|
أبي رايكم في موضوعي ....
صبــــاحكم ورد .... أنا جديده على المنتدى مادرى هل راح تتقبلوني اولا ..
انا حابه أطرح مشكلتي وأتمنى تتفاعلوا معايه وتعطوني رايكم لاني ماأدري ايش اسوي أنا عمري 19حامل بكريه وساكنه في جده واهلي في منطقة ثانيه مااعرف احد بجده لاجيران ولاأقارب مشكلتي أني أدرس بالجامعه سنه تحضيريه دوامي من الساعه 7 صباحا حتى الساعه4 عصراّ تعبت من الدوام وطلعت الدرج لاني ذحين بنهاية الشهر السابع رحت للعميدة قلت لها ابغى ااجل هالترم قالت جيبي عذر أنك ماتقدري تتحركي بالشهور الاخيره اراجع بمستشفى خاص ومايقبلون الا من مستشفى حكومي والحكومي ماقبلوا مادري هل أكمل دراستي علما باني متفوقه كنت من الاوائل على منطقتي ماودي اضيع مستقبلي وبنفس الوقت تعبت من الحمل وهم الولاده وربي ماااانام طول الليل أفكر وش راح يصير معايه ولو ولدت هنا ماعندي احد ولادتي نهاية شهر خمسه ودراسه تنتهي بشهر سبعه ماادري وين احط البيبي بعدين وربي يابنات أكتب وأنا ابكي أحس بقهر وأحيان أحس بكره للي ببطني صرت أكبر من عمري من الهم الله يخليكم ويفرج همومكم اعطوني رايكم وش اسووي وربي بدعيلكم بكل صلاااااه ... |
رد: أبي رايكم في موضوعي ....
الله يساعدك حبيبتى هم اهل زوجك مو معكم بجده
كان هم الى يساعدونك ولاه اذا مافيه حد جيبي لك خدامه خاصه حق تربيه واطفال والله يسهل عليك |
رد: أبي رايكم في موضوعي ....
إذا كنتي قادره يالغاليه قادره تصبرين وتكملين عشانج وعشان النونو..
ومدام أجتزتي الفصل الدراسي الاول هذا بحد ذاته يحفزج على إجتيار الفصل الدراسي الثاني .. وعلى المحاضرات طلبي منهم أنها تكون قريبه من بعض ويراعون وضعج الصحي .. وعلى النونو أكيد أنو في الجامعه حضانه تقدرين تدخلينه فيها .. لايوقف شيء يالغاليه بطريق تحقيق حلمج وذاتج ولاتكرهين النونو ماله ذنب هي شويت تخطيط محكم منج وخلاص الأمور راح تمشي.. وربي إن شاء الله يسرها لج ويقومج بالسلامه ويكتب لج التوفيق وهذا مايمنع تصلين صلاة أستخاره وتطلبين من الله الخيره ,, |
رد: أبي رايكم في موضوعي ....
فعلا وضعك صعب
لاكن اذا انتي ما شااء الله ماعندك مشكله صحيه حاولي تكملين واذا في يوم ماعندك شي مهم غيبي واذا على البيبي اصلا اول ما تولدين راح يعطونك اجاازة امومه واذا داومتي بعد الولاده حطي البيبي في حظانه بفلوس والله يتمملك على خير |
رد: أبي رايكم في موضوعي ....
فعلآ مثل ماقآلوآ البنآت اذا كنتي تقدرينٍ حآولي لآ تأجلين وربي بيهونهآ عليك
واذ على ولآدتك بيعطونك اسبوعين إجآزه وحآولي أن ماتغيبين هالايام خلي رصيدك لوقت ولآدتك .. وأمآ النونو حطيه في حضانه يكون معك في الجآمعه او قريب منك وفي فترة الاختبارات حآولي يكون عند أهلك .. وآلله يسساعدك ويهون عليك.. |
رد: أبي رايكم في موضوعي ....
اختي انا برايي اضغطي نفسك ودامي للشهر التاسع والله كانت معاي بنت داومت لاخر يوم بحملها ..... خدي فيتامين الصباح عشان يقويكي ,,,,, وبعدها توخدي اجازة للولادة و تزبطي امورك .... وربي يفرجها عليكي
|
رد: أبي رايكم في موضوعي ....
مشـــــكورات يالغوالي الله يفرج عليكم ويحقق مبتغاكم
|
رد: أبي رايكم في موضوعي ....
باقولك بشي انتي تذكريني بنفسي انا تزوجت اولى ثانوي وحملت وجت ولادتي قبل الاختبارات الاخيره تخيلي فسبت المدرسه لاني اكره الشغالات واخاف من الحظانات خصوصن مع طفل في حاجتي فجلست في بيتي لين ولت وجلست لولدي لين خلص سنه ورجعت سجلت وكملت دراستي ودحين الحمد الله عندي شهادته ثانويه بتقدير مرتفع ونسبه مرتفعه جدن بوجود 4 اطفال وناويه كنت اكمل الجامعه وسجلت بس حملت ودحين انا في البيت لين اولد واخليه يكمل سنه وبارجع باذن الله دام ان عندي طموح اكمل وبعكس ما اكره عيالي هذول هم سندي وفرحتي في الدنيا ولاتنسي اذا انحطيت في قبري بتوصلني دعواتهم لي وصدقالتهم عني ويمكن ما القي احد ينزلني قبري غيرهم حبيبتي الجنين ماله ذنب يمكن خيره لك ما تدرين قدرتي كملي ماقدرتي ارتاحي لين تولدي وركبي لولب عشان تخلصي جامعه بعدين فكيه وارجعي السنه الجايه كملي صدقيني لو عندك طموح راح تكملي لو بعد 10 سنوات وربي بييسرها معاك واستخيري وربي يختارلك الي فيه الخير وربي يسهل حملك وولدتك
|
رد: أبي رايكم في موضوعي ....
حبيبتى استغفرى الله واطلبى منه العون وشده الحيل واكثرى من قول لا حول ولا قوة الا بالله العلى العظيم وانا اخشى ان نصحتك بان تضغطى على نفسك انه لا قدر الله يكون بيه ضرر على صحتك انت ادرى بحالك اذا الطبيبه قالت ما فى خطر بنصحك تكملى ممكن تكون حاله نفسيه تاتى لمعظم الحوامل فى نهاية الشهور اسلم حل استخيرى الله عز وجل بصلاة استخاره وسوف تهدأ نفسك لصالح الحال ان شاء الله مع دعواتى لكى ولكل الحوامل بسلامة الحمل والوضع اللهم امين
|
رد: أبي رايكم في موضوعي ....
الله يكون بعونك وييسرلك أمرك ...
أنا بعد بعيدة عن أهلي .. ولا أعرف ولا أحد هنا .. لكن الله ما يضيع أحد .. ربي ييسرها .. أما عن الدراسة .. شوفي ياقمر والله لو ما قدرتي لا تكملي (لا يكلف الله نفسا إلا وسعها) حتى لو كنت الاولى بالمملكة صحتك وجنينك وزوجك اولى .. على الاقل لاتكملي هالسنة وخليها السنة الجاية .. ولو قدرتي تكملي خير وبركة .. تحملي وبعدها بيصير عندك أجازة أمومة .. عموما .. الاستخارة قبل كل شيء .. عشان ربي يختار لك إللي فيه الخير .. ولا تقولي هالكلام .. بالعكس هالبيبي نعمة من رب العالمين الله يتمم حملك ويتمم حملي ..ويسهلها علينا يارب .. |
رد: أبي رايكم في موضوعي ....
كملي دراستج افضل لان من يجي النونو راح تتعبين اكثر
|
| الساعة الآن 09:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .