدد الامل بالله سبحانه شهر بعد شهر.. بس حطي ببالك شغله وحده.. ان الامر كله بيدالله سبحانه وتعالى ... والامر كله فيه خير لنا.. خيره ان شاء الله.. وربي بيرزقنا قريب .. بس احنا في اختبار وربي بيشوف احنا نصبر ونشكر ولا نجزع ونعترض قولي الحمدلله على كل حال اللهم لا اعتراض يارب.. والله يعوضنا عن قريب الله يرزقني ويرزقك بالحمل التام 9 شهور يارب وكل من تتمنى الحمل من بنات المسلمين يارب العالمين.. الله يرزقنا الحمل التام على اهون سبب ..وان شالله نفرح هالشهر يارب |
| الساعة الآن 04:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .