منتديات حوامل النسائية - اللي تبي تحمل بعون الله تدخل

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - اللي تبي تحمل بعون الله تدخل (https://naqatube.com/showthread.php?t=44756)

اللي تبي تحمل بعون الله تدخل

السلام عليكم ورحمه الله وبركاته

طبعا هذي اول مشاركه لي واتمنى الكل يقرى موضوعي واتمنى ربي يرزق كل وحده تبغى تحمل عشان كذا انا بنزل هالموضوع وبقولكم قصتي ومعاناتي صحيح فيه ناس عانوا اكثر مني وحسوا بالي انا حسيته واكثر بس لاني عشت فتره قلق وخوف وتوتر والله ما اتمنى اي وحده بالدنيا تعيش هالحاله عموما ما اطول عليكم حبايبي انا لي سنتين متزوجه وماحملت وكل شهر انتظر الدوره تنقطع وللاسف الاقيها بوجهي وانتم بالكرامه لدرجه وصلت فيني كل ما اشوفها اجلس ابكي وانهار واخلاقي تقفل ولا ابي اكلم زوجي حتى وبعدين قلت بشيل من بالي فكره الحمل نهائيا >> طبعا كنت اكذب على روحي

عموما وقلت بروح لنادي رياضي عشان اسوي رياضه بما اني تخنانه شوي بعد الزواج

ورحت النادي وقابلت وحده مغربيه الله يسعدها ويهنيها ويبشرها بالجنه يارب
طبعا اخذت واعطيت معها وقلت لها اني متزوجه من سنتين ولا حملت وماخليت شي الا استعملته
ورحت للمستشفى وناس يقولولي معك تكيس بالمبايض وناس يقولون عندك هرمون الحليب مرتفع
والي يقول انتي عندك انسداد وسمعت كلام يسد النفس والله ووصلت معاي يوم قالت لي دكتوره
انتي مستحيل تحملين الا بعد كورس من العلاج ياخذ سنين
قالت لي المغربيه الي قابلتها بالنادي ماعليك من كلامهم انا بعطيك علاج ولو فيك شي راح يبان وراح يعالجك
وانشاء الله ماتخلصين شهر الا وانتي حامل طبعا انا ماصدقتها لاني تعبت وانا استخدم اشياء مايعلم بيها الا ربي
قالت لي عليك بالتمر والقرفه والعسل والشاهي الاخضر خذيها ايام الدوره يوميا وبإذن الله ماراح تشوفي الدوره بعدها
قلت على الله نجرب ونشوف وبالفعل جربت الي قالت عليه وانا متاكده انه مثل غيره ماراح يجيب لي فايده

والله ثم والله ثم والله اني ماشفت الدوره بعدها ولمن حللت قالولي حامل ومن فرحتي قلت والله لانزل هالموضوع بكل المنتديات لاني كنت ادور في المنتديات اي شي يخليني احمل بالذات ان زوجي يعشق الاطفال وانا بغيت انهبل وقلت لازم اقول للكل على هالوصفه

طيب الحين بقولكم على العلاج كيف طريقته

اول شي تاخذين 7 تمرات وتخرجين النواه منها وتحشين التمر بالقرفه طبعا ماتطحنين القرفه مره خليها شوي مطحونه تحطين القرفه داخل التمره وبعدين تقفلينها وتغمسيها في عسل سدر اصلي لين تغطين التمر وتخلينها لليوم الثاني وتاكلينها ع الريق طبعا تاخذون هالعلاج ثاني يوم الدوره وثالث يوم ورابع يوم يعني ثلاث ايام ابتداء من ثاني يوم
اما خامس يوم من الدوره تبخري بالشاهي الاخضر العادي الي نشربه لمده ثلاث ايام انا تبخرت بالشاهي الاخضر من ثاني يوم لان الدوره حقتي اربع ايام بس

طبعا انا زدت عليها كمان شغله ثانيه اخذت ملعقه صغيره كمون وملعقه صغيره زنجبيل وملعقه صغيره قرفه ونص الملعقه الصغيره حلبه وسبع حبات حبه سودا خليتها في مويه دافيه تنقع لليوم الثاني واخذتهم كلهم ع الريق والحمد لله وربي انا سويتها الشهر الي فات وهذا الشهر بلغوني اني حامل يارب لك الحمد والشكر

ملاحظه هامه : طبعا انا كثرت الاستغفار ودعيت الله سبحانه وتعالى انه يجعل هالعلاج سبب لحملي

بس ياليت تدعون لي ان ربي يتمم حملي على خير ويرزقني الذريه الصالحه واجيب احلى نونو بالعالم كله واسفه ع الاطاله