|
علموني .... شسوي ..!!!
سلام بنوتات
ربي يقومكم بالسلامه .. بدخل بالموضوع على طول أنا بكريه واثناء تصفحي من كم يوم هنا قرأت ان البخور ممنوع وقت فترة النفاس ..؟؟ هل العطر بعد ممنوع أو لا ؟؟ والمشروبات البارده بعد ممنوعه ...؟؟؟ استغربت !!!!!!!!!!! بمعنى اشوف انا وقت فترة النفاس يشترون لها عصيرات وطبيعي بارده تشربها اللحين قربت ولادتي ومدري ليش ممنوعه وابيكم تعلموني بعد وش الممنوع في فترة نفاسي علشان اتجنبه ومنكن نستفيد :) |
رد: علموني .... شسوي ..!!!
حبيبتي الباارد ممنووع والعصاائر ممنوع يخرب الوحدة ,,بس تراني ماجربت بس خواتي كذا ,,
الفصفص ممنووع_والمشرووبات الغاازية ممنووع_والله يقومك با السلامة ياارب دعواتك لي ,, |
رد: علموني .... شسوي ..!!!
أنا بعد اظن ان البوارد
بمشتقاتها سوى غازية او عصائر عليك بالسواخن وبس ان شاء الله افدتك اما بالنسبة للبخور ماعندي خلفية ياليت البنات يفودونك ويفودوني |
رد: علموني .... شسوي ..!!!
خخخ انا الصراحه مامنعت روحي من شي عصائر وفصفص خخ
بس البيبسي منعت روحي منه بس بعد شهر من النفاس قمت اشرب بالخفيف ماتحمل هع واتمنى الباقي يفيدونك |
رد: علموني .... شسوي ..!!!
ههههههههههههههه
يالبي انتي البارد ممنوع الاشياء اللزجه ممنووووووووعه وبقوه مثل الملوخيه الباميا الغازيااااااااااااات ممنوعه العطر والبخور ممنووووووووع لان بتكون فيك خيااطه وراح تتاثر اذا شميتي عطر وبخور يعني تلتهب لاسمح الله ----------------------------- |
رد: علموني .... شسوي ..!!!
ام تميم
أم غرام أم حوراء ربي ينولكم اللي تبونه ويحقق امنياتكم ويحفظكم لبيوتكم ويحفظ ازواجكم لكم شرفتوا بمروركم واسعدني تواجدكم بإنتظار بقية البنات |
رد: علموني .... شسوي ..!!!
:)
بوح المشاعر عاد انا مجهزه بخور وتوه زوجي امس طالب لي من ايفون عطر وبودره وصل وقلت بخليه لفترة نفاسي اتعطر به احس قرف حلبه وكذا ومااتعطر على الاقل ريحة العطر تغطي شاكره لك مرورك |
رد: علموني .... شسوي ..!!!
الماااااااااااااااااسه فترة النفاس مهمه لان فيها تعيدي حيويتك وصحتك اللي فقدتيها بعد تعب الحمل
وبعدي عن العطورات ودهن العود ترا مرررررره قوي عشان الخياطه متلتهب ..... والبخور موب زين لك وللبيبي.... وانسي البااااااااارد والغازيات والاكل الحامض اواللزج والمقليات والليمون بعد موب زين وكثري من الخضروات والحليب الدافيء والشوربه لانه جسمك بيكون تعبان بعد الحمل والولاده عشان كذا لازم تعوضينها بعد الولاده... والله يهون عليك يالغلا ويهون علينا جميعاً........ |
رد: علموني .... شسوي ..!!!
البتول بعد الحوامض والمقليات يعني مااكل سمبوسه مقليه ولا دجاجه مقليه وبعد بنوتات وش الممنوع علموني ع العموم البتول Tanks For You |
رد: علموني .... شسوي ..!!!
ممكن اضيف سؤال بس بعد اذنك الماسه..؟؟
|
رد: علموني .... شسوي ..!!!
شوفي ياقلبي البارد ممنوووووووع اشربي كلوا شي دافي
ينزل الوسخ ويشيل الكرش الرز والمكرونه والفصفص ابعدي عنها لانها تزيد الكرش لكن البخور عادي أصلا كيف بتتحملي نفسك من غير بخور ولا عطر هاذا أنآ طول فترة نفاسي بخور وعطور إنتي بس اتوكلي على ربك وأكيد الوالده راح تفيدك |
رد: علموني .... شسوي ..!!!
انا بعد ما طلععت من غرفة الولاده
شميييييييت عطرت ملابسي و ملابس بنتي ولبستهم عشان ما اتأثر بعدين و ششربت مررر عشان ما تصير التهابات او ششمم ربي يسسستر صعب تمنعين اللي حولك من العطر او البخوور |
رد: علموني .... شسوي ..!!!
:)
أم غرام عادي حطي سؤالك بإنتظاره حجازيه و جوري ماقصرتوا بس انا مدري وش تأثير البخور والعطر ع الوالد بفترة النفاس ولا البارد البارد قالوا يوسع المنطقه بإنتظار باقي البنات |
رد: علموني .... شسوي ..!!!
:)
وينكم قريب بولد ان شاء الله |
رد: علموني .... شسوي ..!!!
شووفي ياعسل وقت مايجيك الطلق عطوول جهزي منديل وبخي منه كل عطوراتك
وشميه واول مااتطلعين للغرفه بسلامه بعد شميه وشمي مولدك منه هذا عشاان الشمم يعني عشاان ماياثر عليك العطور والبخوور وتلتهب خياطتك والبااارد والعصااير ممنوعه الغااازياات ممنوعه تمشين حاافيه علي السراميك ممنوع الحلبه بس العشرين الاولي بعده وقفيها وخليك علي الرشاااد وبااقي الاعشااب الدارسين مررررره موفيد والمره تعتبر مضاااد حيوووي كثري منها وخلي كل اكلك دسم وحاااار ان شاء الله تقومين بسلامه |
رد: علموني .... شسوي ..!!!
الله يقومك بالسلامه .. انا بكرية وولدت قبل شهرين و18 يوم ..
شوفي البارد ممنوع طبعا والسبب مو بس عالمنطقه .. عشان لا يطلع لك كرشه .. والله اتذكر شغالة ماما قبل ما اتزوج بشهر كانت تقول لاتشربي بارد اقولها ليش ؟؟ تقول ما يجي مدام عشان بعدين زوج مافي كويس ؟؟ قصدها وقت الجماع ... ههههه المهم .. البارد ممنوع ..حتى العصاير اشربيها وهي بدرجة حرارة الغرفه .. الاشياء اللزجه .. ممنوعه .. الفصفص .. عشان لا يسبب لك غازات.. والاكل اللي امي الله يحفظها اكلتني منه .. مسلوقة لحم او دجاج يوميا .. الكبده يوميا عشان الدم .. الصباح الحليب يوميا .... العسل الاصلي والسمن البري . يوميا .. ولاتفكري يسمنك .. بالعكس .. وانا لاحظت على نفسي .. عصيدة تمر مو بر .. عشان لا يجيك امساك .. هذه الاشياء مفيده .. وماتسمنك بالعكس .. هذه غير الحلبة والرشاد والشمر وقهوة القشر .. يعني الامور المعروفه للنفاس .. اهم شي اقول لك الرشاد في العشرين الاخيره .. احس معظم البنات مايعرفوا انو بالاخير .. الرشاد يقفل عظامك زين بعد ماتكون مفتوحه .. ولازم تنظفي اول شي رحمك وبطنك يعني بعدين تقفلي جسمك بالرشاد .. هذا كلام امي وجدتي وخالتي .. بالنسبة للبخور والعطور .. والله مدري عنهم انا قرأت في النت انه يجيب الالتهاب .. انا صراحه عادي بخرت غرفة النفاس اهم شي والبيبي مو في الغرفه ..واتعطرت بالمسك .. ربي يقومك بالسلامة .. |
رد: علموني .... شسوي ..!!!
رفع رفع رفع
|
رد: علموني .... شسوي ..!!!
يابنت الحلال كلي اللي تبين الا الغازيات واكثري من العصائر الطبيعية للبشرة والاكل اللزج انا اصلا ماحبه وماكله لكن سمعت انه مايصلح مدري ليه لكن انا سمعت وجربت شرب الحليب بالكركم مو تكثري من الكركم على الحليب لانه ينشف الافرازات والرطوبه وكويس بس فترة الدوره والنفاس
|
رد: علموني .... شسوي ..!!!
:)
أنا ولدت ولله الحمد بس أكيد هالموضوع بيفيد البكريات بقولكم وش صار بنفاسي بالنسبه للعصيرات البارده اصلا ولدت ايام الشتاء كنت احط العصير بثلاجه قبل مااشربه بساعه او زياده شوي ولا كنت اشربه كل يوم او اشربه على حرارة الغرفه لأن الغرفه بااااارد >> ولدت بعز لشتاء بالنسبه للبخور امي وخالتي قالوا لاااااااااااااااا تلتهب عمليتك كنت بس بعد الغداء اخليهم يجيبون البخور الغرفه يبخورنها علشان ماتصير ريحة الغرفه حلبه لأني اتغدا رز حساوي " مخلطه " نسميه هذا هو شكله للي مايعرفه وفيه حلبه وثوم ورشاد http://forum.hwaml.com/imgcache2/hwa...225129_192.jpg حتى اللي يجون زياره يقولون مافي ريحة والد قصدهم مافي ريحة الحلبه والثوم بالغرفه كنت افتح النافذه الظهر واطلع انا وبنتي الصاله علشان الغرفه تتهوى مااحبها كتمه وريحة الحلبه تصير وي وي صرت اكل العشا عصيده احبها احبها مو كل ليله طبعا العشاء عااادي اي شيء امي تسويه اكله فيه شوربة الرشاد لازم امي اذا ولدوا خواتي تسويها لهم انا لااااا ماسوتها لي لأنها تعرفني ماأحب الخرابيط تقولي زين تحبين المخلطه اللي هي الرز الحساوي العطر طبعا ماقدرت مااتعطر اتحمم واغسل شعري بشامبو وجسمي بصابونة ديتول وامر على العمليه بمطهر بيتادين وشاش اغطه بمره منقوعه بماي وامسح كل يوم وانشف روحي بالفوطه وامس ع العمليه واحط لي بودره بجسمي واستخدم مزيل عرق واعطر ملابسي قبل البسها واوقات والله اتعطر عادي كثير ترى قالوا لي مافيج ريحة والد ولا الغرفة ريحة والد الحمد لله بالنسبه الملوخيه والاشياء الزجه ماانسويها احنا عادة اشرب الصباح حليب كوب وتحط لي الماما جبن وعسل وبيض مغلي يعني فطور متكامل كل يوم نوع تغير انواع الفطور المعتاده كنت أللبس الشراب ماامشي على السيراميك سمعت نصيحتكم حتى مره مرت خالي جات وصدفه توني فاصختهم وعصبت علي قالت موووووو زين تمشين حاافي قلت لها توني فاصختهم داخله الحمام تكرمون مااخليت نفسي اتعرض للهوا ولله الحمد ماصابني او دخل فيني هوا أو اللتهاب الحمد لله على كل حال ولأني عمليه كل يوم أمشي بصاله بالغرفه لمدة نص ساعه وأوقات ماأقدر أكمل وربي يقوم كل وحده بالسلامه وعساااااااااااااكم ماتجربون العمليه |
| الساعة الآن 06:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .