|
خوآآت زوجي !!!
السلآم عليكم ..
أنـآ متزوجه لي سنه وشهرين وساكنه بشقه بحوش ببيت اهل زوجي يعني تقريبا نفس البيت بس لي مطبخي وبيتي وأنـآ أهلي بالرياض وأنـآ بجده وعمري قبل مـآ أتزوج ما زرت جده ولآ أعرف أحد فيهـآ غير بنت خالتي متزوجه يعني أعتبر نفسي عايشه بين غربه أول الأيام والشهور كانو خوات زوجي مررره طيوبات وعسولآت بعدين بعد 8 شهور من زوآجي رحت عند أهلي عشان بولد وخلصت الأربعين وجلست 3 شهور عندهم وكل شوي يدقون متى بتولدين عشان تجين هو الشغله بكيفي وحتى لما ولدت صار يدقون مو لآزم تكملين الأربعين إقدي إسبوعين وتعالي بس ما علي من هم أهم شي زوجي قتله بخلص الأربعين وبجي قالي عادي ورجعت إلآ ثنتين من خوات زوجي متغيرات معي وأنـآ مو شاكه ولآ حاسه متأكده حتى حمـآتي متغيره معي اول ماشافو ولدي يوم جيت من المطار قامو يفتشوه ليه وجهه محبب وليه ينزل الحليب من فمه وش نوع حليبه وليه وليه كانهم يلمحون إن أهلي مسوين لولدهم إللي هو ولدي شي حتى قالولي غيري الحليب وكريم الحفاظات وكنت جايبه معي قطر حق المغص غيريه وخلوني أروح المستشفى عشان تغير الحليب وكريم الحفاظات مو وآثقين يحسبون أهلي جايبين أي شي مو زين وولدي يحب يناظر فوق يعني عيونه فوق جت وحده من خوات زوجي قالت أكيد خواتك فوقه شوفي وش صار لعيونه يخاف كثير أكيد خواتك يخوفونه مايحب اللف عودتيه ماتلفينه ليه عنده مغص وش شربتوه يوم قلتهم شمار ويانسون زعلو قالو مايصير بهذلتو الولد شاكين إن أهلي مـآقامو بولدهم للعلم عندي 2 خوات صغار و4 كبار وانا أحبهم ويحبون الوناسه وتعودت معهم احب الناسه وخوات زوجي بس بينهم يتونسون وأنـآ غريبه بينهم بس أسولف مع حماتي حتى الختان شافت حمـآتي قالت مجرح أهلك وين ودو الولد وين ختنو له ليه أهملتوه وانا ساكته بس أبتسم وصارو كل شوي وحده تجي الشقه جيبي الولد بس لبسيه ونظفيه وشربيه الحليب يهتمون بالولد وابوه ولآ يفكرون فيني طز فيني تعبانه ولآ مـآ أكلت ما يسألون أبد وأنـآ مالي أحد حتى إني مـآتعودت عليهم ولآ أضحك ولااسولف معهم كثيير مـآ كأننـآ بنات زي بعض هم 4 ثنتين يدرسون بمعهد ووحده تدرس بالكليه والثانيه دكتوره بالجامعه وهذآ اول حفيد لهم وبعد أول حفيد لأهلي وإللي يقهرني حتى لوجلست معهم ويسولفون ويضحكون قلت شي سمعوني وسكتو يعني ما يعطوني وجهه كأني مو موجوده صح فيه 2 عسل معي ويسولفون ويضحكون يعني تعاملهم معي حلوو وثنتين حتى إبتسامه مافيه يعاملوني كأني غريبه معهم مدري ليه وحماتي اليو م إللي مـآ أطبخ فيه تكشر وتجي اليوم الثاني تقول لآزم تأكلين ولدي إللي هو زوجي مـآيصير رجال مايعقد بدون أكل وأنـآ كل يوم أطبخ آآسفه طولت عليكم بس هذي مشكله مو مرتاحه ابد حتى الولد عزوز يبون يأخذونه وهو رآيق وإذآ بكى جابوه مو ولدهم ويتحملونه حتى إنه زوجي ينام بدري يدآوم الساعه 6 الصبح ويرجع الساعه 6 المغرب ولآزم يجي والغدى جاهز وساعات ولدي مايصحى إلآ الصبح ويظل لين العصر وأنـآ اطبخ قلت بوديه عندهم بس نايمين لآنهم يسهرون بالليل قالي زوجي وديه عندهم لآنهم يسهرون وإنتي نامي وإذآ جيت بروح دوآمي بيجبه عندك المهم تنامين كم ساعه وديته يوم ونمت وشوي يدقون على جوالي تعالي خذيه ليه مايمسكونه هم صاحيين لين الفجر انا ورآي قومه لآن الولد بصحى أبد مـآيساعدوني وش أقولكم والله مقهوره ولاقلت لزوجي لآن مـآأبي أتكلم على اهله وأقعد أفتن لآنه وآضح إنه يموت عليهم وأبوه متوفي يعني هو إللي يصرف عليهم مع رآتب أبوه التقاعدي حتى إنه ساعات يبخل علي وعليهم يعطيهم خوآآتي سامحوني وربي مقهور وش أسوي وشلون أتعامل معهم لسى أسستحي وأحس حالي غريبه معهم ومن يوم ماولدت وهم كل شوي يطلعون لي بسالفه كان الولد ولدهم مو ولدي مـآ اهتم فيه ليه وليه وليه ... ساعدوني وش أسوي عشان أرضيهم أنـآمو متعوده أجلس لحالي أحب قعدة البنات لآني تعودت عند خمس خوات أحب امزح وأنكت واسولف أمـآ خوات زوجي مايحبون معي لييه ... أتمنى تكونو فهمتوني لان كلآمي ملخبط ... |
رد: خوآآت زوجي !!!
وين الردود الله يجزاكم الخير والجنه يارب ردو ولوبكلمه أو نصيحه حتى ...
|
رد: خوآآت زوجي !!!
انتي الصح وهم الخطأ ,,
حبيبتي هذا واقع للاسف اغلب نساءنا هيك .. شو بدنا نسوي ؟؟؟ يا اختي اصبري وماصبرك الا بالله .. صدقيني قصتك مكررة في كل مكان وزمان وفي كل جنسية .................... ارمي ورا ظهرك ,,,وربي ابنك ,,وخليه يتعلق فيكي .. وارضي زوجك ......والاهم ربك .................... والله يكون بعونك والله حاسة فيك |
رد: خوآآت زوجي !!!
حركات عادية ومتوقعة الكل يتصرف هيك المهم ابنك و زوجك و ما عليكي باي شي تاني
|
رد: خوآآت زوجي !!!
هلا بك اختي
حياتي عندنا وعندك خير بس ما لك الا الدعاء |
رد: خوآآت زوجي !!!
انا خوات زوجي 4 منهن 2 عسولات 2 الله يستر عليهن ..
خوات زوجي 2 تجرأو يضربوني ويسبوني وزوجي يوم عرف قطع علاقته معاهم .. انا سكت عنهم كلهن متزوجات2 الي ضربوني ما يجون بيت اهل زوجي ابدا .. الحين مطنشتنهن اهم شي زوجي يهتم فيني و حماتي معاي مايهمني حد .. ديري بالج على نفسج .. |
رد: خوآآت زوجي !!!
حبيبتي الله يفرج همك بس بحب اقلك صدقيني
اني كتير بسمع بهيك قصص من الاسباب وبصراحة انه انت متزوجه وهم لا انه انت محاسبه على اقل الامور لانك غريبه وبيكونوا حساسين تجاهك بالنسبه للبيبي انا لما انجبت كانوا دار حماي مو واسعتهم الدنيا من الفرح وبيحو يضل ابني عندهم ولما كبر هلا ما بتحملو يجلس عندهم نص ساعه واصلا ابني مو هادي وكتير حركه.......... فما تستغربي بالنسبه للاندماج معهم على التعويد يعني بس يمر الزمن رح يتعودوا عليك وانت كمان رح تتعودي على طبعهم الان لابد من الاختلاف لانه انتو من بيئه مختلفة عن بعض ......... والله يوفقك |
رد: خوآآت زوجي !!!
الله يفرج عليكي يااختي
|
رد: خوآآت زوجي !!!
يعطيكم أإالف ع‘ـــآـآفيه أنـآ بطنش وأهم شي زوجي يكون رآضي عني ويحبني ويخـآف علي
والولد بيضل ولدي ومـآ أحد رح يهتم له أكثر منه أو بيعرف كل شي عنه أكثر مني أنـآ امه واحس فيه وهم بيكيفهم فوق إللي بيحـآسبهم ... |
رد: خوآآت زوجي !!!
ما قول الا الله يكون بعونك ويصبرك
|
رد: خوآآت زوجي !!!
شوفي حبيبتي انا مثلك بالضبط كانوا يتدخلون بكل صغيرة وكبيرة وللحين يتدخلون وكنت انقهر من حركاتهم بس قدامهم البس افخم لبس واحط اخر صرخات المكياج ههههه و صرت رسميييية لأبعد الحدود وولدي كانوا ليه ماتلبسينه ليه ماتحطين له وليه ليه ليه ؟؟؟ وكنت اسكت لهم وولدي كان ملفوف ويرضع وطبيعي ومافيه شي وفي النهاية ماسكت صارت حماتي والا بناتها يجون يتكلمون اقول اييييييييييه معروفه واقولها بزعل بعد وكأنهم خفوا شوي بس لازم تحملين ولازم يكون لك شخصيتك وبيتك المستقل وخلي تركيزك على زوجك وولدك وشياكتك وبس وغيره لا تهتمين به والله اني صرت اطنننننننش وحتى انا نفس حالتك لي 2 سنتين ولا تضعفين بنفسك ابدآ وانتي ماغلطتي وزوجك لاتدخلينه ابدآ لإنه يمكن يروح يقولهم او يتهمك انك تكرهينهم لاااا خليك عاااديه جدآ وطنشي والله اني اقهرهم بتطنيشي لهم حتى لو جلست بينهم مااتكلم الا في حدود المعقول وماهو ذنب علي الحمدلله لازم تكونين اقوى من كذا وتتحملين وتواجهين بعد لا تسكتين ياحبيبتي تدخلهم بهالطريقه يفتح عليك ابواب ماراح تتسكر ... الله يعين ياروحي ماحد مرتااااح
|
رد: خوآآت زوجي !!!
مشكوره ( تعبنـآ )
والله بجد مطنشتهم ومـآعلي منهم ويسون إللي يسونه بس إلين متى هـآ الأهانه وكأني حشره بينهم خصوصـآ 2 ثنتين مررره مدري وشفيهم حتى غذآ سألتهم كيفكم يجـآوبوني من طرف خشمهم الحمد الله ويمشون ويعطوني ظهرهم ليييييييييييييييييييييه هـآ الكره وش وسوووووووويت وش سويييييييييييت زوجي يمدحهم عني يمدحهم ويقول أم عزوز وأم عزوز أكيد مقهورين ... |
رد: خوآآت زوجي !!!
شوفي حبيبتي انا مثلك والله كأني اقرا سالفتي بالضبط وحتى لما يتصلون فيني يقولون والله كلمنا نسأل عن الحلوين يعني مو عشاني والأدهى والأمر ان بنتي الكبيرة على اسم امهم وهي العزيزة والغالية اما الثانية مايهتمون فيها وسبحان الله هي صارت تكرههم وماتحبهم الطفل يحس باللي يحبه
انت كل اللي عليك ولدك اهتمي بشياكته ولبسه لما تروحين فيه عندهم ولاتنزلينه لهم الا لما تروحين انت معه اقصد لاتعتمدين عليهم في سالفة انهم يقعدون فيه دام انهم سهرانين تخيلي نفسك في بلد ماعندك احد ايش كنت بتسوين اكيد بتسوين كل المسئوليات بدون مساعدة خليك رسمية معهم ولما تروحين عندهم سوي نفسك مشغولة بولدك مرة بتسوين له رضاعة ومرة بتغيرين الحفاض وكذا عشان يحسون انك مهتمة فيه انا اسوي كذا ومو ملحقة من تعليقاتهم السخيفة واحاول اطنش ولااقول لزوجي لانه موذنبه ان اهله معاملتهم كريهه والله يسخرهم لنا ويشغلهم بأنفسهم عنا |
رد: خوآآت زوجي !!!
حبيبتي والله اني انقهرت مررررررررررررره لكن بقولك وريهم العين الحمرا الطيب ماعاد ينفع اساليني اي كلمه يجرحوك فيها رديها لهم بوقتها وما عليك منهم واذا جلستي معهم مدحي باهلك عشان تقهرينهم وخليك رسميه وقدامهم دلعي زوجك ترى ذا الشي يذبحهم وشووووووووووفي كيف بيرجعوا لك
|
رد: خوآآت زوجي !!!
أم ميوري والله انك صاااادقة
دلعي زوجك و بيني حبه قدااامهم وحاولي تشرين اكسسوارات فيها حرفه وميداليتك خليها بحرفه وخلفية جوالك صورته وحاولي من وقت للثاني تهدينه هدايا وتعلمينهم ولا رحتو مكان تتمشون فيه علميهم لا تخبين عشان مايتكابرونها انه وداك والا سوا لك ومو لازمة محبتهم كفايه زوجك يحبك ماعليك منهم وخليك مطنشة مو لازم تتكلمين معهم اسكتي مابتنتهي الدنيا ... الله يعيننا وياك |
رد: خوآآت زوجي !!!
كل شيء خيره ياختي خلي علاقتك رسميه معاهم احسن لك من المشاكل وجع الراس،،واعتمدي على نفسك وتقربي من الله هو خير انيس لك سبحانه،،وارضي زوجك واللي يجي يضحك بوجهك ياهلا ومرحبا واللي يكشر بوجهك ماعليك ،،اهم شيء مرضية الله ثم زوجك هذه السعاده،،والحال ماراح يتم كذا راح يتغير حالك مع الايام،،
وبالتوفيق لك ان شاء الله |
رد: خوآآت زوجي !!!
انت مادام زوجك يحبك ما همك البقية انا زوجي يحبني واهله بيزنوا عليه مثل الدبور مشان يطلقني
خيتو انت مشكلتك ولا شيئ جنب مشاكل عالم اخرى المهم انت اكسبي زوجك ما همك البقية |
رد: خوآآت زوجي !!!
الله يفرج همك
بس صدقيني لو احكيلك قصتي بتعرفي انك مرتاحه عليكي بالدعاء والاستغفار |
رد: خوآآت زوجي !!!
اقتباس:
|
رد: خوآآت زوجي !!!
الله يكون يعونك ويصبرك
|
رد: خوآآت زوجي !!!
حبيبتي يغارون منك يشوفونك خذتي اخوهم منهم مب قلتي ان مره معاهم وكل خايفين ان يتغير عليهم وبعد مش مزوجين هذا الي يقهرهم انتي سمعي من هنا وطلعي من اذن الثانيه نصيحه لاتحطين بالك اذا بتحطين صدقيني ماراح تعيشين انا عندي حماه كذا اي شي تشووفه علي لازم تعلق ياتقول الاكسسوار مايناسب لبس او لابسته مايناسبني يعني ماتقدر ماتعلق علي اول كنت انقهر وتنرفز وقووول حق زوجي وبعدين صرت اطنشها ولاهتم لنه اكتشفت انها غيره مب على شي اخذها على قد عقلها
واسفه على الاطاله |
رد: خوآآت زوجي !!!
مششكووورين يعطيكم العافيه والله يكون بعون الجميع يـآـآرب ...
وربي ودي يوم أطلع أنـآ وزوجي مـآحد معنـآ ودي نتمشى لوحدنـآ بس هن قاطات خشتهم دآئمـآ ويوم أقول لزوجي ودي نطلع لحـآلنأ يقول طيب وبعدين يقول لمـآ قلتهم بنطلع عشـآنه يستأذن من أمه تقوم كل وحده فيهم بروح معك بروح معك تجي تقول الام وانـآ وش يقعدني بروح ويجون مايستحون قطة ها الوجه ... |
رد: خوآآت زوجي !!!
الله يفرج عليكي همك يااختي
|
رد: خوآآت زوجي !!!
قاعدتي في الحياه..ليا سته سنين ونص متزوجه الضعيف وإلي يسكت ينداس نبهتني وحده من زميلاتي وقالت لي لاتصيري ضعيفة ويدعسونك ولاقويه ويكسرونك الله يجزاها خير لادوسي على طرف احد ولا احد يدوس لك على طرف علمتني الحياه سكتت وسمعت وابتسمت ولاعرفت ارد وقوم ربي قلبي ليا والحمدالله بس بحدود الادب مو بالمشاكل.
|
رد: خوآآت زوجي !!!
الله يكون في عونك ويصبرك ويخليلك زوجك وولدك وماعليك في احد
|
رد: خوآآت زوجي !!!
يعطيكم العافيه ...
|
رد: خوآآت زوجي !!!
حبيبتي انتي قللي زياراتك لهم وحاولي تنشغلين في بيتك
والنت والتلفزيون ولا تروحي لهم الا كل بعد فتره واهم شي زوجك وولدك ولاحد يهمك .. واذا ع التمااشي مو لازم تقولون لهم انكم بتطلعون اطلعو واذا احد سألكم قولو مشوار لاتردون على احد |
رد: خوآآت زوجي !!!
الحال من بعضه حبيبتي بس طنشي وكبري راسك وطول بالك ولاتتأثرين بكلامهم ولا تغيرين شي انتي واثقه انو صح لانو يبون يتحكمون فيك ويبون يبينون انهم احسن منك وانتي ماتعرفين شي
والله حاسه فيك بس مع الوقت تتعودين وهم بيطفشون بس اصبري |
رد: خوآآت زوجي !!!
مشكلتك انك حساسة حيل طنشي تعشي وعيشي حياتك واشغلي وقتك بااشياء مفيدة الحمدالله عندك نت وتلفزيون وجوال كلي اهلك واقاربك اهتمي بنفسك وقللي الحتكاك باهل الزوج زوريهم وتقهوي واطلعي وبس وخلي ولدك عندك واتكلي ع نفسك وعودي ولدك ينام معك ويصحى معك وصدقيني انتي ماعندك مشاكل الحمدالله انتي احسن من غيرك واكثري الاستغفار وربي راح يسهل امورك ولاتنسين الدعاء
|
رد: خوآآت زوجي !!!
يااااا روحي انا حاااااااااسه فيكي تعرفي ليش
لأنك جااااااالسه تتكلمي عن معاناتي أنا زيك بالظبط جالسه فوق اهل زوجي ونفس معانااااااااااتك بس انا لي سنه متزوجه الله يكون بعوننا ويصبرنا على هاالاشكال بسhwaml4 |
رد: خوآآت زوجي !!!
تصدقين اختي كانك تتكلمي عني بس شوفيني صابره
وزوجي يشوف كل شيء بعينه بس مايتكلم ويقول لاتتكلمين وهذي الدنيا لازم تصبرين وهم شيء رضى الله ثم زوجك وغيره ماعليك |
رد: خوآآت زوجي !!!
أخ يا أختي شو بدي أحكي عن خوات زوجي صدقيني اذا حكيت ما بخلص
كل بنات الأحمى هيك يحبون النكد صدقيني أنا سورية و مغتربة بالكويت و عمري 14 سنة و ما يعطفون علي ولا شوي أول شهر كانوا كتير مناح بعدين الله لا يوريكي بلش النكد كمان لما أجهضت الكل يقلي أنتي السبب أنتي ما هتميتي في نفسيك أخ و ألف أخ طولي باليك و تعودي المهم زواجنا تمام أحنا منكون تمام التمام. تقبلي مروري |
رد: خوآآت زوجي !!!
ياختي عادي جدا انتي معطيتهم وجه بزيادة عن اللزوم خلك ببيتك وردي عليهم
واذا الولد ماتبين تودينه لاتودينه اهتمي ببيتك وولدك , بعدين دامك اتزوجتي خلاص , منتي محتاجه لسوالف البنات والقعدة , اللي بجيك بأخلاقه الله يحيه واللي بيجي ويقل ادبه مع السلامة لاتسألين عن احد إلا بيتك وزوجك وولدك والله يوفقك ويسعدك |
رد: خوآآت زوجي !!!
الله يكون بعونج
وسوي الشي المقتنعه فيه |
رد: خوآآت زوجي !!!
ااااخخ انا ايش اقوووول اجل .. حسبي الله بس
خوات الزوج احيانا زي الاعداء اعوذ بلله اانا اعاني منهم وموبس هم حتى ام زوجي بس الشكوى لله .. متحملة وساكتة عشان البنوته و ربنا ياعسل مايترك احد طنشيهم وماعليكي منهم و خليها على ربك .. الله يعينك ويعين الجمييع ياارب |
رد: خوآآت زوجي !!!
كتيييييييييييير من اهل الزوج كدة بالذات من ناحية اهللك تحسي انه هما اللي يعرفو كل شي عااااااااااادي اسمعي وطنشي المهم زوجك....وولدك اهتمي فيهم وما عليكي من احد.
|
رد: خوآآت زوجي !!!
ما قول الا الله يكون بعونك ويصبرك
|
رد: خوآآت زوجي !!!
على قدر مايعاملوكي بسوء عامليهم بالحسنى إحسبيهم خواتك وأمك وسامحيهم مثلما تسامحين خواتك وأمك ممكن شغلك لازمله صبر بس نتايجه مضمونه ومارح تخيبي أبدا لامعهم ولا عند رب العالمين
|
رد: خوآآت زوجي !!!
يا قلبي ........ كتير اتاثرت والله حاسة فيكي
اول شي ...أنا ضد انو ما تخبري زوجك بأي شي انت مغتربة عن اهلك يعني ماالك في الدنيا غيرو لازم يعرف هالشي ولا يحس انو انت هو وانتو شخص واحد همومكم نفس بعض واللي بيدايقك يدايقو ... شي تاني هو بريد تخبي عليه شي وتنقهري وتخلي بقلبك؟ احكيلو يمكن يوضحلك امور وانت قبل ما تحكيلو قوليلو انو لا تفهمني غلط واترددت كتير قبل ما خبرك خوف تقول بدي افتن او شي بس انت حبيبي ومالي غيرك بهالدني ومحتاجة فضفضلك..(اكيييييييد رح يحس فيكي ويفهمك صح) وانت جربي تخبريه بشي بسيييط وشوفي ردة فعله وشي تاني نصييييييييييييييحتي الك متني علاقتك بحماتك لانها اهم شي ولما رح تحبك رح تحكي مع بناتها وهدول اللي ماعم يعطوك وجه انت كمان عامليهم اقل من عادي واحكي بس الازم معاهم وخلي علاقتك بس باللي عسل معك وديري بالك ع ابنك والله يوفقك يارب انا عندي 3 اتنين عسل معي والكبيرة جننتني والله اتقربتلها بكلللللللللل الوسائل وحتى اني كنت ابالغ مرات مو بس منشان حبيبي بس لاني حاية اكون اختهم من جد |
| الساعة الآن 11:45 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .