|
ألم في الظهر والبطن بعد الدوره
السلام عليكم ورحمة الله وبركاته
اولا شخباركم انا متزوجه وعمري 19 وما عندي خلفيه بالحمل وهالاشياء وعندي مشكله وهي اني بعد الدوره حسيت بالم في الظهر وبالم في بطني ورحت وقالوا لي التهاب انا دائما لما تجيني الدوره يكون معاها انقباضات بس اول يوم وبعدها اخذ بروفين ويصير اووكي وهالشهر الدوره المفروض تنزل 26\1 لكن في هاليوم حسيت بالم دوره استمر ثلاث ايام واختفى وبعدها جاتني انقباضات قويه حتى كنت مو قادره اقعد او اسوي شي ومعاها امساك ومعاها افرازات بيضاء فيها شفافيه وتاخرت الدروره 10 ايام بعدها جاتني الدوره وهالانقباضات مو راضيه تروح وفيني الم بالجهه اليسرى اسفل البطن واخذ بروفين لم ما في فايده وعند حرقه في البول وصايره اتبول كثير يعني انا مو من عادتي اتبول وايد ودم الدوره اسود وكانه نزيف يعني وايد ينزل عليي ياليت تفيدوني |
رد: تكفون ساعدوني مو عارفه
ماعندي خلفيه حبيبتي
بس ان شاء الله تكون اعراض حمل |
رد: تكفون ساعدوني مو عارفه
مشكوره على ردج غلاتي
|
رد: تكفون ساعدوني مو عارفه
الاحسن لك تروحين تكشفين عند دكتوره احتمال عندك التهابات في الارحام او في البول وانتي بكرامه لان اختي صار لها كذا
|
رد: تكفون ساعدوني مو عارفه
روحي للدكتوره خليها تفحصك وتسوي لك تحاليل علشان تتطمنين اكثر ياقلبي
:: |
رد: تكفون ساعدوني مو عارفه
ايييي خيتوووو
يمكن يطلع الالتهابات عالجيها من الاول احسن وادا كنتي تنظرين الحمل انشاءالله اتكون اعراض حمل وتفرحين زوجك ياااااااارب |
رد: تكفون ساعدوني مو عارفه
غلاااااا تي الله يشفيك يااا ب حبيبتي لازم تروحين المستشفى اذا عندك مشكله تحلها لك واذا كنتي حااامل تبشرررك واقطعي الشك باليقين
|
رد: تكفون ساعدوني مو عارفه
الاعراض اللي حاسة فيها اعراض التهاب مسالك بولية
روحي المستشفى سوي تحليل بول عشان تطمني وبالنسبة لالم الدورة فطبيعي لانها متاخرة اسبوع يمكن تكون محتقنة عشان كذا الدم اسود والرحم يحاول يطرده وهذي الانقباضات عشان الدورة وعادي تنزل نزيف اهم شي مايكون بكثرة بحيث يصير عندك فقر دم حللي بول وحطي كمادات دافية على بطنك واشربي مشروبات ساخنة عشان تساعدي الرحم على طرد الدم الفاسد يمكن تكوني متعرضة لبرد ولله يشفيكي ويرزقك بالحمل في القريب العاجل :) |
رد: تكفون ساعدوني مو عارفه
مشكورين على ردودكم
بس انه من فتره رحت للدكتوره ووصفت لي ادويه للالتهاب واليوم رابع يوم لي دوره والدم للحين ما خف وينزل وايد واحس بمغص فوق السره ووايد اتبول واحس بلوعه وركبتي تعورني وايد وساعات يجيني الم في منظقه القفص الصدري ويمتد لكتفي وكل هذا صاادني قبل لا تجيني الدوره ومستمره احين ولما اتبول احس بالم اسفل البطن ويزيد في نهايه البول وقبل الدور لما يعاشرني زوجي احس بالم غير طبيعي جعه اليسار اسفل البطن ومستمر هالالم ممكن تفيدوني |
رد: تكفون ساعدوني مو عارفه
آممممممم والله مآعندي علم بس يمكن تكوني آجهضتي ..!! والله آعلم بس لآزم الدكتوره تفحصك
روحي لها مدام ينزل عليك دم وايد وطمنينا عنك خيتوو |
رد: تكفون ساعدوني مو عارفه
انا المشكله خايفه متعقده من الدكاتره
ويوم الاحد رحت للدكتوره وقلت لها عن هالشى وقالت انتظري كم يوم ولين استمر تعالي وعطتني حبوب لالم كتفي وللحين ما راح ومو عارفه شاسوي والالام مو راضيه تخف وخصوصا الم جهه اليسار اسفل البطن والم التبول وركبتي وكتفي ومستغربه من هالاشياء جاتني لما تاخرت الدور ولما ياتني الدوره للحين مستمره والله تعبت |
رد: تكفون ساعدوني مو عارفه
الله يشفيكي ويعافيكي يا الغالية
ما حد يقدر يفيدك غير الدكتورة، لازم تروحي وتكشفي عندها علشان تتأكدي من كل شي وربنا يشفيكي |
رد: تكفون ساعدوني مو عارفه
روحي على الدكتور اكيد التهابات
طمنينا عنكي يا حلوه سلاامااااااااااات انشاءالله ما فيه اشي يخوفك |
رد: تكفون ساعدوني مو عارفه
والله كذا كانت اعراض الالتهاب عندي بالاضافة الى سخونة واستفراغ
لا تستهيني بالالتهاب وكملي المضاد الحيووي او روحي للدكتورة تغيره ونغزات الصدر ترى تجيني لما اخذ برد وعشان ترتاحي خليها تسويلك سونار حيبان معاها الالتهاب او اذا فيه شي ثاني حطمنك وقدامك العافية |
رد: ألم في الظهر والبطن بعد الدوره
مشكورين على ردودكم
وامس رحت المستشفى وسوو تحاليل وقالت لي الدكتورة ان عندي لخبطه بالهرمونات لاني توني من ثلاث اشهر متزوجه وعطتني ادويه والحمد الله بس حبيت اطمنكم |
| الساعة الآن 06:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .