|
كملنا 9 شهور وزوجي مادخل علي لحد اليوم
السلام عليكم خواتي .... انا مسجله في المنتدى من زمان وكل يوم افكر اكتب لكم مشكلتي واتردد......كنت اتمنى ألقى حاله شبيهه لحالة زوجي واكتشفت اخيرا انه شي نادر وعمري ما سمعت قبل بهالحاله.... اتمنى انكم تساعدوني وتفكرو معاي ايش اسوي.... انا اعرف مشكلة زوجي واريد حل لاني احس انه في شي ناقص في حياتنا واللي ممكن يقرب مشاعرنا لبعض اكثر. للعلم زوجي طيوب وحبوب و يحبني كثير زوجي ما قرب مني غير مره وحده وهو يوم العرس, حاول يلمسني بس وما وصلنا لبعيد وانا كنت اتغلى وصديته بدلع وبصراحه كنت افضل انه يكون اليوم الي بعد العرس لاني كنت تعبانه من زحمة العرس بعد كذا ما قرب مني مره ثانيه ولا حاول يعمل اي شي. تخيلو زوجي الي احبه ويحبني عمره ما حضني وعمره ما باسني ولا حتى حاول , في بداية الايام كنت انا اتقدم واحاول معاه ويصدني شي يقهر ودايم يتحجج انه مشغول وتعبان. حتى النومه صرت انا الي اقترب منه وانام جنبه صدقوني اني كلمته وانا هاديه وانا معصبه المح واجيبها بعدة طرق ومن غير فايده... كل مره يقولي ان شاء الله قريب. ايش اسوي ساعدوني ومنتظرة مشورتكم |
رد: كملنا 9 شهور وزوجي مادخل علي لحد اليوم
لا حول ولا قوة إلا بالله والله حبيبتي لسا من كم يوم أنا كاتبة موضوع عكس موضوعك تمام عن صديقة لي متظايقة من كثر ما زوجها ييجيها ...
صدقيني رح بخليها تقرأ موضوعك بلكي تحس إنها بنعمة... أما بالنسبة لك حبيبتي والله ما أعرف شو أقلك ... انتي متأكدة إنو ما عند زوجك مشاكل ("أقصد جسمية") تعورو عن الجماع ... إذا متأكدة خليك حلوة معا وتدللي وتزيني وما بظن رح يقدر يقاوم ... ما في رجال يقدر مع اللبس والميك و العطر يقاوم ... وإذا عنده مشاكل ترى لا تخافين الحلول صارت كثيرة ... الله يوفق بينكم ويسخرلك زوجك يا عمري |
رد: كملنا 9 شهور وزوجي مادخل علي لحد اليوم
مشكوره عالرد حبيبتي
الله يساعد صديقتك ويفرج عنها ان شاء الله بس فرق بين الزوج الي يجي زوجته اكثر من مره في اليوم وفرق بين الي ما دخل على زوجته.... انا لسه عذراء لحد الحين اكشخ واتعدل واكون بأحسن مظهر ودايما ريحتي حلوه وكل هذا ما يحرك فيه شعره , الشي الوحيد الي تخليته عنه هي بيجامات النوم العاريه |
رد: كملنا 9 شهور وزوجي مادخل علي لحد اليوم
الله يكوون بعوونج [‘ ]يا الغلأأ
كل يوم استخيري وربي يبعد عنكم كل حسد |
رد: كملنا 9 شهور وزوجي مادخل علي لحد اليوم
الله يفرج همك يا غاليه
والله شي صعب بس ما عندي فكرة عن الحل انشالله تنحل عن قريب يا رب |
رد: كملنا 9 شهور وزوجي مادخل علي لحد اليوم
الله يفرررج يهمك يااقلبي والله وضعك صعب مررة
اكيد زوجك عنده مشكلة مثلا ضعف جنسي اوو يمكن عيب خلقي لا تسكتين صاارحيه ياايشرح لكي الووضع او يطلقك واكديله انك بتوووقفين معااه بمشكلته ومااحد يدري فيهااا خليه يثق فيك صعب تجلسين عمرك كله معاااه مثل الاخوان |
رد: كملنا 9 شهور وزوجي مادخل علي لحد اليوم
لا اله الا الله ربى يفك كربك اللهم امين
|
رد: كملنا 9 شهور وزوجي مادخل علي لحد اليوم
الله يسلم كل وحده ردت علي ودعتلي من قلبها
كلمته كثير ولما اكلمه يرتبك شوي ويقول انا بجيك بنفسي من غير ما تتكلمي وصارلي اكثر من ثلاث شهور ساكته لحد يومنا هذا..... من كثر ما صبرت وانتظرت صرت ما اتوقع شي منه وفعلا ما يصير شي |
رد: كملنا 9 شهور وزوجي مادخل علي لحد اليوم
انا رايي نفس الي قالته اختي الوان الحياه لازم تحطين حد
والله تسعه شهور مده طويله جدا انا اعرف وحده كان زوجها مثل زوجك مايقرب منها واذا لبست له لانجري زعل منها وفي النهايه طلع شاذ وطلقها بعد سنه وكم شهر من الزواج وهي لسه بنت مثل ماهي انا ماابغى اخوفك يمكن زوجك عنده مشكله اوضعف لازم تحسمين الامر وتتكلمين بكل جد واذا مااستجاب دخلي اهلك في الموضوع والله ييسر لك يارب |
رد: كملنا 9 شهور وزوجي مادخل علي لحد اليوم
حورية البحر الله يسعد ايامك وييسر لك امورك
ممكن يكون عنده ضعف جنسي لكن شاذ لأ لانه انسان متدين ويعرف ربه ولكن ضعف جنسي لدرجة انه ما يدخل علي ولا حتى يحاول لمدة 9 شهور هذي صعبه . تعرفي انه دايما يكلمني عن اولادنا وكيف نربيهم وكيف نتفاهم معاهم وعنده فكره عن المستقبل لعيالنا. أنا مافيني عيب والحمدلله بس كيف اكلمه من غير ما اكسر رجولته الي هي اهم شي عنده |
رد: كملنا 9 شهور وزوجي مادخل علي لحد اليوم
ياحبيبتي ..مدري اش اقولك .. يبغالك أسئلة خاصة حبتين ..
ما قلتي لأحد طيب .. ام .. او زميله مقربه متزوجه .. انا عرفت وحده زوجها 10 شهور ما جاها ..ما ابغا اخوفك .. فيه محاولات بس يائسة .. وعشان خصوصية الموضوع استحت تقول .. صبرت .. وعشان يحبها وكذا سكتت ... وصارت مره بالعسل ومره بالاغراء .. بس في الاخير .. اكتشفت انه يتعاطى.. وانه فيه نوع من العجز البسيط .. واخرى قريبة لزميلة .. صدها زوجها يمكن ثلاث شهور .. وهو من عائلة ملتزمه جدا ومحافظه .. عرفت عائلتها واخبرت عائلته من خلال اخ او اب ناسيه والله .. بس بقراءة القران والشيوخ .. رجع لها والان لديها بنت منه ..والحمد لله .. الاثنتان متعلمتان .. وجميلات .. وحاولوا ..بحياء لكن لم يكن فيه تحسن ... انتي شوفيه عضويا في خلل معين .. وراقبيه نفسيا فيه اي اضطراب .. شوفي مشاعره تجاهك جنسيا .. اختبريه .. بس لا تسكتين .. مو معقول اخوان في بيت واحد وهم ازواج .. طمنينا عنك .. وبشرينا .. وبحول الله محلوله .. |
رد: كملنا 9 شهور وزوجي مادخل علي لحد اليوم
اختي في عيون زوجي الله يخليك يارب عالرد اللي برد قلبي لاني موالوحيده بهالوضع وفي نفس الوقت احس اني عاجزه عن مساعدة زوجي.
اختي وصديقتي يعرفو بالموضوع واثنينهم نصحوني اكلمه لكن الكلام جربته وما نفع وقالو عنه شاذ.... تضايقت شوي وما رجعت فتحت الموضوع مره ثانيه . ما اريد اتعمد بالكلام كثير لكني ما شفت عورات زوجي ولا اقدر احكم من هالناحيه. صعب علي بعد اني اكلم اهلي او اهله هذا بالنسبالنا موضوع كبير وما اريد زوجي يزعل مني |
رد: كملنا 9 شهور وزوجي مادخل علي لحد اليوم
والله مدام يكلمك عن العيال ونفسه يجيب ويخلف .. فيه امل ولا اعتقد شذوذ ..
طيب خلك من الكلام .. اتركي الكلام .. 9 شهور مو حق كلام .. وانتي جربتي ..وكلمتيه ..ولا نفع لا بل احسك احرجتيه ولا حلتي شي .. الان شوفي الفعل .. شوفي ردود افعاله تجاهك .. البسي .. وتعطري .. وتغنجي .. وشوفي وش ردة فعله .. من خلال جسمه .. بيبان لك ..ومن خلال وجهه .. يعني قالتها لك وحده من البنات .. الرجال ينهز من هالشي .. وتثير عندهم غرائز واحيان اشياء تافهه ما تتوقعين .. وعشان كذا اقولك راقبيه عضويا .. لا يكون عنده عجز بسيط ..او صعوبة انتصاب او شي من هالقبيل .. اقري في النت عن هالمعلومات .. تلاقين كثير اسباب وكثير حلول .. ودايم خليك وراه .. احرجيه طالما نيتك تساعدينه وانتي تحبينه .. ووفري له الجو اللي يساعده وفي مساعدته مساعده لك انتي بعد .. ترا مافيها حياء ولا كرامة .. انتو زوجين .. وجربي اقترحي تروحين دكاتره .. تناسلية .. ونفسية .. وشيوخ .. وقولي له انا معاك .. منيتي انك تلاقين حل يعلم الله .. لا تيأسين واطرقي كل الابواب .. وباب الله اول باب .. لا تنسين .. موفقه يا غلا .. |
رد: كملنا 9 شهور وزوجي مادخل علي لحد اليوم
حبيبتي الله يكون بعونك عموما أتوقع زوجك عندو مشكلة معينة ضعف أو عجز بسيط مثلا وقاعد يعالجها لأن قال قريبا ان شالله يعني ممكن قاعد يعالجها ومايبغى يقولك محرج أو شي
وأتوقع لما قرب منك أول يوم وصديتيه يمكن كان يحاول ومالقى نفسو قادر وبعد وماحاول مرة تانية إلا بعد مايتعالج |
رد: كملنا 9 شهور وزوجي مادخل علي لحد اليوم
الله يكون في عونك
|
رد: كملنا 9 شهور وزوجي مادخل علي لحد اليوم
متابعه للقصه حبيت ادعيلك من كل قلبي
الله يفرج همك ويسر امورك يارب ويشفي زوجك عجلن غير اجل امين |
رد: كملنا 9 شهور وزوجي مادخل علي لحد اليوم
الله ييفرجها عليك ...
9شهور ابدموعادي اذا مافيه عيب جسمي ولاشي فلاتستبعدي يكون احد عاملكم عمل الله يكفيكم الشر والله من رايي يااختي لاتسكتين ع هالموضوع الين تعرفين السبب هالشي موطبيعي دعواتي لك ربي يسخر لك زوجك ويفرج همك |
رد: كملنا 9 شهور وزوجي مادخل علي لحد اليوم
اهلين اختي الله يفرج عليك
اكيد زوجك فيه شي انا اعرف ان فيه بعض الرجال يرتبكون ليلة الدخلة ويصير عندهم عجز جنسي بس مو مرض شي نفسي يعني يروح مايطول اسبوع اسبوعين بالكثير شوفي انا من راي سوي ليلة رمانسية وصارحي زوجك وقولي انا سترك وغطاك اذ فيه شي قلي وان شاء الله اصبر معك لين تتشافا وانا احبك وما رح اتركك 00000 وحسسيه انك تحبينه وتخافين عليه |
رد: كملنا 9 شهور وزوجي مادخل علي لحد اليوم
حبيت من كل قلبي اني ادعي لك
والله 9 شهور مو مده قصيره طويله بالحيييل انتي تقربي منه حاولي انك تحسسيه بأنش تحبيه وتبي تجيبي اولاد منه وحاولي فيه انه يصارحش لاتسكتي عن الموضوع اختي لان بعدين ادا طالت المده يمكن اهلش واهله يتكلموا <<< ما فيه شي بالطريق بعدين انتي وش بكون موقفش والله يعينش ويفرج همش يارب وطمنينا عنش |
رد: كملنا 9 شهور وزوجي مادخل علي لحد اليوم
صبآآح الخير
الله يعينكـ ويصبركـ انا عكسكـ طفشت ومليت وابي ارآحه مافي رآحه آبد شرآيكـ تبآدليني ههههههه آمزح امزح حاولي تتفهمين معه بسلوب او تخلي احد كبير وفاهم يتدخل بينكم لان فتره 9 شهور وماقرب منك صعبه |
رد: كملنا 9 شهور وزوجي مادخل علي لحد اليوم
يمكن لانك صديتيه خايف عليك اعرف وحده سنتين زوجها مالمسها لانها كل مايقرب تخاف
بس يمكن زوجك خايف تتالمي لانك صديتيه من البدايه طيب لو لبستي له قصييييييييييير حيييل او مخصر او شفاف ماتحسي ملامحه تتغير لان يبين من الملامح ومن العيون طيب وعلى الحضن حتى مايضمك طيب سوي نفسك مخترعه من شيء معين واركضي في حضنه ههههههه فلم هندي بس عن جد تفيد اكيد بيضمك وعليك بملابس النوم الحرير او الشفافه وخليك ناعمه مكياج هادي الى ابعد الحدود وشعر مستشور وعطر ناعم او خليه يشوفك وانتي تتحممي انسي الباب مفتوح شوي وتعمدي تنسي اغراضك برة وناديه يجيبها لك وخليه يشوفك وانت مبلله اكيد بينثار مو معقوله ماينثار كدا يبي لك تصير عندك شوي جرءة عشان تحلي المشكله واسفه على الكلام الى كتبته بس اضن انه دام يحبك ومعاملته معك حلوه مافيه شيء بس مو متشجع حاولي تتقربي منه انتي واذا قال لك وقت ثاني قولي له الحين |
رد: كملنا 9 شهور وزوجي مادخل علي لحد اليوم
انا اقدر اساعدك بعد الله بعده طرق الاولى ممكن زوجك مريض جنسيا يعني عنده برود جنسي وهذا له علاج وممكن صارلت له حاله من يوم العرس وممكن اشياء ثانيه انا اتمنى انك تساليه او تراجعي دكتوره بعد طبعا المحاولات انك تدخلي عليه بدون ملابس وتتعطري وانتي عارفه وش نسوي حن اذذا جينا ندخل على ازوجتنا المهم ما اطول عليك سوي الي قلتلك وبعدين ردي علي ع الخاص وانا اقولك الخطوه الثانيه لان اعرف زي حالتك كذا من قبل؟
|
رد: كملنا 9 شهور وزوجي مادخل علي لحد اليوم
الله يسخرلك زوجك ويفرج همك ويسعدكم ياااارب
ان شا الله مشكله ومحلوله لاتخافي حبيبيتي كثييير حصل معاهم نفس الشي ان كان يتعالج اصبري عليه وخليكي جنبه وشجعيه ولاتبينين له انك محبطه او مصدومه فيه شجعيه بالكلام والفعل دايما احضنيه وسلمى عليه وقوليله انك معاه لاخر المشوار وان شا الله الله يعافيه لمن لو ماكانت عنده مشكله مرضيه وبيتعالج منها فممكن يكون حسد او عمل الله يكفينا ويكفيكم الشر فلازم يروح لشيخ وان كان يتعاطى لاقدر الله فهنا الحل بيدك ولازم اهلك يعرفو خصوصا ابوكي او اخوكي الكبير اللي تثقي فيه والله يوفقكم للخير |
رد: كملنا 9 شهور وزوجي مادخل علي لحد اليوم
موطبيعي جذي حاولي تعرفين الموضوع منه واتكلمينه وتفهمين ليش جذي ؟!!
وانتي توه 9 اشهر متزوجه يعني يوميا لازم يكون معاج ههههه في جم سبب يمكن يحب وحده !! لوول ويمكن فيه عجز جنسي ويمكن انتي مو مهتمه بنظافتج اسفة اقول جذي لاتتضايقين بس موطبيعي زوجج مايسوي شى معاج 9 اشهر حتى مايحضن حتى الي عنده عجز جنسي مايكون جذي انشالله تنحل مشكلتج بس لاتسكتين عن الموضوع اهتمي وانشالله مافي الا الخير مووووفقة قلبو |
رد: كملنا 9 شهور وزوجي مادخل علي لحد اليوم
انا اتوقع ان زوجج يبيله دكتور نفساني
او انتي تكلمين دكتوره نفسانيه وتستشرينها الله يعينج بس غريبه شلون متدين وهذي الي يعمله |
رد: كملنا 9 شهور وزوجي مادخل علي لحد اليوم
الله يفرجها عليكي ياقلبي والله ادعيلك من قلب يااختي
يمكن عندو ضعف جنسي ياختي انتي لازم تصرااااحينوو ياقلبي والله حراام يعني 9 شهور ماقرب منك الله يكون في عونك انتي لازم تتفاهمين مع زوجك بهدووو وعقلني الله يوفقك ويسرامرك ياغلاااتي والله راح ادعيلك من قلب الله يفرجها عليكي تقبلي مروري |
رد: كملنا 9 شهور وزوجي مادخل علي لحد اليوم
انا والله خايفه عليكي لاتكوني محسوده
حتى لو كانت ريحتك حلوه وشكلك فاتن ترى زوجك يشوفك بصوره ثانيه وبريحه يكرهها اقري على نفسك وعليه كل ليلة بدون لايدري وشوفي في تغير اولا |
رد: كملنا 9 شهور وزوجي مادخل علي لحد اليوم
يارب يحل مشكلتك واعتقد افضل حل هو ان تقنعيه يراجع طبيب نفساني ان ماكان عنده مشكلة جسمانية
|
رد: كملنا 9 شهور وزوجي مادخل علي لحد اليوم
شوفي اختي لو المشكة عند زوجك مشكلة قذف اذا مشكلة جسدية
لو المشكلة عند زوجك بالانتصاب اذا مشكلة نفسية ... حددي شو صار بالزبط ... اذا سمحتي ............وبعدين يف قادرة تصبري ربي يكون معك ....... لازم الصراحة بينك وبينه |
رد: كملنا 9 شهور وزوجي مادخل علي لحد اليوم
اجلسي معاه جلسه حلووووووووووووه وهاديه وقولي له مستحيل اتخلى عنك بس انت صارحني عشان اوقف معاك وقولي ماراح اخليك لين تتكلم معايه ترى المده اللي قضيتوها ماهي بسيطه اكيد زوجك عنده مشكله وخايف يقولك بس لازم تتكلمين واختاري الوقت المناسب وااله يجمع بينكم يارب وطمنينا\\\\\
|
رد: كملنا 9 شهور وزوجي مادخل علي لحد اليوم
صعبه جدآ جدآ 9 شهور وإنتي لسى عذرآء
مـآفي حل إلآ إنك تصـآرحينه أو تروحين مستشفى ويقوم بالتحـآليل .. أختي لآتسكتييييييييييييييييييييييييييييين .. |
رد: كملنا 9 شهور وزوجي مادخل علي لحد اليوم
الله ييسر امرك ويفرج همك ويسخرلك زوجك عااجل غير اجل --ويرزقك ويخليك لزوجك ويبعد عنكم الشر
\\ |
رد: كملنا 9 شهور وزوجي مادخل علي لحد اليوم
ان شاء الله خير ربي يوفقك
كل وحده حللت ع حسب رؤيتها بردود وانتي ادرى بلي بينكم من وجهة نظري ممكن يكون عندهـ مرض ياعضوي او السكري ترى السكري شفت مره مسلسل عنه وحده عندها نفس مشكلتك مع زوجها بنهاية راح تعرفين بلمصارحه معاهـ ربي يعينك صبرتي 9 شهور لاتستعجلين امشي معاهـ لين يتكلم ربي يجمع بينكم ع كل خير يارب |
رد: كملنا 9 شهور وزوجي مادخل علي لحد اليوم
الله ييسرامرك ...لازم تقرين يمكن احد عينةعليك وحاسدك
9شهور كثييييير يعني المفروض انك حامل ماراح ننساك من صالح الدعاء |
رد: كملنا 9 شهور وزوجي مادخل علي لحد اليوم
بصي ياستي انا هاحلك المشكله
انتي قوليله انا مشتركه في منتدي حوامل والبنات اللي في سني معظمهم حوامل وكده انا نفسي في بيبي جبيها من ناحية الخلفه طالما انتي مكسوفه تقوليله قرب مني كده تبقي فاتحتيه بس بشكل مستتر قوليله انك بتحبيه ونفسك تحملي منه واسأليه انت مش حابب تكون اب ؟ يعني داري الموضوع في حكاية الحمل وهو اكيد هايرد ومن هنا افهمي ايه مشكلته انا مش مصدقه انك ماتكلمتيش معاه لغاية دلوقتي يابنتي ده جوزك يعني اقرب الناس ليكي وبعدين دي حاجه بتقرب جدا مابين الزوجين وكمان عشان تحملي ولا ايه ارجوكي اتكلمي معاه بصراحه موضوعك بجد جذب انتباهي حاولي وردي علينا مافيهاش حاجه تكسف يابنتي ده حقك ساعديه واقفي جنبه وان شاء الله هيتعافي وكمان كام شهر نبارك لك علي الحمل يااختي |
رد: كملنا 9 شهور وزوجي مادخل علي لحد اليوم
والله شيء غريب طيب حتى ليييش مافي بوس حضن غريبه والله شيء غريب مرررره اكييييد فيه شيء ولازم يتعالج من بدري لازم وخليه يصارحك حتى لو فيه شيء وقفي معاه الين يتعالج وساعديه
|
رد: كملنا 9 شهور وزوجي مادخل علي لحد اليوم
حبيبتي حتى لو في مرض جسمي ,,,,,ضعف جنسي ,,,,,,,اقلها يعطيك بوسه
انا اقول شغلي سورة البقره بالبيت يوميا وايات الرقيه الشرعيه ((زوجك اعتقد والله اعلم معيون او محسود او والعياذ بالله مسحور ))الرقيه في مسجل بالذات وهو موجود بالبيت شغليها وسورة البقره كامله وحاولي كل ما طلب مويه اقري فيها واعطيه ويفضل تكونين على وضوء بس لايدري انك تقرين فيها ,شوفي تصرفاته لاتقولين متدين مستحيل لا حبيبتي العين للكل متدين والغير متدين وياااااارب ييسر امرك يالغلا ويقرب منك زوجك ياااارب |
رد: كملنا 9 شهور وزوجي مادخل علي لحد اليوم
حبيباتي مشكورات عالرد وعلى كل نصيحه كتبتوها
انا حاولت اعمل كل شي اقدر عليه ... كلمته بهدوووء وكلمته بعصبيه ومرات كنت اهدد واخر مره كلمته فيها كان بهدووووء وفي وقت مناسب جدا وكنا رايقين وكان رده انه بيصير هالشي قريب ولا ترجعي تحكي عن نفس الموضوع... خليته على راحته يشوف الوقت الي يريحه. انتظرت كل مناسبه وكل اسبوع وكل اجازه واكون جاهزه من كل النواحي دايما والبس كل شي حلو عندي واتعطر واهتم بنفسي وكل شي والله يا بنات ولليوم ما صار شي. لما سافرنا شهر العسل كنا كأننا في رحله مع الجيش...من اول يوم نصحى من الفجر نتمشى ونرجع ننام مبكر... نتغدى نتعشى ونضحك ونلعب عادي مثل اي اخ واخته وغير عن كذا ماشي وصح وكان يمسك ايديني ونحن ما شييين وطبعا انا الي بديت بهالشي.في نفس الفتره هذي قلتله انه نفسي احمل على طول واجيب بيبي وقالي اليوم ان شاء الله وانا فرحت ... اول ما وصلنا الفندق نام لانه تعبان في اليوم الثاني سألته قالي لما نروح الجزيره ... رحنا ورجعنا ولا صار شي وسالته مره ثانيه قالي لما نرجع البيت يكون مرتاح اكثر ... قبل ما نسافر جلسنا يومين في بيت اهله ونحن ساكنيين فيه لحد اليوم وسالته قالي ما يحب بالبيت لانه يخاف حد يسمعنا وعشان الدم .... كانت حججه كثير ه والله وانا الحين تعبت لاني اذل نفسي... ما اقدر اذل نفسي اكثر من كذا واطلب شي هو ما يباه ولا يفكرفيه.... الرجال يصدني كثييير وهالشي يجرحني كثي وكنت ابكي كل ما يصدني والحين عزت علي نفسي اني اقترب ولا حتى احاول ... عشان كذا بغيت مشورتكم بطريقه ماتخليني اتنازل عن كبريائي واحترامي لنفسي... |
رد: كملنا 9 شهور وزوجي مادخل علي لحد اليوم
Nina
اختي انا اتوقع يكون زوجج مع سر ويخاف يقوله لج حاولي معه اكثر من مرة وصارحية انج تفكري بطلاق اذا مصار شي لا تخلي الوقت يمر عليج ويروح عمرج مع واحد يرقد معج مثل الاخ لا ماحد يرضاها على نفسة صارحية وخليج جريئة اذا صدق بيحبج راح يصارحج وراح يقول لج اللسباب اللي منعته الله يكون بعونج يااااااااارب |
رد: كملنا 9 شهور وزوجي مادخل علي لحد اليوم
أخت العرب.... سالته مرات كثيره وما يعطيني سبب مقنع وبصراحه الطلاق علي صعب لاني احبه ويحبني ... وعلى فكره هو يرضيني في كل شي ويحترمني .... اللي افكر فيه الحين لاني تقريبا صرت في مرحلة اليأس اني اكمل معاه مثل ما نحن وانسى الموضوع...
مرات افكر بتفكير الناس الكل راح يفكر العله مني واني ما اجيب اولاد... وبعد افكر لو كان هو بمكاني اكيييد كان بيفضل الولد عني وبيتزوج وحده ثانيه.... |
| الساعة الآن 09:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .