منتديات حوامل النسائية - قصة ولادتي بطفلي الأول

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

- - قصة ولادتي بطفلي الأول (https://naqatube.com/showthread.php?t=54589)

قصة ولادتي بطفلي الأول

بسم الله الرحمن الرحيم
بالبدايه اريد ان ادعوا وأمنوا
اللهم يااااااارب هون على اخواتي الحوامل حملهم ويسر ولادتهم
اللهم يارب كل من ارادت طفلا فأرزقها طفلا صالحا سليما حسن الخلق والخلقه
اللهم يارب احفظ لنا اطفالنا ومتعهم بصحه والعافيه واحسن خلقهم
اللهم امين

الحمدالله على ماكتب الله
الحمدالله حمدا كثيرا
رغم ان كل شي والحمدالله كان معي سليم
لكن قدر الله لي ولادة مبكره بسبب الضغط
رحت لموعدي مثل كل مره ولاول مره
كان ضغطي مرتفع نوموني للاحتياط
بس الواحد فينا مايعرف ايش بيصير له
رغم انهم مطمنيني
بليل جاني استفراغ جلست انادي الممرضات
وكان وقتها راسي بينفجر
كنت ابكي من قوة الألم
قاسوا ضغطي وقتها وبدوا يصرخون لازم نقل ثم نقلوني لغرف الملاحظه
جاء الدكتور وقالي ولاده ولازمم توقعين
ايش؟
كيف ؟
شلون؟
بغيت انجن جلست ابكي اكثر
ويدقون ع زوجي مارد
لانه ماكان متوقع فصمت جواله
دقيت ع هلي خبرتهم وانا ابكي
كيف ولاده ماني مصدقه حسيت اني بحلم
مستحيل
هلي ماصدقوا
جلست اترجى بدكتور يقوس ضغطي مره ثانيه
واحلف له ان مافيني ضغط ابد
واليوم بس لقوه مرتفع اول مره
وابكي
رجعت اتصل اكثر من مره ع زوجي ومارد
قال الدكتور لو نتأخر دقايق يمكن يصير نزيف بالمخ
او انفجار بعرق العين
وقتها خلاص حسيت ان الامر محتوم
قال وقعي انتي ووقعت وبصمت
شالوا مني كل شي ولبسوني قميص العمليات
ولازلت في امل ان زوجي يرد ومارد
قلت لأهلي يتصلوا فيه يخبروه ورفضت اختي تفجعه
قالت الفجر بندق عليه
دقيت ع صديقتي ونقلتها رقم زوجي وخبرتها تقوله
كانت وقتها س 3
صح اني هبلت بصديقتي بس مالقيت حل غيره
وقالوا خلاص اخذوا رقم زوجي واسمه كامل
وكملوا الاجراءات وانا كنت رح اموت من البكاء
وراسي بينفجر
دخلوني غرفة العمليات
الامر صار جد
غرفه فاضيه المبه الدائريه بالوسط الي اشوفها بالمسلسلات
كنت مو قادره اقرأ كلمتين ع بعض
حاسه اني بحلم
كابوس من كوابيسي المستمره
وبصحى منه
حاولت اغمض كم مره وافتح عشان اصحى
وارجع لغرفتي فوق سريري
ومافي فايده
ارجع وافتح عيوني ع نفس الغرفه
نقلوني على السرير الي بالوسط وفوقه المبه
التفت ع الدكاتره
شفتهم كيف يحضرون
شفت الدكتور الي بيخدرني قال بخدرك موضعي
ناظرت نظرة ترجي ولاخر مره
وقلت رجيتك دكتور وانا حاطه ايدي ع بطني
قوس ضغطي لاخر مره
راسي ماصار يعورني
وربي بتحمل وجع راسي بس خلو ولدي
لساتني ولساته صغير يقول الدكتور الصبح اصمدي وربي رح اصمد
بجلس بالبيت ومااطلع لوبغيتوا
بس خلوه
قال امجاد خلاص انا ماخلينا بيوتنا بها الوقت عشان نتشاور بالامر
الامر محتوم رح يجيك مضاعفات وخطر عليك انتي وع البيبي
وسكت
وكلت امري لربي
وبدأ
ضرب الابر بظهري
بدت رجولي تتخدر
ارفعوا الستاره قدامي
وبدوا
ومابي احكي اكثر
ولاابي اتذكر ايام الذل الي عشتها
بكر واتفاجئ بكل هالامور
ولان حالتي بعد العمليه انتكست
عشان كذا تنومت بعد العمليه اسبوع واكثر
وكنت ممنوعه من الزياره كنت تحت الملاحظه
وماشافوني هلي وزوجي الا بالايام الاخيره
والحمدالله ع كل حال
وهذي قصة ولادتي
الاولى
بطفلي الاول
وجبت ولد
وياارب يحفظه
هو الان بالحضانه
ويارب يفرح قلبي برجعته لي
ياااااااااارب