|
مستشفى بخش بجده
السلام عليكم
مسا الخير ياريت حوامل جده او اي احد عنده فكره عن نظام المستشفى يقول وما يبخل بالمعلومات انا اتابع عند دكتوره اماني يحيى وهي مره ممتازه والمستشفى كويس في كل حاجه وشكلي راح اولد عندهم .. بس ما اعرف نظامهم في الولاده .. -يسمحوا لمرافق يدخل معاي غرفة الولاده ولا لا ؟؟ زوجي او امي ياريت تحكوا لنا عن تجاربكم عشان نستفيد واذا في سلبيات او ايجابيات .. انتظر ردودكم .. وربي ينولكم مرادكم |
رد: مستشفى بخش بجده
حرااااااااااااااااااااااااااااااااااامhwaml9
ولا وحده من جده تدخل وتردhwaml4 .. بنات يلا خلونا نستفيد من تجارب بعضنا .. المفروض انو هادا المنتدى عشان الكل يستفيد وكل واحد يحكي تجربته ونصايحه بانتظار ردودكمhwaml03 |
رد: مستشفى بخش بجده
سبحان الله وبحمده .. سبحان الله العظيم
|
رد: مستشفى بخش بجده
سبحان الله وبحمده .. سبحان الله العظيم
|
رد: مستشفى بخش بجده
مساءك عسل شفت موضوعك وحبيت اجبر بخاطرك
للاسف ماعندي فكره لاني ولدت في الامن بالرياض انشاالله يردو عليك بنات جده |
رد: مستشفى بخش بجده
انا جربت اللي في الشرفية
لاني ولدت عندهم قيصري ما اعرف عن غرفة الولادة بس صراحة المستشفى روووعة دكاترة ونظافة وممرضات وان شاء الله حولد عندهم هالمرة كمان عند الاستشاري / أحمد زكي ان شاء الله البنات يفيدوكي كمان وربي يتمم لنا على خير يا رب |
رد: مستشفى بخش بجده
ادخلي على تجمع حوامل جده
بيفيدوك لانهم من بنات جده صراحه انا دخلت بخش ويمدحونه بس شفته غالي وظروفنا ماتسمح عشان كذا رحت لخالد ادريس والحمد لله ولدت فيه عند الدكتوره مليكه قمه في الاخلاق والتعامل |
رد: مستشفى بخش بجده
جزاكم الله خير
مشكورين يا بنات انتظر افادات من المجربات |
رد: مستشفى بخش بجده
كيفكم حبايبي انا ولدت في بخش قبل خمس سنين ودخل معاي زوجي ما رفضوه
|
رد: مستشفى بخش بجده
اهلين حياتي انا والله مثلك محتاره اولد في بخش ولالا
زي منتي عارفه اول ولاده ومره شايله هم كنت ابغ اسالك اذا سمعتي عن الدكتوره كيتي كيف تعاملها وياليت اللي يعرف مايبخل علينا |
رد: مستشفى بخش بجده
معلسش مانتبهت لسؤالك بس على العموم اخت زوجي
ولدت فيه من قبل 7شهور عند سهير ودخلوا معاها اختها وزوجها يعني لاتشيلي هم وتوكلي على الله عقبال انا ماستقر على مستشفى اولد فيه تخيلي في السابع ومحتاره وين اولد |
رد: مستشفى بخش بجده
وعليكم السلام ورحمة الله وبركاته
والله ياقلبي ما أقدر أفيدك في بخش ماعندي فكرة لآني أنا دايما مراجعاتي بالمتحدون مع الدكتورة حنان الشمراني . |
رد: مستشفى بخش بجده
::
انا كنت اراجع بداية حملي عندهم بس قرائت لكذا وحدة في النت انها ماتمدحة من ناحية البنج يعني يولدوك بدون لا بنج ولا ابرة راس كانك والد ببيت ما اعرف اذا الكلام صحيح مع اني قراءتة من كذا وحدة في منتدى ثاني وذحين انا اراجع في المتحدون عند فاطمة النمر انتي استخيري الله وربي يكتب لك الطيب :: |
رد: مستشفى بخش بجده
ما أعرف ماعندي فكرة بس أن شاء الله البنات بيفيدوكي لآني تبعا تأميني بكون في المتحدون وولدتي مع الدكتورة / حنان الشمراني الله يسعدها تعمل كل شي عشان تريح المريضة .. |
رد: مستشفى بخش بجده
بسألكم عن د حنان كم اذا الولادة طبيعي ؟؟؟ود فاطمة النمر برضوا ؟؟
|
رد: مستشفى بخش بجده
بصراحة مستشفى بخص عنايه وجدا روعة انا ولد عند احمد زكي والحين كمان بحملي تاني بولد عنده وكيتي جدا ممتازه وعسوله مره الله يسهل ولادت كل حامل يارب
|
رد: مستشفى بخش بجده
جزاكم الله خيرا
|
رد: مستشفى بخش بجده
انا ولدت في بخش في الشرفيه مره روعه في كل شي
ويدخلو معاكي شخص واحد انا دخل زوجي وغرفه خاصه فيكي كل شي تمام |
رد: مستشفى بخش بجده
كم سعر الولاده في بخش عند نوال السناني ياحلوات وكم يوم الغرفه
وهل يدو كمامه زي فقيه ولالازم اطلب ابره الظهر ياريت تردو عليا بسرعه |
رد: مستشفى بخش بجده
السعر ما اعرف بس يعطون كمامات
|
| الساعة الآن 01:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .