منتديات حوامل النسائية - صدمتي في زووووووجي وبنت الجيران مصيبه ماكانت على البال

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

صدمتي في زووووووجي وبنت الجيران مصيبه ماكانت على البال

السلام عليكم ورحمة الله وبركاته

فاضت بي همومي وضاق صدري واختنقت وماحبيت اشكي الا لاحد مايعرفني
مصدومه ومجروحه ومستغربه وشاب راسي في يوم واحد ياترى اللي صار صدق وربي ماني مستوعبته
قصتي متزوجه من ست سنوات اجمل سنين بعمري زوجي انسان متفاهم وطيب ويحبني ويموت فيني بعد طلباتي اوامر كل شي ابيه يحققه لي وانا اكن له مشاعر عظيمه احبه احبه ومتفانيه في كل شي خدمته وراحته والفراش ماقولكم بشهادته بس الا لاني واثقه اني تفانيت في شي اسمه عطاء ومن ناحية اهله ماشفت منهن الا كل خير وماشافوا مني الا كل خير وضعي معهن قمممممممممه
قبل فتره لاحظت بزوجي تغير متغير بالحيل طلعاته اكثرت والعذر يقول اروح اهرول على الحاره لاني متنت شوي ومكالماته اكثرت ومسجات بكل وقت وكل شوي يفتح الشباك ويناظر بيت الجيران ويطلطل عليه كان قلبي قارصني بس قلت زوجي ثقه ومابي الشيطان يلعب براسي
تصرفاته الفتره الاخيره معايه يداريني اكثر ويتقرب مني بعد اكثر وهدايا بمناسبه ومن غير مناسبه
وطلعات وعزايم ومطاعم و و و و و و
قبل اسبوع تقريبا دقت عليه ام الجيران وقالت بجيك تخيلوا الساعه تسعه الصباح وقلت الله يحييك علما ماهو وقت زياراتنا ابد انا اجزمت ان الدعوى فيها شي بس ماجاء ببالي زوووجي
جاتنا ووجهها اسود ومكفهر ودخلتها قالت لي شوفي يابنتي مابي يرتفع صوتك نبي نحل الموضوع بسكاااااات هنا حفرنا وهنا طمرنا قلت خير ياعسى خير
قالت
زوجك حسبي الله عليه هو وبنتي ارتجفت وحمرت ونشف حلقي وزادت دقات قلبي قلت خييير وش صار
قالت زوجك كان يتقابل مع بنتي في السبيل اللي بينا وبينكم انفجعت قالت والخبيثه بنتي تطلع معاه بالليل بسيارته مدري وين يروحون ومن يومين شافهم جارنا فلان وهو ينزلها واتتشرررت فضيحه بالحاره واخوانها وابوها عرفوا بالسالفه جاتهم رساله من رقم غريب على الجوال وقالوا مانظلمهم يمكن السالفه كذب والبارح ماغيره صادوا اخوانها وهي نازله من سيارته
انا مستغربه زوجي لمن رجع من الهروله على قوله واضح عليه اثر طق ومضاربه سالته قال العيال بالشارع ابي ارص السياره وعيوا يوخرون قمنا تطاقينا
انهرررررت يابنات وبكيت قالت لي جارتنا عيالي وزوجي صاروا الناس ياكلون وجهيهم ويتكلمون فيهم صاروا حكوه في السنة الناس
عصبت وقلت طيب اللحين وش تبين وش اسوي انا قالت مدري وش تسوين بس لازم تعرفين عمايله وتسودين عيشته
ااااااه يالقهر زوجي انا يعمل كذا ياخسارة الثقه فيه
جاء زوجي وواجهته الخبيث ما انكر اول مره يتكلم معي ببجاحه وقال اييييه عاد انطمي واصله معاي اللين هنا
خصوصا اهل زوجي دروا بالسالفه ابو البنت معلم ابو زوجي وابو زوجي يقول تزوج البنت تزوجها عشان فضحتها
زوجي موقفه ساكت وينكر قدام اهلها وكل يوم مضاربه مع اخوانها
انا مقهوووووره منه وتهاوشت معاه اللين انبح صوتي وسمعته كلام عمره ماسمعه والايام هذي تدرون ويش يقولي يقول ايوا اجلسي نقي وربي لو ماتبلعين لسانك لاجيبها هنا معك بنفس البيت
حااااارق دمي ويتعمد استفزازي وتبلد احساسه على الاخر
طبعا فكرت اروح لاهلي بس قلت اهلي اللي فيهم كافيهم عندهم مشاكل واصله للسماء
طبعا قلت له وشلووون عرفتها قال والله فتحت الشباك وشفتها واقفه ببلوكنتهم وصرت كل يوم افتح الشباك والقاها تحتريني قلت له يوم تطلع معك وين تروحوه قال في البدايه مااااايخصك وبعدين قال تروح كوفي او نلف بالسياره قلت مارحت مكان ثاني سكت
الفاجعه الفاااااجعه انه كان بينهم علاقه خاصه وحصلت ببيت الجيران يوم جمعه قبل اسبوعين تقريبا دعته عندها واهلها مو موجودين وصارت المصيبه واهلها عرفوا وضاغطين عليه يتزوجها والا بيذبحووونه وهو بدا يلمح ويقول باخذها فتره استر عليها ثم اطلقها
انا جن جنوني وطقني الهبال براسي وسودت عيشته وقلت معناتها تطلقني وطلبت الطلاق رررررررفض وقال ترى عشان بنتي بس تخيلوا الكلمه قلت مو عشاني يعني قال انتي طلبتي
تصورووووا اللعي وربي طار النوم من عيوني واحس اني بموت قهرر احترت في الطلاق ماودي استسلم وماوي اخسر عائلتي لاتقولون اكذب لاورب البيت اللي يفقدني بنتي وحيدتي ماكذبت بكلمه وحده لانه ماشكيت الا لربي ثم هنا اهلي عندهم مشاكل تكفيهم وزوجي راكب راسه ومتملعن ويقولي لا تفكرين بحبها وربي لاسود عيشتها سته شهور او سنه واطلقها وتنقلع عند اهلها
اليوم حسيت نفسي اهدا لاني فرررررغت شحنتي البارح فيه وربي اني ضررربته ماقالي شي قال خوذي راحتك بس اهجدي
طبعا انا بغرفه وهو بغرفه والوضع زززززززفت والاخ الليله باستراحه وماخذ اجازه من عمله ومكيف ولا شي هامه حسبي الله ونعم الوكيل فيهم اثنيناتهم عرفت ان زوجي قذر وحيوان ومايستاهل مني ذرة احترام وتقدير
اسالكم بالله لو كنتوا مكاني وش بتسوون فكرت اروح للجيران وامرمط بنتهم بس قلت لااااااااا اخاف يصير شي ماني حاسبته له حساب
كنت اقابلها مع اهلها وكنت احترمها ماتوقعت انها تطعني بظهري هي والخبيث الي عندي
وبدا يعدل ويغير في البيت لانه طبعا ناوي يتزوجها
وربي ماكن زوجي كذا وربي كان مضرب المثل وكلن يحسدني عليه
لمن وش اقول وش اخلي وربي اني ادعي عليه من كل قلبي فشلني وجرحني وبالاخير يعاملني بكل وقاحه وقوة وجه عشان مايوريني ضعفه
ارشدوووني وربي تعبت ودموعي غطت عيوني
حسبي الله ونعم الوكيل
@انا انسانه مجروحه فلا تجرحوني بعد اكثر الخاطر فيه مايكفيه وزووود ادعولي والله ماعاد بيني وبين الجنون الا شعره

http://forum.hwaml.com/imgcache2/hwa...313834_588.gif

........... ورررربي يقههههرررررررررر .. قريت الموضوع ونقلته لكم ممكن فيه احد تكون دعوته مستجاااااااااابه ... ادعولها بنات ان الله يصبر قلبها والله هالرجال ماعنده احساس hwaml4hwaml4hwaml4hwaml4

وصار بينهم ..........؟؟hwaml9hwaml4hwaml4 تخيلوا ولازم الحين يتزوجها عشان يستر عليها ..

اترك التعليق لكم hwaml9hwaml9