منتديات حوامل النسائية - وبشر الصابرين يارب نكون منهم يارب

منتديات حوامل النسائية (https://naqatube.com/index.php)

- منتدى الولادة المبكرة والإجهاض (https://naqatube.com/forumdisplay.php?f=14)

- - وبشر الصابرين يارب نكون منهم يارب (https://naqatube.com/showthread.php?t=43117)

وبشر الصابرين يارب نكون منهم يارب

اللي خلاني اصبر وما ابكي كلما جيت ابكي تجي في بالي ايه وبشر الصابرين وادعي ربي

انا حملت بعد 14 سنة من الانتظار والتعب والحمدلله الامور كلها كانت تمام فجاءه بدون مقدمات صار فيا نزيف نزيف ماهو طبيعي الين زوجي يجي لبسي والارض والحمام الله يعزكم كله دم

عاد الين وصلت المستشفى والله اني كنت متلطخة الين وجهي بدم
حتى الناس يوم شافتني في المستشفى على بالهم حادث

على طول طلعوني في غرفة الولادة واعطوني ابر ومحلول بداء يوقف النزيف وقف بعد كم ساعة تقريبا

رجعوني في الغرفة العادية وكنت كويسة وفي الصباح سو لي الاشعة والحمدلله كل شي سليم

رجعت الغرفة والحمدلله كنت مرتاحة ان اجنتي بخير

في الظهر قلت لزوجي جيب لي موية من الشيخ

لاني طول الحمل كنت ارقي نفسي واقراء البقره

زوجي هوا جايب الشيخ بداء معايا الطلق وجلست ادعي واطلب الرحمة من ربي

وجلست اتشهد واتشهد حسيت ااني بمووووت ودوني في غرفة الولادة

خف الطلق

بدات احس بالطلق كل بين نص ساعة

الين جات الدكتورة قالت بعد الكشف ان الجنين نازل في عنق الرحم

لازم نفك الربط فكت لي الربط

بعدها بساعة حسيت شي بينزل ونزلت البنت وزنها كان 500 بس مع النزيف صار وزنها 450 غرام

سمعتها تبكي جلست ادعي يارب صبرني وصرت اكلمها بيني وبين نفسي ان شاء الله تكون ليا في الجنة

لانهم من اول قالو ما بتعيش بس برضو كان عندي امل ان ممكن يخلهم في الحضانة بس مالي نصيب فيها

وبعدها قالو بنحاولل نخلي الجنين التاني ان شاء الله ما ينزل ما مرت ساعتين الا احس اني بموت من الالم

ورجعت اتشهد
الا مامرت شوية الانزل الولد
اتمنيت ان اروح معاهم اقلها يكونو معايا

والحمدلله على كل حال نزل الولد ورافع صبابتووو نفس حركتي وانا كنت اتشهد يارب لك الحمد دعواتكم ربي يعوضني خير يارب ويكونو ليا في الجنة يار ب

اشكر كل اخت وقفت معايا ودعت لي اشكر احلا صدفة ويارب ارزقها بزرية الصالحة ويجزاها الخير

وارزق كل من يتمنى يارب

لا تنسوني في دعواتكم