|
زوجي مايبيني !
السلام عليكم ..
كيفكم يالغاليـــات ان شاء الله بصحه وعافيـه,, ادري ازعجتكم بمشاكلي بس تحملوني والله اني ارتاح لاضفضت لكم واستدت كثير من نصايحكم الله ييجزاكم خيـر بدخل بالموضوع طبعا انا حامل وطول فتره حملي نفسيتي شوي تعبانه قبل شهر وزياده رحت عند اهلي زياره كالعاده يوم جات الساعه 11 دق علي زوجي عشان يمرني قلت له جلس الييوم عند اهلي <عشان امي تقول اجلسي عندنا ارتاحي .. المهم وافق عالطول وعلى فكره زوجي من النوع اللي مايحب اني انام في بيت اهلي بطلعه الروح يوافق بس بفتره حملي صار عاااادي عنده مايقول شي ابـــــدا المهم نمت عند اهلي يوم جاء من بكرا رحنا لخوالي مااتصل ! كلمته انا ولاجاب طاري انه بيمرني استغربت نمت يومين المهم يكلمني وشلونك ووو بس ماقول بمرك اخريوم شفته كيذا من غبائي قلت له بجلس عند اهلي كم يوم زياده احسبه بينهبل ووالله ولاهامه جلست عند اهلي اسبوع ولا مرني ابد بس يكلمني كل يوم صارت نفسيتي دمار بس مسويه اني مبسوطه حتى اذا كلمني ماحبيت ابين له اني ابي ارجع << طبعا الحمدلله اهلي مره مريحيني ومبسوطه حتى صحتي تعدلت بس اللي ذابحني هو بعد الاسبوع اتفاءجى زوجي يكلمني ويقول انا الحين بمرك اسلم عليك ابي اشوفك ! قلت اوك جاء عند اهلي ومعه اغراااااااااااااض من الى مواد غذائيه وفواكهه وخضروات الخ... انا انجنيت يعني معناتها يبيني اطول جاء وسلم على اهلي وجلس ساعه معي وطلع تتدرون وش قالي يقول حبيبتي اجلس عند اهلك لحد ماتولدين عشان ترتاحين ! وتغذي زين قلت طيب توني عالولاده باقي شهرين وزيااااااده قال لامايخالف نامي كويس ووووو اسكت ومابينت له انه هالشي مو عاجبني وطلع وصار عالحاله يجيني يوم ورى يوم ويكلمني كل يوم المهم مره كلمته بعد حلوسي للبيت اهلي بسبوعين يمكن وقلت تعال ابي اروح لبيتي اشتقت له قال لييييه تضايق قلت كيذا قال طيب واحسه تضايق جاء اخذني وهو بسياره مكتم يقول اي شي تبينه من البيت خوذيه ملابس او شي يعني افهميها قلت وش تقول قال انا عندي دوامات وبتجلسين بالبيت لحالك ووو المهم رحت لبيتي ومره مستعجل ولا لمسني ولاشي !! اخذت ملابس وطلعت شافني زعلت بسياره ولااسولف معه بعددين وداني مطعم عارف انه غلطان معي المهم صار على هالحاله وانا الحين لي شهر واسبوع في بيت اهلي وداني مره يمشيني ومرتين رحت للمستشفى ومره لسوق بس <<< طبعا انا توني باقي لي 5 ايام وادخل الثامن ومن الحين يبيني اجلس وشريط الحمل متقدم شوي صرت المح له واقوله فقدتك ووووووو بس ماقالي ابد اشتقت لك ابيك ترجعين انا بموت من القهرر وكل ليله كل اللي في البيت ينامون وانا اجلس لحد الصبح افكر واصيح اقول معقوله مايبيني زوجي مايصبر على ذاك الشي بالكثير 3 ايام يومين وهذا اللي مجنني خوفي انه يسويها معي غيري كل اللي حولي عمااتي خالتي الجيران مستغربين يقول ليه تتجلسين عند اهلك زعلانه !! كل مايجي يحيب شي معه عشان اسكت وامس ماكلمني ابد استغربت كل شوي اروح اشوف جوالي اخر شي كلمته مرتين بس مارد استغربت بعدها بساعه رسل رساله يقول انا مشغول! هو يبيني اجلس لحد مااطلع من النفاس يعني 4 شهور تكفون علموني وش اسوي انصحوني واللي ماترد تتدعي لي لانه نفسيتي مره تعبااااااانه والله حسسني كاني متزوجته مسيارر يجي يوم ورى يوم يزورني ويمشي الشي اللي لاحضته بزوجي وخايفه منه زوجي مايحب يسمع اغاني وانا بعد بس يوم طلعنا بسياره يسمعني اغنيه ويقول اهداء لك!! من متى صاير رومنسي وهو يكلمني مره اسمع صوت ماسنجر اقوله انت وينك يقول بدوام !! علمووووووووووووووووووووووووووووووووووووووووووووووو ووووووووووووني وش السوات مالي الا الله ثثم انتم |
رد: زوجي مايبيني !
سوات بيدج يالغاليه جهزي أغراضج وروحي لبيتج ..
وقولي مايحتاج أنا مرتاحه في بيتي ومهما قال ردج يكون حازم ومقنع وياه .. و الله يسخره لج ويقومج بالسلامه ,, |
رد: زوجي مايبيني !
حبيبتي لا تزعلي مني بس ماله داعي تنامي عند اهلك كثيري
روح لزوجك من يطبخ له من يغسل له واذا احتاج شي يعني انتي تنتظرينه يجي يقولج تعالي ارجعي اذا انتي الزوجه ما حسيتي تبين الرجال يجي يقوله وتنتظرين زوجك يروح من ايدج وقعدتج شهر وشوي في بيت اهلج عاجبتنك انتي؟؟ مافي زوج يصبر شهر وشوي والحين جاينك لنفاس بعد بتجلسي يعني 4 شهور وزوجش محد معاه ترى الشيطان شاطر رجعي لبيتك وتركي حركات الحريم الا ما منها فايده وقعدتك في بيت اهلك وايد طولت وع سالفه النفاس ليش راح تجلسي 40 يوم كثير شهر وا10 ايام وانتي في بيت اهلك حتى لو هذا البكر جلسي 10 ايام او15 تريحي وبعدها رجعي عند زوجش لانه ترى الرجال اذا ما شاف منج اهتمام راح يدوره بره بيته انتبهي لزوجش حبيبتي والله يصلحكم وحاولي انج ترسلين اليه رساله تقولين اليه انك وحشتني ووايد طولت جلستي عند اهلي وشكلي راح ارد البيت لانك بعيد عني واذا قال لج لا اجلسي ريحي قولي اليه راحتي معاك وانت الا بتريحني ما اجلس هنا الله يهديكم |
رد: زوجي مايبيني !
انتي تتعبي نفسك وتتعبي جنينك وزوجك ولا معبر
شوفي اذا تبين تحلينها مافي الا الصراحه بينك وبينه ترجعي بيتك وتصارحيه والصراحه تكون بحززززم يعني اذا صارحتيه تتكلمين معاه وانتي واثقه ان له علاقه مع غيرك لين يعترف بنفسه مو تقولي عندي احساس انك تخون ولا تقولي ابتعدت وفقدتك ومن هالكلام ابد ابد ماينفع لان من كلامك عن زوجك كل اللي يسويه يدل على خيااانه فعشان كذا صارحيه بحزم وخليه يعرف انك عارفه كل شي عنه ومن بعدها ازعلي عليه وطنشيه عشان يحس بغلطه فالنهايه مرده لك يعتذر انتي زوجته وام عياله |
رد: زوجي مايبيني !
اقتباس:
|
رد: زوجي مايبيني !
اقتباس:
|
رد: زوجي مايبيني !
اقتباس:
|
رد: زوجي مايبيني !
الله يعينك ياقلبي
انا رائي من راي سويت الله يسخر لك زوجك ياااارب |
رد: زوجي مايبيني !
اقتباس:
|
رد: زوجي مايبيني !
حبيبتي قريت المووضووع كامل
وفهمته اي ادري انج لمحتي له انج تبين تروحين بس انتي قولي اليه ابي اروح انا ما ارتاح الا بشقتي واصلا ما راح يقدر يوقف بوجهك ويقولك لااا لانه هذا بيتك والله يهديكم |
رد: زوجي مايبيني !
أسمعي لاتحكمي على طول انها خيانة hwaml4او مايبيك
حطي في بالك لو احتمال بسيط يكون يبيلك الراحة أنا أقولك أكيد معاك مفتاح للبيت,,, خلي أبوك أو أي احد من اخوانك ياخذك لبيتك وقت دوامه رتبي البيت وجهزي اكله حلوة مع بطاقة اكتبي فيها عن مشاعرك كلها من وقت نزلتي لبيت اهلك لهذا اليومhwaml13 ورتبي نفسك خليكي اخر شياكة وفاجئيه اذا دخل البيت ولا تتحسسي من ردة فعله ابدا لاتقولي هو مايبغاني او اي شي من هالكلام الا اذا قالك ارجعي لاهلك هذي هي اللي تخافي منها |
رد: زوجي مايبيني !
هلا بروره حبيبتي والله ضاق صدري عليك ذكرتيني بزوجي يوم حملي واكيد تذكرين اللي صار بينا
شوفي حبيبتي سوي مثل ماسويت ورجع زوجي ياخذني ياحليلك بس انا عطاني كرت العايله وقال روحي اولدي عند هلك احسن لان نفسيتك المتقلبه تعبتني ولو رجعتي ترى اخر يوم بينا وماعطاني لافلوس ولاكان يدق علي تدرين وش كنت اسوي كنت كل يوم اقرى سورة البقره يوميا كامله واصلي الليل وادعي ربي ولساني مايتوقف من الاستغفار24ساعه استغفر وكنت مره مشتاقه له ولبيتي بس سبحان الله كنت الهي نفسي مع هلي والله شوفي حلفت من بديت اقرى القران اصلي الليل واستغفر سبحان الله لهاني ربي عنه واهم شي طنشيه لاتردين لو دق ولاتدقين عليه حتى لو مادق واسفيهه حتى لو جاك عند هلك اثقلي لاتطلعين والا اطلعي وقابليه رسمي وحاولي تدمع عيونك عنده وحسسيه بهالشي ترى الرجال ان شاف دمعة حرمته يضيع سبحان الله اسئليني انا وان قال وش فيك قولي ليه ماتبيني عندك حتى لو مشغول اهم شي يكون حسي في البيت والاهم انك تروح معي وقت ولادتي وتشوف مولودنا تدرين انا يوم كنت عند هلي كان كل همي ارجع مو عشانه لاوالله كان كل همي انه يروح معي للمستشفى وقت الولاده واول واحد يشوف ولده وصدقيني يوم رجعت راح معي للمستشفى ووقف معي لين ولدت وشاف ولده والله هاللحظه عمرك مراح تنسينها من الفرحه انا زوجي كذا كان يروح لامه وياكل عندها واحيانن من المطعم ياكل بس سفهته وحسسته بقيمتي لين رجعني حتى يوم رجعت لبيتي بعد النفاس قال بجد فقدتك وفقدت حسك في البيت والله اني اتخيلك بالبيت واشم ريحتك ريحتك موجوده بالبيت شفتي بصراحه زوجك فيه كثير من زوجي ماينفع نذل نفسنا له لازم نثقل انا كنت مثلك ايام الحمل واكيد كنتي معي بمشاكلي بس يوم ثقلت عليه وربي حسيت بقيمتي عنده اتمنى افدتك حبيبتي واسفه على الاطاله بس سالفه انه يخونك والله مدري بصراحه بعد ماشفت صوربنت مع زوجي بعد ماسافر وقت نفاسي صرت اتوقع اي شي من الرجاجيل حتى لو يحبونا والله يسخره لك ومايشوف غيرك ويخليكم لبعض |
رد: زوجي مايبيني !
نصيحتي لكِ لا تتكلمين معه بلموضوع في الجوال
خليه لين يجيك زياره وكلميه بلموضوع واذا تحجج انه يبيك ترتاحين قوليله انا مو تعبانه لانه اعرف مصلحة نفسي واذا لقيتيه مصر انك ما ترجعين للبيت ساعتها اسحبي عليه حتى الجوال لا تكلمينه عليه واذا رديتي حسسيه انك مشغوله او خارجه مع اهلك تتمشون خليه يحس انك مو مهتمه فيه ترى اللي يقتل الرجال انشغال المرائه عنه طبعا هذه الحركه تبينلك اذا يحبك ولا عادي مو مهتم اذا انقهر وزعل منك معناته مافي غيرك بحياته واذا حسيتيه ماهو مهتم فيك ولا ساال بصراحه كلمي ابوك او امك بلموضوع عشاان يشوفون معه حل اخااف تسحبين كثير عليه يقوم يدور غيرك ينشغل معها ويتعود على بعدك اذا التطنيش ما جااب نتيجه كلمي ابوك يكلمه لا يضيع زوجك منك |
رد: زوجي مايبيني !
اقتباس:
|
رد: زوجي مايبيني !
اقتباس:
|
رد: زوجي مايبيني !
اقتباس:
|
رد: زوجي مايبيني !
اقتباس:
بس الله يستر مايسحب لي ولايهمه مشكوره حبيبتي على الرد والله يوفقك |
رد: زوجي مايبيني !
حياتي :
بعدك بكرية .. يعني لازال للحب طريق طويل يحتاج البناء مع زوجك .. الحضور للبيت غصب عنه يسبب أنفه .. لكن بإمكانك بالحيلة .. جربي أن تتصلي به يمرك لأغراض بالبيت وإذا ذهبتي لبيتك أطلبي منه حقك الشرعي ومافيها حياء ووقتها يبان الحقيقة .. أنا أجلس طول حملي عند أهلي لأن عندي مشاكل حمل وقصر بعنق الرحم .. بس الحمد لله مرتاحه من زوجي .. الله يعينك |
رد: زوجي مايبيني !
اقتباس:
وان شا الله بشوف وش يصير معه |
رد: زوجي مايبيني !
الله يسخره لك ويسعدكم ويخليكم لبعض يارب
هذا اللي أقدر أقوله |
رد: زوجي مايبيني !
هلا ابرار انا راي من راي البنات روحي البيت انتي بيني انك اشتاقتي البيتك قولي لا انا ماراح ارتاح الا في بيتي قولي كذااااااااااااااا هو زوجك الله يهدي يبيلو جلسه طوووويله علشان تتفاهمين مع زوجك وتصرحينه بكل شي ياقلبي انتي لاتسكتين على وضعك ياعمري الازم تتفاهمين معها والله يصبرك ويهدي ويسخرلك زوجك والله ياقلبي كذا الرجال بيبيلهم الا العين الاحمره انتي خليكي قويه لاتسكتين ازي ماقلت لك ياحبيبتي
تقبلي مروري وقبلتي لكي وطمنيني عليكي ياخيتوووووووووووو |
رد: زوجي مايبيني !
السلام عليكم
خيتو اظن لو مارديتي عليه خير شر ولو جا ماخرجتي له رااح ينشغل باله ويجي هو لحدك يسئلك وش فيك وذيك الساعه اظن النقاش افضل وسيله وصدقيني راح يحس بغلطته ويرجعك الله يهدي سركم يارب |
رد: زوجي مايبيني !
انتي من سمحتي للجفوه تكون بينكم
أنتي من طلبتي تبعدين عنه وتجلسين ببيت أهلك يوم ويومين لين مددتيها أنتي معناتها اللي خلقتي الجفوه فيما بينكم أنتي كنتي تعرفين انه مايحب تنامين بيت اهلك لكن وش اللي صار ... الرجال قال مدام راحتها عند اهلها خلها عند اهلها الرجال عندهم عزة نفس وخصوصا بالحب قليل اللي يعبر عن حبه ولهفته أنتي بيدك ترجعين وتملين الجفوه حب وود وعطا اعزميه ليلة على مطعم مثلاً وبالمطعم قولي له بصريح العباره أبي أرجع شقتي راحتي فيها مهما كان بيت اهلي مريح بيت زوجي أريح لي من أي مكان بالعالم قوليها له بهدوء قولي له لاولدت بجلس عند اهلي أما اني اجلس من اللحين لين أولد وأخلص الأربعين بموووت من شوقي عليك وربي يرجع المياه لمجاريها وأحسني الظن بزوجك |
رد: زوجي مايبيني !
ترين الزوج على مايتعود
انتي عودتيه على بعدك وشوفي النتيجة ارجعي بيتك حسسيه بالامان وانك محتاجة له وياقو قلبك شهر نايمة عند اهلك والله انك غريبه الله يسخره لكي |
رد: زوجي مايبيني !
الله يعينك ويوفقك معه ويسخره لك ياربي
|
رد: زوجي مايبيني !
حبيبتي اللي صار معك نفس اللي صار معي فتره حملي بالضبط
وانا اقرا موضوعك شكيت اني انا اللي كاتبته مو انتي ^_^ بس ممكن اعرف .........ليه تحسي انه يخونك او شايف له شوفه غيرك ؟! انا اول اربع شهور بحملي كنت بيت اهلي .. وكان يوم ورى يوم يزورني ومايقصر عني بشي .. وكل يوم يكلمني .. يعني نفس حالتك .. وماحطيت ببالي انه يخوني ولا شايف له غيري .. خلك واثقه من زوجك والله تتعبي كذا تعوذي من ابليس الرجال يبي لك الراحه .. هو ماطلب انك تنامي بيت اهلك اكيد الا انه شافك تحسنتي للافضل .. ولو مايحبك ماقال لك ارتاحي بيت اهلك لين تولدين .. ولا قدم راحتك على راحته ........يعني ماخلاه يصبر على ذاك الشي الا راحتك....يمكن سامع من اخوياه ان المفروض مايلمسك لانك حامل وهذا الشي يتعبك .. او قاري بالنت عن هالمواضيع .. ماتدرين عن نيه الرجال .............." صدقيني كل اللي فيك وسواس تعوذي من ابليس ولاتشغلي بالك في امور تافهه مثل كذا ...hwaml4 اذا مااتصل انتي اتصلي.... وكثري مسجات عليه ....صدقيني الكلام الحلو يهز الرجاااال حتى لو مابين لك .. صدقيني المسجات تآثر عليهم كثير اسمعي بنصيحتي .. لاتسوين نفسك ثقيله عليه .. هذا زوجك .. مو شخص غريب عليك" واذا على صوت المسن .. انا صارت لي مره مع زوجي كذا بس انا سمعت صوت البلياردو .. ويحسبني ماعرفه . .. وسالته وينك قال اناظر التلفزيون واجهته وقلت له لاتحسبني غبيه انا افهم بالنت اكثر منك.. ومن بعدها وانا ادخل بلياردو واشيك اذا هو موجود ولا لا .. مره شفته موجود ويلعب مع بنت وصارت هوشه بيني وبينه وكانت بتوصل للطلاق بس انا حكمني عقلي وسامحته وعطيته فرصه ثانيه .. وهو اعتذر وحلف مايعيدها وفعلا انا اراقبه وماشوفه يغلط مع غيري الحمد الله ....... ومن بعد هالسالفه وهو مايخبي علي بشي .. صار يقول لي كل شي..وصار يقول لي عن البنات اللي يتحرشون فيه بالدوام .. وان هو متضايق منهم والخ ....." وسعي صدرك يالغلا .. واذا انتي مشتاقه له روحي له ولاتنتظري هو يجيلك .. وحتى لو جاك مكتم ومايبي يلمسك .. انتي المسيه وتدلعي وتغجني عليه .. الرجال مثل الطفل .. تتحكمي فيه بذكائك .. خلك ذكيه مع زوجك والله يوفقك ويسهل ولادتك يسخر لك زوجك .. دعواتك لي .. |
رد: زوجي مايبيني !
الله يسخر لك زوجك
ويهدي سركمـ والله يهون علييييك |
رد: زوجي مايبيني !
جمعى اغراضك اذا عرفتى انة جاى لعندبيت اهلك وحطيها جهة الباب والبسى عباتك وخلى امك تستقبلة وانتى قولى يلا وهو بينصدم ويتفاجئ وخلى امك توعدك وتوصيك عشان يحس انها طلعةواذا بيزعل بكيفة حتى لوكان رافض تروحى لبيتك اجلسى وصارحية فى بيتكم والزقى فية قولى طفشت ابى بيتى اهم شئ حطى ببالك ماتجلسى عند اهلك واذا على الخيااانة وضحيلة انك مشتاقة وانتى اولى وعلمينا بالجديدولاعليك منة
|
رد: زوجي مايبيني !
يا الغلا انا اشوف عاااااااادي انا زوجي الحين ما يقبل اسوي طفل لاننا في غربه يقول ما اقدر اخليكي في البيت وحدك من نرجع تحملين وتقعدين عند اهلك من سالته وليششششششششش ؟؟
قال اخاف كل شي يصير بهالدنيا يعني يمكن زوجك مثل زوجي يخافون من الحمل لانها اول مرة و ما متعودين على هالشي |
رد: زوجي مايبيني !
حبيبتي تعوذي من الشيطان ولا تدخلين فكرة الخيانه في راسك أبدآ عشان مسألة الشك بينكم ما تكبر الرجال بطبعه ما يحب يبين حاجته للحرمه مهما كانت الحاجه زوجك محتاجك اكثر مما انتي محتاجته واكيد هو متضايق لانك عند اهلك وما صدقتي يقولك نومي عند اهلك نمتي وخليتيه لومالك مكانه بقلبه كان ما يمرك ويسالك عنك ويهتم فيك تعوذي من الشيطان وارجعي لبيتك واذا قالك ارجعي لبيت اهلك قوليله حبيبي اشتقتلك وما اقدر اعيش ايامي من دونك وانا بجلس عندك ويكفي علي اني ببعد عنك في النفاس صدقيني بينبسط مرا ولا تفتحين معه سالفة انه يخونك او اي شي لا تكدرين عليك حياتك لان ما فيه شي يأكد لك انه يخونك ميه بالميه الله يسخر لك زوجك ويخليكم لبعض |
رد: زوجي مايبيني !
بالله انتى جالسه للحين ...........
الحين بتروحين لبيت زوجك حتى لو هو غلطان بشي راح يتراجع الله يسخره لك |
رد: زوجي مايبيني !
مافي الا انك تصاارحيينه
وترجعيين بيتك والله يسخره لك وييسر لك اموورك |
رد: زوجي مايبيني !
يعني يوم مارفض لك طلبك بجلوسك لأهلك تشتكين من جفوته
!!!!!!!!!!!!!!!!!!!!!!!! والله غريبة بصراحه مافي أحسن من الوحدة تجلس ببيتها وتراعي زوجها بنفسها حتى لو ماتسوي شئ بالبيت هذا رأيي وزوجك فهمك من بداية زواجكم إن مايحب الوحدة تنام بيت أهلها وأنا معاه بهالشئ شكله ماحب يعيد الكلام كثيييير شخصية رائعه وكرامته فوق كل شئ الحل بإيدينك يالغالية المبادرة المفروض تجي منك مو منه الله يهدي سركم |
رد: زوجي مايبيني !
حبيبتي لاتحكمين عليه ان مايبيك تصرفه يبين انه يبي لك الراحه وهذه يزورك بس نقصت الزيارات لانه طولتي وبدا يملل
ارجعي انتي مب لازم هو يطلب والله يكون بعونا يالهحريم عجزونا هالريجايل |
رد: زوجي مايبيني !
الله يسر لك امرك مع زوجك اللهم امين
بنصحك ترجعي للبيت ورح تعرفي شو الاسباب والله اعلم |
رد: زوجي مايبيني !
والله ان عنده البلوى عشان كذا يتهرب
هذولا هم كلهم مالهم امان روحي بيتك وأحشريه وضيقي عليه عشان ماياخذ راحته |
رد: زوجي مايبيني !
السلام عليكم انا من نصحيتي انك تروحين لبيتك غصب عنه والبسي وتكشخي وخليك باجمل شكل لاتبهذلين نفسك عشان الحمل تراه بيروح من يدك اركضي بيتك وزوجك وحياتك اهلك مابينفعونك والله انتي الي بتندبين حضك فهمتيني تراك احرقتي اعصابي روحي بيتك اليوم قبل بكره ومافيه رجل يصبرعن زوجته الا لاهي بشي والنت اخطر شي على الرجل الله يهديك بس
|
رد: زوجي مايبيني !
اسمحيلي بس حاسه شخصيتج ضعيفه لازم تصيرين قويهقدامه مو تخلينه يسكتج بكم كلمه عشان مايتمادى
|
رد: زوجي مايبيني !
اسمحيلي بس مبيييييين ان عنده مصيبه
ماودي اقولها بس شكله يخووونك ويمكن الخيانه بعد تكون بشقتك كثييييييير من الرجال الي لما يحملون حريمهم يدورون ع حريم الحرام خصوصا اذا كان الزوج مغازلجي وله سوابق او اذا كان عنده شهوه عاليه والله يعينك |
رد: زوجي مايبيني !
ماعليك منه وانت مدلعته وملقيته وجه يعني متى ماشتهاك خذك واذا حملتي صار عزابي سلامات!!
رجعي بيتك وقولي مرتاحه ولاعليك منه |
| الساعة الآن 11:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .