|
أدعولي
السلام عليكم . بقولكم وش صار لي وادعولي وخذو العبره مني
بداية حملي كان ينزل مني افرازات وجلست شهر كذا عند اهلي مرتاحه وبعدها اهملت وصرت اداوم ولاكني حامل واطلع وارقى درج كثير المهم من اسبوع جيت بنام الا واحس شي نزل واقوم للحمام وانتم بكرامه الا الدم نووووافيرر وقطع دم متجمده وشي فضيع نزيف شديييد رحت للمستشفى وترقدت 3 ايام تعبت تعب الله يجعله تكفير يارب ورحت وانا قلت خلاص سقطت ويوم سو لي اشاعه واشوفه فيه ويتحرك ماتتخيلون شعوري وقتها كيف الله يحفظه لي يااااارب المهم العبو فيني الدكاتره وانا بكريه مادري ولاحبيت افجع اهلي بالليل والصبح ماعلمتهم الا الظهر وهذا اكبر غلط خصوصا للبكريه لانها ماتعرف كشفو علي من تحت 3 مرات وهذا غلط وطلعو مني بلاوي الى ساعتكم مدري وشهي المهم طلعت لبيت اهلي وبس منسدحه وجاني مره ثانيه ودخت واستفرغت الحمدلله بس رحت لدكتورتي قالت المشيمه نازله وعطتني ابره مثبته وحبوب مثبته وانا من اول اخذهم بس زادت الجرعه والجنين بخير اللهم لك الحمد ولي اسبوع على فراشي والله تعب جسمي من القعده ادعووولي يوقف هالنزيف لان لو جاني مره ثانيه الخطر علي وبترقد حتى يعطوني دم :( الحين اخذ نشا واقرا قران وباذن واحد احد ربي بيشفيني ادعولي يابنات الي صار لها مثلي او تعرف احد صار له مثلي تعلمني وش سوت وش اخذت وجنينيها وش صار عليه ؟ الله يعافيكم لاتبخلون علي |
رد: أدعولي
علما اني متاخره بالحمل وحملت بعلاج اللهم لك الحمد . ادعولي وقولو لي تجاربكم
|
رد: أدعولي
الله يثبته في بطنك يارب وتشوفيه في حضنك ..
إنتي بس إرتاحي وخلي عنك شغل البيت ..وخلك على الأدويه والله يعطيك ألف عافيه |
رد: أدعولي
حبيبتي رحماك الله يقومك بالسلامه
اذا كان على نزول المشيمه الموضوع بسيط بس لازم الراحه التامه يعني لاتقومي الاللصلاه وتكوني جالسه للصلاه تمام انا كنت مثلك الشهر الثالث كله نزيف بس الحمدلله جبت بنوته الله يحفضها وكله بسبب نزول المشيمه انت باي شهر ؟؟؟ |
رد: أدعولي
وحبت اقلك كمان سوي كوب حليب وحطي فيه ملعقه سميد واشربيه على طول عشان ما يتخثر
والله هذا مجرررررب استعمليه مرتين في اليوم والله يتممم لك على خير |
رد: أدعولي
اللهم امين يارمال مشكوره
انا بنهاية الثالث والله منسدحه وعند اهلي يارب الله يقر عيني بشوفته ويخلي لك بنوتتك انتي وش صار لك بالتفصيل ووش سويتي ؟ انا اصلي ونا جالسه واجمع الصلوات يعني ظهر وعصر ومغرب وعشا والفجر لحالها لان تعب علي كل مره اقوم وخصوصا من دخلت الثالث كثر البول وانتم عارفين علميني كيف كنتي تصلين |
رد: أدعولي
انا استخدم النشا السميد اول مره اسمع به انتي جربتيه ؟
قالولي حلبه ورشاد وماش ورفضت مابي اجازف بعمري |
رد: أدعولي
الله يثبت حملك وتشوفيه بحضنك قولي امين
|
رد: أدعولي
الله يثبته لج يارب وتفرحين فيه .. ويااارب يخف نزيفج يارب ..
كثري من قرأة صورة البقره وادعي دايم ان الله يثبته لج .. وربي ان شاءالله بيثبته لا ادوويه ولا غيره الله يقر عينج فيه يارب |
رد: أدعولي
امين يارب مشكوره
|
رد: أدعولي
اللهم امين اي والله اقرا والحمدلله الي مكتوب بيصير لي اللهم لك الحمد
|
رد: أدعولي
حبيبتي انا سقطت مرتين بعدولدي الاول لكن لما حملت بعد كذا كنت اخذ الحذر في كل حركه ليه على طول منسدحه على ضهري في الاشهر الاولى واخذ مثبتات
وكمان اسبرين الاطفال حتىالشهر الثامن انا بداية الحمل كان عندي اجهاض منذر وبعد شهر نزلت المشيمه عشان كذا كان عندي نزيف بس توقف نهاية الثالث الحمد لله كنت اصلي كل فرض في وقته وانت حاولي كذا عشان ربي اللي رزقنا الحمل فهوه اللي راح يحفضه بأذن الله وكمان اقري على بطنك وحصنيها اما عن السميد فهو تبع البسبوسه ان شاءالله تكوني عرفتيه واي سؤال انا مستعده؟؟؟ |
رد: أدعولي
الله يثبتة ليكي ياالغالية
ويكتبلك ربنا الأجر |
رد: أدعولي
الله يثبت لك حملك ان شاء الله
|
رد: أدعولي
الله يقر عينك فيه يارب
|
رد: أدعولي
اللهم اميييين مشكورين وجزاككم الله خير
فاهمه يام رتيل الله يجزاك الجنه بس انا احس بطني من تحت تمزق مع كل حركه حتى العطسه اتألم منها واليوم الي صرت اقوم كل فرض من بكرا جاني النزيف مره ثانيه يعني حركتي خطره مره وانا متوكله على ربي والدين يسر وانا اكلم شيوخ بسئلهم بس للحين ماردو علي :( |
رد: أدعولي
الله يثبت لك حملك يارب وتقر عينك بشوفته ويحفظك من كل شر يأرب
|
رد: أدعولي
الله يعطيك العافيه و يحفظ جنينك و يقر عينك برؤيته و يا رب يتوقف النزيف اللي عندك
حبيبتي عليك بالراحه التامه و انا اشوف تصلين كل صلاه بوقتها افضل بس و انتي جالسه و بالنسبه للنشا سمعت انه كويس و انتبهي من الرشاد لا لا لا تستخدميه استمري عالدعاء و المثبتات و الراحه و توكلي على ربي و أسأل الله ان يتوقف النزيف و ترتاحين و تتطمنين و الله يقر عينك برؤية طفلك ياااااارب سليمم و معافى |
رد: أدعولي
اللهم اميييييين ياعشق الطفوله والجميع ان شاء الله
انا رفضت اغامر بكل هالاعشاب بس على النشا والله يعين |
| الساعة الآن 07:39 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .