|
زوجي زعلاااان
السلااااام عليكم بصراحه عندي مشكله صغينوووونه بس احس اني مقهوره السالفه ومافيها انا متزوجه من 4 سنوات وعندي طفل وطفله ولله الحمد والمنه وحياتي مستقررره عسل وبصل مافيه حياااه بدون مشااكل زوجي من اسبوعين ترك التدخين ولله الحمد بس تعرفون المشاكل والتوتر يبغى لها فتره عشان يتاقلم على الوضع انا معه على الحلوه والمره وادعي له ومتحمله توتره لكن طالت علي حتى انا عندي بنتي من ولادتها تعباانه ولي شهر ماطلعت من البيت عشانها وغير كذا الموانع لها دورر (موانع الحمل) طبعا طفشني ولدي الله يصلحه وضربته بلعبته مع راسه على خفيف (ادري مكان لازم اضربه بس طلعت من طوري لاتدققون هنا مو هذي المشكله) عصب زوجي وبدا ينفخ ويهاوش يقول ليش تضربيه مع راسه انا طلعت من الغرفه عشان ماتطول السالفه رجع ينادي ويصرخ لا تروحي وانا اكلمك هو ماحترمني ويطالع بعيونه (ذكرني بالمديره بثانوي لما اكل علك بطابور) انا رجعت له ولما شفته طولها بنظراته سحبت عليه ورحت المطبخ لحقني وقال راح تندمي على تصرفك انا بصراحه نقدت عليه السالفه ماتستاهل حتى لو كان من ضغط الدخان هذا مو مبرر المهم صار لنا 4 ايام ناكل سواء وننام بغرفه وحده وقايمه بواجبه بس حدنا السلام عليكم مطنشني سافهني على الاخر واذا طلب من شي اجيبه له يطلب بهدوء بس بعصبيه انا مااغلطت عليه ولا ابغى اعتذر اصلا هذا اسلوبه لما نتزعال من شي ايطنشني كم يوم وانا اللي اراضيه (انا مقهوره حدي هو حنون طيب ماتعودت على رجل كذا اذا اختلفنا حدنا 3 ايام ونتصالح وكلها امور عاديه بس احيانا اشتاق انه ايراضيني واخلق مشكله) ابغاه ايصالحني حنيت له ولسوالفنا وجلساتنا بذات اني بوضع متوتر عشان بنوتي الله يشفيهاا رغم اني كشخت وحاولت اغريه بس مو على باله متعووودhwaml11 ومرات اقول لازم اكون قويه ماراح ارااضيه بس انا اخاف الله مااحبه ينام وهو زعلااان بس شسوي مابغى انكسر واصاالحهhwaml4 وش الحل مقهوووووره حديhwaml03 |
رد: زوجي زعلاااان
حبيبتي الرجال زي الطفل يحتااج لحنان واشد
لو عاندتيه بيعاند ولو راضيته بيرضى ودايركت ينسى والله انا مثل حالتك وزعلي كثثير واتحسف احيان تدرين ليش ؟ اتخيل اني افقده < اتراجع في نفسي واقول ليش كذا الدنيا فانيه والله لو راح او يصير له شي لاسمح الله انا اللي بتحسف لانه ماكان راضي علي صح الزوجين يزعلون ولازم يعتبون على بعض بس بحدود نصيحتي روحي راضيه والله مالك الازوجك واصبري عليه هو الحين في محنة وترا ترك الدخان يبي لها صبر ومده لحتى يرجع للوضع الطبيعي وربي يسخركم لبعض |
رد: زوجي زعلاااان
يارب يهدي بالكم ويرجع زوجك ويعتذر لك
بس نفس ماقلت الاخت اللي قبل نصاااااااااايحها حلووووووه |
رد: زوجي زعلاااان
الله يصلح بينك وبين زوجك
|
رد: زوجي زعلاااان
الله يهديكم
والرجال ما يحب المره تكسر كلمته لاتخلي ابليس يدخل بينكم والله يهديكم |
رد: زوجي زعلاااان
اذا فيه مشاكل بين الزوج والزوجة مافي انكسر واصالحه هذا مو كسر لكرامتك هذا من اخلاقك
وش فيها صالحيه ويجي يوم يصالحك فيه وهكذا تمشي الايام أنصحك لاتضيعين ايامك في المشاكل لانها تقصر العمر صح انها ملح الحياة بس لاتخلين مشاكلكم تطوووول لان واحد منكم بالنهاية سواء انتي او هو راح يتعود عليها ويصير الوضع عادي عنده سويله ليله حمراء وشموووع بغرفة نومك وأقفليها عليكم وقولي ماراح أفتحها الى ان ترضى صدقيني أحسن لك ومثل ماقلتي انتي نفسيتك تعبانه وهو كمان من الدخان يعني هالليله حلوة لكم ثنيناتكم يارب يسخرلك ويوفقك |
رد: زوجي زعلاااان
الله يسخره لك ويهديكم لبعض
|
رد: زوجي زعلاااان
بجد ارائكم سديده
وانا لو كانت وحده عرارضه المشكله راح اقولها نفس كلامك الدنيا ماتسوى وانا شاكره لكم على تفاعلكم بس انا راح اصبر يمكن يلين يابنااات والله السالفه ماتسوى عشان ايعاقبني كذا وربي مايرضى ان المسلم يهجر اخاه فوق 3 ليال احنا قدامنا الحياه ومافيه حياه بدون مشاكل وعندنا اطفااااااال التفاهم من اهم ضروريات الحياه السعيده (لكن التطنيش والسفه والحركات البايخه عمره ماكانت حل) انا راح استنى مو عشان شي بس عشان يعرف ان الحركه هذي ابداااااا مالها اي اساس اطنش وهو ايطنش وبعدين عموما الله يسعدكم جميعا وتنالوا اللي في بالكم يارب ويجعل الجنه من منازلكم ورااح اخبركم بالجديد ان شاء الله ربي ايسخره لي ويترك العناد ويطيح اللي براسه |
رد: زوجي زعلاااان
انتى معوداه انك تصالحيه فلااااازم انتى اللى تروحى تصالحيه
وخلي بالك كتر الزعل لما يطول اكثر من يوم مو حلو نهائى |
رد: زوجي زعلاااان
أختي مصريه
شاكره لك بجد انا اللي دايم اعتذر وانهي الخلاف (كله خوف من الله) بس مليت كله انا اعتذر(انا انسانه ولي مشاعر) اليوم كله ماكلمني طول الوقت بس يلعب ولدي حتى بنتي طعمنها اليوم ولاسال عنها كلها عشان مانتحاور بالكلاااام حدنا السلام عليكم بجد زهقت من الروتين هذااااا ومقهوره ومافيني اعتذر يااااااااااربي بس حاليا انا مشغوله في بنتي عشان الم التطعيمه يعني ماراح افكر فيه وربي راح يعيني |
رد: زوجي زعلاااان
....
صح السالفه ماتستاهل تطول وداااايم احنا اللي نراضي قلوبنا رقيقه حنونه مانتحمل بس هم لرجال اقسى شوي مننا الله يعينك تسامحي منه واجرك عند الله ان شاء الله |
رد: زوجي زعلاااان
السلام عليكم ورحمة الله وبركاته
امممممممم بجد شاكره لكم على مساعدتكم اليووووم بصراحه قلت (بلاش تطول السالفه الدنيا ماتسوى ) فقررت اني افتح الموضوع ويااااه طبعا (مليت من الليله الحمراء ورومنسيه انا امراه وعندي اطفال لازم اواجه الحياه بتفاهم واتخاذ القرارات المناسبه جلسه للمصارحه يعني الرومنسيه والليالي الحمراء لها وقتهااا) طبعا بعد مارجع من الدوام ونام صحى العصر وجهزت قهوه وحلى بالصاله وجلسنا نتقهوى وفتحت الموضوع معه (ابتسم ابتسامه ماكره وقال مالقيتي غير هذا الوقت حرام عليك لنا 5 اياام متزاعلين ) وينك من اووول طبعا تحدثنا وقال انا بصراحه ادري غلطت وكل ماجيت اعتذر اقول بستنى المشكله ماتستاهل بشوف مدى تحملك لي (انا بصراحه من تركت التدخين مو قادر امسك اعصاhwaml4بي وخايف تصير مشكله اكبر وتتوتر العلاقه بينا فقلت اجرب ) 0بصراحه انا ندمت وكنا متعاهدينا ان نوقف مع بعض واني اتحمله قدر ماقدر لمين ينساااااااااهhwaml03 (خجلت من نفسي فندمت فسامحني يااارباااااااهhwaml5) يامهاااات المستقبل كوني له عووون في حياااااته فانحن النساء نحكم قلوبنا قبل عقولنا رزقنا الله واياكم سعاااادة الداارين |
رد: زوجي زعلاااان
الله يخليكم لبعض
اجل انا من يومين انصحك تزاعلنا اليوووووووم هههههههه بس تراضينا شوي < كأن براسي حبه لسى مانطحنت |
رد: زوجي زعلاااان
اسمحيلي انتي الغلطانه لأنك مشيتي وماكلمتيه>>اش رح يصير لو قلتيله سبب ضربك للولد او بينتي انك غلطانه بضربه
او اقل شي خليتيه يكمل كلامه عشان يحس برجولته انتي اللي خليتي الموضوع ولو انه سخيف بس كبرتي السالفه وانتي نفسك معترفه انك غلطتي (السالفه روحي لزوجك حاولي انك تجيبين سالفه يكون فيها حوار مثلا :فيه عزيمه لاهل فلان بتروح ..او ........اي شي ومن هنا اذا لان الحمدالله مايحتاج كلمه(سوري)وكذا كل واحد يحتفظ بكرامته اذا مانفع معليش اعتذري وبيني انك غلطانه ومو قصدك وانه الكل بالكل وبرظوا بيني بالاخير غلطه عشان تعصيبته اللي ماتستاهل سوري يمكن قسيت عليك بالكلام الله يوفقكم ويسخركم لبعض دعواتك لي بتييسر اموري |
رد: زوجي زعلاااان
حبيبتي هو يحب ولده وانت مثل ماطلعت من طورك على ولد هو كمان طلع من طوره عليك
يعني انت السبب والبادي اظلم روحي راضيه ودوريله على شيئ ثاني تزعلين عليه ويجي هو يراضيك ضحكتيني انا كمان احيانا ادور مشكله عشان ازعل ويجي يراضيني بس احيانا اقعد اضحك قدامه احس اني كذابه مو زعلانه امثل الزعل بس وجهي يطيح اذا طنشني احنا الحريم علينا حركاااااااااااااااااااااات |
رد: زوجي زعلاااان
ماكنت كملت باقي الردود عموما مبروووووووووووووووك على الرجعه
|
رد: زوجي زعلاااان
الله يكون بعونك
|
رد: زوجي زعلاااان
عموووما
شاكره لكم على التواجد ومشاركتكم معي بالعكس انا مابزعل من الردود اذا فيه احترام وانتم كنتم كذالك (والاختلاف في الراي لايفسد للود قضيه) لكم جظيل الشكر والامتناااااااااان |
رد: زوجي زعلاااان
مبرووووك الصلحhwaml77
والله يخليكم لبعض ويديم الودhwaml95 |
| الساعة الآن 03:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .