|
حبيباتي...شوفووا آخر أحداثي**
بسم الله الرحمن الرحيم
الى حبيباتي نجمات هذا المنتدى الرائع...hwaml88hwaml88 أنا تعبت وماسألت غيركم وكنت عبيطه في أشياء وعرفتها منكم<<< حلوه عبيطه خخخ أنا انبسطت إني حامل وكنت عايشه أنا وزوجي عالم ثاني سبحان الله ادري انكم عارفين هالإحساس والله يرزق كل من تأخرت بالحمل... وبعد الدم اللي نزل مني وراحتي وروحتي للمستشفى والتحليلات آخر مره كانت أمس وسويت تحليل وطلع...... (ان الجنين نزل)للأسف.... أنا أكيد حزنت كثير كنت أحلم بهالبيبي متى يجي وكيف بيجي بس سبحان الله مقدر ومكتوب وأنا راضيه باللي كاتبه لي ربي وهو سبحانه رزقني بالأول وان شاءالله يرزقني بالثاني... ولكن نزوله كذا ولا انه يكون خارج الرحم وينزلونه هم.. أنا الحين بخير الحمدلله ولاحسيت بتعب كبير زي اللي يجهضوا... ادعولي بالخير... نبدأ بالأسئله**خخخخخ * الصلاه ..هل عادي أصلي ماأعتبر نفاس على ماسمعت لأن لي شهر ونصف فقط أو لا؟؟؟ *الدم كم يجلس معي الحين؟؟انا دمي ينزل خفيف ويوم سقطت مانزفت مره وبالمستشفى يقولوا اني نظفت مايحتاج عملية تنظيف؟؟ *متى افضل وقت احمل فيه بعد الإجهاض؟؟ حبيباتي انا فرحانه فيكم مرررره الله يسعدكم ويجزاكم الجنة ويسهل لكم حملكم وولادتكم ويحفظ لكم اجنتكم يااااااااارب..وعقبالي خخ أنا بإذن الله ماراح اترك هالمنتدى الروعه..ولا بترك نجومه اللي هم انتم لاني حبيتكم من قلبي وبظل معاكم حتى احمل في الثاني ان شاءالله واطفشكم بلأسئله من جديد..خخخخ دعوووووووووووواتكم لي بالخير |
رد: حبيباتي...شوفووا آخر أحداثي**
(وبشر الصابرين الذين اذا اصابتهم مصيبة قالو انا لله وانا اليه راجعون)
الله يرزقك ياقلبي بطفل وتحملينه بين يديك والله اذا احب مؤمن ابتلاه اهنيك ياروحي على قوة الايمان والله يجعله طير من طيور الجنه |
رد: حبيباتي...شوفووا آخر أحداثي**
الله يرزقك واتمني انك تعاني بصحتك لان اجهاض زي الولادة
|
رد: حبيباتي...شوفووا آخر أحداثي**
الله يعوضك خير حبيبتي
وانتبهي لنفسك وان شاء الله تبشرينا قريب بحملك والله يوفقك ويسهل دربك |
رد: حبيباتي...شوفووا آخر أحداثي**
الله يعوضك خير يا قلبي
واهم شي في هالفتره انك ترتاحي اهتمي بنفسك وربنا يرزقك بالحمل السليم عن قريب |
رد: حبيباتي...شوفووا آخر أحداثي**
ربنا يعوووضك خير يااختي >>ويرزقك بالحمل السليم التام المعافى يــارب
وبالنسبه لأسألتك راح أجاوبك عليها بما أني سقطت وانا مثلك بشهر ونص بالنسبه للصلاه//أيووه يجب عليك الصلاه لانك لاتعتبرين نفاس لان الجنين لم يتخلق ولايعتبر دوره,, والنزيف حبيبتي أنا كنت مثلك لاتخافين الدم كان متوسط لاهو بالغزير ولا القليل قريب لدورتي <<بس أهم شي لاتهملين نفسك بالتغذيه بهالفتره الاكل الحار وشرب الحليب الدافي بالحلبه وتمرة الرشاد مع القهوه وربي يقومك بالسلامه.. وبالنسبه للحمل مره ثانيه قالت لي الدكتوره لازم نريح الرحم 6شهور عشان يسعتد للحمل الجديد وفعلا جلست 6 شهور وبالشهر الاخير تعالجت بالكلوميد وحملت واخذت مثبتات لأني سبق واجهضت واللحين لي 5شهور ربي يتممه لي ويرزقك يااارب أن شاءالله أكون أفدتك///ماابي دعوه لأختك ربي يتم عليها حملها ويهون عليها الطلق يارب,, |
رد: حبيباتي...شوفووا آخر أحداثي**
الله يعوضك خير
بخصوص اسئلتك اول مرة تمر علي وبستفيد حتى انا من إجابات أخواتي |
رد: حبيباتي...شوفووا آخر أحداثي**
شوفي انا لمن سقطت سويت عملية تنظيف والله يعوضني ويعوضك
بس انا الدم نزل ليي عشرين يوم .. عشر ايام قالو ليي يعتبر نفاس ومااصلي وبعدها عادي اصلي وبالنسبه لمتى تحملي ادا الله راد راح تحملي مره ويقولو الساقط لآقط يآعمممممري الله يرزقك بالحمل السليم مرره ثانيه :) |
رد: حبيباتي...شوفووا آخر أحداثي**
ياقلبي عليك
الله يعوضك خيرا منه سبحان الله كل شي خيره اهم شي اهتمي بصحتك الان وحالتك النفسيه اهم شي لا تتعبين نفسك بالتفكير هذا مقدر ومكتوب تصدقين من كثر ماهو بالي منشغل عليك واتابع موضوعك الاول وماحصلت شي جديد داخله على ملفك بشوف اخر مشاركاتك والحمدلله الان تطممممنت عليك ماتشوفين شر يالغلا |
رد: حبيباتي...شوفووا آخر أحداثي**
اهلين حبيبتي الله يعوض علينا جميعا ...انا لما سقطت في الخامس تنومت اسبوع في المستشفى وكانت نفسيتي تعبانه حيييييل ...لكن الله سخر لي وحده من تشتغل في وزارة الاوقاف واعطتني ورقه مكتوب فيها احكام السقط وبشرتني بحديث الرسول صلى الله عليه وسلم"والذي نفسي بيده ان السقط ليجر امه بسرره الى الجنه اذا احتسبته "والله يوم قريت هذا الحذيث ان كأنها صبت على قلبي مويه بارده وانبسطت كثير والحمد لله ...ادري طولت عليك بس اقولك الحكم اللي قريته تصلين وتصومين ويجامعك زوجك ولا يعتبر دم نفاس...وبانسبه للحمل ارتاحي 3شهور والله يرزفني واياك ...يارب فرجها
|
رد: حبيباتي...شوفووا آخر أحداثي**
الحمدلله ع سلامتك..
وربي يعوضك ويعوضنا خير أنشاء الله.. ... |
رد: حبيباتي...شوفووا آخر أحداثي**
ربي يعوضك بالذريه الصالحه وحمدلله علي سلامتك
وبالنسبه للاسئله البنات ماقصروو ربي يسعدك |
رد: حبيباتي...شوفووا آخر أحداثي**
اختي انا مثلك مالي كم يوم
بس وربي تعبت نفسيتي والحمدلله تقويت عليه وصبرت نفسي وكل ماتذكرته قلت لاحول ولاقوه الا بالله اللهم اجرني في مصيبتي خيرآ واخلفني خيرآ منها اختي الصلاه تصلي اذا ماجا لك 81 يوم لانو لا نفاس ولا دوره بس طبعآ كل ماجاءت وقت صلاه تتوضي من جديد وسوي بحث بالنت وتلاقي اجوبه من شيوخ اما الدم فانا ماطول يمكن 9 ايام والخمس الايام الاولي دم شويه كثير بعدين خفيف يعني مثل الدوره بالضبط وبالنسبه للحمل الله يرزقك عاجلآ غير اجل فيه بنات حملوا وماجاتهم الدوره بعد الاجهاض وربك اتم عليهم حملهم والبعض لا اسلبوا من جديد انا سالت دكتورتي قلت لها انا قريت انو الا فضل استريح 3 شهور قبل مااحمل قالت ايوا لا تذوري الحمل ولا تمنعينه خليها ع ربك لاني انا اخذت ابره تفجير علشان هيك طلعت البويضه وحملت فقالت تعالي لي شهر 4 من هذي السنه والله يرزقني وياك ان شاء الله والله يعوضك ويصبر قلبك ويرزقك الذريه الصالحه ان شاء الله اكون افدتك :) |
رد: حبيباتي...شوفووا آخر أحداثي**
الله يعوضك خير ياااااااااااارب
ماتدرين يمكن خيره |
رد: حبيباتي...شوفووا آخر أحداثي**
حبايبي الله يسعدك ويحفظكم ويرزقكم الجنه يارب وحده وحده من اللي ردوا علي ,,
اعذروني بس انا شوي انشغلت بالاختبارات وياليتها كانت زينه.. أنا الحين تمام والحمدلله وان شاءالله برتاح شوي واجرب الحمل من جديد.. مشكوووووووووووورين,, |
رد: حبيباتي...شوفووا آخر أحداثي**
الله يعوض عليك حبيبتي
ويكون شافع لج يوم القيامه |
رد: حبيباتي...شوفووا آخر أحداثي**
الله يعوضك حياتي .. قررررريب
بس ارتاحي كم شهر لأنه مو زين لك تحملين ع طول .. اقل شي 3 شهور وربنا معااااكي قلبوووو... صدقيني خيره .. ويمكن رحمه لك ماتدرين .. تحيااااااااااااااااااااااتي |
رد: حبيباتي...شوفووا آخر أحداثي**
الحمد لله على سلامتك الله يعوضك بخير ياااارب
بالنسبة لصلاة أنا يوم عملت عملية تنظيف نزل مني دم وسألت شيخ وقال هذا ما يعتبر نفاس لازم أصلي |
| الساعة الآن 08:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .