|
شنو ردة فعل زوجج؟؟؟
السلام عليكم ورحمة الله وبركاته
شخباركم ياامهات عندي سوال لكل زوجه ؟؟ لما يروح زوجج الشغل ويكرف ويتعب ويجي وقت رجعته للبيت شنو تجهيزج لجيت زوجج؟؟ يعني بعد ماتطبخين له وتتفننين في الطبخ وبعدها تخلصين الطبخ تروحين تسبحين وتتعدلين شوية كحل وروج وتراجي وفستان قصير ولاطويل ولابنطلون وتشيرت وتحطين احلى عطرعندج؟؟ احين جه وقت دخلت زوجج البيت ؟؟ وانتي باحله طله واحلى كشخه ؟؟ تبين تعرفين شنو الي ابي اوصل له! اكيد باقولج احين شنو ردة فعل زوجج اول ماشافج؟؟ شنو اول كلمه قالها لج؟؟ وعلى شنو علق اكثر يعني شنو الي لفت انتباهه فيج اكثر؟؟ وعلى شنو يشجعج مدحه ؟؟هل يشجعج انج تغيرين في استايلج كل مره؟؟ وبالنسبه للطباخ شنو رايه في طباخج؟ امدحه ولاكل بدون تعليق ؟؟ وهذا اكثر شي اسفزازي بالنسبه لنا ولو مدح اكلج هل يشجعج هذا الشي في التنويع في الطبخ؟؟والابتكار فيه؟ واخر سوال هل زوجج يستحق كل هذا الي قلته ؟؟ بختصار كل هذا الدلال؟؟hwaml13hwaml13 وانتظر تفاعلكم واحلى ردود منكم |
رد: شنو ردة فعل زوجج؟؟؟
اولا تشكري ع الموضوع التحفه
وانا بالنسبه لي مايجي من الدوام الا انا في سااااااابع نوووووووومه بس بجرب اسوي كذا واشوف ردة فعله تقبلي مروري |
رد: شنو ردة فعل زوجج؟؟؟
بصراحه اخذيها نصيحه مني انا يوميا زوجي ينتظر بفارغ الصبر متى يخلص وقت الدوام ويرجعلي وكل الي انا كتبته انا مطبقته وكل يوم اسمع منه كلمه احلى من اليوم الي قبله غير الشوق الكبير الي يجي البيت وهو جايبه لي كانه ماشافني من سنه
|
رد: شنو ردة فعل زوجج؟؟؟
انا كده الحمدلله دايما اطبخ ومايجي البيت اا وانا مكشخه بس احس صار عندو عادي يعني هدا الطبيعي وطبعا يستاهل ابو عيالي بالعكس احس نفسي مقصره
|
رد: شنو ردة فعل زوجج؟؟؟
تسلمين على المرور بس لو دخل مره ولاقاج مش متعدله هو بيستغرب لانه تعود على هالطله
|
رد: شنو ردة فعل زوجج؟؟؟
اكون جداا عااديه يعني او بلبجامة او بطلوون وتيشيرت ........
اما المكياج احطه اذا بطلع لانه ما يحب المكيااج فيني |
رد: شنو ردة فعل زوجج؟؟؟
شكرا ع المرور حبوبه
|
رد: شنو ردة فعل زوجج؟؟؟
http://forum.hwaml.com/imgcache2/hwa...083204_743.gif يستانس اكيد ومايستغرب هذا لانه كل يوم يشوفني كذا في الغالب اما المدح على حسب اذا جاء مروق ياسلام اسمع احلى كلام ومزح اما احيانا والله مايدري وش لابسه ولا وش حاطه اهم شىء يتغداء وينام |
رد: شنو ردة فعل زوجج؟؟؟
شووووووووفي اهممممممممممممممممممممممممم ششششششي بعد الطبيخ الاستحمام والتعطير للجسم
اكذب لو اقولك كللللللللل يوم احط ميك اب بعد الغدا لا والله اتحمم واتعطر وجلوس خفيييييييييييف باقي الايام بالمسا البس و و و عادي ردته مانتظرها اهم شي واثقة اني مرتبة ونظيفة |
رد: شنو ردة فعل زوجج؟؟؟
يسلموووو عالموضوع
مره كذا ومره كذا تنويع لان اثنينا ندرس ونشتغل :) |
رد: شنو ردة فعل زوجج؟؟؟
اول ما يشوفني يقول يا لبيه
ويسمي البيت بيت الراحه ولله الحمد وانا مااحب الروتين دايم اكسره ومشكوره يالغلا |
رد: شنو ردة فعل زوجج؟؟؟
تسلمون على الردود الروووعه
|
رد: شنو ردة فعل زوجج؟؟؟
انا ما بعمل هيك دائما..وبحب التنويع بشكل
انه يلاقي الشيئ الغير متوقع دائما من الروتين الرتيب لأكبر التغييرات :) مرة عملت هيك..ولا زوجي بحكيلي..ليييييييييييييييييششششششششششش هيك عاملة بحالك؟؟ على فكرة انتي بدون كل هالاشياء احلى..روحي غسلي وجهك و شعرك هههههههههههههههههههههههههههه |
رد: شنو ردة فعل زوجج؟؟؟
هههههههه الله يسعدكم يارب
|
رد: شنو ردة فعل زوجج؟؟؟
يجي وانا فعز نومي ههههههههههههههه .
|
رد: شنو ردة فعل زوجج؟؟؟
السلام عليكم ورحمة الله وبركاته
شخباركم ياامهات وعليكم السلام تمام ياروحي عندي سوال لكل زوجه ؟؟ لما يروح زوجج الشغل ويكرف ويتعب ويجي وقت رجعته للبيت شنو تجهيزج لجيت زوجج؟؟ اكون مصلحه الغدى ومنضفه البيت وخصوصا غرفتنا يعني بعد ماتطبخين له وتتفننين في الطبخ وبعدها تخلصين الطبخ تروحين تسبحين وتتعدلين شوية كحل وروج وتراجي وفستان قصير ولاطويل ولابنطلون وتشيرت وتحطين احلى عطرعندج؟؟ احين جه وقت دخلت زوجج البيت ؟؟ وانتي باحله طله واحلى كشخه ؟؟ تبين تعرفين شنو الي ابي اوصل له! اكيد باقولج احين شنو ردة فعل زوجج اول ماشافج؟؟مااذكر بصراحه شنو اول كلمه قالها لج؟؟مااذكر بس ينبسط hwaml03 وعلى شنو علق اكثر يعني شنو الي لفت انتباهه فيج اكثر؟؟اكيد الاكلات وعلى شنو يشجعج مدحه ؟؟هل يشجعج انج تغيرين في استايلج كل مره؟؟لا بس يعجبه شكلي ومايبيني اتغير لااصبغ ولااقص يبيني مثل ما اانا وبالنسبه للطباخ شنو رايه في طباخج؟ امدحه ولاكل بدون تعليق ؟؟ وهذا اكثر شي اسفزازي بالنسبه لنا اوقات يمدحني مدح يحبه قليبي واوقات ياكل وهو ساكت خخخ ولو مدح اكلج هل يشجعج هذا الشي في التنويع في الطبخ؟؟والابتكار فيه؟اكيـــــــــــد واخر سوال هل زوجج يستحق كل هذا الي قلته ؟؟ بختصار كل هذا الدلال؟؟http://forum.hwaml.com/images/smilies/TR%20(6).gifhttp://forum.hwaml.com/images/smilies/TR%20(6).gif يستـــــــــــــاهل الله لا يحرمنا من بعضhwaml13 hwaml7 ماقصرتي يالغلا |
رد: شنو ردة فعل زوجج؟؟؟
انا بصراحه ما اطبخ لانه زوجي ما يجي الا المغرب من الشغل وما يجي الا انا كل يوم بشكل غير ورده فعله حلوه من يشوفني وش هالكشخه وش هاللبس وش هالناقه ويعني من الكلاااام وهذا طبعا يفرحني ويخليني ازيد من التزين
|
رد: شنو ردة فعل زوجج؟؟؟
:)
مثل تومي انا زوجي يرجع من الدوام المغرب الساعه خمس الا عشر يفتح باب الشقه مااطبخ بس اوقات اطبخ العشا ويعجبه طبخي حتى لو اسوي بيض يمدحه يقول مضبوط ملحه :) الله يخليه وبالنسبه من يدخل الشقه اكون مرتبتها ومبخرتها واكون كاشخه ومرتبه نفسي انا ارتب نفسي اول بعدين ارتب الشقه لأانه اوقات اخلص الشقه وانا مارتبت نفسي مااحب يجي ويشوفني مو مرتبه اوقات اكون تعبانه مااحط مكياج اصلا احط قلوووس وكحل وبودره شيء خفيف هالايام الحمل مايخليني مليت من المكياج يمدح شكلي اووووه شو هالكشخه اليوم روعه طالعه قمر وربي قمر يتأملني دايم لكن اوقات ماحط مكياج وانام لين العصر يجي يخاف من يشوفني ماني كاشخه يسألني تعبانه.؟؟؟ بس ربي يخلينا لبعض ولا يغير علينا عاد تونا لنا تسع شهور من تزوجنا قولوا الله يدووووووم |
رد: شنو ردة فعل زوجج؟؟؟
السلام عليكم ورحمة الله وبركاته
شخباركم ياامهات وعليكم السلام الحمدالله تمام عندي سوال لكل زوجه ؟؟ لما يروح زوجج الشغل ويكرف ويتعب ويجي وقت رجعته للبيت شنو تجهيزج لجيت زوجج؟؟ طبعا اول ماتزوجنا كان لما يجي من الدوام على الساعه2او3تقريبا العصر اكون متكشخه ومتزينه واول شي اسويه احضنه وابوسه احس اشيل من تعبه شوي طبعا اكون متكشخه له مصلحه الغداء يتغدى وينام وان صحى المغرب يلقى القهوه والجالكسي والكتكات عشقنا جاهزين والشاهي وحبه*باجه*اللي لجونا فيه هالرجال ونجلس ونسولف ونتقهوى كان كذا نظامنا احلى بس كان على وقت وجود امه عندنا الله يحفظها قبل ماتنقل عند امها والحين تغير الوضع من حملت صار يجي وينام ويقوم المغرب ويتغدى طبعا اول مايجي يكون مررره تعباان يدور الفراش اصير انا معطره الغرفه ومشغله المكيف قبل بفتره ايام الحر طبعا وعلى طول ينام وان صحى المغرب اكون متكشخه له عاد ومتزينه يعني بعد ماتطبخين له وتتفننين في الطبخ وبعدها تخلصين الطبخ تروحين تسبحين وتتعدلين شوية كحل وروج وتراجي وفستان قصير ولاطويل ولابنطلون وتشيرت وتحطين احلى عطرعندج؟؟ اكيد واغلب لبس يحبه يشوفه علي البناطيل او الشورتات والقمصان القصيره النعومه وعطره المفضل اللي يحبه فيني واكيد مكياج بس ناعم احط كريم مبيض خفيف وخدود ورديه وارسم حواجبي وقلم كحل جوى ومسكره طبعا الروج مااحبه احطه وامسحه ههههههههههه الحين جاء وقت دخلت زوجج البيت ؟؟ وانتي باحله طله واحلى كشخه ؟؟ تبين تعرفين شنو الي ابي اوصل له! اكيد باقولج احين شنو ردة فعل زوجج اول ماشافج؟ طبعا احب اول مااشوفه ابتسم بوجهه وعلى طول يطق الابتسامه يالبى غمازاته خخخخخخخ ان كان رايق اسمع احلى الكلام وان معصب مااحب اكلمه طبعا لو زعلانه منه مااستقبله كذا شنو اول كلمه قالها لج؟؟ اول مايدخل يقول السلام اخبارك قلبو ومره حبي هذي اغلب كلمتين احبه يقولها لي لانها تذكرني باايام الملكه وبحبنا واحيانن بدون قلبو وحبي هههههههه وعلى شنو علق اكثر يعني شنو الي لفت انتباهه فيج اكثر؟؟ مااحس انه يعلق على شي وعلى شنو يشجعج مدحه ؟؟هل يشجعج انج تغيرين في استايلج كل مره؟ اللي يشجعني انه يحبني دايم مستقبلته ومتزينه له لو ماتزينت قال وش فيك تعبانه شكلك مشهبه رغم انه يحب شكلي بس زوجي من النوع اللي يحب ينكت واحيانن يتمسخر بس يحس اني زعلت ويتعذر وبالنسبه للطباخ شنو رايه في طباخج؟ امدحه ولاكل بدون تعليق ؟؟ وهذا اكثر شي اسفزازي بالنسبه لنا لاالحمدالله يحب ويعشق طباخي ودايم يمدحه وان كنت عند هلي يقول افقد طبخك بس لو معصب علي يجلس يذم الاكل رغم انه قبل مادحه بس لانه معصب وزعلان مني يبي ينرفزني وانا اقول له هذا نفس طبخي ودايم تمدحه وشفيك الحين يحس انه غلطان ويسكت بس يكررها ههههه ولو مدح اكلج هل يشجعج هذا الشي في التنويع في الطبخ؟؟والابتكار فيه؟ اكيييييييييييد بلا شك ويعجبه تنوعي وابتكاري بعد واخر سوال هل زوجج يستحق كل هذا الي قلته ؟؟ بختصار كل هذا الدلال؟؟ اكيد يستحق ان ماريحته واسعدته اجل من بريح وبسعد بس اهم شي يبين بعينه والله يخليه لي ولايحرمني منه ومايفرقنا الا القبر |
رد: شنو ردة فعل زوجج؟؟؟
أنا احب التغيير أحيانا يجي ويشوفني قمه البهدال وريحه الطبخ تفوح مني وأحيانا بالعكس قمه الاناقه والحركات والمكياج الناعم وبصراحه أحس أنها تفرق معاه يعني يجلس يتغزل شوي ونظراته تحرقني واو وأحس أنه مبسوط مني
|
رد: شنو ردة فعل زوجج؟؟؟
انا فرحانه ان اغلبكم ادلل زوجها وتشوف انه يستحق الدلال
وزعلانه من الي ينامون ومش مهتمين بس الله يسعدكم كلكم هاي الحريم السنعات ولابلاش شاكره بقوه مروركم وحماستكم على الموضوع والله لايفرق ولاوحده فيكم عن زوجها ويدوم المحبه بينكم |
رد: شنو ردة فعل زوجج؟؟؟
اول شي مشتااااقه لزوجي ااه ولحضااانه صرااحه الله يخلي ليه ويخلي لكم ازواجكم ويحفظ لي زووجي ويرده لي بالسلااامه بصراااحه عني من يوووم ماتزوجت وانا اسوي كدا يعني لما اكووون بيبييتي بس والله مهو كل يوووم شيااااكه وميييك اب صارخ لاميك اب نااعم ويوم لبس كشخه ويوم ناعم يعني اكوون متعطره ومتحممه واحيانا اتبخر وبصراااحه احسه يفرحح ويستنى رجعته للبييت بفاارغ الصبر
|
رد: شنو ردة فعل زوجج؟؟؟
انا دايما اسوي كده بس كل يوم
يعني يوم بعد يوم عشان ما يمل بس دحين بعد الحمل انواع الخموووووول بس بحاول قد ما اقدر اتزين واحط ميك اب بس زوجي الله يخليه ما يهمه الا راحتي فدييييييته |
رد: شنو ردة فعل زوجج؟؟؟
انا اول ما تزوجت ضليت سنه ونص ولساتني عروس كل يوم شكل .. وعلى حسب المزاج اطبخ وإلا لا ...
بس لما حملت تعبت كثير ويمكن بحملي ما طبخت إلا 5 مرات او 6 .. بس النظافة والريحة الحلوة اهم شئ .. يجي ويجيب الغداء او نطلع نتغدى .. ع حسب مزاجهه .. وبس .. اما قبل الحمد لله يجي من الدوام وانا كاشخه وناعمة والحمد لله يمدح كل يوم .. الله يخلينا لبعض ولا يفرقنا .. ويبعد عن شر الانس والجن ... |
رد: شنو ردة فعل زوجج؟؟؟
بصراحه انا كنت كذا اسوي الغدا واتحمم واكشخ
بس بعد ماجبت بنوووتي صرت اتكاسل كثير لانها تسهرني معها كثير ويااا دوب اطبخ بس وانا مغضمه عيوني بعد خخخخ يسلمووو حبوبه ع هيك موضوع,, |
| الساعة الآن 12:57 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .