|
تعبانة نفسياً
السلام عليكم ورحمة الله وبركاته
كتبت لكم قصتي من فترة اني ولدت بالشهر السادس وطبعا البيبي ما عاش الحين تعبانة مرة وأفكر بكثير امور صار لي من ولدت 17 يوم وحاسة حالي مخنوقة .. مو معترضة على حكمه ربي لكن خايفة أن هالتجربة تتكرر معاي وبنفس الوقت ابي احمل بسرعة ما أقدر اتحمل اكثر ... كنت وايد متعلقة بالبيبي وخصوصا لما عرفت انه ولد فرحت كثير وكنت اتخيل نفسي احظنه واحمله وارضعه واشم ريحته... كنت انظر اخلص امتحاناتي وابدء أجهز له وأمر محلات الاطفال واحلم في هالملابس والاشياء ... كله صوب ويوم ينزل من صدري الحليب اقعد اصيح مافي بيبي يشرب هالحليب لكن ربي اخذ امانته لك الحمد والشكر يارب... تعبانة ابي احمل هذا الحل الوحيد الي احسه بريحني والي اجوفه ان محد مشجعني احمل الحين يعني لازم انتظر على الاقل كم شهر ... انا حاسة اني ماراح ارتاح إلا لما أحمل مرة ثانية .... ولكن أفكر هل بكون ولد مثل ماتمنيت هالشي مو بيدي طبعا... وهل ما بتتكرر التجربة ... والله حتى الشيب طلع لي ولا آكل ولا أقدر اقعد مع احد وكله تعبانة نفسياً طمنوني شنو أسوي؟؟ في وحدة حملت بعد النفاس ؟؟ شلون احاول أن يكون ولد يعني تجاربكم الناجحة؟؟ وفي الاخير أدعوا لي بدعوات صادقة من القلب ربي يطمني ويشرح صدري ويرزقني وياكم من خيره ونعيمه ياااااااااارب |
رد: تعبانة نفسياً
الله يعوضك والحمد لله ع سلامتك الحمد لله ع قضاءة وقدرة اهم شئ انك طيبة ولاتتعبي نفسيتك تراها بتزود معاناتك انا اجهضت وكنت نفس حالتك فرحانة وافكر بجهاز البيبي وكل حاجة نحلم بضمة بحنان لكن كل شي يصير مكتوب لنا الله يصبرنا
اما عن الحمل اتوقع مافيها شي ربي يرزقك بولد صالح حافظ للقران |
رد: تعبانة نفسياً
شكرا اختي على الرد ودعائك لي
|
رد: تعبانة نفسياً
بكرة انشاء الله ربي يكرمك ويكرمنا وطتفش منهم تخيلي حالك بعد 5 و6 و8 سنين ويكون عيالك حولك لتفكري فلي راح فكري في بكرة ياقلبي
|
رد: تعبانة نفسياً
اقتباس:
الله كريم ويرزق كل محرمة يارب |
رد: تعبانة نفسياً
الله يعوضك ياقلبي ....
ويرزقك بالولد الصالح السليم المعافى يااااااااارب ... خلي املك بالله كبير ولا تيأسي من رحمة ربك .. |
رد: تعبانة نفسياً
شكرا اختي البتول أملي بالله كبير جدا هو الرزاق المعطي وان شاء الله راح يرزقني
|
رد: تعبانة نفسياً
حبيبتي انا حاسه فيج انا كنت بالثالث اجهضت وجلست افكر
مو انتي بالسادس الله يكون بعونك بس انا اقول انتظري شوي عشان ظهرك يصير قوي شوي وبعدها احملي وصح ما راح تنسين الا بعد ما تحملي وانا حاسه فيج والله يرزقج يالغاليه |
رد: تعبانة نفسياً
ماعليك من الى مايشجعونش
اهمشي الاطباء يقولون لك عادي تحملين وخخلاص واذا سالتك بنتك جاوبيها خلاص هي كبيرة لازم تفهم ان في موت وفي حياه وان الله ياخد الامانه ولازم تعرف ان البيبي خلاص راح قولي لها الله اخده راح الجنه خلاص مابيجي لينا ومن هدي الامور بس لازم تفهميها لحد ماتستوعب والله يعوض عليك |
رد: تعبانة نفسياً
اقتباس:
|
رد: تعبانة نفسياً
لا تحاتين حبيبتي ربي بيعوضج بتوأم ان شاء الله ..
وان شاء الله تحملين وتولدين بسلامه حبيبتي .. |
رد: تعبانة نفسياً
اقتباس:
استغربت من كلامها تقول انتي مثل الي والدة وعندها رضيع معقولة سنة حبطتني عدل hwaml79 بس بعد الاربعين بروح لدكتورة ثانية وان شاء الله خير وبنتي حاولت اقول لها ماحسيتها تتقبل كانت نتنظر مثل ما أنا أنتظر .. الله يكون بالعون... مسكينة آخر مرة قلت لها البيبي راح عند الله تقولي ليش انتي سويتي شطانة والله اخذاه منك ؟ ماعرفت ارد عليها ... بس قلت لها انتي دائما ادعي ان الله يعطينا بيبي ثاني ... والحين كل ماتشوفني تقولي ماما انه قلت لله وايد كل يوم للحين مافي ببطنك بيبي .. عشان جذي اتمنى احمل بسرعة عشان ماينكسر قلبي كلما اجوف هالبنت وان شاء الله ربي مابخيب دعائي ورجائي |
رد: تعبانة نفسياً
اقتباس:
|
رد: تعبانة نفسياً
اللة يعوض عليك يا الغالية الحمد للة على كل حال ماتعرفين الخييرة وين اللة يخلى بنوتك يرزقنى انا وياج مع بعض انا بعد اجهظت بل ثالث كان ولدى كل يوم يسلنى وين النونو كنت اقول اللة وداة على الجنة ان شاءاللة يوم بروح الجنة بنشوف الغالية لا تعبين نفسيتج ترا اذا تميتى على هل حال ماراح تحملين (اللة سبحان يقول عسا ان تحبو شي ان وهو شر لكم ) بس انتى ريحى حال اللة ماينسا عبدة واللة هو الرزاق اللة يرزقج ان شاء اللة
|
رد: تعبانة نفسياً
الله يعوضك خير يا رب
|
رد: تعبانة نفسياً
سلااااااااااااااااامتج يالغلااااا
|
رد: تعبانة نفسياً
اقتباس:
الحمد لله رب العالمين ... الحين انا وايد احسن وكل مايصير لي شي حلو اقول هذا تعويض من ربي مانساني ان شاء الله ياختي نحمل انا وانتي وكل المحرومات ومشكورة على ردك وخواتي كلكم مشكووووورين عسى ربي يحقق لكم أمانيكم |
رد: تعبانة نفسياً
الله يعوضك فيه خير..
|
رد: تعبانة نفسياً
مشكوورة اختي ... ان شاء الله يعوضني
|
رد: تعبانة نفسياً
الله يعوضك ان شاء الله عن ما فقدتي قريباً بإذن الله وكلي امرك لله،،
لله حكمه في تصريف الامور |
| الساعة الآن 10:00 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .