|
زوجي و المولات
السلام عليكم و رحمة الله تعالى و بركاته
اول شي احب اقول لكم اني ما كتبت موضوعي هدا و نزلته الا بعد ما انقرهت و حسيت بحاجة لجواب على سؤالي انا امراة محتجبة وعمري 23 متزوجة من 7 شهور و حامل الحين في شهري الثالث الحمد لله مشكلتي مع زوجي انه كل ما نطلع لشي محل سواء مول مطعم كارفور او اي مكان الاقيه متابع البنات بعيونه وكل ما تعدي وحدة من جنبه لازم يطلع عليها بالاخص اللي تكون لابسة قصير او ضيق و انتو عارفين طبعا بنات دبي و قصدي الاجانب و لبسهم و هالشي يقرني كثير و يضايقني مع انه انا الحمد لله كثير حلوة و جدابة من غير ما اتشكر في نفسي هده حقيقة هو نفسه لا ينكرها و المشكلة انه زوجي كثير بيحبني و مدلعني كثير و عشنا قصة حب كبيرة قبل الزواج يعني زواجنا مو زواج تقليدي و كل ما اناقشه في موضوع النظر للنسوان يقول لي انه شي عادي و يحلف بالله انه نظرته مش نظرة شهوة او رغبة هي نظرة عادية و خلاص و انه ما فيه ست بالدنيا بثيره غيري انا او انه يحب غيري سؤالي هل هالشي ممكن يصير يعني كيف الرجل يحب زوجته و يموت فيها و في نفس الوقت يناظر نسوان الشارع؟؟؟؟ مع العلم اني مو مقصرة في حقه بالمرة احلى و اشيك لبس و بلبسه له في البيت و كل هدوم البيت عندي سكسي كثير حتى هدوم الطلعة حلوة بالرغم من الحجاب و دايما متشيكة و متزينة ومتعطرة قولو لي العيب فين؟؟؟ و هل هالشي عادي و لا لا؟؟؟ |
رد: زوجي و المولات
استغفر الله يعني شي مجرد يجذب انتباه زوجك لا اكثر ولا اقل مثل ما قالك بعدين لا تنسين هذا رجل لووووووووو يعشقك موووووووت من تفوت وحده لابسه هيك لازم تجذب الانتبه
بس بعدها لازم يحاول يغظ بصره لان هالشي حراااااااااااااااااااااااااااااااااااااااام النظره الاولى لك والثانيه عليك |
رد: زوجي و المولات
و الله معاكي حق حبيبتي بس و الله ما دري ايش اقول
|
رد: زوجي و المولات
حبيبتي لايكون بس صدقتيه انه لما يطالع بس كذا يعني مو شهوه ؟؟؟؟
ياقلبي يكذب عليك اكيد بيقولك كذا عشان يسكتك والا بذمتكِ بيقولك لا والله انا اطلع للبنات شهوه !! وشي طبيعي بنت ماشيه من قدامه ولبسهاا مغري قصير وضيق وريحة العطر من بعد 10 كيلو الواحد يشمها ماتبغين يطالع فيهااا ولو انه يحبك ويموت فيك وانتي مشبعته وماتخلين عليه نقص لابد انه يطالع هذا شي اساسي في الرجال وبصراحه بنات دبي مايستحون فااااااسخ منهم الحيا مع احترامي يعني صح ان فيها اجانب ويلبسون كذا بس حتى بنات دبي صارو يقلدون الشرهه على اهلها اللي خلوها تطلع بهالمنظرر وعلى فكره قولي لزوجك دام انا مكفيتك ليش تطالع لغيررري لايقولك بس كذا ويمشيها عليك اذا انا وانا بنت لما اشوف وحده عبايتها ضيقه ومكحله عيونها وريحة عطرها وتتمخطر بمشيتها انفجع منها واجلس اطالع فما بالك بوحده ماهي لابسه عبايه ولبسها قصير وضيق واللي يطالع فيها رجااال مآاعتقد يبي لها اجابه ........ اعتذر ع الاطاله |
رد: زوجي و المولات
حبيبتي بعدين هذا طبع الرجال عينهم زااايغه وترفرف من يمين لليسار
عاد الله يعين مايت الا ع بنات دبي وكلهن يجذبون الصراحه ماعرف شو اقولج الا شي وااحد: من طبايع الزوجج: النظر..... |
رد: زوجي و المولات
حيـاتي شي طبيعي غريزه برجل اصلآ
بس أنت لآزمك تضعين حل له تصريحه وتناقشيه وتنهي الناقش بحل يرضيك ودامك بقدر من الجمال ع كلآمك ليش يناظر غيرك تابعي نظرات زوجك لا يضيع منك لا تستلمي ابد وحاولي تشغليه بشي وخليه هو من يختار لك ملابس عشان يمكن بيه لبس معين يثير زوجك وانتي ما تلبسيه ربي يوفقك ويخلي لك زوجك |
رد: زوجي و المولات
اختي تعودي الان هذا الشي من طبيعه الرجال
فالرجل نضري النضر عنده يسبق اي شي وتاكدي وثقي من نفسك اذا يحبك صدقي كلامه ترى يناظر بس الانه فطره ماله علاقه بشهوه او اعجاب ابد والاتحسينه انك منتبه ومضايقه عشان ماتلفتي انتباه زياده يمكن اهوا بس نضره عابره وما يعني شي{ومادام عنده القمر ماله ومال النجوم } |
رد: زوجي و المولات
يوووه الله يعينك انتي من دبي ؟صراحه جينا بالاجازه اللي راحت وحرمت اجيها مره ثانيهصدق شي لايووووصف ..بس ترا الرجال عينهم زايغه لو قدامهم ملكت جمال العالمالله يهديهم بسس .
|
رد: زوجي و المولات
و الله كلامكم صح الله يعينا
بس شي يقهر بصراحة |
رد: زوجي و المولات
انا الحمدالله زوجي يكره مكان الاختلاط اللي زي كذ1 مولات وهالخرابيط
بس فعلآآ الرجال شنو شغلته اذا راح المول النظر بالرايح والجاااي يموتون لو مايطالعون باللي تمر من جنبهم.. مهمه بتسوين من اغراءت وحركاااااااات لزوجك عشان مايطالع غيرك مستحيل يتوب الرجال عيونهم زايقه |
رد: زوجي و المولات
الله يكون في عونك يالغلا....
واذا طلعتوا مكان قولي هالدعاء (( اللهم اني استودعك قلب زوجي وسمعه وبصره ولسانه وفرجه في ودائعك فاحفظها لي يا من لا تضيع ودائعه ...)) |
رد: زوجي و المولات
حبيبتي خذي المنظور من هالاتجاه
ان البنات مايستحون يعرضون نفسهم جدام الرياييل بلبسهم وزينتهم يعني الغلط مو من الريال من البنات شوفي لو بنت محترمه ولابسه محجب مستحيل ريلك يشوف عليها انا زوجي يطالعهم لين نروح محل ويتطنز عليهم ويقول عنهم انهم مومحترمين حبيبتي سو مثل الشي اذا شفتي ان زوجك يناظر على وحده انتي ابتدي الكلام قولي مثلا انها ماتستحي لابسه جذي او مصدقه عمرها و و و وصدقيني ان زوجك بيايدك في الموضوع ولابيهتم فيهم انتي جربي وشوفي النتيجه انا اسوي جذي |
رد: زوجي و المولات
لا حول ولا قوة الا بالله
|
رد: زوجي و المولات
لاتحطين الشك في بالج حاولي لما تشوفين شي جي انج تفكرين بطريقه غير الشك
انا عن نفسي اشوف ريلي يطالع يمين يسار بس ماتكلم لان واثقه فيه وفوق هذا كله ريلي يشتغل بمكان اختلاط يعني من وين بامسك عينه مانقول غير الله يحفظهم لنا من الفتن ماظهر منها ومابطن |
رد: زوجي و المولات
انا برأيي ما لازم يطلع يلي بحب زوجته ما بيطلع لغيرها مهما كانت كاشفة من جسمها
زوجي ما شاء الله كنا بتايلاند والبنات بالبكيني الله يهدينا وانا بحجابي والحمد لله ما لقيته اطلع لو نظرة بوحدة فيهن ولما كنت اسأله كان يقلي ديني وتربيتي بتمنعني من هالشي لو ما كنت متزوج كيف هلا وربي رزقني الحلال ذكريه بمخافة الله وعقابه الله يهديه للخير ويصلح حالكن |
رد: زوجي و المولات
حلم الامومة الف شكر ليكي حياتو
|
رد: زوجي و المولات
الله يعينك ..
بس الشرهه مو عليه على البنـآت وهو رجـآل يجذبه اي شي لا تدققي كثير دامه يحبك ومدلعك لا تجيبين المشاكل لنفسك .. ياختي تشوفينهم رجال بلحآهم وياكلون البنات بعيونهم فـ لا تلوومينه هههههـ .. |
رد: زوجي و المولات
ام ولاء مشكورة كثير
بس و الله شي يخوف بدام الرجال ضعفاء امام النظر اكيد راح يضعفو من تجيهم فرصة اخاف عليه كثير و الله و اخاف يضيع مني لاني عن جد كثير بحبه |
رد: زوجي و المولات
لا يا الغالية ما بتوصل ان شاء الله لانه يضيع منك بإذن الله هي نظرات عابرة انا ما بحبها واكيد رح اتضايق لو زوجي عملها بس كمان لا تكبري القصة كتير ولا تدققي عليه لحاله بينسى اهم شي قوي عنده مخافة الله بهي الناحية
الله يسخر زوجك الك ويبعدكن عن كل مين ناوي يفرقكن |
رد: زوجي و المولات
الله يهدي الك
ويريحلك بالك من هالناحية يا قلبي |
رد: زوجي و المولات
ايش حتقولي عليا انا هنا في امريكا مع زوجي ولنا 7 اشهر جيت فترة الصيف وربي كرهت نفسي ياليت على ضيق وقصير وبس الا بدون ملابس ماشين وحتى مافي ملابس داخليه
وهو بدا دراستو يعني انا مسكينه في البيت وهو في الجامعه لوحدوو والبنات هنا فترة الصيف لازم يعملو حمام شمس تلقيهم وقت ماتخلص الكلاس تروح تطلع المنشفه من شنطتها وتبدا تفسخ ملابسها وتدهنا جسمها وتجلس لو في نص الشارع مافي مانع عندهم بدون ولاشي ود هما في الجامعه لكن دا في بدايت ماتزوجت واحس اتغيرر كتييير من بعد مشاااااااااكل مريت فيهااا اذا والحمدالله زوجي عاقل ومتدين بس برضو ماتضمني عيونهم يبغالها تفقيييييييييييع انا الي تعبت وابغى حل كرهت الصيف في امريكا خلينا برد وتلج افضل عشان يحتشموو |
رد: زوجي و المولات
البنات ماقصروا قالوا الي في خاطري وأكثر
صدق الرسول صلى الله عليه وسلم لما قال .. (ماتركت بعدي فتنه أشد على الرجال من النساء ) الله يعينك يا أختي تري الرجال أغلبهم كذا عينه تسبق عقله |
رد: زوجي و المولات
لا حول و لا قوة الا بالله
يعني ما فيه حل للمعضلة هادي؟ |
| الساعة الآن 03:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .