|
تجمع حوامل العراق واتمنى اكو احد موجود
مرحبا حوامل شلونكم انشاء الله بخير حبيت اسوي هذا التجمع للعراقيات اذا جانو بالعراق او مغتربات وانشاء الله نشوف تفاعل |
رد: تجمع حوامل العراق واتمنى اكو احد موجود
مساء الخير اني مو عراقيه بس حبيت اتمنى اليكم اتوفيق وانشاالله اكون في احد من العراق
|
رد: تجمع حوامل العراق واتمنى اكو احد موجود
حبيبتي آني عراقية مغتربة وياربي يكون اكو بعد بنات من العراق
شكرا على الموضوع |
رد: تجمع حوامل العراق واتمنى اكو احد موجود
تسلميلي حبيبتي امين ياربي يطلع احد موجود من العراق
|
رد: تجمع حوامل العراق واتمنى اكو احد موجود
هلا حبيبتي ماما زوزو امين انشاء الله اكو بعد عراقيات ونسوي لمه حلوه وجدرية دولمه حامضه ولاجعه تلوك الكم
|
رد: تجمع حوامل العراق واتمنى اكو احد موجود
اهئ اهئ اهئ الله يخليج جيتي عالجرح فد مشتهية دولمة حتخبل بس اريد اكلهه عد احد مو اني اسويهه بس هنا ما اعرف عراقيين واني مابيه حيل ابد اسوي دولمة بس شكلي بالاخير حضطر واسويهه تروح يطلع بالجاهل جدر دولمة
|
رد: تجمع حوامل العراق واتمنى اكو احد موجود
سودة علية حبيبتي لو اني يمج والله اسويلجياها انتي وين بيا دوله
صدك هذا اول طفل ؟ اني هذا اول طفل واني مواليد 90 |
رد: تجمع حوامل العراق واتمنى اكو احد موجود
اي حياتي هذا اول طفل يارب يتمملج على خير حبيبتي اني مواليد 84 ومقيمة بالسعودية
|
رد: تجمع حوامل العراق واتمنى اكو احد موجود
ياعمري انتي الله يحفظلجياه وتشوفيه وتقرين عيونج بشوفته وحظنته
الله ينطيج العمر والصحه والعافيه اني خالتي بالسعوديه |
رد: تجمع حوامل العراق واتمنى اكو احد موجود
يااهل لعراق تجمع شهر رمضان قعدين اسبو الشيعه ويغلطو على اهل العراق لاتسكتو اليهم ادخلو وخدو حق العراق
|
رد: تجمع حوامل العراق واتمنى اكو احد موجود
اهلا ام حسن والله ميصير يسبون احنا كلنا واحد احنا هنا منعرف السني من الشيعي من المسيحي من الصبي انشاء الله نشوفلنا صرفه وياهم
ام حسن انتي عراقيه؟ |
رد: تجمع حوامل العراق واتمنى اكو احد موجود
60 مشاهده و بس 1 عراقيه ليش هيج والله راح ازعل
|
رد: تجمع حوامل العراق واتمنى اكو احد موجود
رفع ..... اتمنى اشوف مشاركه
|
رد: تجمع حوامل العراق واتمنى اكو احد موجود
انا مو عراقيه بس ماحبيت اتفرج ماقول انتو خواتي وحبايبي لفت انتباهي اختي ام حسين لما تقول فيه بنات من تجمع رمضان يسبو الشيعه حبيبتي احنا امه وحده وعرب ولا فرق بيننا ابد الي يضركم يضرنا والي يسعدكم يسعدنا واحنا ناس بماشاعرنا واحاسيسنا لبعضنا تخلينا روح وحده انا من تجمع شعبان سنيه طبعا عندنا وحده شيعيه والله حاطينها بالقلب والعين واحنا معها بمعانهاتها وبفرحتها نشاركها كل شي ولا هو غصب عنا ولا شي لاننا بالاخير امه وحده وهدفنا واحد احنا مع بعض نعمر ولا نستعمر والي يسب ويقول سيبوه يسب حسابه بالاخر عند الله الله كفيل فيه اتمنى انكم حبيتو كلامي وارتحتولي لاني احبكم وتمنى لكم حمل سليم معافى والله يخارجنا ويسهل ولاداتنا يارب
|
رد: تجمع حوامل العراق واتمنى اكو احد موجود
اهلا وسهلا ام لبنى والله العظيم كلامج ريح قلبي
والله العظيم اني من دخلت للمنتدى معرفت منو بينا سنيه لو شيعية لو مسيحيه الكل هنا واحد والاحتلال جابلنا هالشي واهلا بيج حبيبتي نورتينا اخت عزيزه والله اني من الاعظمية والكل تعرف اهل الاعظمية منو يعني من جماعتج حبيبتي |
رد: تجمع حوامل العراق واتمنى اكو احد موجود
رفع.... عسى القى احد
|
رد: تجمع حوامل العراق واتمنى اكو احد موجود
وكمان رفع لا حياة مع اليأس
|
رد: تجمع حوامل العراق واتمنى اكو احد موجود
هلا بنات اني عراقيه مغتربه بسوريا الحين حامل بالاشهر الاول ادعولي ربي يثبت حملي لان اجهضت قبله ويارب يكون تجمع خير وبركه
|
رد: تجمع حوامل العراق واتمنى اكو احد موجود
سلام حبايب
اني عراقيه وعايشه بالعراق واليوم شفت هذا التجمع والله فرحت بس امانه عليكم تدعولي اني حامل بالشهر الثاني وحملي مهدد لان ديصير عندي نزف اكثر من مره واني اجهضت واحد قبله وتحياتي للجميع |
رد: تجمع حوامل العراق واتمنى اكو احد موجود
هلا غنى يا عمري انتي وربي ضايقه اني مراره الاجهاض الله لا يرجعها يارب ويثبت حملك وحملي والجميع اااااااامين رب العالمين بس انتي ارتاحي واتركي شغل البيت خليج بس مرتاحه وان شاء الله خير
|
رد: تجمع حوامل العراق واتمنى اكو احد موجود
حبيباتي انتو غنى وفيونكه والله فرحت بشوفتكم ربي يثبت حملكم يارب اني هم عراقيه واني ابغداد
حبيبتي غناوي انتي وين تراجعين يا دكتوره اني اراجع هنائ الالوسي كلش زينه واني هم اجاني نزيف وانطتني حبوب مثبته اسمها دوفستون اخذتها 4 اشهر والحمدلله حملي بخير هسه انشاء الله نتشاوف ونسوي زرده على هاللمه الحلوه الله لايحرمني منكم واخيرا لكيت عراقيات وياية |
رد: تجمع حوامل العراق واتمنى اكو احد موجود
هههههههههه توتايه حلوة مال اخيرا لكيت عراقيات
والله بنات احس ميته خوف لان صار عندي اجهاض قبل الله يسمع منك يارب ويثبت حملنه اتمنى الدكتورة تنطيني مثبتات بس لحد الان ما كتبتلي بنات صحيح صار يومين عندي حكه بالمنطقه الحساسه ذبحتني كلت اسبوع الجاي موعدي ويه الدكتورة واكلله ما عدكم علم عن هاي الحكه ؟؟ |
رد: تجمع حوامل العراق واتمنى اكو احد موجود
توتايه شلونج عيني انشاء الله بخير اني مومن بغداد
اني من الحله واراجع يم دكتوره مااصور تعرفيها هههههههه وهم دا اخذ مثبتات حبوب وابر الزيت المثبت فيونكه حبيبتي هاي الحكه مو زينه تدل على التهاب لازم تشوفين الدكتوره وما عندج غير العافيه ودعوه حلوه النه جميعا يارب يثبت حملنا ويفرحنه بشوفه اطفالنا اااااامين رب العالمين |
رد: تجمع حوامل العراق واتمنى اكو احد موجود
هلا حبيباتي فديتكم والله
فيونكه عمري لاتخافين اهم شي لتشيلين شي ثكيل وخلي الرجال بوحده :d واتمددي شكد مابيدج وكوليلها تنطيج مثبت والحكه حبيبتي هاي التهاب باعي غسلي المنطقه بمي دافي وملح واكو بالصيدليات بيكربونات الصوديوم كلش زينه اني استعملتها وخفت ونشفي المنطقه زين غناوي عمري المهم احنه سويه اي حبيبتي الحبوب المثبته كلش زينه اني اخذت نوعيه اسمها دوفستون والحمدلله راح اخلص السادس |
رد: تجمع حوامل العراق واتمنى اكو احد موجود
|
رد: تجمع حوامل العراق واتمنى اكو احد موجود
يالله توتايه هاااي شنوووو
يجنن شكلها والله شهيتيني |
رد: تجمع حوامل العراق واتمنى اكو احد موجود
مرحبااا مبروك التجمع والله فرحت بي وسجلت علعمودكم اني من بغداد وحامل شهر السابع
|
رد: تجمع حوامل العراق واتمنى اكو احد موجود
الف الف عافيه غناوي حبيبتي
هلا والف هلا حبيبتي دلو اني هم من بغداد والله يكومج بالسلامه حبيبتي مبقه شي وتخلصين:d دلو انتي يم يا دكتوره تراجعين؟ |
رد: تجمع حوامل العراق واتمنى اكو احد موجود
الله يبارك بيج دلو حياتي
|
رد: تجمع حوامل العراق واتمنى اكو احد موجود
يااهلا بدلو
الله يتمم حملج على خير ومره ثانيه اهلا وسهلا |
رد: تجمع حوامل العراق واتمنى اكو احد موجود
هلو توتايه هاي انتي مسويه الدولمه هههههههههه
|
رد: تجمع حوامل العراق واتمنى اكو احد موجود
لا حبيبتي الله يخلي الخمط مال الجوجل :d
والله عاجبني فدمره اسويها بس اتعب وعمتي متخليني اسويها وياها بس اني مرتين سويتها وهم هيج لونها صار |
رد: تجمع حوامل العراق واتمنى اكو احد موجود
بالعافيه عليكم
خوش عمه خخخخخخخخخ |
رد: تجمع حوامل العراق واتمنى اكو احد موجود
هلا توتاية اني اراجع يم دكتورة هالة بالكرادة اني ومرات دكتور ليث
|
رد: تجمع حوامل العراق واتمنى اكو احد موجود
الله يعافيج حبيبتي بس تسويها مطيبه خخخخخخخخخخخخخ
دلو حياتي والله ما اعرفهم اني اراجع دكتوره هناءالالوسي بالاعظمية حياتي دلوش انصحج نصيحه ظلي على شخص واحد لتروح تصير خربطه عندج |
رد: تجمع حوامل العراق واتمنى اكو احد موجود
اقتباس:
هلا توتايه اي والله اني مرتاحه على الاخر ههههههههههه وكلشي على الرجال اليوم رحت للطبيبه وكتبتلي مرهم وان شاء الله تخف وشنو هاي ريحه الدولمه واصله الى هنا هههههههههه اقتباس:
الله يعافيج حبيبتي اي الطبيبه كلتلي اليوم وامين الله يسمع منج احلى دعوة هلا دلو منوره قلبي |
رد: تجمع حوامل العراق واتمنى اكو احد موجود
حياتي فيونكه لعد شلون قابل احنا كلنا نشيل المسؤولية خلي همه شويه يتعبون
اي المرهم كلش زين وانتي هم سوي المي وملج كلش زين اني مجربته الف عافيه عمري على كولة المصريين مطرح ميسري يمري اني ابيت اهلي اليوم اشتغلت شغل احس ظهري راح ينكطع لان راح يجون من السفر الحمدلله ابويه كام بالسلامه الله يحفظلكم جميع الاهل والاحباب يارب |
رد: تجمع حوامل العراق واتمنى اكو احد موجود
بنات اني خايفة من البارحة لليوم تنزل مني افرازات لونهة اصفر ولزجة واني بالسابع
|
رد: تجمع حوامل العراق واتمنى اكو احد موجود
حبيبتي بيها ريحه؟ اذا بيها ريحه هاي التهاب لتخافين حبيبتي الي يخوف اذا جانت افرازات جوزي لو بيها خيوط دم
|
رد: تجمع حوامل العراق واتمنى اكو احد موجود
اقتباس:
انشاء الله ماكو شي حبيبتي احتمال التهابات روحي للدكتوره لتهمليها وماعندج غير العافيه عيوني |
| الساعة الآن 04:02 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .