|
ساعدوني لأني بدأت أفكر بالطلاق
السلام عليكم ورحمة الله وبركاته
يا بنات والله أني أفكر بالطلاق خلاص تعبت نفسيا يمكن الموضوع عندكن تاافه بس بالنسبة لي مو تافه الموضوع هو أني أنا زوجي نسكن في مدينه بعيده عن أهلي وأهل زوجي المهم في كل أجازة نروح لهم حتى لو كانت الأجازة أسبووع المهم زوجي يقوول أبيك تقابلين عند أهل زوجي وبعدين نروح عند أهلك أنا أقول له لا مستحيل ما أقدر وأنا والله صدق ما أقدر ولا أتحمل هذي الفكرة كيف أترك أهلي إلي قاعدين ينتظروني وكل 10 دقايق يتصلوون علي يقولوا وينك الأن أتخيل أقوول لهم بأروح عند أهل زوجي بعدين أجيكم يووو أحس صعبة مره والله أني اليوم قررت أني أقوول لزوجي إذا كنت تفكر أننا نقابل عند أهلك في أي مره من الأن طلقني أصلن داايم أقول له كذا بس الأن قررت أني أتكلم بجد يا أنه يوعدني أننا ما نقابل عند أهله أو الطلاق لأنه الأن يقول لي إذا صار عندنا أطفاال لازم نروح عند أهلي أولا والله يا بناات أني أبكي وأكره هذا الموضوع كره الموت والله أني كنت أدعي أن الله يقبض روحي قبل هذي الساعة كل الدنيا تهون على إلى هذا الموضوع أحس أنه صعب والله صعب وإلي يزيد قهري أن في قريبة لي مره راحت قابلت عند أهل زوجها وقالت أمي المفترض تروح تقاابل عند أمها وأهلها حرام عليها ومن هذا الكلام وجلست أتخيل لو أروح عند أهل زوجي وش بيكون رد أمي لأني مستعده أخسر حيااتي كاملة وكل مافيها عشاان خاطر أمي ولا أسمح لشخص أنه يزعلها حتى لو كان زوجي تكفووون قولوا لي أي شيء أسويه عشاان هذا الموضوع خاصة أن أخوان زوجي صاروا يتكلمون على زوجي يقلوا أنت ما تقدر على حرمتك وهي مسيطرة عليك وأنت ما لك كلمة عليها ومن هذا الكلام والله ما ني مسيطرة ولا شيء بس هو يرحم دموعي وبكائي ويعرف أني والله ما أتصنع هذا الشيء والله أني أحسن أن هذا الشيء غصب عني أدري أني طولت عليكم بس والله أبي أفضفض إلي في قلبي ويكن ألقى عندكم حل |
رد: ساعدوني لأني بدأت أفكر بالطلاق
الله يهديك وش هالكلام تطلبي الطلاق عشان موضوع زي كذا!!!!!!
ياشيخه احمدي ربك غيرك تطلق غصبن عنها وظلم........ وانتي بكلامك هذا تظلمي زوجك وتظلمي نفسك وعن مشكلتك انا اشوف عادي الحق لاهل زوجك اجلسي عندهم كم يوم ثم روحي عند اهلك نفس الايام اللي جلستيها عند اهل زوجك.... وبكذا تكوني ارضيتي زوجك وارضيتي اهلك.... واذا عن امك اكيد انها ماراح ترضى لك انك تتطلقين عشان هالسبب ..... والله يهديك فكري في نفسك بعد الطلاااق بتتندمين خاصه اذا زوجك طيب ويحبك ومو مقصر معك وبتقولين ليتني عشت طول حياتي مع اهله ولاتطلقت.... وجهة نظر / |
رد: ساعدوني لأني بدأت أفكر بالطلاق
يالغاليه فعلاً المفروض أول تروحين لأهل زوجج وعقب لهلج حتى لو تفكرين فيها بشكل منطقي صعبه على زوجج يترك أهله ويروح لهلج ..
أنتي أقنعي زوجج أنو أوكي أروح لهلك أسلم وأجلس ساعه ثم أروح لأهلي .. وعلى أمج قولي لها أنو هذا الشيء مو بيدي ولو على كيفي كان على طول عندج ومن هالكلام وصدقيني راح تعذرج .. لاتخلين مشكله بسيطه تأثر عليج وتطلبين الطلاق على شيء مايستاهل ومدام زوجج طيب وياج ويخاف الله نصيحه تمسكي فيه ولاتهدمين مملكتج .. ومثل ماقلت لج أساساً الواجب و الأفضليه أنج تزورينهم أول حتى تكبرين بعيونهم وبعين زوجج وهذا الاهم .. وحطي موقفج بموقف أحد حريم أخوانج لو تترك بيت أهلج وتروح لهلها وعقب تجيكم ؟ّ! وتصدقين لو حريم أخواني أو خوالي يسون جذيه كان نقومها ولا نقعدها حتى إستقبال مانستقبلها ,, |
رد: ساعدوني لأني بدأت أفكر بالطلاق
الله يهديك وش هالكلام تطلبي الطلاق عشان موضوع زي كذا
ياشيخه احمدي ربك غيرك تطلق غصبن عنها وظلم........ وانتي بكلامك هذا تظلمي زوجك وتظلمي نفسك وعن مشكلتك انا اشوف عادي الحق لاهل زوجك اجلسي عندهم كم يوم ثم روحي عند اهلك نفس الايام اللي جلستيها عند اهل زوجك.... وبكذا تكوني ارضيتي زوجك وارضيتي اهلك.... واذا عن امك اكيد انها ماراح ترضى لك انك تتطلقين عشان هالسبب ..... والله يهديك فكري في نفسك بعد الطلاااق بتتندمين خاصه اذا زوجك طيب ويحبك ومو مقصر معك وبتقولين ليتني عشت طول حياتي مع اهله ولاتطلقت ياحياتي تعوذي من ابليس وصلي ركعتين ولاتفكرين موضوع اطلاق تقبلي مروري ياخيتووووووووووووو |
رد: ساعدوني لأني بدأت أفكر بالطلاق
السلام عليكم ورحمة الله وبركاته
ياام نسرين ياحبيبتي انتي اكبرمن كذا وتعوذي من الشيطان المسئله مومستاهله كل ذا عشان تطلبي الطلاق ياشيخه عادي روحي عنداهله وقولي له بشرط مره بيت اهلك ومره بيت اهلي انتي عارفه ان الرجال يشتي لهم صبركلميه بالسياسه لانهم مايحبوالعناد ولوعاندتي بيزيد عناد انتي بيدك ماتخلي زوجك يسمع كلام اي حد حتى لوكان ابوه اواخوانه بس بطريقتك ياالغاليه انسي العناد وتعاملي بالسياسه والحنيه لانه رجال ويشتي كلمته تمشي وارجل ضعيف امام امره مهماكان قوي الله يكون في عونك ويهدي سركما |
رد: ساعدوني لأني بدأت أفكر بالطلاق
طيب أوكي بأقابل عند أهل زوجي
بس المشكلة كيف أقوول لأمي لأن هي تكره هذا الأمر مره قلت لها وش رايك لو أروح أقابل عند أهل زوجي قالت قولي لزوجك ما أبي أروح خليه يسمع كلمتك يووو والله ما أعرف كيف أقنعها بكل أحترام وأدب وما تزعل مني تكفوون قولو وش أسوي مع أمي كيف أخليها تقوول عاادي سوي إلي تبين |
رد: ساعدوني لأني بدأت أفكر بالطلاق
امك صدقيني راح تتقبل الامر والله يااختي ماينفعك غير زوجك امشي وراه وانتي ماتشوفين الدرب لو تطلقتي راح تندمين كثيررر اسمعي كلامه بكل شى ولا تعاندينه واعتبري هله هلك وبالنهايه والحيقيقه وبالحياه الي عايشين فيه الحين صار الزوج هو الاهل هذي وجة النظري والله يسعدك
|
رد: ساعدوني لأني بدأت أفكر بالطلاق
يا عمري اسمعي هاي القصه بس انا مو حافظتها بالضبط
في وحده مات ابوها وجوة عليها قلولها مات ابوكي ليه ما رحتي للفاتحه قالت لان زوجي مو موجود وما اقدر اطلع بدون رضاه بعد فترة في احد من الصحابه حلم انه هذا الرجل دخل الجنه بسبب بنته الي اطيع زوجها والله اعلم يعني يا عمري لازم ترحين لاهل زوجك بعدين اهلك واذا على امك قوليها انا ما اقدر اعصي امر زوجي تقدرين تعصين امر ابوي يعني ابوكي |
رد: ساعدوني لأني بدأت أفكر بالطلاق
أفى أم نسرين
وش قاعدة تقولين ؟؟؟ أهل زوجك أحق فيك من أمك .. روحي يمهم أول .. يبي خواطرهم .. ووممكن بالليل تنامي عند أمك وتفطري الصباح ثم ترجعي لأهل زوجك ولو طلب منك تجلسي عند أهله كم يوم كمان لازم تسمعي .. صدقيني زوجك وبس أما أمك الله يخليها لك فهي مهما كان تبي مصلحتك ولازم تقدر لك ذلك ولابد أنتي تتخلي عن العاطفة وتغلبي جانب مصلحة بقاء حياتك الزوجية وسلامتها .... |
رد: ساعدوني لأني بدأت أفكر بالطلاق
أمك الله يحفظها من شووووقها لك ولشوفتك
الله يديمها عليكم يارب راضيها بإن زوجك أمرك بهالشئ ويايمه إنتي علمتيني أطيعه عادي ترى ياما نزلت بجده وبالبداية ننزل عند أهله وبعدين أروح لأهلي وكل شئ بالهداوة حبيبتي وبالتفاهم ماشاء الله تبارك الرحمن وبعدها نامي عند أهلك وهو عند أهله والكل يرتاح ولاأقولك لاتنزلون وخلوكم ببيتكم بلا هالدوشة ههههههههه أمزح بس ماعليك من كلام الناس ولاتفتحين أذانيك لهم اعملي باللي ترضي فيه ربك ثم زوجك وبــــــــــــــس أما أمك على عيني وراسي راضيها بكلمتين وحسسيها إنه هالأمر أبد مو بإيدك |
رد: ساعدوني لأني بدأت أفكر بالطلاق
الموضوع مايستاهل ياقلبي
وبتكلم عن نفسي انا نفس حالتك لكن الفرق اهله بمنطقه واهلي بمنطقه بينهم 300 كيلوا والعطله يفكر علطول يروح لاهله لكني ماخذه الموضوع برحابة صدر مثل العيد مثلا عادي ابتعيد بعد ثلاث ايام اسافر لامي انا عرف ان خاطرها بي وتتمنى اجي اليوم قبل بكره لكن الموضوع مايستاهل احط مشكله عليه مصيري شايفتهم ولاهو عيب ان مشيت وراى زوجي ابي رضاه اذكري الله ولاتحطين هالموضوع سبب يهز علاقتك بزوجك غيرك يعاني مشاكل الله اعظم واهم شي رضى زوجك وماتزوجتي الا انك تكونين تابعه له رضى من رضى وسخط من سخط ابو عيالك ومالك غنى عنه والام بحكم عاطفتها وبعدك عنها تقول لك هالكلام ..موفقه ياقلبي <<كني طولتها *_^ |
رد: ساعدوني لأني بدأت أفكر بالطلاق
حبيبتي ام نسرين مع كل الي قالوه عشان تقتنعين اكثر انا رح اكتبلك موضع حصل معي خوصان
انتظري موضوع باسمي اليوم اكيد مارح أتخر عليكي |
رد: ساعدوني لأني بدأت أفكر بالطلاق
hada klam farigh hada mho sbab 3chan ttloubi altalak ,wihna liba3idin 3n alahl walahbab chou bin sawi rabi yhdik.
|
رد: ساعدوني لأني بدأت أفكر بالطلاق
حبيبتي ام نسرين عيب والله يكون هذا سبب الطلاق
الرجال ماقصر بيوديك لأهلك ماأحرمك عشان تقولين افكر بالطلاق وشفيها اذا رحتي لأهله قبل ...حطي نفسك مكانه وأعتبري هذا الزوج هو أخوك وفضل أهل زوجته على امك وأهلك وش راح تقولين او وش راح تسوي الوالده حبيبتي أذا ماما تحبك وتحبلك الخير حتى لو خذت بخاطرها شوي صدقيني بالأخر بتقتنع وترضى وماراح تلومك... لان اهل زوجك أبدى لاتكبرين الموضوع وهو مايستاهل ياقمر |
رد: ساعدوني لأني بدأت أفكر بالطلاق
تسلموون والله يا بنااات بأحاول هذي المرة أروح عند أمي وأقول لها بأقابل عند أهل زوجي لأني زوجي طلب مني وأنتي على عيني وراسي بس زوجي يبيني أروح عنهم
أدي أن الموضوع ما راح يعجبها ولا يرضيها بس وش أسوي إن شااء الله أشوي وتتعود على هذا الأمر يااااااارب أعني ويسر لي أمري ياااارب |
رد: ساعدوني لأني بدأت أفكر بالطلاق
اهم شي رضى زوجك ام نسرين والله لو على امهاتنا كان مااعرسنا يبونا دايم عندهم قلب الأم مايقوى على بعد عياله لكن مثل ماقلتي حسسيه انك ماودك تزعلين زوجك وهي بتتفهم ان شاء الله
|
رد: ساعدوني لأني بدأت أفكر بالطلاق
الله يهديك ويسخرك لزووجك ويسخر زووجك لك
تعووذي من الشيطان كل شئ الا الطلآق سووي الي يقولك زووجك واتركي عنك الوساوس واذا على امك باالاسلوب والتفاهم رااح تقتنع صدقيني والله يهديها هي بعد تقبلي ردي اختك مريووومة .........^^ |
رد: ساعدوني لأني بدأت أفكر بالطلاق
من الواجب اصلا تروحي اول عند اهل زوجك مش لانهم احسن من اهلك بس احسن واحترام لزوجك
هسا انا دايما بفضل اروح لاهلو اول بعدو ع اهلي حتى اوخد راحتي اكتررر :] بما انو اسبوع 3 ايام عندار حماكي و3 عند اهلك واليوم الاخيرر قسمي الصبح عند اهلك وبعدو سلمي عدار حماكي وروحي ومافي ام بتحب تعاسة بنتهاا او اتفقي انتي وزوجك مره عند اهلك اول ومره عند اهلو برضو حل برضي الطرفيين بس بلاها هاي طلاااق ومش طلاق انت كبيري ووعايه عن هيك حكي لاسبب هببببل مش مشكله كبيرره |
رد: ساعدوني لأني بدأت أفكر بالطلاق
شكلك ماتبين زوجك وتقولين هالعذر
اصلا الكل يروح بالاول بيت اهل الزوج بعدين بين اهلها حتى في يوم الزواج تروحين بيت اهل زوجك طبيعي هالامر مالاداعي امه الطلاق عشان سالفه هـذي لاتعليق |
رد: ساعدوني لأني بدأت أفكر بالطلاق
حبيبتي ليش الطلاق على سبب مثل هذا؟!!!!!!!1
انتي اتفقي مع زوجك قوليله اروح اجلس ساعه واروح بيت اهلي واذا امك قالت ليش قولي لها عشان مااروح اجلس معاكم وانام وآخذ راحتي بقوه والله اريح لك ولزوجك حتى اهلك راح يعرفون ان هذا الصح لانك بتطولين عندهم ومابيحاسبونك على هالساعه الي رحتيها بيت اهل زوجك زوجة اخوي كذا قبل اخوي يغصبها تنام في بيت اهلي بس كلنا وقفنا ضده وقلنا له انها ماترتاح وتشتاق لأهلها وحرام الي انت تسويه فيها احنا نروح بيتنا واهي تجلس لحالها فالبيت وحتى ابوي قاله هذا غلط والحين زوجته تجي تزورنا ساعه او ساعتين وتجلس باقي الايام في بيت اهلها ومتى ماحبت تزورنا جات والله مافيها شي ولاثقل لاعليها ولا على زوجها |
رد: ساعدوني لأني بدأت أفكر بالطلاق
سخافه اسمحيلي تتطلقين عشان ماودك تنامين عند اهله !
الله يهديك بس |
رد: ساعدوني لأني بدأت أفكر بالطلاق
حبيتي انتي الله يهدي بالك..
يا الغلا المفروض انتي من نفسك تقولي اول شي أهل زوجك في طرق كثيره اقعدي اليوم كلو عند اهل زوجك ومن ثاني يوم روحي عند اهلك بنسبه لي امك قوليلها انو حسيت زوجي يبغاني انو نروح عند اهلو اول وانا خايفه يزعل من جد وش الحل صدقيني امك تبغا لك السعاده وهي ما قالت لك الا انها مشتاقه لك هذا قلب الام بس اكيد هيا ما تبغا لك انك تتزعلين من زوجك او نو يتحسس من هذا الموضوع.. انتي ادعي ربك يسخر لك زوجك ويحنونه عليك.. |
رد: ساعدوني لأني بدأت أفكر بالطلاق
انا من راي البنات اعقلي
|
رد: ساعدوني لأني بدأت أفكر بالطلاق
اذا اهلك قريبين او بنفس المنطقه الي فيها اهل زوجك يا اختي خلي زوجك ينزلك عند اهلك وهو يروح عند اهله
|
رد: ساعدوني لأني بدأت أفكر بالطلاق
زوجك معاه حق
اولا تروحين لاهله وتشرفينه عندهم وبعدين روحي لاهلك وانبسطي معاهم انا مع زوجك وشوفي لو بتسويها زوجة اخوك وتروح لاهلها واخوك بيدخل عليكم بدون زوجته <<< اكيد بتنتقدونه وتقولون مو رجال |
رد: ساعدوني لأني بدأت أفكر بالطلاق
زي ماقالولك البنات ماقصروا
اطيعي زوجك اولا بعد طاعه الله واكيد امك ماتتمنى لك الا السعاده حاولي تقنعيها وتقوليلها انا راضيه اني اروح لاهل زوجي اول يمكن امك حاسه انك ماتبغي هالشي موفقه ياقلبي |
رد: ساعدوني لأني بدأت أفكر بالطلاق
حبيبتي إنتي، غلطآآآآآآنه
يعني شو أهلك وشو أهله والله أنا أحب أرضي زوجي بكل الطرق لأني كلما رضيته زاد حبه لي والزوج مافي شي يرضيه ويفرحه قد ماأنك تسمعي كلمته وترضي أهله خليكي من هذي الأمور وإكسبي زوووووووجك أحسن وبعدين أنا بظن أنو أهلك رح يفرحو لما يشوفوكم مبسوطين ومتفاهمين وهذا أهم شيء والمكان مومهم *الله يوفقكم ويسعدكم طول العمر |
رد: ساعدوني لأني بدأت أفكر بالطلاق
يووووووه يا اختي .. كل الهم بقلبك عشان هالسالفه
بسيطه مررررره بس انت مكبرتها .. بعدين اهل الزوج مثل اهلك .. روحي كم يوم بعدين روحي لاهلك .. واتوقع امك اذا قلتي لها السالفه راح تقدر الوضع لا يوسوس لك الشيطان .. ترى الطلاق كلمة كبيره .. الله يوفقك |
| الساعة الآن 07:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .