|
في بيتنا نفاااااس (( خطيرة))
1- هل أنت عزوبي تعيش في وسط عائلتك ؟
2- هل أنت موظف أو طالب ؟ 3-هل لديك أخوات متزوجات ؟ 4- هل أخواتك مكاين تفريخ ؟ 5- هل حصل في يوم من الأيام وعدت من الدوام تعبان وتافلـن العافيه وراسك يرقل من قلّ بركه لـ تتفاجئ بأصوات ضجيج صادره من بيتكم تصل إلى مسامعك قبل أن توطوط عتبة الباب ؟ 6- هل حصل ودرعمت لبيتكم لـ تستقبلك رائحة الحلبه المنتشره في كل دعاسيق البيت في الداخل ؟ 7 -هل استيقظت مذعوراً من نومك الهادئ ذات ليلة على زعاق بزر توهـ لحمه حمرا مابعد تعلم وشلون يصيح بإحترام ؟ 8 - هل زد رأيت تجمهراً أمام باب حمام بيتكم - الله يعزكم - ويوم قربت شوي كودك تشوف وش السالفه وبالطق والطقاق دخلت راسك من بين حشود المتجمهرين ولاها أمك واخت ماسكين نفس قطعة اللحمة الآنفة الذكر وجالسين يسبحونها ؟ 9- هل سبق أن رجعتـ ي من الدوام لتجدين بيتكم مزدحم بالزوار تسنه السيفوي ليلة رمضان ومن لمحت أمتس طرف خشتس مدت لتس الدله بدون تفاهم وقالت قهوي العالم ؟ إن كانت أغلب اجوبتك عزيز تـ ي القارئـ/هـ بـ نعم .. فـ مبروك في بيتكم نفاس : : ليه ياربي كذا ! يعني الواحد يقول اللهم لا إعتراض بس ولو للصبر قالوا حدود يا مصبر الموعود كل يوم اقول بيجي رجلها ويقشعها هي وذرّها من عندنا بس ماش ماحولك أحد .. الله العالم الولد بيصير عمره سنه وهي توها نفاس ما قضت ! يا جماعة الخير لا تفهموني غلط .. انا احب اختي واقدّرها والود ودي ما تفارقني .. بس احبها لحالها بدون الفوائد الي طلعت فيها من زواجها ذا القرود الي معها منيب اواطنهم ! عيال اختي ايه ما قلنا شي ! بس فيهم بثاره تيزي بلد .. ! لا واذا تحملناهم وقلنا معليش توهم صغار والحشمه لأمهم مهيب لهم .. ونبلع هالغثا الي يصير على شرف ذا النتفه الجديده الي جدعتها .. تحسبونه يثمر والا يبين فيهم ؟ من يصير طول هالنتفه شبرين اول كلمه ينطقها ويقولها لك " كل تبن " ! >> خلوّا خلوّا ذا على جنب مهب موضوعنا .. الي غابني صدز هالـ 40 يوم الي اشوفهم .. سبحان الله عمر الحريم ما احترموا مواعيد ولا وقت الا بـذي ! يتحروون الدقه بالحسبه .. 40 يوم بالضبط مستحيل تنقص بس ممكن تزيد 40 يوم وانحن ما عندنا غير فاتحين باب و راديّن باب.. مستقبلين زوار ومودعين زوار .. مدخلين فلانه وبناتها ومطلعين فلانه وحريم عيالها .. لا وكله كوم واذا جت وحده الله يجزاها خير بزعمها راعية واجب وتكت من عقب المغرب إلى 9 عندكم وانتي يا حيل الله مالتس الا تدورين بهالقهوه والشواهي .. واذا خلاص تكرمت و لبست عباتها وطلعت .. ترجع بسرعه وترفع نقابها وتزف لتس الخبر العذب " معليش ترا بناتي ماقدروا يجون اليوم بلاهم منشغلين شوي بس باكر بحيل الله بيجون كلهم " <-- ماودكم تشوفون تعابير خشتي ساعتها مير الله يجزاك خير راعية واجب ! الحين بناتك عندهم التزامات ومشاغل وبيسون الواجب حسب فضوتهم .. ! بس اصحاب البيت عطّاليه ما وراهم شغل والتزامات ابد .. على حسابكم هم ؟ قايلين لكم رقاصه انا ما تبدا ورديتي الا 1 بالليل و ورا ! ترا فينا الطالب وفينا الموظف مايرجع الا على حروة المغرب وفينا المتزوج وعنده بيت يصاليه .. ! والأم مهيب بكل الأحوال بصحتها وفيها حيل تهابد وتراكض لكم انتم وزياراتكم ! ياخي خلوا جيتكم وحده وموعدها واحد .. مهب كل القبيله تجي تزور وكل يوم وحده داخله لحالها .. تبــن ! ماروانا الا انتم ؟ <---- حولكم شي تخافون عليه ابعدوه عنها ترا شاشت هالعبده < ماخليت شي عن امي .. يمه حددي يومين بالاسبوع يجون العالم فيه ! يمه مالها سنع تاركين الدعوه سايبه تقل والله الي عندنا عنز والده في حوش مفتوح وكل شوي جاي شايب والا بزر يويق عليها ! يمه ارحميني ارجع من الدوام ما اشوف مالي خلق اغير ملابسي وش عاد اقابل هالأمم ! بس ابــــد ! كان ذا الجدارن الي وراكم تنطق فـ هي ترد علي .. مير اول كانت تقول " يا كبرها عند ربي ! تبيني اقول للعالم لا تجونا .. انهبلتي انتي " الحين انا قلت قولي لهم لا تجون ؟ قلت حددي لهم يومين وفكينا من هالقلق ! " لا يا خزياه .. قولة لا تجون الا هاليومين زي قولة لا تجون ابد .. افرضي هاليومين ما ناسبوا العالم ! " اجل مناسبنا حنــا الاسبوع كامل يمه ؟! طاعوش انا ماعرف من الاسبوع الا الجمعه ولا هوب يصفى لي ؟! هالكلام اول .. الحين ابشركم مهيب ترد علي خير شر .. مقتطفات من أحاديث تدور في مجلس نفاس : : [ 1] " عسى ما تعبتي بس يا فلانه ؟ " " لا الحمدلله تيسرت " " الحمدلله .. بس لا تعلمين احد لـ انسألتي بسم الله عليك ! ترا عيون الناس مهيب ترحم وانا خالتك ! " تعقيب / اول شي يـ الخاله الملقوفه ترا هالسؤال مهب كلـن يسأله يومك توصينها ع الإجابه ! يعني ولاده وش ظنك ؟ اكيد بتتعب بوقتها وعقب خلاص .. المشكله ما يسأل الا ناس مجربينها .. ابو التناحه يا شيخ ! ثاني شي .. ترا حتى القطاوه تحمل وتالد ! مهب حلى كل شي تلزقون فيه سالفة العين والنظله .. ياررربيه بس : :: : : :: : [ 3 ] " ما شاء الله وش سميتّوا الصغيره ؟ " " دانه " الحرمه الي تسأل وخشتها مايله والحكي ما عجبها " اييه .. مدري كن الأسم مهنا زود ! يا بنيتي مدري وش ذا الاسماء الجديده الي طايحين بها العالم ! " تعقيب / ترا اصغر بنات الحرمه الي سألت .. اسمها [ غزل ] !! : :: : [ 4 ] " الا يا فلانه ما قلتي لي وين ولدتي بأي مستشفى ؟ " " المستشفى الفلاني " " اييه زي اختي حصه ! عند اي دكتوره ؟ دكتوره هبه ؟ " " لا والله .. عند الدكتور خالد " الحرمه الي تسأل تنغز الي جنبها بكوعها وتعض على براطمها وتتحلطم " يا خزيييياه .. كابتّن عفشها عند رجال يختي خلاص هالحريم ماعاد فيهم حيا ! وراها ما ولدت عند حرمه .. وش حيث الرجال تولد عنده ؟ " تعقيب / يقولون والعهده ع الراوي .. ان خويتنا الي ماعجبها موضوع الولاده عند دكتور .. جايها الطلق وهي بسيارة ابو جيرانهم حيث ان رجلها كان كاشت في البر .. ومالقت الا جارتها تستفزع بها .. وما كان بين الولد والنور الا شوي لولا ان ربكم ستر والشوارع كانت فاضيه والا ان كان صار مكان الميلاد في شهادة الولد .. " سيارة ابو جيرانا " الله يحرمّ ايديات امي على النار .. لو هي سامعه السالفه ان كان تكش بيدينها وهي تقول ( غربلهم الله .. شبكه تعاير منخل ! ) : : طيب الحين فيه سؤال يراودني عن نفسي ومضطره اسدحه بس رجاءاً صيروا متحضرين شوي وماله داعي ترجموني بنعالكم <--- يا حياة الشقا متعوده وجه إهانات الحين الوحده اذا ولدت وش تجيب ؟ لا اشوف احد مستظرف وقايل تجيب آدمي ! ادري اننا محناب نجيب قطاوه .. بس قصدي هالآدمي الي هي تجيبه من هو حقه ؟ حق ابوه صح والا لا ؟ طاايب .. اسم الولد يلحق مين ؟ يلحق اسم ابوه صح والا لا ؟ طااايب .. دام الدعوه كذا .. ودام النفاس اصلا بسبب هالولد .. ممكن احد يفهمني وش دخل مندوب اهل البنت يبحلون بها ؟ ورا مهب اهل رجلها هم الي يصالونها ؟! ياخي الولد ولدكم حنــا وش دخلنا ؟ والله ما خرب بناتنا الا امهاتهم ! تجي الام مطفيه النور وطايره مليون بالحماس من تدري ان بنتها حامل .. ماتخلي عطّار ما تزوره ما تخلي شنق وداعوس ما تدعسق به .. كل شي ينشرب والا يوكل والا يلهم تجيبه .. وتفضي للبنت غرفه وتبلشنا نزلوا سرير ورقوا طاوله وجيبوا مفرش ورجعوا ستاره .. تقل اول مره يولد عندها احد ؟ واذا هي اول مره وشو له هالحمااس .. تراه نتفة بزر ونتق من بطنها مهب اختراع الله يصلحكم هذا انتم قبلنا حملتوا وجبتونا وش حيثكم ما سوا فيكم اهلكم كذا ولا ضركم ؟ بالعكس الوحده من اول لا اله الا الله صحتها فُل وهي والده في البيت .. ما ولدت بمستشفى وخذت لها سويت كامل اسبوع وماغير تبطح وبلع بهالحلى والقهوه حتى ولدها مهيب ترضعه ومن عجائب قدرة الله في خلقه ان الحرمة ما تحلى بعين رجلها الا لاصارت في بيت اهلها يالهيس وهي عندك في بيتك ماانتب تناظر خشتها .. ويوم صارت نفاس عندنا .. 24 تبن ناشب لنا ! ما عندنا شغله غيرك انت وحرمتك وعيالك ! ياخي تحبهم وفاقدهم ضفهم ورح بيتك الله لايهينك ... وابشر بلي يجي يشقر عليكم كل يوم .. بس اعتقونا لوجه الله ولا يرفع ضغطي الا لا صار جالس مع حرمته يسولفون في غرفتها وانا بالصاله الي جنبهم اهجّد فروخ ابليس الي يفترض انهم اطفال و الارجح انهم عيال اختي .. يقوم واحد منهم يدخل على ابوه وامه ويزعجهم .. ويجي ابوه الله يطول في عمره يكرشه بكل حنان ويقول له " رح رح يا بابا لخاله ندى شفها تناديك " تبـــن اول شي يا سبع البرومبا تراك ماكل في عيالك مقلب كبر راسك ! اجل تبيهم ينادوني خاله ؟ عساهم ينادوني بإسمي مهب بشيـن ثاني ويسد ! ثاني شي وش قالوا لك انا ؟ خماّمة الضايع ؟! كل ما طق عود بعصى جدعتوا بزارينكم علي ؟ انتم تدشرون وانا اتحمل نتايج دشرتكم ؟ نفسيتي تعورني .. ! كل ما ذكرت ياخي هالأجانب طقتني غلقه وش زودهم عنا يا جماعة الخير يوم ان الوحده فيهم تولد من هنا وتصك الجينز من هنا .. ما توفي لها يومين الا وهي تقامز وتسوي رياضه ورا هالفقمات الي عندنا مهب كذا وراهم 40 يوم ما عندهم غير فرم بهالمرقوق والجريش ! قال ايش .. ترمم جسمها قال ، مهب ترميم ذا ردم الله يحييكم ! الوحده منهن ما تطلع لبيت رجلها عقب الاربعين الا على شيول لا والكمخه اختي - أأشر لها على صور لزوجة توم كروز - اقول لها ذاك اليوم ناه بس شوفي ترا ذا الصور عقب ولادتها باسبوعين قالت .. واذا ؟ لا تقارنين حبيبتي عيالهم هذولي عيال حرام ! <-------- يالهدره يالكمخه يالفاهيه .. الحين نفاس ولد الحرام يفرق عن نفاس ولد الحلال ! ياربيه بس ! اسعفوني .. أريد حلاً ؟ عموما انا بقوم الحين اصلي المغرب وانزل استقبل الوفد الجديد بس اتوقع اني ارجع اكمل تفلت والله يابي مّر مهب صاحي .. مهب رايح لين افرك البياله بجبهة وحده من هالزايرات ! يع اشم ريحة حلبه >ههههههه منقووووووولhwaml7 مسكينة البنت نزلت حرتها في الكيبورد |
رد: في بيتنا نفاااااس (( خطيرة))
ههههههههههههههههههههههههههههههههه ...والله تكسر الخاطر البنيه
يسلموووووو. |
رد: في بيتنا نفاااااس (( خطيرة))
هههههههههههههههههه من قلب تشكي
الله يكون بعونها |
رد: في بيتنا نفاااااس (( خطيرة))
ههههههههههههههه
من جد ضحكت عليها بس كل شي وواقع تحكي حكايا وضعنا الكريم |
رد: في بيتنا نفاااااس (( خطيرة))
يالله ما شاء الله عليها سردها رهيب وفعلا هاذا اللى نشوفه بالنفاس خصوصا الاسم لاني عانيت منه مرهhwaml02
|
رد: في بيتنا نفاااااس (( خطيرة))
ههههههههههههههههههههههههههههههههههه
ربي يسعدك ويزوجك وتجبين عيال وتجربين النفاس ياعمري انتي |
رد: في بيتنا نفاااااس (( خطيرة))
والله صحيح وكله كوم وسالفة الزوار اللي كل وقت كوووووووووووووووووووووم
|
رد: في بيتنا نفاااااس (( خطيرة))
هههههههههههههههههه
شكلها بنت متاازمه خخخخ صحيح في الضيوووف اذا جااو ياخذووون راحتهم مايراعوون ان الوحده تعبااانه وسهرانه طوول الليل انا من الحين احااتي الضيووف الله يعينا خخخ |
رد: في بيتنا نفاااااس (( خطيرة))
هههههههههههههههههه
خطييييييره بس صراحه حزنت عليها الله يعينها ويسلموووووووووو ع النقل |
رد: في بيتنا نفاااااس (( خطيرة))
ههههههههههههههه
كسرت خاااطري |
رد: في بيتنا نفاااااس (( خطيرة))
مشكورين ياقمارى لمروركم العطر
والله يعين اخت النفاس |
رد: في بيتنا نفاااااس (( خطيرة))
ههههههههههههههههه
والله معاها حق وماتنلام وسوالف الحريم اللي نصها كذب في كذب والحش في خلق الله وانتي توك نفاس وماعليك ذنوب الله يعين بس ويسلمووووووووووووووو يالغلا عالنقل |
رد: في بيتنا نفاااااس (( خطيرة))
ههههههههههههههههههههههههههههههه
ياااااحليلها هالبنت تخيلت خواتي وهذي حالتهم إذا ولدت لا وبعد راح يكونون على وجه اختبارات الله يعينهم على نفاسي |
رد: في بيتنا نفاااااس (( خطيرة))
ياعمري عليها من جد بعض الضيوف يغثون
الحمدالله انا ماعندي الاولد وعمره 5سنين كبير واحينآ اقول راح انفس بيبتي وامي تقول لا وخواتي بينجون اذا قلت بنفس بيبتي واخواني يقولون نعد الايام متى تولدين واخرتها تبين تولدين بيبتك ياحليلهم |
رد: في بيتنا نفاااااس (( خطيرة))
هههههههههههههههههههـ
وربي مووت من الضحك عليها الله يعينها الله يسعدك ياقلبي ع الموضووع الناآايـــس ودي .. |
رد: في بيتنا نفاااااس (( خطيرة))
بعد ماتزوج وتخلف تكتبلنا قصتها مرررره تانيه
نشوف ايش بتقوااااااااااااااااااااااااااااااااااااال |
رد: في بيتنا نفاااااس (( خطيرة))
هههههههههههههههههههههههههههههههههه
ماااااااااا تنلام |
رد: في بيتنا نفاااااس (( خطيرة))
وربي عسللللل بس مسكينه ياقلبي
خخخخخخخخخ |
رد: في بيتنا نفاااااس (( خطيرة))
تدرون والله شايله هم الضيوف من الحين المصيبه اخواتي صغار مو حقين شغل وكرف وانا من النوع الحار محب شي يتوسخ يعنى لواشوف شي مرمي ع طول اعصب
وبعدين في جماعتنا يجون بعد المغرب نحط القهوه السفره من الباب لنهاية الصاله و ع العشاء لازم فطاير وشاهي وبعدين س 11 جاء العشاء ومايرحون الاع س2 او 3 يعنى ام الخنقه وكل يوم ع ذي الحاله الله يعين اهلي وامي بذات |
رد: في بيتنا نفاااااس (( خطيرة))
ههههههههههههه
ياحليلهااا |
رد: في بيتنا نفاااااس (( خطيرة))
هههههههه والله حاسة فيهم عشان كذا هالمرة ماراح اروح ابقى عندهم كثير اسبوعين وارجع بيتي
بس سؤال يفرض نفسه ليه احنا لازم نسوي لنا برنامج نفاس ولازم ماتطلع الوحدة ولاتلبس الجينز والملابس الحلوة الا بعد الاربعين والاجانب اليوم تولد بعد اسبوع ام الشباب تلاقينها تطارد في الاسواق والحدايق هذا اذا ماداومت في شغلها |
رد: في بيتنا نفاااااس (( خطيرة))
هههههههههه يسسلمو ع النقل .
|
رد: في بيتنا نفاااااس (( خطيرة))
يسلمو ع مروركم العطر
|
رد: في بيتنا نفاااااس (( خطيرة))
هههههههههههههههههههههههههههه
|
رد: في بيتنا نفاااااس (( خطيرة))
الله يعطيك العافيه
|
رد: في بيتنا نفاااااس (( خطيرة))
بس مو كل الناس كذا
احنا ماعندنا زيارات كثيرة في النفاس الزيارات تجي بعد ماترجع بيتها بكم يوم اقل شي 5 ايام الحمدلله حسيت الاخت بحراج الله يعينها |
رد: في بيتنا نفاااااس (( خطيرة))
هههههههههههههههههههههههههههههه شكلك في قلبك حره على اختك مسكينه ليش وش مسويه فيك حرام عليك مهب قادره تتحملين الحريم بس كمن يوم وش دعوه
الله يوفقك ويسعدك وتجربين الولاده عشان ذيك الساعه تعرفين تسكتين ولا تتكلمين باهالكلام هاللي يقهر جدام اختك والله يسهل امورك يالغلا |
رد: في بيتنا نفاااااس (( خطيرة))
هههههههههههههههههههههههههههههههههههههههههههههههههه ههههههههههههههههههههههههههه
مسكينة والله بس شو تسوين هالذنيا وانتي في المستقبل بتتزوجين وتسوين نفس ما سوت اختك وبعد يوم يكبرون بناتك بيجون عندك وهاي سنة الحياة ، وليش البنت تروح عند امها او امها تجي عندها لانه مافي احن و لا صبورة قد الام بداري البنت لانها بنتها يعني حماتك حتى لو كانت زينة وطيبة تمل و ما تصبر عليك مثل امك ولهذا الجنة تحت اقدام الامهات |
رد: في بيتنا نفاااااس (( خطيرة))
خطيرة تسلميييييييييييييييييييييييييييييييييييييييييييييي يييييييين
|
رد: في بيتنا نفاااااس (( خطيرة))
ههههههههههههههههههههههه رووووووووووووووعة وااااااااااااااايد معبرة وضحكتني من قلب ههههههههههههههههههه
|
رد: في بيتنا نفاااااس (( خطيرة))
ههههههههه ياحياتي متازمه بس بكره بس تولد وتجي تنفس عند اهلها بتكرر نفس السيناريو ههههههه
بس بموضوع الضيوف كل شويا يجوا والله مو بس هيا متأزمه كلنا متأزمين .. |
رد: في بيتنا نفاااااس (( خطيرة))
تراه نتفة بزر ونتق من بطنها مهب اختراع الله
يصلحكم والله هذا النتفه اللي مب عاجبك هو اللي يخلق الاختراع يعني ماحد قد ولد وهو عالم اصلا كفايه ربي اللي خلقه كل شي ينجاب الا ذا النتفه اذا ربي مااراده لاحد مايجيه لو ينتحر واذا انتي مو بمجربه الحرمان من هذي النعمه فغيرك بيضحي بنفسه عشان ذا النتفه اللي مبعاجبك تراه شي اعظم من عظييييييم شي معجزه روح تخلق داخل روح فاحمدي ربك يااختي على نعمه |
رد: في بيتنا نفاااااس (( خطيرة))
ياحليلها من قلب تكتب
لاكن وظعنا الان تغير مو زي اول عندنا بس اليومين الاوله بعدين تتمنين تشوفين خلقة ادمي ما ادري اتغيرو الناس ولاايش السالفه |
رد: في بيتنا نفاااااس (( خطيرة))
معها حق
هذا حال أغلب بيوت النفاس الله يكون في العون مشكورة غلاتي على الموضووع الفلللللللللة |
رد: في بيتنا نفاااااس (( خطيرة))
هههههههههه مره رهيبه
كويس انها فضفضت احسها مره شايله بقلبها بجد هذا الي يصير وقت النفاس الله يعين |
رد: في بيتنا نفاااااس (( خطيرة))
انا الحين نفاس عند اهلي واصغر اخواتي فعلا ماكلتها
بس دووم افكر ليش انا نفست عند اهلي المفرووووض الاب احق بلحضات المولود الاولى ويشوفه اول حركاته بس مشكلتنا انه ازواجنا ماينفع ننفس عندهم بذا الروائح زيوووووت - اعشاااب ... الخ |
رد: في بيتنا نفاااااس (( خطيرة))
لاأله الا الله مبدعه هـ البنت
الله يسعدها وربي انها وسعت خاطري :) |
رد: في بيتنا نفاااااس (( خطيرة))
ههههههههه
الله يسعدكم يابنات يسلمو ع الردود |
رد: في بيتنا نفاااااس (( خطيرة))
|
| الساعة الآن 06:58 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .