|
توقعات الطبيب لموعد الولادة ومدى مصداقيته
السلام عليكم ورحمة الله وبركاته
اخواتي حبيباتي سؤال لكل وحده ولدت أو جربت الولادة هل دائما توقعات الطبيب للولادة صحيحه؟ ابغى اتطمن واعرف طبعا لا يعلم الغيب الا الله وساعة الولادة محجوبة عن البشر لكن بسأل اللي ولدو هل ولدتو بنفس توقعات الطبيب او قبل او بعد وبكم يوم لأني رحت لطبيبين واحد قال لي 14\8 والثانيه قالت 16\8 تتوقعوا أولد بنفس الوقت لأن لدي عمل بعيد عن مقري في الشهر التاسع ومضطرة اروح بنفسي اخذ اجازتي وخايفه اني اولد ساعة روحتي خاصة ان عملي في قرية وماعندهم مستشفيات بالله طمنوني كل وحده تقول متى توقعلها الطبيب ومتى ولدت بالضبط وشكرا |
رد: توقعات الطبيب لموعد الولادة ومدى مصداقيته
مو دآيم التوقعات تكون صحيحه بعضهم تتأخر اسسبوع اسبوعين وبعضهم تقدم اسبوع اسبوعين يعني مآتقدرين تقولين انه يوم محدد .. وأنتي اذا جآء اسبوعك اللي محددينه لك خلآص لآعآد تروحين ريحي نفسسك وخذي اجآزه ..
وآلله يسهل عليك وعلى كل الحوآمل .. |
رد: توقعات الطبيب لموعد الولادة ومدى مصداقيته
الله يجزاك بالخير اختي
بس انا حبيت اعرف كل وحده ولدت كيف كانت مصداقية الموعد معاها للاحتياط فقط لا غير وانا اختك مو بكيفي غصبن عني مضطرة اسافر للقرية بس عشان شخطت توقيع الله المستعان ويسترها علينا يارب |
رد: توقعات الطبيب لموعد الولادة ومدى مصداقيته
هلا اختي انا موعد ولادتي مثلك حددته دكتوره في 16/8 ولما حسبت بالنت طلعلي 5/8 الله يقومني بسلامه وانت بعد للمعلوميه انا بعد بكر وحابه اعرف.
|
رد: توقعات الطبيب لموعد الولادة ومدى مصداقيته
الدكاتره ياقلبي يعطونك اخر يوم لك بالتاسع .. ممكن تولدين قبل بأسبوعين او بنفس اليوم
بس الاهم ان اذا ماولدتي قبل التاريخ المحدد يعملولك تحريض ولاده او قيصري |
رد: توقعات الطبيب لموعد الولادة ومدى مصداقيته
أنـآ بحملي الاول حددو لي 5\9 وولدتـ 3\9
يعني لا تجآزفينـ وتروحينـ ماتدرين وش يصير .. |
رد: توقعات الطبيب لموعد الولادة ومدى مصداقيته
في حملي الاول حددت لي 18/5 وولدت 8/5
والثاني 24/7 وولدت 13/7 ويختلف من وحده لثانية |
رد: توقعات الطبيب لموعد الولادة ومدى مصداقيته
بالنسبه لي ماقد حددو موعد وضبط معي دايم اولد قبله باسبوعين
ماعندهم سالفه |
رد: توقعات الطبيب لموعد الولادة ومدى مصداقيته
الله يجزاكم بالخير اخواتي الغاليات
يعني اللي فهمتو منكم ان بعضهم قدمت اسبوعين وبعضهم قدمت كم يوم بس مافي وحده أخرت معناتو انتظر الولادة من متى بالضبط ؟ اختي دنيتي امي الله وناااااسه فيه وحده مثلي بنفس الموعد يارب يسهلها والله اني خايفه الدوام هذا مصيبه وانا شايله همه من الان لان لازم اروح اوقع اول يوم وبعدين مو مشكلة اخذ مرضي من مستشفيات وادبر اموري ادعولي ربي يسهلها حتى اليوم زوجي يخاصم خايف يوديني واولد في الطريق كلنا شاااااااااااايلين هم بقوة |
رد: توقعات الطبيب لموعد الولادة ومدى مصداقيته
تتوقعوا في مجال أولد بنهاية شهر 7 ؟
اكون وقتها دخلت التاسع وش تنصحوني استخدم شيء يحرض الولادة لأني لو ولدت بيوم 20\ 7 او قبل برتاح من هم المشوار لكن بعده هو المشكلة |
رد: توقعات الطبيب لموعد الولادة ومدى مصداقيته
حبيبتي عروسه مانتي مضطره تروحين وانتي فيك الولاده عشان توقيع !
يكفي مكالمه من زوجك للمديره وتقرير طبي هذا المتبع ، لا يضحكون عليك هذا النظام لانه من غير المعقول عشان توقيع وانا فيني الولاده اخاطر .. غير معقول ! لا تخافين ابدا .. هذا النظام سواء كنتي بقريه او بنفس المدينه . خذي راحتك ومن تبدأ الولاده كلمي المديره وبلغيها بوضعك و اكيد بتتفهم .. والله يسهل عليك يارب |
رد: توقعات الطبيب لموعد الولادة ومدى مصداقيته
انا حددت لي 29/12 وولدت 4/1
البكر طبيعي تتاخر |
رد: توقعات الطبيب لموعد الولادة ومدى مصداقيته
خيتو هذي مجرد توقعات يعني مو لازم تصدق العلم عند رب العالمين
حماتي بولدها حددو لها موعد الولاده رجب واللهم صل على محمد وآل محمد الله سهل عليها وما خدت الا اسبوع من التاسع يعني ولدت جمادى .. والله يسهل يارب |
رد: توقعات الطبيب لموعد الولادة ومدى مصداقيته
اختي بكريه كانت خلصت تسع شهور واخذت من شهر العشر تقريبا اسبوع
بنت عمتي اخذت من شهر التاسع بس اسبوعين وصاحبتي والله مااخذت من التاسع الا يوووم تقول لما دخلت التاسع مالي الا يوم جاتها الولاده وعلى فكره كل اللي قلت عنهم كانو بكريات يختلف من وحده لثانيه |
رد: توقعات الطبيب لموعد الولادة ومدى مصداقيته
يختي اذا دخلتي التاسع شي اجباري المستشفيات يعطونك اجازه كل اسبوع بأسبوعه
|
رد: توقعات الطبيب لموعد الولادة ومدى مصداقيته
اقتباس:
قبل كم شهر زميلتي اللي معاي بنفس السيارة كانت في شهرها الأخير والمديرة عارفه وتقولها ما يهمني بتولدي ولا لا تداومي غصب والتقارير الطبية مضاربات معاها حتى تقبلها الله يسهلنا أختي والله اني اعاني معاناة من هالمديرة حسبي الله عليها انا الان ماخذه اجازة طويلة بدون راتب من اول الحمل لكن لازم اروح انهي اجازتي بشهر 7 لو يوم واحد وبعدين اخذ مرضي ما اقدر اوصلها ببعض فهمتي علي؟ والمصيبة الكبرى حتى نقل ما نقلت من هالقرية الله المستعان وربي يفرجها ألف شكر أختي على ردك ارجوكم ابغى بس دعوة صادقه من قلوبكم ان ربي يسهلها وينقلني من هالقرية على خير |
رد: توقعات الطبيب لموعد الولادة ومدى مصداقيته
أخت حساوية عسل
همس الوجدان شمعة أمل معلمه الله يجزاكن بالخير ويسعدكم ويسهل أموركم |
| الساعة الآن 06:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .